Actress Sri Rapaka Comments On Prabhas Marriage: ప్రభాస్‌ పెళ్లి అంశం ప్రస్తుతం టాలీవుడ్‌తో పాటు బాలీవుడ్‌లోనూ హాట్‌ టాపిక్‌ మారింది. ఈ డార్లింగ్‌ పెళ్లి ఎప్పుడెప్పుడాని ప్రభాస్‌ ఫ్యాన్స్‌ ఆసక్తిగా ఎదురు చూస్తున్నారు. ఇక ఆయనకు ఉన్న  లేడీ ఫ్యాన్‌ ఫాలోయింగ్‌ గురించి ప్రత్యేకంగా చెప్పనక్కర్లేదు. ప్రభాస్‌ ఒప్పుకుంటే పెళ్లికి రెడీ అంటూ ఎంతో మంది ఇప్పటికే చెప్పుకొచ్చారు. కానీ ఈ బిగ్‌బాస్‌ బ్యూటీ మాత్రం ప్రభాస్‌ పెళ్లి చేసుకునేంత వరకు తాను కూడా చేసుకోనంటూ ఆసక్తికర వ్యాఖ్యలు చేసింది. ఆమె ఎవరో కాదు ఆర్జీవీ ‘నగ్నం’ మూవీతో హీరోయిన్‌గా మారి తెలుగు బిగ్‌బాస్‌ ఓటీటీలో మెరిసిన బోల్డ్‌ బ్యూటీ శ్రీరాపాక.   చదవండి: హైదరాబాద్‌ పబ్‌ డ్రగ్స్‌ కేసుపై ఆర్జీవీ సంచలన వ్యాఖ్యలు రీసెంట్‌గా బిగ్‌బాస్‌ ఓటీటీలో సందడి చేసిన ఈ  భామ రెండోవారమే ఎలిమినేట్‌ అయ్యి బయటకు వచ్చేసింది. అప్పటి నుంచి వరస ఇంటర్య్వూలతో ఫుల్‌ బిజీగా మారింది. ఈ క్రమంలో ఇటీవల ఓ యూట్యూబ్‌ చానల్‌కు ఇచ్చిన ఇంటర్య్వూలో ప్రభాస్‌ పెళ్లిపై స్పందించింది. నాని అష్టా చమ్మ సినిమాలో ఆ హీరోయిన్‌ మహేశ్‌ మహేశ్‌ అంటూ కలవరించినట్టుగా శ్రీరాపాక ప్రభాస్‌ ప్రభాస్‌ అంటూ కలవరిస్తోంది. ప్రతి ఇంటర్య్వూలో ప్రభాస్‌ జపమే చేస్తోంది. అంతగా ప్రభాస్‌ను అభిమానిస్తున్న ఆమె ఆయన్ను కలిసే చాన్స్‌ మిస్‌ చేసుకున్నానంటూ వాపోయింది. చదవండి: రామ్‌ గోపాల్‌ వర్మకు చేదు అనుభవం, స్పందించిన ఆర్జీవీ ప్రభాస్‌ నటించిన ఈశ్వర్‌ మూవీ బాగా ఇష్టమని, అప్పటి నుంచి ప్రభాస్‌ అంటే క్రష్‌ అని చెప్పింది. మరి ఆయనను పెళ్లి చేసుకుంటారని అడగ్గా.. అంతకంటే అదృష్టమా అని సమాధానం ఇచ్చింది. అనంతరం ప్రుభాస్‌ను పెళ్లి చేసుకుని ఒక్కరోజు జీవించిన చాలు అంటూ షాకింగ్‌ కామెంట్స్‌ చేసింది. అయితే ఎలాగు అది జరగదు కాబట్టి ప్రభాస్‌ పెళ్లి చేసుకునేంత వరకు వెయిట్‌ చేస్తానని, ఆయన పెళ్లి తర్వాతే తను పెళ్లి పీటలు ఎక్కుతానంది. ఒకవేళ ఆయన పెళ్లి చేసుకోకపోతే తాను కూడా ఎప్పటికీ మ్యారేజ్‌ చేసుకోనని పేర్కొంది. కాగా శ్రీరాపాక హీరోయిన్‌ కంటే ముందు పలు సినిమాలకు కాస్ట్యూమ్‌ డిజైనర్‌గా వర్క్‌ చేసింది. 

Shree Rapaka Revealed About Her Break Up: బిగ్‌బాస్‌ నాన్‌స్టాప్‌ రోజురోజుకు రసవత్తరంగా సాగుతోంది. 24గంటల ఎంటర్‌టైన్‌మెంట్‌తో కంటెస్టెంట్లు కావాల్సినంత ఎంటర్‌టైన్‌మెంట్‌ అందిస్తున్నారు. ఇటీవలె బిగ్‌బాస్‌ ఓటీటీలో  రెండోవారం ఎలిమినేట్‌ అయి బయటికొచ్చిన శ్రీ రాపాక తాజాగా తన ప్రేమ విషయాన్ని బయటపెట్టింది. ఓ ఇంటర్వ్యూలో మాట్లాడిన ఆమె గతంలో ఓ మ్యూజిక్‌ డైరెక్టర్‌తో ప్రేమలో ఉన్నట్లు చెప్పుకొచ్చింది. 'బిగ్‌బాస్‌లో నా లవ్‌స్టోరీ గురించి చెప్పాను. దాన్ని లవ్‌ ఫెయిల్యూర్‌ అని అనను. ఎందుకంటే, ఇద్దరం ఒకే ఫీల్డ్‌లో ఉండే సెట్‌ అవుతుందనుకున్నా కానీ అదే దెబ్బ కొట్టింది. మేం పెద్దగా గొడవ పడింది లేదు. విడిపోవాలని అనుకోలేదు. కానీ తెలియకుండానే మా మధ్య గ్యాప్‌ వచ్చింది. ఇప్పటికీ అదే కంటిన్యూ అవుతుంది. దాదాపు రెండేళ్లు అవుతుంది. తను కాల్‌ చేయడు, నేనూ చేయను. అతను ఇంకా పెళ్లి చేసుకోలేదు. ఇప్పటికీ 4 సినిమాలకు మ్యూజిక్‌ డైరెక్టర్‌గా పనిచేశాడు. అతని తర్వాత నేను కూడా ఎవరిని లవ్‌ చేయలేదు. ఇక పెళ్లి విషయానికి వస్తే.. నన్ను కమాండ్‌ చేసే అబ్బాయే నాకు భర్తగా కావాలి. అలాంటి వాడినే పెళ్లి చేసుకుంటా. కమాండ్ చేసే మగాడు ఉంటేనే లైఫ్ కొత్తగా అనిపిస్తుంది.. ఆ కొత్తలో లైఫ్ బోర్ కొట్టదు. నేను ప్రేమను ఇస్తా.. ఆ ప్రేమను తిరిగి ఇస్తే చాలు' అంటూ తన మనసులో మాటను బయటపెట్టేసింది.   

బుల్లితెర ప్రేక్షకులు ఎంతో ఇష్టపడే షోలలో బిగ్‌బాస్‌ రియాలిటీ షోది అగ్రస్థానం. ఎన్నో భాషల్లో విజయవంతంగా ప్రసారమవుతున్న బిగ్‌బాస్‌ తెలుగులో ఇప్పటివరకు ఐదు సీన్లు పూర్తి చేసుకుంది. ఈసారి ఆరో సీజన్‌ కంటే ముందు బిగ్‌బాస్‌ ఓటీటీని ప్రయోగాత్మకంగా ప్రవేశపెట్టారు మేకర్స్‌. టీవీలో కాకుండా కేవలం హాట్‌స్టార్‌లో బిగ్‌బాస్‌ నాన్‌స్టాప్‌ ప్రసారం చేస్తున్నారు. 17 మందితో మొదలైన ఈ షో ఇప్పటికే ఒకరు ఎలిమినేట్‌ అవగా నిన్నటి సండే ఎపిసోడ్‌లో మరొకరు హౌస్‌ను వీడారు. సండే ఫండే చేయడానికి వచ్చిన నాగార్జున ఎప్పటిలాగే కంటెస్టెంట్ల తప్పొప్పులను ప్రస్తావిస్తూ వారికి చీవాట్లు పెట్టాడు. డబుల్‌ మీనింగ్‌ డైలాగులు మాట్లాడిన యాంకర్‌ శివను షో నుంచి పంపించేసినంత పని చేశాడు. అన్నం మీద అలక చూపించిన చైతూ, బిందుమాధవిలను కూడా హెచ్చరించాడు. ఇలా హౌస్‌మేట్స్‌ ఒక్కొక్కరి మీద విరుచుకుపడ్డ నాగ్‌ తర్వాత వారితో గేమ్స్‌ ఆడించాడు. అనంతరం శ్రీరాపాక ఎలిమినేట్‌ అయినట్లు ప్రకటించాడు. ఇప్పుడిప్పుడే ఆటలో పుంజుకుంటున్న శ్రీరాపాక అప్పుడే ఎలిమినేట్‌ అవడంతో భారంగా హౌస్‌ నుంచి వీడ్కోలు తీసుకుంది.

Bigg Boss NonStop Second Week Nominations: ప్రేక్షకులు ఎంతగానో ఆదరిస్తున్న రియాలిటీ షోలలో బిగ్‌బాస్‌ ఒకటి. ప్రస్తుతం ఓటీటీ వేదికగా వస్తున్న బిగ్‌బాస్‌ నాన్‌స్టాప్‌ రసవత్తరంగా మారింది. బంధాలు, అనుబంధాలను పక్కన పెడితే కయ్యాలు, కొట్లాటలతో వేడెక్కుతోంది. కంటెస్టెంట్లను వారియర్స్‌, చాలెంజర్స్‌గా విడగొట్టినప్పటినుంచి బద్ధ శత్రువుల్లా ఒకరిపైఒకరు విరుచుకుపడుతున్నారు. బిగ్‌బాస్‌ హౌజ్‌ రూల్స్‌ పాటజ్‌ట్లేదంటూ ఒకరి బృందం మీద ఒకరు ఫిర్యాదు చేసుకున్నారు. ఇదిలా ఉంటే గతవారం ఎలిమినేషన్‌లో ముమైత్‌ ఖాన్ బయటకు వెళ్లిపోయింది. ఈ వారం మొత్తం 11 మంది నామినేషన్‌ లిస్ట్‌లో ఉన్నారు. దీంతో రెండో వారం నామినేషన్లపై ఆసక్తి నెలకొంది.  చదవండి: సరయుపై శ్రీరాపాక దాడి! షాకైన హౌస్‌మేట్స్‌ బిగ్‌బాస్‌ నాన్‌స్టాప్‌ షో రెండో వారం నామినేషన్లలో మొత్తం ఏడుగురు సీనియర్లు, నలుగురు జూనియర్లు ఉన్నారు. వారిలో కేవలం ముగ్గురు మాత్రమే డేంజర్‌ జోన్‌లో ఉన్నట్లు కనిపిస్తోంది. ఆ ముగ్గురు శ్రీరాపాక, అనిల్ రాధోడ్‌, మిత్ర శర్మ. అయితే నటరాజ్ మాస్టర్‌, మహేష్‌ విట్టా కూడా డేంజర్‌ జోన్‌లో ఉండగా.. స్మగ్లర్ల టాస్క్‌లో వీరిద్దరూ బాగా రాణించడంతో ఓటింగ్‌ శాతం కొంచెం పెరిగిపోయింది. దీంతో ఈ ఇద్దరూ ఈసారికి బయటపడ్డారనే చెప్పుకోవచ్చు. టాప్ ప్లేస్‌లో ఉన్న అఖిల్‌ సార్ధక్‌కు అరియానా గట్టి పోటీ ఇస్తుంది. సోషల్‌ మీడియాలో మంచి క్రేజ్ ఉండటంతో యాంకర్ శివకు ఓటింగ్‌ శాతం బాగానే వస్తోంది. అంతేకాకుండా బిందు మాధవితో స్నేహం కారణంగా ఆమె ఫ్యాన్స్‌, అలాగే షణ్ముక్‌ జశ్వంత్ ఫాలోవర్స్‌ కూడా శివకే ఓటేస్తున్నారని సమాచారం. దీంతో శివ సేఫ్‌ అయినట్లే. ఇక ఓటీంగ్ శాతాన్ని బట్టి చూస్తే డేంజర్‌ జోన్‌లో ఉన్న శ్రీరాపాక ఎలిమినేట్‌ అయ్యే అవకాశం ఉన్నట్లు తెలుస్తోంది. చదవండి: 'తగ్గేదే లే' టాస్క్‌లో రచ్చ, కొట్టుకునేదాకా వెళ్లిన కంటెస్టెంట్లు!

బిగ్‌బాస్‌ నాన్‌స్టాప్‌ షో కెప్టెన్సీ కంటెండర్స్‌ టాస్క్‌తో రసవత్తరంగా మారింది. అటు వారియర్స్‌, ఇటు చాలెంజర్స్‌.. తగ్గేదే లే అన్న రేంజ్‌లో ఆడుతున్నారు. గాయాలవుతున్నా సరే వాటిని పట్టించుకోకుండా ప్రత్యర్థుల మీదకు దూకుతున్నారు. కెప్టెన్సీ కంటెండర్స్‌ టాస్క్‌ మొదటి లెవల్‌లో వారియర్స్‌ స్మగ్లర్లుగా, చాలెంజర్స్‌ పోలీసుల్లా మారగా రెండో లెవల్‌లో వారి పాత్రలు తారుమారయ్యాయి. దీంతో వారియర్స్‌కు చుక్కలు చూపించడానికి సిద్ధమయ్యారు చాలెంజర్స్‌. ఈసారి ఎలాగైనా గేమ్‌ గెలవాలనుకున్న వీళ్లు తమకు తోచిన ప్లాన్లన్నీ అమల్లో పెట్టినట్లు కనిపిస్తోంది. మరోపక్క ఇదే గేమ్‌లో గాయపడ్డ రాపాక అందుకు ప్రతీకారం తీర్చుకోవాలనుకుంది. తన దగ్గరున్న బొమ్మలను సరయుపైకి విసిరేయడంతో ఆమె తలకు చేతులు పట్టుకుని కూలబడిపోయింది. అక్కడే ఉన్న అఖిల్‌ ఏం చేస్తున్నావో తెలుస్తుందా? అని ఆమె మీదకు ఫైర్‌ అయ్యాడు. ఇక స్రవంతి స్విమ్మింగ్‌ పూల్‌లో దూకడంతో అందరూ వెళ్లి ఆమెను బయటకు తీసుకొచ్చి కూర్చోబెట్టారు. హెల్త్‌ బాగోలేనప్పుడు దూకడం ఎందుకు? అన్న సరయు మీద అరిచినంత పని చేసింది స్రవంతి. నా ఆరోగ్యపరిస్థితి గురించి తెలియకుండా మాట్లాడకు అంటూ సరయు మీద ఓ రేంజ్‌లో ఫైర్‌ అయింది. మొత్తానికి సరయు మీద హౌస్‌లో నెగెటివిటీ విపరీతంగా పెరిగిపోతోంది. ఈ వ్యతిరేకతకు చెక్‌ పెట్టే ప్రయత్నం చేయకపోతే అది ఆమె ఎలిమినేషన్‌కు కూడా దారి తీయవచ్చు.

బిగ్‌బాస్‌ హౌస్‌ ఈసారి మరింత కలర్‌ఫుల్‌గా ఉంది. హౌస్‌లో 17 మంది కంటెస్టెంట్లు అడుగుపెడితే అందులో పది మంది అమ్మాయిలే కావడం గమనార్హం. ఒకే ఒరలో రెండు కత్తులు ఇమడవచ్చేమోకానీ, ఒకే ఇంట్లో రెండు కొప్పులు ఇమడవు అని ఓ సామెత ఉంది. అలాంటిది బిగ్‌బాస్‌ హౌస్‌లో 10 మంది అమ్మాయిలు ఒకేచోట ఉన్నారు. మరి కలిసుంటారా? కొట్లాటలతో హౌస్‌ను హీటెక్కిస్తారా? అన్నది ఆసక్తికరంగా మారింది. ఇదిలా ఉంటే సంచలన దర్శకుడు రామ్‌ గోపాల్‌ వర్మ బిగ్‌బాస్‌లోని ఓ కంటెస్టెంట్‌కు మద్దతు ప్రకటించాడు. నగ్నం హీరోయిన్‌ శ్రీరాపాకకు ఆల్‌ద బెస్ట్‌ చెప్తూ వీడియో రిలీజ్‌ చేశాడు. దీంతో అవాక్కైన నెటిజన్లు అరియానా, అషూ రెడ్డి పరిస్థితేంటి? అని ప్రశ్నిస్తున్నారు. అప్పుడు అరియానాకు మద్దతిచ్చారు, ఆమె టాప్‌ 5లో చోటు దక్కించుకుంది. ఇప్పుడు రాపాకకు సపోర్ట్‌ అంటున్నారంటే, ఈమె కూడా ఫినాలే వరకు ఉంటుందోమో చూడాలి అని కామెంట్లు చేస్తున్నారు. కాగా ఆర్జీవీ ఇంటర్వ్యూతో ఒక్కసారిగా ఫేమస్‌ అయింది అరియానా. బిగ్‌బాస్‌ తెలుగు నాలుగో సీజన్‌లో పాల్గొన్నప్పుడు ఈ బోల్డ్‌ బ్యూటీకి మద్దతు పలికాడు వర్మ. అటు అషూతోనూ ఇంటర్వ్యూలు చేస్తూ రచ్చరచ్చ చేశాడు. దీంతో ఈసారి ఆర్జీవీ సపోర్ట్‌ ఈ ఇద్దరికీ తప్పకుండా ఉంటుందని ఫ్యాన్స్‌ ఊహించారు. కానీ ఆ ఊహలను పటాపంచలు చేస్తూ తను డైరెక్ట్‌ చేసిన నగ్నం సినిమా హీరోయిన్‌ శ్రీరాపాకకు ఫుల్‌ సపోర్ట్‌ ఇస్తున్నాడీ దర్శకుడు. మరి ఆమె బిగ్‌బాస్‌ ఓటీటీలో ఎలా రాణిస్తుందో చూడాలి! Wishing all the best to Sweety aka ⁦@ShreeRapaka⁩ for her entry into BIG BOSS 👍💪💐💐💐 pic.twitter.com/AqBMzBZEXQ — Ram Gopal Varma (@RGVzoomin) February 27, 2022

బుల్లితెర రియాలిటీ షో బిగ్‌బాస్‌ అంటే ఇష్టపడేవాళ్లు ఎంతోమంది. దేశంలోని పలు భాషల్లో ప్రసారమవుతున్న ఈ షో తెలుగులో విజయవంతంగా ఐదు సీజన్లు పూర్తి చేసుకుంది. తాజాగా ఈ షో ఓటీటీ ట్రాక్‌ ఎక్కింది. బిగ్‌బాస్‌ నాన్‌స్టాప్‌గా హాట్‌స్టార్‌లో ప్రసారమవుతోంది. మాజీ కంటెస్టెంట్లు వారియర్స్‌గా, కొత్త కంటెస్టెంట్లు చాలెంజర్స్‌గా ఎంట్రీ ఇచ్చారు. అయితే బిగ్‌బాస్‌ ఇంట్లో అందరూ సమానమే అంటూ ప్రోమో వదిలింది హాట్‌స్టార్‌. ప్రతిరోజు చాలెంజర్స్‌ నుంచి అనుమతి పొందిన ఒక వారియర్‌కు మాత్రమే బెడ్‌రూమ్‌లో నిద్రపోయే అవకాశం లభిస్తుందని మెలిక పెట్టారు. చాలెంజర్స్‌ భోజనం చేసిన తర్వాతే వారియర్స్‌ ఒకేచోట కలిసి ఒకేసారి తినాలని నిబంధన పెట్టారు. వారియర్స్‌ సభ్యులు ఎవరే పని చేయాలో నిర్ణయించేందుకు చాలెంజర్స్‌ ఆధ్వర్యంలో జాబ్‌ మేళా జరిగింది. ఈ క్రమంలో శ్రీరాపాకకు, అరియానాకు మధ్య మాటల యుద్ధం జరిగింది. ఇంటర్వ్యూలో ఓవరాక్టింగ్‌ వద్దని శ్రీరాపాక అనడంతో భగ్గున లేచింది అరియానా. స్టేట్‌మెంట్స్‌ ఇవ్వద్దు, నా స్టైల్‌ ఇలానే ఉంటుంది అని కౌంటరిచ్చింది బోల్డ్‌ బ్యూటీ. ఇక హౌస్‌లో నామినేషన్ల పర్వం కూడా మొదలైంది. మరి ఎవరెవరు ఎవరెవర్ని నామినేట్‌ చేశారో తెలియాలంటే హాట్‌స్టార్‌లో నాన్‌స్టాప్‌ స్ట్రీమింగ్‌ చూసేయండి. "Prathi roju challengers nunchi anumathi pondhina okka Warrior ki maatrame Bedroom lo nidhara poye avakasam labhistundi!" 😱😱😱 How will the Warriors react?!#Biggboss #BiggBossTelugu #BiggBossNonStop @DisneyPlusHS @EndemolShineIND pic.twitter.com/QkGGqDD1WX — DisneyPlus Hotstar Telugu (@DisneyPlusHSTel) February 27, 2022

హీరోయిన్‌ శ్రీరాపాక పుట్టింది తూర్పుగోదావరిలో, పెరిగింది హైదరాబాద్‌లో. ఫ్యాషన్‌ డిజైనర్‌గా ప్రయాణం మొదలుపెట్టిన ఆమె ప్రస్తుతం నటిగా రాణిస్తోంది. కబడ్డీ, కోకో ఆటల్లో జాతీయస్థాయిలో ఆటలు ఆడింది. అయితే ఓ సారి మాత్రం ఆంధ్రా నుంచి వచ్చానని ఆట ఆడనివ్వలేదని, దీంతో ఆ క్షణమే స్పోర్ట్స్‌ వదిలేశానని చెప్పుకొచ్చింది. వెస్ట్రన్‌లో ఉన్న మాస్‌, ట్రెడిషనల్‌లో ఉన్న క్లాస్‌.. రెండూ కలిపి దుమ్ము దులిపేస్తానంటూ రేసుగుర్రం ట్యాగ్‌తో బిగ్‌బాస్‌ హౌస్‌లోకి అడుగు పెట్టింది శ్రీరాపాక. తనకు ఎమోషన్స్‌ ఎక్కువంటున్న ఆమె వాటిని నియంత్రించుకోగలుగుతుందా? లేదా? అనేది చూడాలి!