సౌత్‌ ఇండియాలో సంచలన నటుడుగా ముద్ర వేసుకున్న శింబు.. కొత్త చిత్రాల విషయంలో వేగం పెంచాలని ఆయన అభిమానులు కోరుకుంటున్నారు. ఆయన నటించిన వెందు తనిందదు కాడు (లైఫ్‌ ఆఫ్‌ ముత్తు) చిత్రం విడుదలై చాలా కాలం అయ్యింది. తదుపరి కరోనా కుమార్‌ అనే చిత్రంలో నటిస్తారని ప్రచారం జరిగింది. అయితే ఆ చిత్రం ప్రారంభానికి ముందే వివాదాల్లో చిక్కుకుంది. ప్రస్తుతం శింబు రాజ్‌కుమార్‌ ఫిలిం ఇంటర్నేషనల్‌ పతాకంపై కమలహాసన్‌ నిర్మించనున్న చిత్రం కోసం మేకోవర్‌ అవుతున్నారు. నటుడు రజనీకాంత్‌ నటించాల్సిన కథలో శింబు నటించడానికి సిద్ధం అవుతున్నట్లు సమాచారం. ఇకపోతే శింబు ఇంతకు ముందు వెంకట్‌ ప్రభు దర్శకత్వంలో నటించిన మానాడు చిత్రం సంచలన విజయాన్ని సాధించిన విషయం తెలిసిందే. కాగా దానికి సీక్వెల్‌ ను తెరకెక్కించడానికి దర్శకుడు వెంకట్‌ ప్రభు సిద్ధం అవుతున్నారు. ఈ విషయాన్ని ఇటీవల ఒక భేటీలో ఆయనే తెలిపారు. ప్రస్తుతం ఆయన నటుడు విజయ్‌ కథానాయకుడుగా నటిస్తున్న 68వ చిత్రాన్ని తెరకెక్కిస్తున్న విషయం తెలిసిందే. నటి మీనాక్షి చౌదరి నాయకిగా నటిస్తున్న ఈ చిత్రం షూటింగ్‌ దశలో ఉంది. దీంతో ఈ చిత్రం పూర్తి అయిన తరువాత మానాడా–2 ఉంటుందని సమాచారం. దీనికి సంబంధించిన అధికారిక ప్రకటన త్వరలో వెలువడే అవకాశం ఉంది.

కోలీవుడ్‌ ప్రముఖ కథానాయకుల్లో శింబు ఒకరిని ప్రత్యేకంగా చెప్పాల్సిన అవసరం ఉండదు. ఈయనకు సంచలన నటుడు అనే ముద్ర కూడా ఉంది. శింబు జయాపజయాలకు అతీతుడనే చెప్పాలి. ఇటీవల ఆయన నటించిన మానాడు, వెందు తనిందదు కాడు చిత్రాలు విజయాన్ని సాధించాయి. ఆ తరువాత నటించిన పత్తుతల నిరాశ పరచింది. తాజాగా తన 48వ చిత్రాన్ని కమలహాసన్‌ సొంత సంస్థ రాజ్‌కమల్‌ ఫిలిం ఇంటర్నేషనల్‌లో నటించనున్నారు. (ఇదీ చదవండి: Salaar Release Date: ప్రభాస్‌ సలార్‌ విడుదలపై అఫిషీయల్‌ ప్రకటన వచ్చేసింది) దీనికి కన్నుమ్‌ కన్నుమ్‌ కొల్లైయడిత్తాల్‌ చిత్రం ఫేమ్‌ డేసింగు పెరియసామి దర్శకత్వం వహించనున్నారు. ఈ చిత్రం కోసం శింబు మార్షల్‌ ఆర్ట్స్‌లో శిక్షణ తీసుకున్నట్లు సమాచారం. కాగా 40 ఏళ్ల నటుడు శింబు మోస్ట్‌ ఎలిజిబుల్‌ బ్యాచిలర్‌ అనే విషయం తెలిసిందే. తన పెళ్లి గురించి మీడియా ఎప్పుడు అడిగినా బదులు దాటేస్తూ వస్తున్నారు. ఆయన తండ్రి, దర్శకుడు, నటుడు టి.రాజేంద్రన్‌ సమయం వచ్చినప్పుడు తన కొడుకు పెళ్లి అవుతుందని చెబుతున్నారు. తాజాగా మరోసారి శింబు పెళ్లి గురించి ప్రచారం సామాజిక మాధ్యమాల్లో వైరల్‌ అవుతోంది. శింబుకు కల్యాణ గడియలు ఆసన్నమయ్యాయని, ఒక సినీ ఫైనాన్సియర్‌ కూతురుతో శింబు ఏడడుగులు వేయడానికి సిద్ధం అవుతున్నట్లు టాక్‌. అయితే దీని గురించి శింబు తరఫు నుంచి ఎలాంటి స్పందన లేదన్నది గమనార్హం.

రజనీకాంత్‌ కథానాయకుడిగా జైలర్‌ చిత్రం గురువారం ప్రపంచ వ్యాప్తంగా విడుదలై వసూళ్ల వర్షం కురుస్తోంది. దీంతో ఈ చిత్ర దర్శకుడు నెల్సన్‌కు అభినందనలు వెల్లువెత్తుతున్నాయి. నయనతార ప్రధాన పాత్ర పోషించిన కోలమావు కోకిల చిత్రంతో దర్శకుడిగా ఈయన పేరు వెలుగులోకి వచ్చింది. ఆ తర్వాత శివకార్తికేయన్‌ హీరోగా డాక్టర్‌ చిత్రాన్ని తెరకెక్కించారు. ఆ చిత్రం అనూహ్య విజయంతో రూ.100 కోట్ల క్లబ్‌లో చేరింది. దాని తర్వాత విజయ్‌ కథానాయకుడిగా బీస్ట్‌ చిత్రానికి దర్శకత్వం వహించారు. మిశ్రమ స్పందన తెచ్చుకున్న ఈ చిత్రం కూడా రూ.200 కోట్లు వసూలు చేసింది. అసలు విషయం ఏమిటంటే ఈయన వీటన్నిటికంటే ముందుగా శింబు కథానాయకుడిగా వేట్టై మన్నన్‌ అని చిత్రం ద్వారా దర్శకుడిగా పరిచయమయ్యారు. నటి హన్సిక నాయకిగా నటించిన ఈ చిత్రం కొంత భాగం షూటింగులు జరుపుకొని ఆ తర్వాత అనివార్య కారణాలతో ఆగిపోయింది. కాగా జైలర్‌ చిత్ర విజయం ఇచ్చిన ఉత్సాహంతో దర్శకుడు నెల్సన్‌ తన తొలి చిత్రం వేట్టై మన్నన్‌ను పూర్తి చేయాలని భావిస్తున్నట్లు సమాచారం. ఈ విషయమై నటుడు శింబు దర్శకుడు నెల్సన్‌తో సంప్రదించినట్లు తెలిసింది. ఇదే కనుక నిజమైతే ఈ చిత్రం కథానాయకి హన్సిక సంగతి ఏమిటన్నది ప్రశ్నార్థకంగా మారింది. (ఇదీ చదవండి: ' చావును దగ్గరి నుంచి చూశా'.. విశాల్ కామెంట్స్ వైరల్!) శింబు హన్సికల ప్రేమ వ్యవహారం తెలిసిందే. పెళ్లి చేసుకునే వరకు వెళ్లిన వీరి ప్రేమ చివరిలో ఆగిపోయింది. ఆ తర్వాత హన్సిక కథానాయకిగా ప్రధాన పాత్రలో నటించిన ఆమె 50వ చిత్రం మహాలో శింబు అతిథి పాత్రలో నటించారు. అదేవిధంగా వేట్టై మన్నన్‌ చిత్రాన్ని ఈ జంట కలిసి పూర్తి చేస్తారా అన్నదే ప్రశ్న. ఇదిలా ఉండగా దర్శకుడు నెల్సన్‌ తదుపరి ధనుష్‌ కథానాయకుడిగా చిత్రం చేయనున్నారనే ప్రచారం మరో పక్క జరుగుతోంది. దీంతో ఆయన తదుపరి చిత్రం ఏమిటన్నది క్లారిటీ రావాలంటే మరి కొద్ది రోజులు ఆగాల్సిందే.

సంచలనానికి మారుపేరు నటుడు శింబు. ఈయన ఎన్ని వివాదాల్లో చిక్కుకున్నా అభిమానులు మాత్రం తలకెక్కించుకుంటారు. ఇకపోతే శింబు ఇటీవల వరుస విజయాలతో మంచి జోరులో ఉన్నారు. మహానాడు, వెందు తనిందది కాడు చిత్రాలు మంచి విజయాన్ని సాధించాయి. తాజాగా పత్తు తల చిత్రంతో ప్రేక్షకుల ముందుకు రావడానికి సిద్ధమవుతున్నారు. నటి ప్రియా భవాని శంకర్‌ కథానాయకి. గౌతమ్‌ కార్తీక్‌ ముఖ్య పాత్ర పోషించారు. స్టూడియో గ్రీన్, పెన్‌ స్టూడియో సంస్థలు నిర్మిస్తున్న చిత్రానికి ఏఆర్‌ రెహమాన్‌ సంగీతాన్ని అందిస్తున్నారు. ఎన్‌.కృష్ణ దర్శకత్వం వహిస్తున్నారు. మార్చిలో విడుదలకు సిద్ధమవుతున్నట్లు సమాచారం. ఈ చిత్రంపై భారీ అంచనాలే నెలకొన్నాయి. కాగా తాజాగా శింబు 40వ పుట్టినరోజు సందర్భంగా పలువురు సినీ ప్రముఖుల నుంచి ఆయనకు శుభాకాంక్షలు వెల్లువెత్తాయి. అభిమానుల్లో పండగ వాతావరణమే నెలకొంది. శింబు ఫొటోలతో ఎస్టేక్‌ పోస్టర్‌ను విడుదల చేశారు. ఈ సందర్భంగా పొత్తుల చిత్రంలోని నమ్మి సత్తం అనే లిరికల్‌ వీడియోను ఏఆర్‌ రెహా్మన్‌ ఆన్‌లైన్‌ ద్వారా విడుదల చేశారు. ఇది సామాజిక మాధ్యమాల్లో వైరల్‌ అవుతూ అభిమానులను ఖుషీ చేస్తోంది.

సాక్షి, హైదరాబాద్‌: కోలీవుడ్ సూపర్ స్టార్ శింబు నటిస్తున్న  ‘మానాడు’ మూవీ  టీజర్‌ను  విడుదలైంది. టాలీవుడ్‌  మాస్‌ మహారాజా రవితేజ ‘మానాడు’ టీజర్‌ను  బుధవారం రిలీజ్‌ చేశారు. శింబు పుట్టినరోజు సందర్బంగా  రిలీజ్ చేసిన ఈ టీజర్ ఫ్యాన్స్‌కు తెగ నచ్చేసింది. దీంతో ఇది ట్రెండింగ్‌లో నిలిచింది. ఈ సందర్భంగా రవితేజ​ శింబుకు పుట్టినరోజు శుభాకాంక్షలు అందజేశారు. అలాగే టీమ్‌కు కూడా అభినందనలు తెలిపారు. రూ. 125 కోట్ల భారీ బడ్జెట్‌తో తెలుగు, తమిళం, కన్నడ, మలయాళం, హిందీ భాషల్లో తెరకెక్కుతున్న  సంగతి తెలిసిందే. ‘రివైండ్‌’ పేరుతో  పొలిటికల్ థ్రిల్లర్‌గా రూపొందుతున్న ఈ చిత్రంలో  శింబు ముస్లింగా కనిపించనున్నారు. వెంకట్ ప్రభు దర్శకత్వంలో రూపొందుతోన్న ఈ చిత్రంలో కళ్యాణి ప్రియదర్శన్ హీరోయిన్‌గా నటిస్తున్నారు.  టైమ్ ఎవరి గురించి వెయిట్ చేయదు.. ఒకవేళ వెయిట్ చేస్తే ఏం జరుగుతుంది? అనే కాన్సెప్ట్‌తో తెరకెక్కిన ఈ మూవీలో ప్రముఖ దర్శకులు భారతీరాజా, ఎస్.ఏ.చంద్రశేఖర్, ఎస్.జె.సూర్య, కరుణాకరన్ ఈ మూవీలో నటిస్తుండడం మరో విశేషం. వి హౌస్ ప్రొడక్షన్స్ పతాకంపై ప్రముఖ నిర్మాత సురేష్ కామాచి నిర్మిస్తున్న ఈ మూవీకి యువన్‌ శంకర్‌ రాజా  సంగీతం మరో హైలైట్‌గా నిలవనుంది. Happy Birthday @SilambarasanTR_ !! 🤗🤗 Super happy to launch the #Rewindteaser. Looks gripping! Good luck to the entire team! @vp_offl @sureshkamatchi @thisisysrhttps://t.co/WFiTDwoJiS — Ravi Teja (@RaviTeja_offl) February 3, 2021


 తమిళసినిమా: తమిళనాడునే ఊపేస్తున్న శింబు బీప్ పాటను యూ ట్యూబ్ నుంచి తొలగించడానికి ఆ సంస్థ నిర్వాహకులు నిరాకరించడంతో సమస్య మరింత జఠిలంగా మారింది. బీప్ సాంగ్ గత 11వ తేదీ నుంచి వాట్సాప్,ఫేస్‌బుక్, ఇంటర్నెట్,యూట్యూబ్ అంటూ హల్‌చల్ చేస్తోంది. ఇప్పటికే 10 లక్షల మంది ఈ పాటను లైక్ చేశారు.
 
  దీంతో శింబు బీప్ పాటకు సంబంధించిన వివాదానికి త్వరగా పుల్‌స్టాప్ పెట్టాలని భావించిన నగర నేరపరిశోధన శాఖ అధికారులు ఆ సాంగ్‌ను యూట్యూబ్ నుంచి తొలగించే చర్యలు చేపట్టాల్సిందిగా పోలీసులకు ఆదేశాలు జారీ చేశారు.  దీంతో పోలీసులు ఆగమేఘాలపై యూట్యూబ్ అధికారులను కలిసి శింబు సాంగ్‌ను నిలిపివేయాల్సిందిగా కోరారు.అయితే ఆ సాంగ్ అర్థం ఏమిటో ఆంగ్లంలో తర్జుమా చేసి తమకు వివరించాల్సిందిగా యూట్యూబ్ నిర్వాహకులు పోలీసులకు చెప్పారు.
 
  దీంతో అతి కష్టం మీద అరకొర అర్థాలతో బీప్ సాంగ్‌ను పోలీసులు ఆంగ్లంలోకి అనువదించి చెప్పగా అందులో పెద్దగా తప్పు పట్టాల్సిన విషయం ఏమీ లేదని యూట్యూబ్ నిర్వాహకులు తేల్సి చెప్పడంతో పోలీసులు కంగు తిన్నారు. దీంతో అసలు ఇంతగా కలకలం సృష్టిస్తున్న ఆ పాట యూట్యూబ్‌లోకి ఎలా వచ్చింది? దీనికి కారకులెవరు?అన్న విషయాలపై పోలీసులు దృష్టి సారించినట్లు సమాచారం.


  నయనతారను చూస్తుంటే ఏ దేశమేగినా ఎందుకాలిడినా... పద్యం గుర్తుకు రాక తప్పదు. సంచలనాలకు కేంద్రబిందువు ఈ కేరళకుట్టి. ఈ బ్యూటీ వ్యక్తిగత విషయాలు, సినిమా విషయాలు చర్చనీయాంశంగాను, వివాద స్పదంగాను ఉంటాయి. నటుడు శింబు, ప్రభుదేవాలతో ప్రేమ, బ్రేక్ అప్ లాంటి వివాదస్పద అంశాలు కాగా,  నటిగా రీఎంట్రీ అయ్యి నెంబర్‌వన్ స్థానాన్ని నిలబెట్టుకోవడం చర్చనీయాంశంమేగా. ఇక అసలు విషయానికొస్తే ప్రస్తుతం నయనతార పారితోషికం పరిశ్రమ వర్గాల్లో హాట్ టాపిక్‌గా మారింది.
  
  ఈ ముద్దుగుమ్మ ఎంత పారితోషికం డిమాండ్ చేస్తున్నారో తెలిస్తే వామ్మో అనకుండా ఉండలేరు. ఒకటి కాదు, రెండు కాదు మూడు కోట్లు ఇస్తేనే ఓకే అంటున్నారట. విజయ్, సూర్య నుంచి విజయ్ సేతుపతి, ఆది వరకు ఆమెతో నటించేస్తున్నారిప్పుడు. ఎవరైతే నాకేంటి నేనడిగిన పారితోషికం ముట్టితే చాలన్న చందాన నయన నడుచుకుంటున్నట్లు కోలీవుడ్ టాక్. అయితే కోలీవుడ్‌లో ఇంత పారితోషికం డిమాండ్         చేస్తున్న ఈ అమ్మడు స్వభాషా చిత్రాల్లో భిన్నంగా ప్రవర్తిస్తున్నారట. చాలా కాలం తరువాత మలయాళంలో మమ్ముట్టి సరసన భాస్కర్ ది రాస్కేల్ అనే చిత్రంలో నటించి, తక్కువ పారితోషికం పుచ్చుకున్నారట. ఇదిప్పుడు తమిళంలో రీమేక్ అవుతోంది. తమిళంలోను నయనే నటిస్తారా అన్నది వేచి చూడాల్సిందే.
  


 ప్రేమ, ప్రియురాళ్లు శాశ్వతం కాదన్నదానికి నటుడు శింబు, నటీమణి నయనతారలే ఉదాహరణ. ఒకప్పుడు వీరిద్దరూ పీకల్లోతు ప్రేమలో కూరుకుపోయారు. ఆ తరువాత లవ్ బ్రేక్ అప్ అన్నారు. తాజాగా మళ్లీ కలిసి నటిస్తున్నారు. వీరు హీరో హీరోయిన్లుగా నటిస్తున్న చిత్రానికి ఇదు నమ్మ ఆళు అనే టైటిల్ నిర్ణయించారు. పాండిరాజ్ దర్శకత్వం వహిస్తున్న ఈ చిత్రంలో రెండవ హీరోయిన్ పాత్ర ఎవరు పోషించనున్నారన్న విషయమై రకరకాల ప్రచారం జరుగుతోంది. తొలుత ఈ చిత్రంలో శింబు మరో మాజీ ప్రియురాలు హన్సిక నటించే అవకాశం ఉన్నట్లు వార్తలు వెలువడ్డాయి.
 
 తాజాగా నటి తాప్సీ పేరు తెరపై కొచ్చింది. ఈ ప్రచారంపై తాప్సీ స్పందిస్తూ ఇదు నమ్మ ఆళు చిత్రంలో రెండ హీరోయిన్ ఆత్రను పోషించమని తనను చిత్ర యూనిట్ అడిగిన మాట వాస్తవమేనన్నారు. అయితే తానింకా ఓకే చెప్పలేదని అన్నారు. ఈ చిత్రంలో రెండో హీరోయిన్ పాత్రకు ప్రాముఖ్యత ఉంటుందన్నారు. అయితే తాను ఇప్పటికే అంగీకరించిన చిత్రాలతో బిజీగా ఉన్నానని అందువల్ల ఇదు నమ్మ ఆళు చిత్రంలో నటించేది, లేనిది కచ్చితంగా చెప్పలేనని తాప్సీ తెలిపారు. దర్శకుడు పాండిరాజ్ మాత్రం తమ చిత్రంలో తాప్సీని నటించమని అడిగినట్లు ప్రచారమవుతున్న వార్తల్లో నిజం లేదని స్పష్టం చేశారు.