యాంకర్‌ శివజ్యోతి గురించి ప్రత్యేకంగా పరిచయం చేయాల్సిన పనిలేదు. తెలంగాణ యాస, కట్టుతో సావిత్రక్కగా గుర్తింపు సంపాదించుకున్న శివజ్యోతి బిగ్‌బాస్‌ షోతో మరింత పాపులర్‌ అయ్యింది. బిగ్‌బాస్‌ సీజన్‌-3లో పాల్గొని టాప్‌ 6 కంటెస్టెంట్‌గా నిలిచిన సంగతి తెలిసిందే. షో తర్వాత వరుస అవకాశాలతో ఫుల్‌ బిజీగా మారిన శివజ్యోతి తన యూట్యూబ్‌ చానల్‌తో ప్రేక్షకులను అలరిస్తుంది. సోషల్‌ మీడియాలో యాక్టివ్‌గా ఉంటూ తనకు సంబంధించిన పలు విషయాలను షేర్‌ చేస్తుంటుంది. (ఇదీ చదవండి: బేబీ సినిమాకు వీళ్ల ముగ్గురి రెమ్యునరేషన్‌ ఇంత తక్కువనా..?) అయితే తాజాగా బోనాల పండుగ సందర్భంగా ఆమె ఓ వీడియోను యూట్యూబ్‌లో పోస్టు చేసింది. అందులో తన కోసం భర్త గంగూలీ కొన్న బంగారు నగలను చూపించింది. దీంతో  జ్యోతి భర్త గంగూలీపై నెటిజన్లు దారుణమైన కామెంట్స్‌ చేశారు. అక్క మీ భర్త ఏం జాబ్ చేస్తారని ఒకరు కామెంట్‌ చేయగా.. మరోకరు ఏ జాబ్‌ చేయాలో ఆలోచిస్తూ ఉంటాడని కామెంట్‌ చేశారు. అంతటితో ఆగని కొందరు ఇంతకూ మీరెప్పుడు పిల్లల్ని కంటారని కామెంట్స్‌ చేస్తున్నారు. మరికొందరు మాత్రం ఇలాంటి వారి మాటలను పట్టించుకోకూడదని శివజ్యోతికి సపోర్ట్‌గా నిలుస్తున్నారు. తెలంగాణలోని నిజామాబాద్ జిల్లా నాగంపేట  గ్రామానికి చెందిన జ్యోతి.. ప్రేమించి గంగూలీని పెళ్లి చేసుకుంది. వీరిద్దరి ప్రేమ పెళ్లి ఇరు కుటుంబాలకు నచ్చకపోవడంతో ఇంటి నుంచి బయటకు వచ్చేశామని ఓ షోలో శివ జ్యోతి చెప్పింది. తన జీవితం ప్రారంభంలో గంగూలీ జాబ్‌ చేసేవాడని కూడా చెప్పింది. కానీ ఒక న్యూస్‌ యాంకర్‌గా జర్నీ ప్రారంభించిన శివజ్యోతికి బిగ్‌బాస్‌ తర్వాత పలు టీవీ షోలలో నటించే అవకాశాలు వచ్చాయి. ఆపై వారు సొంతంగా ఒక యూట్యూబ్‌ ఛానల్‌ క్రియేట్‌ చేసుకుని వ్లాగ్స్‌ చేస్తూ బిజీగా ఉన్నారు.   తనకు ఇంతగా గుర్తింపు రావడానికి కారణం తన భర్తేనని, మొదట్లో ఈ కెరీర్‌ను ఎంచుకున్నప్పుడు భర్త గంగూలీ ప్రోత్సహం ఎక్కువ ఉందని గతంలో జ్యోతి చెప్పింది. బిగ్‌బాస్‌ షో తర్వాత వీరిద్దరి జంట బాగా పాపులర్‌ అయింది. తర్వాత ఇద్దరూ కలిసే పలు షోలు కూడా చేశారు. దీంతో అతను జాబ్‌ మానేయాల్సి వచ్చింది. ప్రస్తుతం జ్యోతితో పాటు అటూ టీవీ షోలు, తన సొంత యూట్యూబ్‌ ఛానల్‌ వీడియోలకు సంబంధించి ఎడిటింగ్‌ పనులను తనే చూసుకుంటున్నట్లు కూడా తెలిసిందే. తన ప్రెగ్నెన్సీ గురించి గతంలో  జ్యోతి ఇలా చెప్పింది  'మాకు పెళ్లయి చాలా సంవత్సరాలు అయ్యింది. మా పిల్లల కోసం మా ఫ్యామిలీ అంతా ఎంతో ఎదురుచూస్తుంది. నేను కూడా వెయిట్‌ చేస్తున్నా. ఇది ఎమోషనల్‌గా ఎంత బాధపెడుతుందో మీకు చెప్పలేను. ప్రెగ్నెన్సీ అన్నది నా జీవితంలో చాలా పెద్ద విషయం. నాపై పర్సనల్‌గా, ప్రొఫెషనల్‌గా తప్పుగా ప్రచారం చేయకండి. అది నాపై చాలా ఎఫెక్ట్‌ చూపిస్తుంది.' అని ఆమె  చెప్పింది.  బిగ్‌బాస్‌లో చిన్నచిన్న విషయాలకే ఎమోషనల్‌ అయ్యే శివజ్యోతికి తనకూ తల్లి కావాలనే ఎమోషన్‌ ఉండదా. అందులో వారి తప్పేముంది..? రామ్‌ చరణ్‌-ఉపాసన దంపతులకు 11 ఏళ్ల తర్వాత కానీ సంతానం కలగలేదా అంటూ తనకు సపోర్టుగా పలువురు సోషల్‌మీడియాలో కామెంట్లు చేస్తున్నారు.

బిగ్‌బాస్‌ చేపట్టిన నామినేషన్‌ ప్రక్రియ పెద్ద చిచ్చునే పెట్టింది. ఇక బిగ్‌బాస్‌ ఇచ్చిన టాస్క్‌.. హౌస్‌లో ఫుల్‌ ఫన్‌ క్రియేట్‌ చేసింది. పిసినారి రాణిగా శివజ్యోతి, కొడుకులుగా రవి, వరుణ్‌, రాహుల్‌.. కోడళ్లుగా శ్రీముఖి, వితికా, పునర్నవిలు మేనేజర్‌గా బాబా భాస్కర్‌, అతనికి అసిస్టెంట్‌గా మహేష్‌ తమ పాత్రల్లో లీనమై అందరినీ ఎంటర్‌టైన్‌ చేశారు. బిగ్‌బాస్‌ పదో వారంలో చేపట్టిన నామినేషన్‌ ప్రక్రియ శ్రీముఖికి ఒంటరయ్యాననే ఫీలింగ్‌ను తీసుకొచ్చింది. బాబా భాస్కర్‌ కూడా తనకు ఓటు వేయకపోయేసరికి తెగ బాధపడినట్టు తెలుస్తోంది. ఇదే విషయమై బాబా భాస్కర్‌ను ప్రశ్నించింది. ఏ విషయంలో తనకు ఓటు వేయకుండా.. శివజ్యోతికి ఓటు వేశారని అడిగింది. తానొక స్ట్రాంగ్‌ కంటెస్టెంట్‌ అని, ఎలిమినేషన్‌లో ఉన్నా.. సేవ్‌ అవుతుందని, ఏడుస్తుందని శివజ్యోతిని పదే పదే టార్గెట్‌చేసేలా మాట్లాడిందనే కారణాలతో తనకు ఓటు వేయలేకపోయానని బాబా చెప్పుకొచ్చాడు. సారీ అని బాబా చెప్పుకుంటూ ఉండగా.. సారీ ఎందుకు చెబుతున్నారని.. వద్దంటూ తనకు దూరంగా ఓ ఐదు నిమిషాలు వెళ్లమని బాబాను వేడుకుంది. టాస్క్‌లో అతి చేసిన శ్రీముఖి.. పిసినారి రాణి అయిన శివజ్యోతి వద్ద ఉండే ఇటుకలను సంపాదించి.. కొడుకులైన రవి, వరుణ్‌, రాహుల్‌ గొడను నిర్మించవలసి ఉంటుంది. అయితే మూడు జంటలు కలిసి ఆడే ఈ ఆటలో చివరి వరకు ఎవరు ఎక్కువ ఎత్తులో ఉన్న గోడను కడతారో.. వారికి తదుపరి వారం కెప్టెన్‌ అయ్యే అవకాశం ఉంటుందని తెలిపాడు. వీలునామా చివరకు ఎవరి చేతిలో ఉంటే.. వారు కూడా కెప్టెన్సీ పోటీకి అర్హులవుతారని తెలిపాడు. టాస్క్‌లో భాగంగా రవి-శ్రీముఖి, వరుణ్‌-వితికా, రాహుల్‌-పునర్నవి భార్యాభర్తలుగా నటించారు. ఇక శ్రీముఖి ఈ టాస్క్‌లో రెచ్చిపోయి నటించింది. అతి వినయం ప్రదర్శిస్తూ.. తన అత్త దగ్గర మంచి మార్కులు కొట్టేసేందుకు నానా ప్రయత్నాలు చేసింది.  అత్త గుప్పిట్లో ఉన్న వీలునామాను చేజిక్కించుకునేందుకు వితికా ప్రయత్నించసాగింది. ఇదే మంచి సమయం అనుకున్న రాహుల్‌.. పునర్నవిని సొంత భార్యగానే ఫీలైనట్లు కనిపిస్తోంది. టాస్క్‌లో భాగంగా వీరిద్దరి సంభాషణలు హైలెట్‌గా నిలిచాయి. ఇక ముగ్గురు కొడుకులు తమ ప్రేమతో శివజ్యోతి ఉక్కిరిబిక్కిరి చేశారు.  నేటి ఎపిసోడ్‌లో ఫన్నీగా సాగిన ఈ టాస్క్‌​ రేపటికి భీకరపోరును పుట్టించేలా ఉంది. వరుణ్‌, రాహుల్‌ హోరాహోరిగా తలపడినట్టు తెలుస్తోంది. వీరిద్దరి మధ్య సంభాషణలు కూడా హద్దులు దాటేలా కనిపిస్తుంది. ఇక మరి వీరి మధ్య జరగనున్న పోరు.. వారి స్నేహాన్ని దెబ్బతీస్తుందా? లేదా? అన్నది చూడాలి.

బిగ్‌బాస్‌.. బిగ్‌బాస్‌.. ఎక్కడ చూసినా అదే మాట.. చిన్నా పెద్దా తేడా లేకుండా అందరి అభిమానాన్ని సొంతం చేసుకున్న రియాల్టీ షో బిగ్‌బాస్‌. ఉత్తరాది నుంచి దక్షిణాదికి దిగుమతైన ఈ షో.. తెలుగునాట సంచలనంగా మారింది. ప్రస్తుతం మూడో సీజన్‌ అప్రతిహతంగా దూసుకుపోతోంది. మొదటి సీజన్‌ను యంగ్‌ టైగర్‌ ఎన్టీఆర్‌ నిలబెట్టగా.. నాని రెండో సీజన్‌ భుజాలపై మోశాడు. ఇక మూడో సీజన్‌ను టాలీవుడ్‌ మన్మథుడు, కింగ్‌ నాగార్జున తన హోస్టింగ్‌తో.. షోను పరుగులు పెట్టిస్తున్నాడు. ఇప్పటికే పది తొమ్మిది వారాలు దిగ్విజయంగా పూర్తి చేసుకుని.. పదోవారంలోకి ఎంటర్‌ అయింది. ఇప్పటివరకు గడిచిన తొమ్మిది వారాల్లో ఎనిమిది ఎలిమినేషన్లు జరగ్గా.. అందులో ఇద్దరు వైల్డ్‌ కార్డ్‌ ఎంట్రీలు వచ్చినట్టే వచ్చి వెనుదిరిగి పోయారు. హేమ, జాఫర్‌, తమన్నా, రోహిణి, అషూ, అలీరెజా, శిల్పా చక్రవర్తి, హిమజ ఎలిమినేట్‌ అయ్యారు. వైల్డ్‌ కార్డ్‌ ఎంట్రీ ఇచ్చిన తమన్నా సింహాద్రి, శిల్పా చక్రవర్తిలపై ఎన్నో ఆశలు పెట్టుకున్నా.. అవన్నీ ఆవిరైపోయాయి.  అలకలు, అరుపులు, గొడవలు, ప్రేమలు, ద్వేషాలు ఇలా అన్నింటిని చూపిస్తూ ప్రేక్షకులను ఎంటర్‌టైన్‌ చేస్తున్న బిగ్‌బాస్‌.. కంటెస్టెంట్లను ఓ ఆట ఆడిస్తున్నాడు. గ్రూపులు మారుతున్నాయి.. వ్యూహాలు మారుతున్నాయి.. ఎవరు ఎవరికి దగ్గరవుతున్నారు.. ఎవరికి దూరమవుతున్నారు.. అప్పటికీ ఇప్పటికీ హౌస్‌లో ఉన్న పరిస్థితులు ఏంటి? బిగ్‌బాస్‌ అప్‌డేట్స్‌ కోసం సాక్షి వెబ్‌సైట్‌ని చూడండి.

బిగ్‌బాస్‌లో పదోవారానికిగానూ నామినేషన్‌ ప్రక్రియను చేపట్టాడు. నామినేషన్‌ ప్రాసెస్‌ను గత సీజన్స్‌లో కంటే భిన్నంగా చేపడుతూ వస్తున్న సంగతి తెలిసిందే. ఈసారి కూడా కన్ఫెషన్‌ రూమ్‌కు దూరంగానే చేపట్టనున్నాడు. దీనిలో భాగంగా ఇద్దరి మధ్య చిచ్చు పెట్టనున్నట్లు తెలుస్తోంది. జంటలుగా విడగొట్టి.. నామినేషన్‌లోకి పంపించనున్నాడు. అయితే వారిద్దరిలో ఎవరో ఒకరు మాత్రమే సేవ్‌ అవుతారనే కండీషన్‌ పెట్టినట్టు కనిపిస్తోంది. ఈ క్రమంలో శివజ్యోతి-శ్రీముఖిల మధ్య భీకర మాటల పోరు జరగనున్నట్లు తాజాగా రిలీజ్‌ చేసిన ప్రోమో ద్వారా తెలుస్తోంది. ఏడుస్తూ ఉంటావని అదే వీక్‌నెస్‌ అంటూ శ్రీముఖి నామినేట్‌ చేయగా.. ఎదుటి వారి కాన్ఫిడెన్స్‌ను చంపి గేమ్‌ ఆడేదానివంటూ శివజ్యోతి ఫైర్‌ అయినట్టుంది. ఇక వీరిద్దరి మాటల యుద్దంలో ఎవరు గెలుస్తారో చూడాలి. ఈ ఇద్దరిలో సేవ్‌ అయ్యేదెవరు? నామినేట్‌ అయ్యేదెవరో చూడాలి.

ఆరవై రోజుల పండగ అంటూ కంటెస్టెంట్ల ఫ్యామిలీ మెంబర్స్‌ను తీసుకొచ్చిన బిగ్‌బాస్‌.. కొందరికి ఆనందాన్ని, మరికొందరికి బాధను మిగిల్చాడు. ఇదంతా ఒకెత్తు అయితే.. ఫ్యామిలీ మెంబర్స్‌ మధ్య కూడా చిచ్చుపెట్టేశాడు. అయితే తమ ఫ్యామిలీ మెంబర్స్‌ను కలవలేకపోయిన శ్రీముఖి, శివజ్యోతిలు ఓ రేంజ్‌లో కన్నీటిని కార్చేశారు. అసలేం జరిగిందంటే.. ఫ్యామిలీ మెంబర్స్‌ తాము తీసే బాక్సులో బిగ్‌బాస్‌ ఐ మార్క్‌ వస్తేనే కంటెస్టెంట్లను కలుస్తారని బిగ్‌బాస్‌ ఓ ఆట ఆడించాడు. వితికా కోసం వచ్చిన రాజు, రవి కోసం వచ్చిన అతని మామయ్య, పునర్నవి కోసం వచ్చిన ఆమె సోదరుడు, హిమజకు మద్దతుగా వచ్చిన రోజా.. శివజ్యోతి సోదరుడు ధన్‌రాజ్‌లకు మాత్రమే బిగ్‌బాస్‌ ఐ మార్క్‌ వచ్చింది. మిగతా వారందరికీ జోకర్‌ బొమ్మ రావడంతో వెనుదిరిగిపోయారు. అయితే వెళ్లేముందు కంటెస్టెంట్లకు తామివ్వదల్చిన సందేశాన్ని ఇవ్వొచ్చని తెలిపాడు. శ్రీముఖి తరుపున వచ్చిన ఆమె సోదరుడు శుశ్రుత్‌కు జోకర్‌ బొమ్మ రావడంతో.. భోరున విలపించింది. ఇది తనకు నచ్చలేదని, ఇస్తే అందరికీ అవకాశమివ్వాలంటూ బిగ్‌బాస్‌ను శ్రీముఖి నిందించసాగింది. ఒక్కసారి తన తమ్ముడిని కలిసే అవకాశమివ్వండంటూ శ్రీముఖి వేడుకుంది. బిగ్‌బాస్‌ ఐ బొమ్మ వచ్చిన ఆ ఐదుగురు సెకండ్‌ లెవెల్‌కు వచ్చారని.. ఇక్కడి నుంచి బిగ్‌బాస్‌ హౌస్‌లోకి ఇద్దరు మాత్రమే వెళ్తారంటూ తెలిపాడు. అందుకోసం.. ఇంటి సభ్యుల్లోని టాప్‌ టూ కంటెస్టెంట్ల ఎవరంటూ డిసైడ్‌ చేయాలని తెలిపాడు. అందుకోసం ఓ డిబెట్‌ చేయాల్సి ఉంటుందని.. అర్థగంట సమయాన్ని కేటాయించాడు. దీంతో వారి మధ్య చిచ్చు పెట్టేసినట్టైంది. ఇక బిగ్‌బాస్‌ హౌస్‌లో ఉన్న తమ కుటుంబ సభ్యులను చూడటానికి వచ్చిన వారు పోట్లాడుకునేదాకా బిగ్‌బాస్‌ తెచ్చేశాడు. అయితే ఆ చర్చ ఎంతకూ ఓ కొలిక్కి రాకపోవడంతో.. బిగ్‌బాస్‌ మరో అవకాశాన్ని ఇచ్చాడు. వారికి ఎదురుగా ఐదు బాక్సులను పెట్టి ఒకదాన్ని ఎంచుకోమని తెలిపాడు. ఎవరి దాంట్లో బిగ్‌బాస్‌ ఐ మార్క్‌ వస్తే వారికే తమ కంటెస్టెంట్లను కలిసే అవకాశాన్ని ఇస్తానని తెలిపాడు. దీంతో వితికా సోదరుడు రాజు, రవి మామయ్య శ్రీనివాస్‌కు ఆ లక్కీ చాన్స్‌ వచ్చింది. వీరిద్దరి కన్ఫెషన్‌ రూమ్‌లో తమ కంటెస్టెంట్‌ను కలిసేందుకు పర్మిషన్‌ ఇచ్చాడు. ఇక శివజ్యోతికి తన సోదరుడును కలుసుకోలేక పోయినందుకు వెక్కి వెక్కి ఏడ్చింది. అనంతరం హౌస్‌మేట్స్‌ అందరికీ ఓ టాస్క్‌ ఇచ్చాడు. దీంట్లో భాగంగా.. మగవారిని, ఆడవారిని రెండు టీమ్స్‌గా విభజించాడు. ఏ కారణం లేకున్నా మగవారు ఏడ్చి చూపించాలనగా.. అందులో సఫలం కాలేకపోయారు. ఆడవారంతా.. పది నిమిషాల్లో రెడీ అవ్వాలనే టాస్క్‌లో వారు విజయం సాధించారు. బెడ్రూం శుభ్రంగా ఉంచాలని టాస్క్‌లో సక్సెస్‌కాగా, జనరల్‌ నాలెడ్జ్‌ విషయంలో ఆడవారి టీమ్‌ ఓడిపోయింది. ఇక ఈ హౌస్‌లో తొమ్మిదో వారం కూడా పూర్తయ్యేందుకు వచ్చింది. ఇంటి నుంచి బయటకు వెళ్లేందుకు రాహుల్‌, మహేష్‌, హిమజ నామినేట్‌ అయిన సంగతి తెలిసిందే. మరి ఈ ముగ్గురిలోంచి ఎవరు ఎలిమినేట్‌ కానున్నారో చూడాలి.

శనివారం సాయంత్రం నుంచే బిగ్‌బాస్‌ ఏడో వారంలో ఇంటిని వీడే కంటెస్టెంట్‌ అలీరెజా అంటూ ప్రచారం సాగింది. అయితే తీరా చూస్తే అదే నిజమైంది. అలీరెజా ఎలిమినేట్‌ అయినట్టు నాగ్‌ చెప్పడంతో హౌస్‌మేట్స్‌ అందరూ షాక్‌కు గురయ్యారు. ఇక శివజ్యోతి పాతాళగంగలా మారిపోయింది. శివజ్యోతి వెక్కి వెక్కి ఏడుస్తూ అలీని వీడలేకపోయింది. శ్రీముఖి కూడా కన్నీరు పెట్టుకుంది. తాను వెళ్తుంటే.. ఇంత మంది ఏడుస్తున్నారు.. ఇది చాలు.. టైటిల్‌ గెలవకపోయినా పర్లేదు అంటూ అలీ చెప్పుకొచ్చాడు. ఇక హౌస్‌మేట్స్‌ అందరూ కలిసి అలీకి వీడ్కోలు చెప్పారు. బయటకు వచ్చిన అలీ.. హౌస్‌మేట్స్‌తో ఫోన్‌లో పర్సనల్‌గా మాట్లాడేందుకు ఓ అవకాశాన్ని ఇచ్చాడు. స్ట్రాంగ్‌గా ఉండంటూ, ఏడ్వొద్దని శివజ్యోతికి సూచించాడు. ఎలా ఆడుతున్నావో అలానే ఆడు, బాబా భాస్కర్‌ను చూస్తూ ఉండంటూ మహేష్‌కు సలహా ఇచ్చాడు. మంచోడు మంచోడు అంటే సరిపోదు.. గేమ్‌ కూడా ఆడు.. జ్యోతిని సరిగా చూసుకో అంటూ రవికి, అమేజింగ్‌, ఎలా ఆడుతున్నావో అలానే ఆడు.. ఫైనల్‌ వరకు ఉంటావని వరుణ్‌కు సూచించాడు. పునర్నవి-అలీ పరస్పరం క్షమాపణలు చెప్పుకున్నారు. కొంచెం చూస్తూ మాట్లాడు అంటూ రాహుల్‌కు, జ్యోతిని కూడా కాస్త చూస్తూ ఉండు అని వితికాను కోరాడు. విన్నర్‌గా చూడాలనుకుంటున్నా అని శ్రీముఖికి తెలిపాడు.  నాగార్జునతో పాటు నాని కూడా బిగ్‌బాస్‌ స్టేజ్‌పై సందడి చేశారు. గ్యాంగ్‌ లీడర్‌ సినిమా ప్రమోషన్‌లో భాగంగా నాని హౌస్‌మేట్స్‌ను ఎంటర్‌టైన్‌ చేయడానికి ఎంట్రీ ఇచ్చాడు. ఈ మూవీలో నాని రైటర్‌ కాబట్టి.. హౌస్‌మేట్స్‌కు సరిపోయే క్యారెక్టర్స్‌ను సూచించాడు. హౌస్‌మేట్స్‌కు గ్యాంగ్‌ లీడర్‌ ట్రైలర్‌ ప్లే చేసి చూపించారు. నాగ్‌ ఇచ్చిన కొన్ని ఇంగ్లీష్‌ మూవీ టైటిల్స్‌ను తెలుగులో అనువాదం చేసి ఫన్‌ క్రియేట్‌ అయ్యేలా చేశాడు. ఇక ఎనిమిదో వారంలో ఎంటర్‌ కానున్న బిగ్‌బాస్‌ హౌస్‌లో ఎలాంటి పరిణామాలు చోటుచేసుకుంటాయో చూడాలి.


 కడప: కడప నగర శివార్లలోని రాయచోటి రైల్వేగేటు రైల్వేస్టేష్టన్‌ మధ్య ట్రాక్‌లో ఓ మహిళ అనుమానాస్పద స్థితిలో మృతి చెందింది. స్థానికులు పోలీసులకు సమాచారం ఇచ్చారు. మృతురాలు మండెం శివజ్యోతి( 28)గా గుర్తించారు.  ఘటనా స్థలానికి మృతురాలి బంధువులు, పోలీసులు వచ్చి పరిశీలించారు.
 
 మృతురాలి అక్క శివ కళావతి, తల్లి సరోజమ్మ, సీఐ సదాశివయ్య తెలిపిన వివరాల మేరకు... ఊటుకూరుకు చెందిన మండెం శివశంకరయ్య, సరోజమ్మలకు నలుగురు కుమార్తెలు, ఇద్దరు కుమారులు సంతానం. చివరి సంతానమైన మండెం శివజ్యోతికి, సుండుపల్లెకు చెందిన కిషోర్‌కుమార్‌కు 2003 వివాహమైంది. వీరికి కళ్యాణ్‌కుమార్‌ (8) కుమారుడు ఉన్నాడు. వీరి మధ్య మనస్పర్థలు ఏర్పడి విడిపోయారు.
 2013లో కానిస్టేబుల్‌ శివప్రసాద్‌తో శివజ్యోతికి పరిచయం ఏర్పడింది. అతను ప్రస్తుతం రాజంపేటలో పనిచేస్తున్నాడు. గత ఏడాది భాకరాపేట (విశ్వనాథపురం)లోని శివాలయంలో కానిస్టేబుల్‌ శివప్రసాద్‌తో శివజ్యోతి వివాహమైంది. ఊటుకూరులో అవ్వ సరోజమ్మ దగ్గర కళ్యాణ్‌కుమార్‌ ఉంటున్నాడు. శివజ్యోతి, తన భర్త శివప్రసాద్‌తో కలిసి నగరంలోని అక్కాయపల్లెలో నివసిస్తోంది. ఆమె బ్యూటీషియన్‌ కోర్సు చేసింది. శివప్రసాద్‌కు, మృతురాలికి తీవ్ర స్థాయిలో మనస్ఫర్థలు ఏర్పడ్డాయి. ఈనెల 11న రాత్రి 7:30 గంటల సమయంలో తన అక్క శివకళావతి సెల్‌ఫోన్‌కు తనను శివ వేధిస్తున్నాడని మెసేజ్‌ పెట్టింది. తర్వాత ఆదివారం ఉదయం రైల్వేట్రాక్‌లో శవమై కన్పించింది.
 
 శివజ్యోతి మృతిపై అనుమానం
 శివజ్యోతి, శివప్రసాద్‌ల మధ్య ఏర్పడిన మనస్పర్థల వలనే ఆమె మృతికి కారణమని అనుమానాలు వ్యక్తమవుతున్నాయి. ఘటనా స్థలంలో మృతదేహాన్ని పరిశీలిస్తే రైలు కిందపడి ఆత్మహత్యకు పాల్పడినట్లుగానీ, శరీరం ఛిద్రమైనట్లుగాగానీ కన్పించలేదు. రైల్వే ట్రాక్‌ మధ్యలో నిలువుగా పడి ఉంది. పథకం ప్రకారం హత్య చేసి రైల్వే ట్రాక్‌ మధ్య పడుకోబెట్టి ఉండవచ్చునని అనుమానాలు బలంగా వినిపిస్తున్నాయి. ఈ ఘటనపై మొదట కడప రైల్వే పోలీసులు కేసు నమోదు చేశారు. మృతదేహాన్ని రిమ్స్‌కు తరలించారు. పోస్టుమార్టం అనంతరం దర్యాప్తు ప్రారంభిస్తామనీ అర్బన్‌ సీఐ సదాశివయ్య తెలిపారు.