ఎల్బీ స్టేడియం, న్యూస్‌లైన్: వెస్ట్‌జోన్ జీహెచ్‌ఎంసీ స్పోర్ట్స్ క్విజ్  పోటీల్లో హర్ష, రోహన్ జోడి(కేపీహెచ్‌బీ పీజీ-కరాటే) విజేతలుగా నిలిచారు.  వెస్ట్‌జోన్ జీహెచ్‌ఎంసీ సమ్మర్ కోచింగ్ క్యాంప్‌లో భాగంగా స్పోర్ట్స్ క్విజ్ పోటీలు చందానగర్ స్పోర్ట్స్ కాంప్లెక్స్‌లో మంగళవారం జరిగాయి.
  
  ఈ పోటీల్లో మణి కుమార్, అనూప్ జోడి (కేపీహెచ్‌పీజీ-వాలీబాల్) రెండో స్థానం పొందింది. కృష్ణ, రాకేష్ జోడి (భరత్ నగర్ ప్లేగ్రౌండ్-క్రికెట్) మూడో స్థానం సాధించింది. విజేతలకు జీహెచ్‌ఎంసీ వెస్ట్‌జోన్ కమిషనర్ ఆలీమ్ బాషా బహుమతులను అందజేశారు. ఈ కార్యక్రమంలో చందానగర్ డివిజన్ కార్పొరేటర్ పి.అశోక్ గౌడ్, స్పోర్ట్స్ డెరైక్టర్ డాక్టర్ ఎస్.ఆర్.ప్రేమ్‌రాజ్ తదితరులు పాల్గొన్నారు.
  


 1. క్రికెట్ లో కాకుండా ఏ క్రీడాంశంలో జాంటీ రోడ్స్ దక్షిణాఫ్రికా జాతీయ జట్టుకు ఆడాడు?
  2.    ఒలింపిక్స్ క్రీడల్లో భారత్‌కు తొలి వ్యక్తిగత పతకాన్ని అందించిన వారెవరు?
  3.    భారత్‌లో ఫస్ట్‌క్లాస్ క్రికెట్ ఆడిన తొలి, ఏకైక కవల క్రికెటర్ల జోడి?
  4.    ఒలింపిక్స్‌లో హాకీ తర్వాత ఏ క్రీడాంశాల్లో భారత్‌కు అత్యధిక పతకాలు వచ్చాయి?
  5.    ‘పోలో’ క్రీడలో ఒక జట్టు తరఫున ఎంత మంది ఆడాలి?
  
  జవాబులు:
  1.    హాకీ
  2.    రెజ్లర్ ఖాషాబా జాదవ్ (1952 హెల్సింకి-కాంస్యం)
  3.    బాబా అపరాజిత్, బాబా ఇంద్రజిత్ (తమిళనాడు-2013లో)
  4.    రెజ్లింగ్, షూటింగ్ (నాలుగేసి చొప్పున)
  5.    నలుగురు చొప్పున