ఇండియ‌న్ ప్రీమియ‌ర్ లీగ్(ఐపీఎల్‌) స్పాట్ ఫిక్సింగ్ కేసులో మాజీ స్పిన్నర్ అజిత్ చండీలాకు ఊర‌ట ల‌భించింది. 2013లో ఐపీఎల్‌ స్పాట్‌ ఫిక్సింగ్‌ ఉదంతంలో భాగమైన అజిత్‌ చండీలాపై బీసీసీఐ జీవితకాల నిషేధం విధించింది. తాజాగా బీసీసీఐ అంబుడ్స్‌మన్‌ వినీత్‌ శరణ్‌ ఏడేళ్లకు తగ్గిస్తూ నిర్ణయం తీసుకున్నాడు.  విషయంలోకి వెళితే.. 2013 ఐపీఎల్‌లో రాజ‌స్థాన్ రాయ‌ల్స్‌కు ఆడుతున్న చండీల‌, మాజీ క్రికెట‌ర్ శ్రీశాంత్‌, అంకిత్ చ‌వాన్‌తో క‌లిసి స్పాట్ ఫిక్సింగ్‌లో పాల్గొన్నాడు. బుకీ నుంచి రూ. 25 ల‌క్షలు తీసుకున్నాడ‌ని అజిత్ చండీలపై ఢిల్లీ పోలీసులు కేసు న‌మోదు చేశారు. అయితే.. చండీల ఆ బుకీ చెప్పిన‌ట్టుగా చేయ‌నుందుకు అత‌డికి రూ.20 ల‌క్షలు తిరిగిచ్చేశాడు. మిగ‌తా రూ.5 లక్షలు త‌ర్వాత ఇస్తాన‌ని చెప్పాడు. ఈ విష‌యాన్ని సీరియ‌స్‌గా తీసుకున్న బీసీసీఐ అత‌నిపై జీవిత కాల నిషేధం విధించింది. ఈ క్రికెట‌ర్ బుకీ నుంచి డ‌బ్బులు తీసుకున్నాడ‌నే విష‌యాన్ని పోలీసులు ఢిల్లీ కోర్టులో నిరూపించ‌లేక‌పోయారు. దాంతో, కోర్టులో తీర్పు అజిత్‌ చండీలాకు అనుకూలంగా వ‌చ్చింది. అందుక‌ని అత‌ను త‌న‌పై జీవిత‌కాల నిషేధాన్ని త‌గ్గించాల‌ని బీసీసీఐ అంబుడ్స్‌మ‌న్ త‌లుపు త‌ట్టాడు. త‌న‌పై విధించిన నిషేధాన్ని త‌గ్గించాల‌ని అత‌ను విన్నవించుకున్నాడు. అత‌ని అభ్యర్థనను స్వీక‌రించిన అంబుడ్స్‌మ‌న్ నిషేధాన్ని త‌గ్గిస్తూ నిర్ణయం వెల్లడించాడు. ఇప్పటికే అంకిత్ చ‌వాన్, శ్రీ‌శాంత్‌పై బీసీసీఐ నిషేధం ఎత్తేసిన విష‌యం తెలిసిందే. కెరీర్‌లో రెండు ఫస్ట్‌క్లాస్‌, తొమ్మిది లిస్ట్‌-ఏ, 28 టి20 మ్యాచ్‌లు ఆడిన అజిత్‌ చండీలా ఐపీఎల్‌లో 2013 వరకు రాజస్తాన్‌ రాయల్స్‌కు ప్రాతినిధ్యం వహించాడు. ఐపీఎల్‌ ఐదో ఎడిషన్‌లో హ్యాట్రిక్‌ తీసిన తొలి బౌలర్‌గా అజిత్‌ చండీలా నిలిచాడు. ఐపీఎల్‌లో హ్యాట్రిక్‌ నమోదు చేసిన ఏడో బౌలర్‌గా నిలిచాడు. తనపై ఏడేళ్ల నిషేధం తగ్గించడంపై అజిత్‌ చండీలా స్పందించాడు. ''ఎంత సంతోషంగా ఉన్నాననేది చెప్పలేను. నా పొర‌పాటు ఏం లేకున్నా కూడా ఇన్నాళ్లు నేను, నా కుటుంబం ఎన్నో ఇబ్బందులు ఎదుర్కొన్నాం. విధిని ఎవ‌రు త‌ప్పించ‌గ‌ల‌రు. అయితే.. దేవుడు నా వైపు ఉన్నాడు. నాపై ఫిక్సింగ్ ఆరోప‌ణ‌లు రావ‌డంతో ద‌గ్గరి వాళ్లు కూడా దూరం అయ్యారు. అలాగ‌ని నేను బాధ ప‌డ‌డం లేదు. ఎందుకంటే మ‌నంద‌రం చ‌నిపోయేట‌ప్పుడు ఖాళీ చేతుల‌తోనే వెళ్తాం'' అని చండీలా అన్నాడు. చదవండి: కేఎల్‌ రాహుల్‌ విషయంలో మాజీల మధ్య తిట్ల పురాణం 'ఈ సమస్య మన వల్లే'.. ఆలోచింపజేసిన యువీ ట్వీట్‌ 

ఢిల్లీ: 2013 ఐపీఎల్‌ స్పాట్‌ ఫిక్సింగ్‌లో దోషిగా తేలి జీవితకాలం నిషేధం ఎదుర్కొంటున్న క్రికెటర్‌ అంకిత్‌ చవాన్‌కు ఊరట కలిగింది. ఈ ముంబై మాజీ లెఫ్టార్మ్‌ స్పిన్నర్‌ పై ఉన్న నిషేధాన్ని బీసీసీఐ ఎత్తివేసింది. బీసీసీఐ బ్యాన్‌ ఎత్తివేయడంతో ఇకపై ప్రొఫెషనల్‌ క్రికెట్‌ ఆడేందుకు అంకిత్‌ చవాన్‌కు గ్రీన్‌ సిగ్నల్‌ లభించినట్లయింది. స్పాట్‌ ఫిక్సింగ్‌కు పాల్పడడంపై తాను పశ్చాత్తాపం చెందుతున్నానని.. అంకిత్‌ చవాన్‌ ముంబై క్రికెట్‌ అసోసియేషన్‌ను కోరగా.. వారి సలహా మేరకు బీసీసీఐకి తనకు క్లియరెన్స్‌ సర్టిఫికేట్‌ ఇవ్వాలంటూ మే నెలలో ఒక లేఖను రాశాడు. తాజాగా బీసీసీఐ అంకిత్‌ చవాన్‌పై నిషేధం ఎత్తివేస్తూ నిర్ణయం తీసుకుంది. కాగా అంకిత్‌ చవాన్‌ తన కెరీర్‌లో 7 ఫస్ట్‌క్లాస్‌ మ్యాచ్‌లు, 15 లిస్ట్‌ ఏ మ్యాచ్‌లు, 19 టీ20 మ్యాచ్‌లు ఆడాడు. ఇక ఐపీఎల్‌లో ముంబై ఇండియన్స్‌, రాజస్తాన్‌ రాయల్స్‌కు ప్రాతినిధ్యం వహించాడు. కాగా 2013 ఐపీఎల్‌  సీజన్‌లో శ్రీశాంత్‌, అంకిత్‌ చవాన్‌, అజిత్‌ చండీలాలు బూకీలతో సంప్రదింపులు జరిపి స్పాట్‌ ఫిక్సింగ్‌కు పాల్పడినట్లు  ఆరోపణలు వచ్చాయి. అయితే ఫిక్సింగ్‌కు పాల్పడ్డారన్న ఆరోపణలు నిజమని తేలడంతో బీసీసీఐ వారిని జీవితకాలం క్రికెట్‌ ఆడకుండా నిషేధం విధించింది. కాగా తాను నిర్దోషినంటూ శ్రీశాంత్‌ గతేడాది సుప్రీం కోర్టును ఆశ్రయించగా.. దోషిగానే గుర్తించిన సుప్రీం.. జీవిత కాల శిక్షను మాత్రమే తగ్గించమంటూ బీసీసీఐకి సూచించింది. దాంతో అతని శిక్షను ఏడేళ్లకు తగ్గిస్తూ బోర్డు అంబుడ్స్‌మన్‌ డీకే జైన్‌ 2019లో నిర్ణయం తీసుకున్నాడు. దాంతో గతేడా ఏడాది సెప్టెంబర్‌తో శ్రీశాంత్‌ శిక్షాకాలం పూర్తయింది. అనంతరం కేరళ తరపున శ్రీశాంత్‌ ముస్తాక్‌ అలీ ట్రోపీలో పాల్గొన్నాడు. చదవండి: 8 ఏళ్ల తర్వాత కూడా అదే తీరు PSL: ఆటగాళ్ల బూతు పురాణం.. వీడియో

ఇస్లామాబాద్‌ : పాకిస్థాన్ మాజీ ఓపెనర్ నాసిర్ జంషెడ్‌కు 17 నెల‌ల జైలు శిక్ష ఖ‌రారైంది. పాకిస్తాన్ సూపర్ లీగ్ (పీఎస్‌ఎల్)లో తోటి క్రికెటర్లకు లంచం ఇవ్వడానికి ప్రయత్నించిన కారణంగా జెంషెడ్‌కు శిక్ష పడింది. గత డిసెంబర్‌లో 33 ఏళ్ల నాసిర్ జంషెడ్ తన నేరాన్ని అంగీకరించగా.. మాంచెస్టర్ క్రౌన్ కోర్టు శుక్రవారం 17 నెలల జైలు శిక్షను విధించింది. పాక్ సూప‌ర్ లీగ్‌లో ప్లేయ‌ర్లుగా ఉన్న యూసెఫ్ అన్వర్‌, మొహ‌మ్మద​ ఇజాజ్‌లు లీగ్‌లో స‌రైన ప్రదర్శన ఇవ్వ‌కుండా ఉండేందుకు జెంషెడ్‌ వారికి ముడుపులు ఇవ్వ‌చూపిన‌ట్లు ఆరోప‌ణ‌లు ఉన్నాయి. గత డిసెంబర్ నెలలో నేష‌న‌ల్ క్రైం ఏజెన్సీ ఈ ఫిక్సింగ్‌ను బట్టబయలు చేసింది. నేష‌న‌ల్ క్రైం ఏజెన్సీ విచారణలో త‌మ నేరాల‌నునాసిర్ జంషెడ్, అన్వ‌ర్‌, ఇజాజ్‌లు అంగీక‌రించారు. స్పాట్ ఫిక్సింగ్ కేసులో కోర్టు ఈ ముగ్గురికి శిక్ష‌ను విధించింది. జెంషెడ్‌కు 17 నెల‌ల జైలు శిక్ష పడగా.. అన్వ‌ర్‌కు 40 నెల‌లు, ఇజాజ్‌కు 30 నెల‌ల శిక్ష ప‌డింది. 2018 ఆగ‌స్టులోనే పాక్ క్రికెట్ బోర్డు జెంషెడ్‌పై ప‌దేళ్ల నిషేధం విధించిన విషయం తెలిసిందే. 2016-17 సీజన్ స్పాట్ ఫిక్సింగ్ కేసులో నసీర్‌కు పీసీబీ పదేళ్ల నిషేధాన్ని విధించింది. నాసిర్ జంషెడ్ భార్య సమారా అఫ్జల్ స్పాట్ ఫిక్సింగ్ వార్తలపై ట్విట్టర్ ద్వారా స్పందించారు. 'జంషెడ్ చర్యల కారణంగా మా కుటుంబానికి ఘోర అవమానం జరిగింది. ఇతర క్రికెటర్లను అవినీతికి పాల్పడమని చెప్పడం సమంజసం కాదు. జంషెడ్ కష్టపడి ఉంటే అతనికి ఉజ్వలమైన భవిష్యత్తు ఉండేది. కానీ అతను షార్ట్ కట్ మార్గం ఎంచుకుని ప్రతిదీ కోల్పోయాడు. కెరీర్, హోదా, గౌరవం అన్ని నాశనం చేసుకున్నాడంటూ' ఆమె పేర్కొన్నారు. Today is the most difficult day of my life as Nasir starts his custodial sentence & I figure out what to tell my 4 year old.. I’ve felt the need to write this in the hope that others learn from Nasirs mistakes & no one goes through the pain we have suffered in the last 3 years. pic.twitter.com/fgkkMiglgz — Dr Samara Afzal (@SamaraAfzal) February 7, 2020

న్యూఢిల్లీ: దర్యాప్తులో భాగంగా ఢిల్లీ పోలీసుల టార్చర్‌ భరించలేకే స్పాట్‌ ఫిక్సింగ్‌కు పాల్పడినట్లు ఒప్పుకున్నానని... తాను మాత్రం ఏ తప్పు చేయలేదని మాజీ క్రికెటర్‌ శ్రీశాంత్‌ సుప్రీం కోర్టుకు తెలిపారు. 2013 ఐపీఎల్‌లో ఫిక్సింగ్‌కు పాల్పడినట్లు తేలడంతో అతనిపై క్రికెట్‌ బోర్డు జీవితకాల నిషేధం విధించింది. దీనిపై మాజీ పేసర్‌ న్యాయపోరాటం చేస్తున్నాడు. బుధవారం జస్టిస్‌ అశోక్‌ భూషణ్, జస్టిస్‌ కె.ఎమ్‌.జోసెఫ్‌లతో కూడిన ద్విసభ్య బెంచ్‌ ఈ కేసును విచారించింది. పోలీస్‌ టార్చర్‌ నుంచి తప్పించుకోవడానికే శ్రీశాంత్‌ నిందను మోసాడాని అతని లాయర్‌ కోర్టుకు వివరించారు. శ్రీశాంత్‌ను బుకీలు సంప్రదించినమాట నిజమేనని అయితే తను మాత్రం బుకీల బుట్టలో పడలేదని దీనికి సంబంధించిన మలయాళంలో బుకీ–శ్రీశాంత్‌ల మధ్య జరిగిన సంభాషణను లాయర్‌ కోర్టుకు అందజేశాడు. మైదానంలో టవల్‌తో తుడుచుకోవడం, ఆడించడమనేది సహజమని, ఇలా అందరు క్రికెటర్లు చేస్తారని దీన్ని ఫిక్సింగ్‌కు సంజ్ఞగా భావించడం తగదని శ్రీశాంత్‌ తరఫు న్యాయవాది సల్మాన్‌ ఖుర్షీద్‌ వాదించారు. దీనిపై న్యాయమూర్తులు స్పందిస్తూ... బుకీలు ఫిక్సింగ్‌కు పాల్పడమని సంప్రదించినపుడు క్రికెటర్‌ ఆ విషయాన్ని భారత క్రికెట్‌ నియంత్రణ మండలి (బీసీసీఐ)కి ఎందుకు తెలపలేదని లాయర్‌ ఖుర్షీద్‌ను ప్రశ్నించారు. దీన్నిబట్టి శ్రీశాంత్‌ క్యారెక్టర్‌ ఎలాంటిదనే విషయం తేటతెల్లమవుతోందని బెంచ్‌ స్పష్టం చేసింది.    


 ఐపీఎల్ స్పాట్ ఫిక్సింగ్ స్కాంలో సస్పెండయిన క్రికెటర్ అజిత్ చండిలా, మరో ఇద్దరికి ఢిల్లీ కోర్టు బెయిల్ మంజూరు చేసింది. అయితే, ఈ కేసులో కొన్ని లింకులు అదృశ్యమయ్యాయని వ్యాఖ్యానించింది. రాజస్థాన్ రాయల్స్కు చెందిన అజిత్ చండిలా, మాజీ రంజీ క్రీడాకారుడు బాబూరావ్ యాదవ్, బుకీ దీపక్ కుమార్లకు ఒక్కొక్కరికీ రూ. 50 వేల వ్యక్తిగత పూచీకత్తుతోప ఆటు అంతే మొత్తానికి సమానమైన ఒకరి ష్యూరిటీ కూడా ఇవ్వాలన్న షరతుతో అదనపు సెషన్స్ జడ్జి ధర్మేష్ శర్మ బెయిల్ ఇచ్చారు.
 
 ఈ కేసులో అజిత్ చండిలా మే 16న అరెస్టయ్యాడు. ఇదే కేసులో అరెస్టయిన మరో ఐదుగురు నిందితుల బెయిల్ అభ్యర్థనలను మాత్రం కోర్టు తిరస్కరించింది. వారిలో నలుగురిపై మోకా చట్టం కింద కేసులున్నాయని తెలిపింది. జితేందర్ కుమార్ జైన్, రమేష్ వ్యాస్, అశ్వనీ అగర్వాల్, సునీల్ భాటియా, ఫిరోజ్ ఫరీద్ అన్సారీలకు బెయిల్ దక్కలేదు.  
 
 సిండికేట్తో అజిత్ చండిలాకున్న సంబంధాలు చాలా సుదూరమైనవని కోర్టు వ్యాఖ్యానించింది. కేసులో కొన్ని అంశాలు అదృశ్యం అయ్యాయని, దీనికి సంబంధించి ఢిల్లీ పోలీసు స్పెషల్ సెల్ సమాధానం ఇవ్వాల్సి ఉంటుందని కోర్టు తెలిపింది. దీనిపై నెల రోజుల్లోగా పరిశీలించాలని ఢిల్లీ పోలీసు కమిషనర్ను ఆదేశించారు. గతంలో శ్రీశాంత్, అంకిత్ చవాన్లకు మంజూరుచేసిన బెయిల్ రద్దుచేయాలని పోలీసులు కోరగా, దానిపై విచారణను అక్టోబర్ 7వ తేదీకి వాయిదా వేశారు.