దుబాయ్‌: ఐసీసీ తాజా టెస్ట్‌ ర్యాంకింగ్స్‌లో ఆసీస్‌ బ్యాటర్ల హవా కొనసాగింది. ఏకంగా నలుగురు ఆటగాళ్లు టాప్‌-10లో చోటు దక్కించుకున్నారు. యాషెస్‌ సిరీస్‌లో భాగంగా ఇంగ్లండ్‌తో జరిగిన రెండో టెస్ట్‌లో సత్తా చాటిన ఆసీస్‌ ఆటగాడు లబూషేన్‌(103, 51) 912 పాయింట్లతో.. ఇంగ్లండ్‌ సారధి జో రూట్‌(897)ను వెనక్కు నెట్టి అగ్రస్థానానికి చేరుకోగా, స్టీవ్‌ స్మిత్‌(884) మూడో స్థానంలో, డేవిడ్‌ వార్నర్‌(775) ఆరు, ట్రవిస్‌ హెడ్‌(728) పదో స్థానంలో నిలిచారు. ఈ జాబితాలో టీమిండియా పరిమిత ఓవర్ల కెప్టెన్‌ రోహిత్‌ శర్మ 5వ ర్యాంక్‌ను నిలబెట్టుకోగా, టెస్ట్‌ సారధి విరాట్‌ కోహ్లి ఓ స్థానాన్ని కోల్పోయి 7వ ప్లేస్‌లో ఉన్నాడు.    🔝 Labuschagne dethrones Root 💪 Starc makes significant gains Australia stars shine in the latest @MRFWorldwide ICC Men’s Test Player Rankings. 👉 https://t.co/DNEarZ8zhm pic.twitter.com/W3Aoiy3ARP — ICC (@ICC) December 22, 2021 ఇక బౌలింగ్‌ విషయానికొస్తే.. ఈ విభాగంలోనూ ఆసీస్‌ ప్లేయర్ల హవానే నడించింది. యాషెస్‌ రెండో టెస్ట్‌లో 6 వికెట్లు సాధించి ఇంగ్లండ్‌ పతనాన్ని శాసించిన మిచెల్‌ స్టార్క్‌.. దాదాపు ఏడాది తర్వాత తిరిగి టాప్‌-10లో చోటు దక్కించుకోగా.. ఇంగ్లండ్‌తో రెండో టెస్ట్‌కు దూరమైనప్పటికీ ఆసీస్‌ టెస్ట్‌ కెప్టెన్‌ పాట్‌ కమిన్స్‌ అగ్రస్థానాన్ని నిలబెట్టుకోగలిగాడు. టీమిండియా సీనియర్‌ స్పిన్నర్‌ ఆశ్విన్‌ రెండో స్థానాన్ని కాపాడుకున్నాడు. ఆల్‌రౌండర్ల విభాగంలో ఇంగ్లండ్‌ సారధి రూట్‌ కెరీర్‌(111 టెస్ట్‌ల తర్వాత)లో తొలిసారి టాప్‌-10లో చోటు దక్కించుకున్నాడు. 🔹 Babar Azam surges to the 🔝 🔹 Mohammad Rizwan into the top three 🔥 Significant gains for Pakistan batters in the latest @MRFWorldwide ICC Men’s T20I Player Rankings 👉 https://t.co/hBFKXGWUp4 pic.twitter.com/qqUfYsFGkA — ICC (@ICC) December 22, 2021 మరోవైపు టీ20 ర్యాంకింగ్స్‌లో పాక్‌ కెప్టెన్‌ బాబర్‌ ఆజమ్‌, ఇంగ్లండ్‌ ఆటగాడు డేవిడ్‌ మలాన్‌లు సంయుక్తంగా అగ్రపీఠాన్ని అధిరోహించగా.. పాక్‌ ఓపెనర్‌ మహ్మద్‌ రిజ్వాన్‌ 798 పాయింట్లతో మూడో ప్లేస్‌లో నిలిచాడు. ఈ జాబితాలో టీమిండియా ఆటగాడు కేఎల్‌ రాహుల్‌ 729 పాయింట్లతో ఐదో స్థానాన్ని నిలబెట్టుకున్నాడు.  చదవండి: అభిమానులకు ‘గుడ్‌న్యూస్‌’... స్టేడియంలోకి అనుమతి.. అయితే!

పెర్త్‌: స్వదేశంలో ఏడో డే నైట్‌ టెస్టులో విజయం దిశగా ఆస్ట్రేలియా జట్టు సాగుతోంది. న్యూజిలాండ్‌తో సిరీస్‌లో భాగంగా ఇక్కడ డే నైట్‌గా జరుగుతున్న తొలి టెస్టులో ఆస్ట్రేలియా శాసించే స్థితికి చేరుకుంది. మూడో రోజు ఆట ముగిసే సమయానికి ఆస్ట్రేలియా ఓవరాల్‌గా తమ ఆధిక్యాన్ని 417 పరుగులకు పెంచుకుంది. అంతకుముందు ఓవర్‌నైట్‌ స్కోరు 109/5తో తొలి ఇన్నింగ్స్‌ కొనసాగించిన న్యూజిలాండ్‌... ఆసీస్‌ బౌలర్ల విజృంభణకు 166 పరుగులకే కుప్పకూలింది. రాస్‌ టేలర్‌ (134 బంతుల్లో 80; 9 ఫోర్లు) టాప్‌ స్కోరర్‌గా నిలిచాడు. ఆసీస్‌ బౌలర్లలో స్టార్క్‌ 52 పరుగులిచ్చి 5 వికెట్లు పడగొట్టగా... స్పిన్నర్‌ లయన్‌కు రెండు వికెట్లు లభించాయి. 250 పరుగుల తొలి ఇన్నింగ్స్‌ ఆధిక్యం సంపాదించిన ఆస్ట్రేలియా ప్రత్యర్థిని ఫాలోఆన్‌ ఆడించకుండా రెండో ఇన్నింగ్స్‌ ప్రారంభించింది. మూడో రోజు ఆట ముగిసే సమయానికి ఆసీస్‌ రెండో ఇన్నింగ్స్‌లో 57 ఓవర్లలో 6 వికెట్లకు 167 పరుగులు చేసింది. బర్న్స్‌ (123 బంతుల్లో 53; 6 ఫోర్లు), లబ్‌షేన్‌ (81 బంతుల్లో 50; 3 ఫోర్లు) అర్ధ సెంచరీలు చేశారు. వేడ్‌ (8 బ్యాటింగ్‌), కమిన్స్‌ (1 బ్యాటింగ్‌) క్రీజులో ఉన్నారు. కివీస్‌ బౌలర్‌ టిమ్‌ సౌతీ నాలుగు వికెట్లు తీశాడు. 

సిడ్నీ: ఇటీవల ముగిసిన టెస్టు సిరీస్‌లో ఆశించిన స్థాయిలో రాణించలేక విమర్శరలు ఎదుర్కొంటున్న ఆసీస్‌ ప్రధాన పేసర్‌ మిచెల్‌ స్టార్క్‌కు టీమిండియా కెప్టెన్‌ విరాట్‌ కోహ్లి మద్దతుగా నిలిచాడు. ఎంతోకాలంగా ఆసీస్‌ జట్టు విజయాల్లో కీలక పాత్ర పోషిస్తున్న స్టార్క్‌.. ఏదొక సిరీస్‌లో ఆకట్టుకోలేకపోతే ఆ దేశ మాజీలు ఒక్కసారిగా విమర్శలు ఎక్కుపెట్టడం తనను ఆశ్చర్యానికి గురి చేసిందన్నాడు. కొన్ని సందర్భాల్లో ఎవరైనా గాడి తప్పడం సహజమేనని, అటువంటి తరుణంలో వారికి మద్దతుగా ఉండాలే తప్ప ఇలా విమర్శలు చేయడం ఏమిటని ప‍్రశ్నించాడు. ఒక బెస్ట్‌ బౌలర్‌కు ఇచ్చే గౌరవం ఇదేనా అంటూ కోహ్లి నిలదీశాడు. ‘చాలా ఏళ్లుగా స్టార్క్‌ మీ జట్టులో నంబర్‌ వన్‌ బౌలర్‌గా కొనసాగుతున్నాడు. ఇప్పుడు అదే బౌలర్‌పై వరుసగా విమర్శలు చేయడం నన్ను ఆశ్చర్యానికి గురి చేసింది. స్టార్క్‌ మీ అత్యుత్తమ బౌలర్‌ అనుకుంటే అతనికి కొంత స్వేచ్ఛ ఇవ్వండి. మళ్లీ గాడిలో పడటానికి అతనికి మద్దతుగా నిలవండి. అంతే కానీ విమర్శలు చేస్తే అతనిపై మరింత ఒత్తిడి పెరుగుతుంది.  అపార నైపుణ్యమున్న ఈ తరహా బౌలర్‌పై ఒత్తిడి పెంచి దూరం చేసుకోవద్దు. ఆస్ట్రేలియా సాధించిన ఎన్నో విజయాల్లో స్టార్క్‌ ప్రధాన పోషిస్తూ వస్తున్నాడు. అతని సేవల్ని కోల్పోవద్దు’ అని కోహ్లి పేర్కొన్నాడు. భారత్‌తో జరిగిన టెస్టు సిరీస్‌లో స్టార్క్‌ 13 వికెట్లు తీశాడు.  దాంతో ఆసీస్‌ దిగ్గజ ఆటగాళ్లు షేన్‌ వార్న్‌, మిచెల్‌ జాన్సన్‌ల నుంచి విమర్శలు ఎదుర్కొన్నాడు స్టార్క్‌. కాగా, భారత్‌తో త్వరలో ఆరంభం కానున్న వన్డే సిరీస్‌ నుంచి స్టార్క్‌కు విశ‍్రాంతినిచ్చారు. యాషెస్‌ సిరీస్‌ను దృష్టిలో పెట్టుకుని స్టార్క్‌ను భారత్‌తో జరిగే వన్డే సిరీస్‌కు ఎంపిక చేయలేదు.


 ఐదు వన్డేల సిరీస్ లో భాగంగా ఆస్ట్రేలియాతో జరుగుతున్న రెండో వన్డేలో శ్రీలంక 48.5ఓవర్లలో 288 పరుగుల వద్ద ఆలౌటైంది. మూడొందల పరుగులు అలవోకగా చేసేలా కనిపించిన లంక, ఆసీస్ పేసర్లు చెలరేగడంతో తన చివరి 5 వికెట్లను 17 పరుగుల వ్యవధిలో కోల్పోవడంతో సాధారణ స్కోరుకు పరిమితమైంది. ఆరంభంలో కాస్త తడబడిన లంక కుశాల్ మెండిస్ హాఫ్ సెంచరీ(69 బంతుల్లో 69 పరుగులు: 9 ఫోర్లు),  చండిమల్(67 బంతుల్లో 48 పరుగులు: 2 ఫోర్లు, 1 సిక్స్) మూడో వికెట్ కు సెంచరీ(125 పరుగుల) భాగస్వామ్యంతో కోలుకుంది.
 
 వీరిద్దరిని ఆసీస్ బౌలర్ జంపా స్వల్ప వ్యవధిలో ఔట్ చేయడం ఫలితంగా 158 పరుగులకే 5 వికెట్లు కోల్పోయి లంకకు మళ్లీ కష్టాలు మొదలయ్యాయి.  అయితే ఆరో వికెట్ కు కుశాల్ పెరీరా(53 బంతుల్లో 54 పరుగులు: 5 ఫోర్లు, 1 సిక్స్),  లంక కెప్టెన్ ఎంజెలో మాథ్యూస్(60 బంతుల్లో 57 పరుగులు: 1 ఫోర్, 1 సిక్స్) రాణించి సెంచరీ భాగస్వామ్యాన్ని (103పరుగులు) జతచేశారు. చివర్లో ఆసీస్ పేసర్ జేమ్స్ ఫాల్కనర్ హ్యాట్రిక్ వికెట్లు తీయడం, ఒకే ఓవర్లో స్టార్క్ రెండు వికెట్లు తీయడంతో 300 స్కోరు దాటేలా కనిపించిన లంక 288 పరుగులకే పరిమితమైంది.  ఆసీస్ బౌలర్లలో స్టార్క్, జంపా, ఫాల్కనర్ తలో మూడు వికెట్లు పడగొట్టగా, లియాన్ ఒక్క వికెట్ తీశాడు.


 ఫాస్ట్ బౌలర్ మిచెల్ స్టార్క్ ప్రవర్తనపై ఆస్ట్రేలియా కెప్టెన్ స్మిత్ అసంతృప్తి వ్యక్తం చేశాడు. న్యూజీలాండ్తో మ్యాచ్ సందర్భంగా స్టార్క్ ప్రవర్తన తనను తీవ్ర నిరాశకు గురిచేసిందని అన్నాడు. గబ్బాలో జరిగిన టెస్ట్ మ్యాచ్ చివరిరోజున స్టార్క్ తన సహనాన్ని కోల్పోయి న్యూజీలాండ్ బ్యాట్స్మెన్ మార్క్ క్రేగ్కు సమీపంగా బంతిని విసిరాడు. 84 వ ఓవర్లో స్టార్క్ బౌలింగ్లో క్రేగ్ వరుసగా రెండు ఫోర్లు బాదడంతో సహనాన్ని కోల్పోయిన స్టార్క్ తరువాత తనవైపు వచ్చిన బంతిని పట్టుకొని బలంగా క్రేగ్ వైపు విసిరాడు.
 
 స్టార్క్ ఇలా ప్రవర్తిస్తాడని ఊహించలేదన్న స్మిత్ తనకు కలిగిన అసహనాన్ని మరో విధంగా ఆట ద్వారా చూపాలి తప్ప ఇలా బంతిని బ్యాట్స్మెన్ పైకి విసరడం కరెక్ట్ కాదన్నారు. ఈ మ్యాచ్లో ఆస్ట్రేలియా న్యూజీలాండ్పై విజయం సాధించింది. తరువాత మ్యాచ్లలో ఇలాంటి ఘటనలు పునరావృతం కాకుండా జాగ్రత్తగా ఉండాలని సహచర ఆటగాన్ని స్మిత్ హెచ్చరించాడు.
  


 9 వికెట్లతో విండీస్ చిత్తు
 స్టార్క్‌కు 4 వికెట్లు
  
  రోసీయూ : ఆల్‌రౌండ్ షోతో అదరగొట్టిన ఆస్ట్రేలియా... వెస్టిండీస్‌తో మూడు రోజుల్లోనే ముగిసిన తొలి టెస్టులో 9 వికెట్ల తేడాతో ఘన విజయం సాధించింది. కరీబియన్ జట్టు నిర్దేశించిన 47 పరుగుల స్వల్ప లక్ష్యాన్ని మూడోరోజు ఆసీస్ రెండో ఇన్నింగ్స్‌లో 5 ఓవర్లలో ఒక వికెట్ కోల్పోయి ఛేదించింది. వార్నర్ (28) అవుటైనా... మార్ష్ (13 నాటౌట్), స్మిత్ (5 నాటౌట్) జట్టుకు విజయాన్ని అందించారు. టేలర్‌కు ఒక వికెట్ దక్కింది. అంతకుముందు 25/2 ఓవర్‌నైట్ స్కోరుతో శుక్రవారం మూడో రోజు ఆట కొనసాగించిన విండీస్ రెండో ఇన్నింగ్స్‌లో 86 ఓవర్లలో 216 పరుగులకు ఆలౌటైంది.
 
 మార్లన్ శామ్యూల్స్ (184 బంతుల్లో 74; 7 ఫోర్లు, 1 సిక్స్), డోవ్రిచ్ (185 బంతుల్లో 70; 5 ఫోర్లు, 1 సిక్స్) రాణించినా మిగతా బ్యాట్స్‌మెన్ నిరాశపర్చారు. ఓ దశలో 37 పరుగులకే 3 వికెట్లు కోల్పోయిన విండీస్‌ను ఈ ఇద్దరు నాలుగో వికెట్‌కు 144 పరుగులు జోడించి ఆదుకున్నారు. అయితే ఆసీస్ బౌలర్ల ధాటికి విండీస్ చివరి 7 వికెట్లు 35 పరుగుల వ్యవధిలో కోల్పోయింది. స్టార్క్ 4, జాన్సన్, హాజెల్‌వుడ్, లియోన్ తలా రెండు వికెట్లు తీశారు. వోజెస్‌కు ‘మ్యాన్ ఆఫ్ ద మ్యాచ్’ అవార్డు లభించింది. సిరీస్‌లో ఆసీస్ 1-0 ఆధిక్యం సాధించింది. ఇరుజట్ల మధ్య రెండో టెస్టు కింగ్‌స్టన్‌లో ఈనెల 11 నుంచి జరుగుతుంది.