సిద్ధు జొన్నలగడ్డ హీరోగా నటించనున్న కొత్త సినిమా షురూ అయింది. మంగళవారం (ఫిబ్రవరి 7) సిద్ధు జొన్నలగడ్డ బర్త్‌ డే సందర్భంగా ఈ సినిమాను ప్రకటించారు. సిద్ధు కెరీర్‌లో 8వ సినిమాగా తెరకెక్కనున్న ఈ సినిమాను శ్రీ వెంకటేశ్వర సినీ చిత్ర, సుకుమార్‌ రైటింగ్స్‌ పతాకాలపై బీవీఎస్‌ఎన్‌ ప్రసాద్‌ నిర్మించనున్నారు. ఈ సినిమాతో వైష్ణవి దర్శకురాలిగా పరిచయం కానున్నారు. ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలు త్వరలోనే వెల్లడికానున్నాయి. Get ready to enter into the world of fun, love & entertainment 🥳❤️🤩 We are very happy to collaborate again with @SVCCOfficial for our next project 🎬 with Star Boy #SiddhuJonnalagadda. Directed by Vaisshnavi. #Siddhu8 on floors very soon. pic.twitter.com/ceJiPQfjHH — Sukumar Writings (@SukumarWritings) February 7, 2023 చదవండి: రూమర్లు ఎక్కువ, అవకాశాలు తక్కువ.. అవకాశాల కోసం నిధి వేట

క్రియేటివ్‌ డైరెక్టర్‌ సుకుమార్‌ తన సొంత నిర్మాణ సంస్థ  'సుకుమార్ రైటింగ్స్'లో సినిమాలు తెరకెక్కిస్తున​ విషయం తెలిసిందే. ఈ ఏడాది ఆయన మైత్రీ మూవీ మేకర్స్‌తో కలిసి నిర్మించిన ఉప్పెన బ్లాక్‌ బస్టర్‌ హిట్‌గా నిలిచింది. తాజాగా ఈ నిర్మాణ సంస్థకు సంబంధించి సుకుమార్‌ కీలక నిర్ణయం తీసుకున్నట్లు తెలుస్తోంది. సుకుమార్‌ రైటింగ్స్‌ బాధ్యతలు తన భార్య తబితకు అప్పగించినట్లుగా సమాచారం. ఇది వరకు సుకుమార్ రైటింగ్స్ బ్యాన‌ర్‌కు సంబంధించిన విషయాలన్నీ ఆయన స్నేహితుడు, మేనెజర్‌ ప్రసాద్‌ చూసుకునేవారు. అయితే కొద్ది రోజలు క్రితం ఆయన గుండెపోటుతో మరణించారు. దీంతో ఆ బాధ్యతల్ని ఇప్పుడు భార్య తబితకు సుకుమార్‌ అప్పగించినట్లు ఫిల్మ్‌నగర్‌ టాక్‌. ఆయన సూచనలతో తబిత కంపెనీ వ్యవహారాలను పర్యవేక్షించనున్నారు. ప్రస్తుతం సుకుమార్‌ అల్లు అర్జున్‌తో పుష్ప అనే పాన్‌ ఇండియా సినిమా చేస్తోన్న సంగతి తెలిసిందే. ఎర్రచందనం స్మగ్లింగ్‌ చేసే నేపథ్యంలో సాగే ఈ చిత్రంలో బన్నీ పుష్పరాజ్‌గా కనిపించనున్నాడు. బన్నీ-సుకుమార్‌ కాంబినేషన్‌లో వస్తోన్న హ్యాట్రిక్‌ చిత్రం కావడంతో ఈ మూవీపై భారీ అంచనాలు నెలకొన్నాయి. ఇక ప్ర‌స్తుతం సుకుమార్ రైటింగ్స్ నిఖిల్‌తో 18 పేజెస్ చిత్రాన్ని తెర‌కెక్కిస్తోన్న సంగతి తెలిసిందే. చదవండి : హీరో తరుణ్‌తో ‘పుష్ప’ మూవీ టీం చర్చలు! బన్నీ ఫ్యాన్స్‌కు గుడ్‌ న్యూస్‌.. రెండు భాగాలుగా ‘పుష్ప’

మెగా ఫ్యామిలీ నుంచి మరో హీరో ఎంట్రీ ఇవ్వనున్నాడన్న సంగతి తెలిసిందే. సాయి ధరమ్‌ తేజ్‌ సోదరుడు వైష్ణవ్‌ తేజ్‌ చిత్రం లాంచనంగా ప్రారంభం అయినప్పటికీ.. షూటింగ్‌ మాత్రం ఇంకా మొదలుపెట్టలేదు. అయితే ఈ చిత్రంలో వైష్ణవ్‌కు జోడిగా మలయాళ బ్యూటీని తీసుకున్నట్లు వార్తలు వినిపిస్తున్నాయి. గతంలో వైష్ణవ్‌కు జోడిగా మేఘా ఆకాష్‌ను తీసుకున్నట్లు వార్తలు వినిపించినా.. తాజాగా మరో హీరోయిన్‌ పేరు ప్రచారంలోకి వచ్చింది. ఇటీవలె మలయాళంలో ఎంట్రీ ఇచ్చి మంచి పేరు తెచ్చుకున్న దేవికా సంజయ్‌ను ఈ చిత్రంలో తీసుకున్నట్లు తెలుస్తోంది. సుకుమార్‌ వద్ద దర్శకత్వ శాఖలో పనిచేసిన బుచ్చిబాబు డైరెక్టర్‌గా.. మైత్రీ మూవీ మేకర్స్‌, సుకుమార్‌ రైటింగ్స్‌ సంయుక్తంగా నిర్మిస్తున్న చిత్రానికి దేవీ శ్రీ ప్రసాద్‌ సంగీతాన్ని సమకూరుస్తున్నారు. ఈ చిత్ర షూటింగ్‌ ఏప్రిల్‌ నెలలోనే ప్రారంభం కానుందని సమాచారం.

రంగస్థలంతో ఇండస్ట్రీ హిట్‌ కొట్టిన దర్శకుడు సుకుమార్‌.. తన సొంత సంస్థలో చిన్న సినిమాలకు ప్రాణం పోస్తున్నారు. సుకుమార్‌ రైటింగ్స్‌ను స్థాపించి తన వద్ద పనిచేస్తున్న అసిస్టెంట్‌ డైరెక్టర్లను డైరెక్టర్లుగా మార్చేస్తున్నారు. తాజాగా ఈ సంస్థ నుంచి మరో ప్రాజెక్ట్‌ ఖరారైంది.  ఛలో సినిమాతో సందడి చేసిన నాగశౌర్యకు మళ్లీ ఆ రేంజ్‌లో సక్సెస్‌ లభించలేదు. అయితే నాగశౌర్య హీరోగా.. తన దగ్గర దర్శకత్వ శాఖలో పని చేసిన కాశీ విశాల్‌ను దర్శకుడిగా పరిచయం చేయబోతున్నారు మన లెక్కల మాష్టారు.ఈ చిత్రాన్ని నార్త్‌ స్టార్‌ ఎంటర్‌టైన్‌మెంట్స్‌ అధినేత శరత్‌ మరార్‌ నిర్మిస్తున్నారు. మిగతా వివరాలను త్వరలోనే ప్రకటించనున్నారు. 

హైదరాబాద్‌: మెగా ఫ్యామిలీ నుంచి మరో హీరో టాలీవుడ్‌కు పరిచయం కాబోతున్నాడు. మెగాస్టార్‌ చిరంజీవి తర్వాత ఆ కుటుంబం నుంచి పవన్‌ కల్యాణ్‌, అల్లు అర్జున్‌, రామ్‌చరణ్‌, వరుణ్‌తేజ్‌, అల్లు శిరీశ్‌, సాయిధరమ్‌తేజ్‌, నిహారికలు సినీ ఇండస్ట్రీలోకి అడుగుపెట్టారు. ఇటీవల చిరంజీవి చిన్న అల్లుడు(శ్రీజ భర్త) కల్యాణ్‌ దేవ్‌ విజేత చిత్రం ద్వారా టాలీవుడ్‌లోకి ఎంట్రీ ఇచ్చారు. తాజాగా చిరు మేనల్లుడు, సాయిధరమ్‌ తేజ్‌ సోదరుడు వైష్ణవ్‌ తేజ్‌  మైత్రీ మూవీ మేకర్స్‌, సుకుమార్‌ రైటింగ్స్‌ సంయుక్తంగా నిర్మిస్తున్న చిత్రం ద్వారా హీరోగా పరిచయవుతున్నారు. ఈ చిత్రానికి బుచ్చిబాబు సానా దర్శకత్వం వహిస్తున్నారు. సుకుమార్‌ వద్ద దర్శకత్వ శాఖలో పనిచేసిన బుచ్చిబాబు, ఆయన దర్శకత్వంలో ఘనవిజయం సాధించిన ‘రంగస్థలం’  చిత్రానికి రైటర్‌గా పనిచేశారు. ఈ చిత్రానికి పనిచేసే సాంకేతిక నిపుణల, నటీనటుల వివరాలను త్వరలో వెల్లడించనున్నారు. ప్రముఖ సంగీత దర్శకుడు దేవీశ్రీ ప్రసాద్‌ ఈ సినిమాకు సంగీతం అందించనున్నారు.


 అమ్మాయి వేసుకునే డ్రెస్సులను బట్టి వాళ్ల క్యారెక్టర్ డిసైడ్ చేసేస్తామా..? కాస్త బోల్డ్‌గా మాట్లాడితే  క్యారెక్టర్ బ్యాడ్ అనేస్తామా...? ఆమెను ప్రేమించాలంటే పేరు చాలదా...? మొత్తం బయోగ్రఫీ కావాలా? ఇలాంటి ప్రశ్నలను రేకెత్తిస్తూ ‘కుమారి 21ఎఫ్’ చిత్రానికి కథ-స్క్రీన్‌ప్లే అందించారు సుకుమార్. ఈ చిత్రం ద్వారా ఆయన నిర్మాతగా మారిన విషయం తెలిసిందే. ఇప్పుడు ‘హర్ లవ్’అనే టైటిల్‌తో మరో చిత్రాన్ని నిర్మించడానికి సన్నాహాలు చేస్తున్నారాయన. ‘ఈజ్ ప్యాషన్’ అనేది ఉపశీర్షిక.  
 
 సుకుమార్ రైటింగ్స్ పతాకంపై సుకుమార్ సమర్పణలో హరిప్రసాద్ జక్కాను దర్శకుడిగా పరిచయం చేస్తూ  విజయ్‌కుమార్, థామస్ ఆధూరి, సత్తి నదీర్ ఈ చిత్రాన్ని నిర్మించనున్నారు. అశోక్, ఇషా, పూజిత ముఖ్యతారలుగా నటించనున్న ఈ చిత్రం షూటింగ్ ఈ నెల 9న ప్రారంభం కానుంది. ఈ చిత్రానికి సంగీతం: సాయికార్తీక్, కెమెరా: ప్రవీణ్ వనమాలి, ఎగ్జిక్యూటివ్ నిర్మాత: రమేశ్ కోలా, లైన్ ప్రొడ్యూసర్: వీఈవికేడీఎస్ ప్రసాద్.