Suriya Etharkkum Thunindhavan Movie Release Date Out: తమిళ స్టార్‌ హీరో సూర‍్యకు పిచ్చి క్రేజ్‌ ఉన్న సంగతి తెలిసిందే. ఈ మధ్య ఆయన సినిమాల వేగాన్ని పెంచేశారు. ఇటీవల ఓటీటీలో విడుదలైన 'జై భీమ్‌' తో మంచి విజయాన్ని అందుకున్నారు. మరో మూడు నెలల్లో తన తదుపరి చిత్రాన్ని ప్రేక్షకుల ముందుకు తీసుకురానున్నారు. 'ఎతర్కుమ్‌ తునింధవన్‌' సినిమాను ప్రపంచవ్యాప్తంగా ఫిబ్రవరి 4, 2022న థియేటర్లలో విడుదలకు సిద‍్ధంగా ఉంది. ఈ విషయాన్ని ట్విటర్‌లో ఓ వీడియోని పోస్ట్‌ చేసింది చిత్ర నిర్మాణ సంస్థ సన్‌ పిక్చర్స్‌.  చదవండి: సూర్య మంచి మనసు.. ఆ చిత్ర యూనిట్‌కు బంగారు నాణేలు ఈ వీడియోలో సూర్య మాస్‌ లుక్‌లో మాస్‌ బీట్‌కు అదిరిపోయే స్టెప్పులేస్తూ కనిపించారు. ఈ చిత్రానికి పాండిరాజ్‌ దర్శకత్వం వహించగా, సన్‌ పిక‍్చర్స్ నిర్మిస్తోంది. ఈ సినిమా యాక్షన్‌ థ్రిల్లర్‌లో సాగనుంది. వినయ్ రాయ్‌, ప్రియాంక అరుల్‌ మోహన్‌, శరణ్య, ఎం.ఎస్‌ భాస్కర్‌ కీలక పాత్రలు పోషించారు. సినిమాకు ఆర్‌. రత్నవేలు సినిమాటోగ్రఫీ అందించగా, డి. ఇమ్మాన్‌ స్వరాలు సమకూర్చారు. తమిళ హీరో శివ కార్తికేయన్‌, నిర్మాత, దర్శకుడు విఘ్నేశ్‌ శివన్‌ సాహిత్యమందించారు. కొవిడ్‌ కారణంగా సూర్య నటించిన 'ఆకాశమే నీ హద్దురా', 'జై భీమ్‌' రెండు చిత్రాలు ఓటీటీలో రిలీజ్‌ అయ్యాయి. ఇప్పుడు పరిస్థితులు అనుకూలించడంతో 'ఎతర్కుమ్‌ తునింధవన్‌'ను థియేటర్లలో విడుదలవనుంది. సుమారు రెండేళ్ల తర్వాత సూర్య వెండితెరపై కనిపించనున‍్నారు.  #EtharkkumThunindhavan is releasing on Feb 4th, 2022!@Suriya_offl @pandiraj_dir #Sathyaraj @immancomposer @RathnaveluDop #SaranyaPonvannan #MSBhaskar @priyankaamohan #Vinay @sooriofficial @AntonyLRuben @VijaytvpugazhO #ETOnFeb4th pic.twitter.com/hwuwEkX3Bm — Sun Pictures (@sunpictures) November 19, 2021 చదవండి: ఇంత ప్రేమ ఇంతకుముందెన్నడూ చూడలేదు :హీరో

నిర్మాత నట్టి కుమార్‌ తనయుడు నట్టి క్రాంతి హీరోగా పరిచయమవుతోన్న చిత్రం ‘సూర్య’. ఈ చిత్రం ద్వారా ఉమామహేశ్వరరావు దర్శకుడిగా పరిచయమవుతున్నారు. నట్టీస్‌ ఎంటర్‌టైన్‌మెంట్స్, క్విట్టీ  ఎంటర్‌టైన్మెంట్స్‌ పతాకాలపై నట్టికుమార్‌ కుమార్తె నట్టి కరుణ నిర్మిస్తున్నారు. ఈ చిత్రంలోని ‘నిజమేనా...’ అంటూ సాగే పాటను దర్శకుడు రామ్‌గోపాల్‌ వర్మ, నటీనటులు కస్తూరి, శివబాలాజీ, మధుమిత విడుదల చేశారు. నట్టి క్రాంతి మాట్లాడుతూ –‘‘చిన్నప్పటి నుంచి సినిమా రంగం అంటే ఇష్టం. ఓ వైపు చదువుకుంటూనే అసోసియేట్‌ డైరెక్టర్‌గా పని చేశాను. న్యూయార్క్‌ ఫిల్మ్‌ అకాడమీలో నటన, దర్శకత్వంలో శిక్షణ పొందాను. వైజాగ్‌ సత్యానంద్‌గారి దగ్గర కూడా నటనలో శిక్షణ తీసుకున్నాను’’ అన్నారు. ‘‘సైకాలజీ కోర్సు పూర్తి చేసిన నేను ‘ముద్ర’ సినిమాతో నిర్మాతగా మారి, వరుసగా సినిమాలు తీస్తున్నాను. చక్కటి ప్రేమకథా చిత్రం ‘సూర్య’. అల్లరి చిల్లరగా తిరిగే ఓ గల్లీ కుర్రాడు ప్రేమలో పడిన నేపథ్యంలో ఎలాంటి ఆటుపోట్లు ఎదురయ్యాయి? అనేదే ఈ చిత్రకథ. లాక్‌ డౌన్‌ ముగిసిన తర్వాత మిగతా చిత్రీకరణను పూర్తి చేస్తాం’’ అన్నారు నట్టి కరుణ. ఈ చిత్రానికి కెమెరా: వల్లీ ఎస్‌.కె., సంగీతం: సుకుమార్‌ పి, సమర్పణ: నట్టి కుమార్‌. 


 నటుడు సూర్యకు జంటగా నటించే చిత్రంలో తన పాత్రకు ప్రాధాన్యత లేదని నటి ఎమిజాక్సన్ ఆ చిత్రం నుంచి వైదొలగినట్లు కోలీవుడ్‌లో ప్రచారం జోరందుకుంది. అంజాన్ చిత్రం తరువాత సూర్య నటిస్తున్న తాజా చిత్రం మాస్. ఈయన ద్విపాత్రాభినయం చేస్తున్న ఈ చిత్రంలో నయనతార, ఎమిజాక్సన్ హీరోయిన్లుగా నటిస్తున్నట్లు చిత్ర యూనిట్ వెల్లడించింది. కార్తీతో బిరియాని (చిత్రం)ని టేస్ట్‌గా వండి వారించిన దర్శకుడు వెంకట్ ప్రభు తాజాగా ఆయన సోదరుడు సూర్యతో చేయిస్తున్న కామెడీ, యాక్షన్ ఎంటర్‌టైనర్ మాస్ చిత్రం. ఈ చిత్రం షూటింగ్ శరవేగంగా జరుపుకుంటోంది. ఈ చిత్రంలో సూర్య ద్విపాత్రాభినయం చేస్తున్నారు.
  
  ఈ చిత్రంలో నయనతారకు అధిక ప్రాముఖ్యత ఉండేలా కథను మార్చడంతో, నటించడానికి ఇష్టపడని ఎమిజాక్సన్ కాల్‌షీట్స్ లేవంటూ చిత్రం నుంచి వైదొలగినట్లు కోలీవుడ్ టాక్. అయితే చిత్ర యూనిట్ మాత్రం ఎమిజాక్సన్ మాస్ చిత్రం నుంచి వైదొలగలేదని స్పష్టం చేశారు. ఆమె ఈ చిత్రంలో నటిస్తున్నారని అంటున్నారు. ప్రస్తుతం లండన్‌లో వున్న ఎమి త్వరలో చెన్నైకి రానున్నట్లు తన ట్విట్టర్‌లో పేర్కొన్నారు. మరో విషయం ఏమిటంటే మాస్ చిత్రానికి సంబంధించి ఎమిజాక్సన్ నటించే సన్నివేశాలకు అధికభాగం విదేశాలలో చిత్రీకరించడానికి చిత్ర యూనిట్ ప్రణాళికను సిద్ధం చేస్తున్నట్లు తెలిసింది.