కోల్‌కతా: ‘జైశ్రీరామ్‌’ నినాదం వల్ల సమాజంపై పడుతున్న ప్రతికూల ప్రభావం గురించి రాయండి? ‘కట్‌ మనీ’ వల్ల సామాన్య ప్రజలకు జరిగే మేలు ఎలాంటిదో వివరించండి.. ఎంటివి అనుకుంటున్నారా. బెంగాల్‌లోని ఓ ప్రభుత్వ పాఠశాలలో 10వ తరగతి విద్యార్థులకు అడిగిన ప్రశ్నలివి. ఇటీవల జరిగిన సార్వత్రిక ఎన్నికల్లో పైన పేర్కొన్న నినాదాలు ఎంత ప్రభావాన్ని చూపెట్టాయో తెలిసిందే. అప్పటి వరకు బెంగాల్‌లో నామమాత్రంగా ఉన్న బీజేపీ ఈ నినాదాలతో ఏకంగా 22 ఎంపీ సీట్లను గెలుచుకుంది. అప్పటి నుంచి బెంగాల్‌లో బీజేపీ, అధికార తృణమూల్‌ కాంగ్రెస్‌ల మధ్య రాజకీయాలు తీవ్ర స్థాయిలో సాగుతున్నాయి. ఈ నేపథ్యంలో హుగ్లీ జిల్లాలో అక్నా యూనియన్‌ హై స్కూల్‌ విద్యార్థులకు పై రెండు ప్రశ్నలతో ఈ నెల 5న పరీక్ష నిర్వహించారు. ఈ విషయం తెలియడంతో స్థానిక బీజేపీ నాయకులు పెద్ద ఎత్తున నిరసన తెలిపారు. బీజేపీ జిల్లా అధ్యక్షుడు సుబీర్‌ నాగ్‌ మాట్లాడుతూ.. ‘మా పార్టీ, విద్యను కాషాయీకరణ చేస్తుందని విమర్శించే వాళ్లు దీనికి ఏమని సమాధానం చెబుతారు. అధికార పార్టీకి డప్పు కొట్టే బాధ్యతను ఇప్పుడు ఉపాధ్యాయులు చేపట్టారని స్పష్టమైంది. రాష్ట్ర ప్రజలంతా ఈవిషయాన్ని గమనించాలని’ ఆయన కోరారు. చిన్న పిల్లల మెదళ్లలో  ఇలాంటి విద్వేష భావాలను నింపుతున్న వారిని ఖండించడానికి బలమైన పదాలు దొరకడం లేదని ఆయన ఆవేదన వ్యక్తం చేశారు. మమతా బెనర్జీ గతంలో సింగూర్‌లో టాటా నానో కారు ప్లాంటుకు వ్యతిరేకంగా చేపట్టిన ఉద్యమాన్ని 2017లో పాఠ్యాంశంగా చేర్చడాన్ని ఆయన ఈ సందర్భంగా గుర్తు చేశారు.  ఈ ఘటనపై ప్రిన్సిపాల్‌ రోహిత్‌ షైన్‌ స్పందిస్తూ ‘ఈ విషయంపై  ఎవ్వరూ ఫిర్యాదు చేయకపోయినా మేం నివారణ చర్యలు తీసుకొని ప్రశ్నలను రద్దు చేశాం. విద్యార్థులు వాటికి సమాధానం రాయకపోయినా పర్వాలేదు. ఒకవేళ ఎవరైనా రాసుంటే మాత్రం పూర్తి మార్కులు ఇవ్వబడతాయి. ఈ ప్రశ్నలను రూపొందించిన ఉపాధ్యాయుడు ఇప్పటికే క్షమాపణ కోరాడు’ అని తెలిపారు. అంతేకాక ఈ ప్రశ్నలను స్థానిక దినపత్రిక కోసం రూపొందించామనడం కొసమెరుపు. ఈ ఘటనను స్థానిక టీఎంసీ నాయకులు కూడా సమర్థించడం లేదు. పాఠశాల స్థాయి పిల్లలకు ఇలాంటివి ఎందుకని వారు తిరిగి ప్రశ్నించారు. జిల్లా విద్యాధికారి గోపాల్‌రాయ్‌ మాత్రం భిన్నంగా స్పందించారు. ఇందులో వివాదాస్పదం ఏమీ లేదనీ, ఒక వర్గం వారు కావాలనే వివాదాన్ని రేకెత్తిస్తున్నారని అభిప్రాయపడ్డారు. మరోవైపు టీఎంసీ సీనియర్‌ నాయకులు ఎవరూ కూడా ఈ ఘటనపై స్పందించడానికి ఇష్టపడలేదు. 


 హుబ్లీ:స్వాత్వంత్ర్య దినోత్సవాన్ని పురస్కరించుకుని శుక్రవారం పట్టణ మున్సిపల్ కౌన్సిల్ (టీఎంసీ) ప్రతినిధి కరెన్సీ నోట్లను విసిరి వివాదాలకు తెరలేపాడు. కర్ణాటకలోని నిన్న చోటు చేసుకున్న ఈ ఘటన స్థానిక మీడియాలో కలకలం సృష్టించింది.  రాష్ట్రంలోని బాన్కాపూర్ పట్టణ మున్సిపల్ స్టాండింగ్ కమిటీకి చైర్మన్ గా ఉన్నఇస్లామయిల్ సాబ్ దుద్ మానీ విద్యార్థులపైకి నోట్లను విసిరి వివాదంలో చిక్కుకున్నాడు. స్వాతంత్ర్య వేడుకల సందర్భంగా టీఎంసీ (టౌన్ మున్సిపల్ కౌన్సిల్) నిర్వహించిన కార్యక్రమంలో చోటు చేసుకున్నఈ పరిణామం రాజకీయ వివాదాలకు దారి తీసింది. విద్యార్థులు స్వదేశీ క్షేమం కోరుతూ స్టేజ్ పై హిందీలో చేసిన నృత్యానికి గాను ఇస్లామాయిల్ రూ.10 , రూ.20 నోట్లను వారి మీదకు విసిరాడు. దీంతో బీజేపీ శ్రేణులు ఆందోళన చేపట్టాయి.
  
 ఒక అధికార ప్రతినిధిగా ఉండి కూడా అతను అహంకారపూరిత ధోరణితో వ్యవహరించాడంటూ బీజేపీ కార్యకర్తలు టీఎంసీ కార్యాలయం ముందు ధర్నా చేపట్టాయి. ఇటువంటి ఘటనలు విద్యార్థులనే కాకుండా, దేశాన్ని కూడా కించపరచినట్లేనని వారు పేర్కొన్నారు.అతనిపై జాతి వ్యతిరేక చట్టం కింద కేసు నమోదు చేయాలని బీజేపీ కార్యకర్తలు డిమాండ్ చేశారు.