‘ది విలన్‌’ సినిమా కోసం బెంగళూరులో ల్యాండ్‌ అయ్యారు హీరోయిన్‌ అమీ జాక్సన్‌. ప్రేమ్‌ దర్శకత్వంలో శివరాజ్‌కుమార్, సుదీప్, అమీ జాక్సన్‌ ముఖ్య తారలుగా రూపొందుతోన్న కన్నడ సినిమా ‘ది విలన్‌’. శ్రీకాంత్, మిథున్‌ చక్రవర్తి కీలక పాత్రల్లో కనిపిస్తారు. శ్రీకాంత్‌ది విలన్‌ రోల్‌ అని సమాచారం. మిథున్‌ చక్రవర్తికి కన్నడంలో ఇది తొలి చిత్రం. ఇటీవలే ఇద్దరు హీరోలు శివరాజ్‌ కుమార్, సుదీప్‌లకు వేరు వేరుగా టీజర్స్‌ను కట్‌ చేశారు. ప్రస్తుతం బెంగళూరులో జరుగుతోన్న ఈ సినిమా ఫైనల్‌ షెడ్యూల్‌లో జాయిన్‌ అయ్యారు అమీ జాక్సన్‌. సాంగ్‌ షూట్‌ జరుగుతోంది. ఈ సినిమాను ఆగస్టు చివరి వారంలో రిలీజ్‌ చేయాలనుకుంటున్నారట.


 .‘ఐయామ్‌ సౌతిండియన్‌ ఎట్‌ హార్ట్‌’ అంటున్నారు అమీ జాక్సన్‌. ఈ బ్యూటీ రంగు, రూపు చూసినోళ్లు ఎవరైనా సౌతిండియన్‌ అనుకోరు. అందువల్లే, ఎట్‌ హార్ట్‌ అన్నట్టున్నారు. అసలు విషయానికి వస్తే... అమీది బ్రిటన్‌. మోడలింగ్‌ కెరీర్‌ పక్కన పెడితే, హీరోయిన్‌గా సౌతిండియన్‌ సినిమాల్లోనే ఎక్కువగా నటిస్తున్నారు.
 
 ఇప్పుడు కన్నడ సినిమా ‘ది విలన్‌’ షూటింగ్‌ నిమిత్తం బెంగుళూరులో ఉన్నారు. చట్నీ దోశ–సాంబార్, మీల్స్, కొబ్బరి బోండాలు... కంప్లీట్‌గా సౌతిండియన్‌ ఫుడ్డే తీసుకుంటున్నారు. సో, హార్ట్‌లో సౌతిండియన్‌నే అంటున్నారు. ఇంతకు ముందు కాజల్‌ అగర్వాల్‌ కూడా ఇంచు మించు ఇలాంటి కథే చెప్పారు. రాబోయే రోజుల్లో దక్షిణాది సినిమాల్లో నటించే హీరోయిన్లు ఇలాంటి కథలు చెబుతారేమో!