మీరు చదివిన శీర్షిక నిజమే. కానీ అది 2024లో కాదండోయ్‌.. 1936లో సంగతి. అప్పట్లో చేవ్రొలెట్‌ కంపెనీ ఇచ్చిన వార్తాపత్రిక ప్రకటనను ఇటీవల కార్‌బ్లాగ్‌ ఇండియా అనే ఇన్‌స్టాగ్రామ్‌ హ్యాండిల్‌లో పంచుకున్నారు. అదికాస్తా వైరల్‌గా మారింది. అందులోని వివరాల ప్రకారం చేవ్రొలెట్‌ కంపెనీ 1936 సంవత్సరంలో 5 సీటింగ్‌ కెపాసిటీ ఉన్న వింటేజ్‌ కారును రూ.3,675కే ఆఫర్‌ చేస్తున్నట్లు ఉంది. అలెన్‌ బెర్రీ అండ్‌ కో.లిమిటెడ్‌ అనే ఏజెన్సీ కలకత్తా, ఢిల్లీ, లఖ్‌నవూ, దిబ్రూఘర్‌ ప్రాంతాల్లో దీన్ని ఆ రేటుకు అందిస్తున్నట్లు పేర్కొంది. 1936లో రూ.3,675 విలువ 2024లో రూ.3,67,50,000గా ఉందని అంచనా.మరో ప్రకటనలో ఓపెన్‌టాప్‌ చేవ్రొలెట్‌ మోడల్‌ కార​్‌ ధర రూ.2,700 అన్నట్లు ప్రకటనలో ఉంది. దీన్ని లఖ్‌నవూలోని ఎడుల్జీ అండ్‌ కో మోటార్‌ ఇంజినీర్స్‌ అండ్‌ కోచ్‌ బిల్డర్స్‌ కంపెనీ అందిస్తున్నట్లుగా పేర్కొన్నారు. ప్రస్తుతం 5 సీటర్‌ బడ్జెట్‌ కార్లు రూ.లక్షల్లో ఉన్నాయి. ఏళ్లు గడుస్తుంటే డబ్బు విలువ పడిపోయి లక్షలకు విలువ లేకుండా పోతుంది. దాంతో అన్ని వస్తువుల ధరలు భారీగా పెరుగుతున్నాయి. View this post on Instagram A post shared by Car Blog India (@carblogindia)ఇదీ చదవండి: రూ.1,200 కోట్ల సంపద.. ఎక్కడ ఇన్వెస్ట్‌ చేస్తారంటే..ఈ రెండు ప్రకటనలపై నెటిజన్లు విభిన్నంగా స్పందిస్తున్నారు. ‘నేనూ ధనవంతుడినే కానీ, వేరే శతాబ్దంలో ఉన్నాను’ అని ఒకరు కామెంట్‌ చేశారు. మరొకరు ‘ఆ రోజుల్లో అది చాలా ఖరీదు’అని రిప్లై ఇచ్చారు.

Reliance Retail Brings BPL And Kelvinator: తరాలు తరలిపోతున్న కొద్దీ.. ‘జ్ఞాపకాలు’ మేలనే అభిప్రాయం చాలామందికి కలగడం సహజం. టెక్నాలజీ ఎరాలో ఎన్నో అప్‌డేట్స్‌ వెర్షన్‌లు వస్తున్నా.. పాత వాటికి ఉన్నంత గ్యారెంటీ ఉండట్లేదనే రివ్యూలే ఎక్కువగా కనిపిస్తుంటాయి. అలాంటి బ్రాండ్‌లను తిరిగి జనాలకు అందించే ప్రయత్నాలు ఈమధ్యకాలంలో ఊపందుకున్నాయి. ఈ క్రమంలోనే రిలయన్స్‌ రిటైల్‌.. బీపీఎల్‌, కెల్వినేటర్‌ ఉత్పత్తులను తిరిగి జనాల ముందుకు తీసుకొచ్చేందుకు సిద్ధమైంది.  ఎయిటీస్‌, నైంటీస్‌ జనరేషన్‌కి బీపీఎల్‌ టీవీలు, కెల్వినేటర్‌ స్టెబ్లైజర్‌, ఫ్రిజ్‌ల లాంటి ప్రొడక్టులతో మంచి అనుభవమే ఉంది. ముఖ్యంగా డబ్బా టైప్‌ టీవీలు ‘బండ’ బ్రాండ్‌ అనే అభిప్రాయాన్ని ఏర్పరిచాయి కూడా. ఒకప్పుడు వర్చువల్‌ ఎంటర్‌టైన్‌మెంట్‌లో బీపీఎల్‌ టీవీలది అగ్రస్థానం ఉండేది.   అయితే మిల్లీనియంలోకి అడుగుపెట్టాక టాప్‌ టెన్‌ బ్రాండ్‌ లిస్ట్‌ నుంచి కనుమరుగైన బీపీఎల్‌.. ఇతర కంపెనీల రాక, అటుపై బీపీఎల్‌లో ఆర్థిక క్రమశిక్షణ లోపించిన కారణంగా పతనం దిశగా నడిచింది.  ఈ నేపథ్యంలో ‘నమ్మకం’ పేరుతో ప్రచారం చేసుకున్న బీపీఎల్‌ను, కెల్వినేటర్‌ బ్రాండ్‌లను రిలయన్స్‌ రిటైల్‌ తీసుకురానుంది. క్లిక్‌: హీరో ఈ-బైక్‌.. ఇక ఈజీగా! బీపీఎల్‌.. ది ‘బ్రిటిష్‌ ఫిజికల్‌ లాబోరేటరీస్‌’ 1963 పలక్కాడ్‌ (కేరళ)లో ప్రారంభించారు. హెడ్‌ క్వార్టర్‌ బెంగళూరులో ఉంది. రిలయన్స్ రిటైల్‌ ఎలక్ట్రికల్‌ రంగంలోకి అడుగుపెట్టే ప్రయత్నాల్ని ముమ్మరం చేసింది. టీవీ, ఎయిర్‌ కండిషనర్స్‌, వాషింగ్‌ మెషిన్స్‌, టీవీలు, లైట్‌ బల్బ్స్‌, ఫ్యాన్స్‌ లాంటి ప్రొడక్టుల తయారీతో అమ్మకాలను స్వయంగా నిర్వహించనుంది. ఇప్పటికే కెల్వినేటర్‌తో ఒప్పందం కుదుర్చుకోగా.. బీపీఎల్‌కు సంబంధించిన ఒప్పందం గురించి అధికారికంగా ప్రకటన వెలువడాల్సి ఉంది. ఈ రెండింటిలతో పాటు మరో రెండు ఓల్డ్‌ బ్రాండులను సైతం తీసుకొచ్చేందుకు రిలయన్స్‌ సుముఖంగా ఉంది. ఆఫ్‌లైన్‌, ఆన్‌లైన్‌ ప్లాట్‌ఫామ్స్‌లో అందించనున్నట్లు సమాచారం. అయితే ఇవి వింటేజ్‌ మోడల్స్‌లోనా? లేదంటే అప్‌డేటెడ్‌ మోడల్స్‌లోనా? అనే విషయంపై అధికారిక ప్రకటనల సమయంలో ఓ స్పష్టత వచ్చే అవకాశం ఉంది. చదవండి: మెగాస్టార్‌ అద్భుత ప్రయోగం

షోలే సినిమాలో ‘యే దోసితీ హమ్‌ మగర్‌ ఛోడేంగే’ అంటూ అమితాబ్‌-ధర్మేంద్రలు చేసే బైక్‌ జర్నీ వీడిపోని స్నేహానికి గుర్తుగా మిగిలిపోయింది. ఒక్క షోలేలోనే కాదు వెండితెరపైన బ్యాచిలర్‌ ఫ్రెండ్స్‌ చేసిన అనేక రోడ్‌ ట్రిప్‌లు మన మదిపై చెరగని ముద్రను వేశాయి. వారు ఉపయోగించిన  వెహికల్స్‌ మనలో చాలా మందికి ఓ ఫాంటసీలా ఉండిపోయాయి.  దిల్‌ చాహ్‌తా హై సినిమాలో హీరోలు అమీర్‌ఖాన్‌, సైఫ్‌ఆలీఖాన్‌, అక్షయ్‌ఖన్నాలు ముంబై నుంచి గోవా వెళ్లేందుకు ఉపయోగించిన కారు మెర్సిడెజ్‌ బెంజ్‌ ఎస్‌ఎల్‌ 300 మోడల్‌. ఈ వింటేజ్‌ కారు ప్రస్తుతం మార్కెట్‌లో లేదు. అయితే దీని తర్వాత వచ్చిన ఎస్‌ఎల్‌ 350 వింటేజ్‌ కారు మార్కెట్‌లో కోటి రూపాయల దగ్గర లభిస్తోంది. దిల్‌ చాహ్‌తా హై దర్శకుడు ఫర్హాన్‌ అక్తర్‌కి వింటేజ్‌ కార్లంటే ఇష్టం. అందుకే ఏరి కోరి ఈ సినిమాలో మెర్సిడెజ్‌ బెంజ్‌ ఎస్‌ఎల్‌ 300 కన్వర్టబుల్‌ మోడల్‌ని ఫర్హాన్‌ ఉపయోగించాడు.  దిల్‌ చాహ్‌తాహై తర్వాత మరోసారి హృతిక్‌ రోషన్‌, అభయ్‌ డియోల్‌, ఫర్హాన్‌ అక్తర్‌లతో​ మరోసారి రోడ్‌ ట్రిప్‌ మూవీని తెరకెక్కించాడు ఫర్హాన్‌ అక్తర్‌. అయితే ఈసారి మరో వింటేజ్‌ కారు బ్విక్‌ సూపర్‌పై మనసు పారేసుకున్నాడు. ఈ కారుని 1940 నుంచి 1956 మధ్యన బ్విక్‌ కంపెనీ ఉత్పత్తి చేసింది. ప్రస్తుతం ఈ కార్లు  మార్కెట్‌లో అందుబాటులో లేవు. జిందగి సినిమా కోసం ప్రత్యేకంగా ఈ కారును తీసుకొచ్చారు.  ఇక ట్రెండ్‌ సెట్టర్‌ మూవీ షోలేలో అమితాబ్‌ , ధర్మేంద్రలు ఉపయోగించింది  బీఎస్‌ఏ డబ్ల్యూఏ 500 సీసీ బైక్‌. 1942లో ఈ బైకు మార్కెట్‌లోకి వచ్చింది. ఆ తర్వాత 1975లో షోలే రిలీజ్‌ తర్వాత ఈ బైక్‌ అప్పటి యువతకి కిర్రెక్కించింది. ఈ బైక్‌ ఇప్పుడు మార్కెట్‌లో లేకపోయినా... షోలే నమూనా బైక్‌లు అనేక వింటేజ​ థీమ్‌ హోటళ్లు, రెస్టారెంట్లలో కనిపిస్తూనే ఉంటాయి.  మిస్టర్‌ పెర్‌ఫెక్ట్‌ అమీర్‌ఖాన్‌, ఏస్‌ డైరెక్టర్‌ రాజ్‌కుమార్‌ హిరానీ డైరెక‌్షన్‌లో వచ్చిన త్రీ ఇడియట్స్‌  సంచలన విజయం సాధించింది, ఈ మూవీలో లైట్‌ వెయిట్‌ వెహికల్‌  మహీంద్రా ఫ్లైటీ స్కూటీపై  అమీర్‌ఖాన్‌, మాధవన్‌, శర్మాన్‌జోషిలు చేసిన విన్యాసాలు ఎ‍ప్పటికీ గుర్తుండి పోతుంది. మహీంద్రా ఫ్లైట్‌ ఇప్పటికీ మార్కెట్‌లో ఉంది. We all need friends in our lives that are our ride or die travel partners. Whether it's to go for a Bachelor's trip or to go find a long lost friend. A very #HappyFriendshipDay to all of our readers and their friends! pic.twitter.com/JPXlOlf0aL — carandbike (@carandbike) August 1, 2021

పల్లె అందం ఇప్పుడు పట్టణపు ఇళ్లలో కనువిందు చేస్తోంది. పాత తరం ముచ్చట నట్టింట కళాత్మకమై కొలువుదీరుతోంది. డిజటల్‌ యుగంలో కాంక్రీట్‌ క్లీనింగ్‌ బోర్‌ అనుకున్నవారు మట్టివాసనకు చేరువలో ఉండాలని తపిస్తున్నారు. అందుకే, ఇటుక కనిపించేలా గోడలు, నగిషీలు చెక్కిన వుడ్‌తో ఫర్నిచర్, మసకబారిన బ్రాస్‌ కలెక్షన్‌ వైపు మొగ్గుచూపుతున్నారు. ఇల్లు, కార్యాలయం, కాఫీషాప్‌.. వంటి వాటికి ఔట్‌ సైడ్‌ బ్రిక్‌ స్టైల్‌ డిజైన్స్‌ చూస్తుంటాం. అయితే, ఇప్పుడిది ఇంటీరియర్‌కి ట్రాన్స్‌ఫర్‌ అయ్యింది. దీంతో పాటే వింటేజ్‌ స్టైల్‌ సింపుల్‌ అండ్‌ గ్రాండ్‌ లుక్‌తో ఆకట్టుకోవడం కూడా ఇప్పుడీ స్టైల్‌ నగరవాసులకు ప్రియమైన డెకార్‌గా మారింది.  నిర్లక్ష్యమే అందం ఇటుకను ప్రకృతిలోని దృశ్యాన్ని ఇంట్లోకి తీసుకువచ్చే ఒక మార్గంగా చెప్పుకోవచ్చు. గది నాలుగు గోడలలో ఒక గోడను ప్రత్యేకంగా డిజైన్‌ చేయడం ఇంటి అలంకరణలో ఎప్పటి నుంచో ఉన్నదే. ఇప్పుడదే పాత పుంతలను తొక్కుతోంది. లివింగ్‌ రూమ్, బెడ్‌రూమ్‌లలో ఒక వైపు ఇటుక గోడ రస్టిక్‌ ఫీల్‌ను ఇస్తుంది. సిమెంట్‌ తాపీ పని లేకుండా నిర్లక్ష్యంగా వదిలేశారనిపించేలా ఉండే ఎగుడుదిగుడుల ఇటుక గోడ క్రియేటివ్‌ స్పేస్‌గా మారిపోయింది. ఈ ఇటుక గోడపైన ఓల్డ్‌ స్టైల్‌ వాల్‌ ఫ్రేమ్స్‌ కొత్తగా కనువిందు చేస్తున్నాయి. దీనికి తగ్గట్టు బ్లాక్‌ అండ్‌ బ్రౌన్‌ కలర్‌ వుడెన్‌ లేదా ఐరన్‌ ఎలాంటి హంగులు అవసరం లేకుండానే వింటేజ్‌ లుక్‌ను తీసుకువస్తున్నాయి. దీంతో ఇప్పుడు ఇంటీరియర్‌ డిజైన్‌లో ఇటుక ప్రధాన ఆకర్షణగా మారింది.  వాల్‌ పేపర్‌తో వింటేజ్‌ లుక్‌ ఇంటి లోపల ఇటుక గోడ పెట్టక్కర్లేదు. రస్టిక్‌ లుక్‌ ఉన్న బ్రిక్‌ స్టైల్‌ వాల్‌పేపర్‌తో గది గోడను మార్చుకోవడం సులువు అవుతుంది. పెద్దగా ఖర్చూ ఉండదు. మార్చుకోవడం సులువు. అద్దె ఇంట్లోనైనా అనుకున్న లుక్‌ని ఆస్వాదించవచ్చు.  ఫ్రేమ్‌ స్టైల్‌ బ్రిక్‌ లివింగ్‌ రూమ్‌ లేదా డైనింగ్‌ రూమ్‌లలో ఒక ఫ్రేమ్‌ స్టైల్‌లోనూ ఇటుక గోడను డిజైన్‌ చేసుకోవచ్చు. చుట్టుపక్కల తెల్లటి నున్నని గోడల మధ్య వెడల్పాటి ఇటుక గోడ ఒకటి ఫ్రేమ్‌స్టైల్‌లో డిజైన్‌ చేస్తే కళాత్మకతలో అదొక అందమైన ప్రదేశంగా మారిపోతుంది. సర్కిల్‌లా గుండ్రటి స్టైల్‌ మట్టి ఇటుక వచ్చేలా డిజైన్‌ చేస్తే ఇంటిలోపల యూనిక్‌ లుక్‌ కనువిందు చేస్తుంది. ఒక ఆర్ట్‌ వర్క్‌లా మారిపోతుంది. మరింత క్రియేటివ్‌గా మార్చుకోవాలంటే దీనికి కలపతో డిజైన్‌ చేసిన హ్యాంగింగ్స్‌ను ఉపయోగించుకోవచ్చు.  పార్టిషన్‌ వాల్‌ హాల్‌లో కొంత భాగం పార్టిషన్‌ చేసుకోవాలంటే అందుకు మిర్రర్, వుడ్‌ ఇతరత్రా ఆలోచనలు చేస్తారు. సన్నని ఇటుక గోడ పార్టిషన్‌తో భిన్నమైన కళ తీసుకురావచ్చు. ఇక ఈ ఇటుక గోడలకు వైట్‌ వాష్‌ లేదా బ్లాక్‌ వాష్‌ ఐడియాలతో కొత్త కళను తీసుకురావచ్చు.  తరతరాల ముచ్చట పాత ఇంటి గోడలపై పెయింట్‌ చేసిన బొమ్మలు, ముగ్గులు, పిల్లల ఆటల్లో వారు గీసిన రేఖాచిత్రాలు .. ఇవన్నీ ఇప్పుడు ఇంటిలోపల గోడపై కనువిందు చేయడం విశేషమైపోయింది. ఆ మనోహర దృశ్యాలకు తమ ఇల్లు వేదికైందని మురిసిపోతున్నారు నవతరం కళాప్రియులు.  

ఆషాఢమాసం... బోనాలు శ్రావణం... వరలక్ష్మీ వ్రతాలు వరుస పండగలు, వేడుకలు మనల్ని పలకరించబోతున్నాయి. ఇన్ని రోజులూ మహమ్మారి కారణంగా సందడికి దూరంగా ఉన్నా ఇక ముందు వేడుకలు కొత్తగా ముస్తాబు కానున్నాయి. యాభై ఏళ్ల కిందటి వింటేజ్‌ కళతో ఇప్పుడిక మెరిసిపోనున్నాయి.  కొన్ని చీరకట్టులను చూస్తే ప్రసిద్ధ వ్యక్తుల పరిచయం అక్కర్లేకుండా కళ్ల ముందు మెదలుతారు. అలాంటి వారిలో ఎమ్మెస్‌ సుబ్బలక్ష్మి, బాలీవుడ్‌ నటి రేఖ వంటి వారుంటారు. పెద్ద అంచు కంచి పట్టు చీరలైనా, రంగుల హంగులైనా, ఆభరణాల జిలుగులైనా, కేశాలంకరణ అయినా.. ఎటు కదిలినా ఆ అందం వారి ప్రత్యేకతను కళ్లకు కడుతుంది. ప్రసిద్ధ వ్యక్తులను తలపించేలా నేటి తరం అమ్మాయిల ఆహార్యం ఉంటే ఒక వింటేజ్‌ అట్రాక్షన్‌తో ఇట్టే ఆకట్టుకుంటారు.  ఎప్పటికీ ఉండిపోవాలనే.. అమ్మమ్మ, అమ్మ, అమ్మాయి.. ఇలా తరతరాలకు ఈ గొప్పతనం అందాలనే ఉద్దేశ్యంతో ఎప్పటికీ ఆ కళ నిలిచిపోయే విధంగా డిజైన్‌ చేసిన చీరలు ఇవి. ప్యూర్‌ పట్టుతో మగ్గం మీద నేసిన చీరలు ఎప్పుడు ప్రత్యేకంగా ఉంటాయి. సాధారణంగా కంచిపట్టు అనగానే అందరికీ తెలిసిన రంగులు ఎరుపు, పసుపు, గోల్డ్‌ టిష్యూ. కానీ, చాలా అరుదైన రంగుల చీరలను ఎంచుకొని యాభై ఏళ్ల కిందటి లుక్‌ వచ్చేలా చేనేతకారులతో డిజైన్‌ చేసిన చీరలు ఇవి. నటి రేఖను తలచుకోగానే ఆమె కంజీవరం చీరలో గ్రాండ్‌గా కనిపిస్తారు. దక్షిణభారత అందాన్ని ప్రపంచ ప్రసిద్ధి చేశారు. ఈ థీమ్‌ని బేస్‌గా చేసుకొని రంగులను ఎంపిక చేసి, ప్రత్యేకంగా రూపొందించిన చీరలు ఇవి. నిన్నటి తరం నుంచి నేడు, అలాగే రేపటి తరానికి కూడా ఈ కళను తీసుకువెళ్లాలనే ఉద్దేశ్యంతో తీసుకువచ్చిన కలెక్షన్‌ ఇది. – భార్గవి కూనమ్, ఫ్యాషన్‌ డిజైనర్‌ 

ఇప్పుడిప్పుడే ఇండియాలో ఎలక్ట్రిక్‌ వెహికల్‌ మార్కెట్‌ ఊపందుకుంటోంది. మార్కెట్‌లోకి కొత్తగా ఈవీ కార్లు, బైకులు, స్కూటర్లను కంపెనీలు ప్రవేశపెడుత్నున్నాయి. మరోవైపు వెస్ట్రన్‌ కంట్రీలు మరో అడుగు ముందుకు వేసి వింటేజ్‌ లుక్‌తో ఎలక్ట్రికల్‌ సైకిళ్లను మార్కెట్‌లోకి తెస్తున్నాయి. ఈ మోడ్రన్‌  సైకిల్స్‌ ఇంటర్నెట్‌ని షేక్‌ చేస్తున్నాయి.  ఐవీ, ఏస్‌ ఇటలీకి చెంది వెలోరెటి కొత్తగా ఐవీ, ఏస్‌ పేర్లతో రెండు కొత్త సైకిళ్లను మార్కెట్‌లోకి తెస్తోంది. పూర్తిగా వింటేజ్‌ లుక్‌తో రూపొందించిన ఎలక్ట్రిక్‌ సైకిళ్లు ఇట్టే ఆకర్షించేలా ఉన్నాయి. ఐవీ, ఏస్‌ల మోడళ్లను ఒకే టెక్నాలజీతో రూపొందించారు. కేవలం ఫ్రేమ్స్‌ తేడా చూపించారు. ఈ  సైకిళ్లలో 510 Wh బ్యాటరీలను అమర్చారు. ఒక్కసారి ఛార్జ్‌ చేసే 60 నుంచి 120 కిలోమీటర్ల వరకు ప్రయాణం చేయోచ్చు. హైడ్రాలిక్‌ బ్రేక్స్‌, ఇంటిగ్రేటెడ్‌ ఫ్రంట్‌, బ్యాక్‌ లైట్లను అమర్చారు. ఆటోమేటిక్‌ గేర్‌ షిఫ్ట్‌ సిస్టమ్‌తో ఈ సైకిళ్లు రూపొందాయి. ఫుల్‌ క్రేజ్‌ వింటేజ్‌ లుక్‌తో లేటెస్ట్‌ టెక్నాలజీ మిక్స్‌ చేసి వాలోరెటీ రూపొందించిన  ఐవీ, ఏస్‌ మోడళ్లకు  యూరప్‌లో క్రేజ్‌ ఏర్పడింది. దీంతో భారీ ఎత్తున సైకిళ్లు తయారు చేసే పనిలో ఉంది వెలోరెటి. యూరప్‌లో ఎక్కడికికైనా సరే పది రోజుల్లో డెలివరీ ఇస్తామంటూ హామీ ఇస్తోంది. ఈ సైకిల్‌ ‍ క్రేజ్‌ చూసిన తర్వాత .. త్వరలోనే మన దగ్గర కూడా ఇలాంటి సైకిళ్లు వస్తే బాగుండు అనుకుంటున్నారు నెటిజన్లు.    చదవండి : సరికొత్తగా టాటా టియాగో.. ధర ఎంతంటే..

వెబ్‌డెస్క్‌: ఇండియాలో బైకులకు క్రేజ్‌  రోజురోజుకి పెరుగుతుందే కానీ తగ్గడం లేదు. ముఖ్యంగా తన రీ ఎంట్రీతో మార్కెట్‌ని షేక్‌ చేసింది రాయల్‌ ఎన్‌ఫీల్డ్‌. ఖరీదైన బైకులకు మంచి మార్కెట్‌ను సిద్ధం చేసింది. ఆ తర్వాత లక్షల రూపాయల విలువ చేసే బైకులు మార్కెట్లోకి వచ్చాయి.. వస్తున్నాయి. కుర్రకారు అయితే క్యాష్‌ కంటే బైక్‌ డిజైన్‌, పవర్‌కే ప్రిఫరెన్స్‌ ఇస్తూ హై ఎండ్‌ బైకులు కొనేందుకు సై అంటున్నారు. ధర అధికంగా ఉన్నా  ఇండియా మార్కెట్‌లో క్రమంగా విస్తరిస్తున్న ఐదు ఖరీదైన బైకులపై ఓ లుక్కేద్దాం.  కవాసాకి నింజా H2R కవాసాకి నింజా H2R బైక్‌ని 2019లో ఇండియా మార్కెట్‌లోకి తెచ్చారు. 998 సీసీ సామర్థ్యం కలిగిన ఈ బైక్‌ వేగానికి, పవర్‌కి మరో పేరు.  326 హార్స్‌పవర్‌ సామర్థంతో ఈ బైకుపై రివ్వున దూసుకు పోవచ్చు. అయితే బైకును రోడ్లపై నడిపేందుకు మన ప్రభుత్వం అనుమతి ఇవ్వలేదు. రేసింగ్‌ రోడ్లపై నడిపేందుకే అనుమతి ఉంది. ఈ బైక్‌ ధర రూ.79.90 లక్షలుగా ఉంది. బీఎండబ్ల్యూ  M 1000 RR లగ్జరీ కార్లు, హై ఎండ్‌కార్లలో స్పెషల్‌ స్టేటస్‌ బీఎండబ్ల్యూ సొంతం. అదే స్థాయిని కాపుడుకుంటూ టూ వీలర్‌ సెగ్మెంట్‌లో బీఎండబ్ల్యూ M 1000 RR మోడల్‌ని మార్కెట్‌లోకి తెచ్చింది. క్షణాల్లో గంటకు 300 కి.మీ వేగానికి చేరుకోవడం దీని ప్రత్యేకత. ఈ బైకు ధర రూ. 42 లక్షల నుంచి రూ. 45 లక్షల వరకు ఉంది. ఇండియన్‌ రోడ్‌ మాస్టర్‌ వింటేజ్‌ లుక్‌తో పవర్‌ఫుల్‌ ఇంజన్‌తో రైడర్లిద్దరికి లగ్జరీ అందించే బైకుగా రోడ్‌మాస్టర్‌కి ప్రత్యేక స్థానం ఉంది. ఇండియన్‌ మోటార్‌ సైకిల్‌ ఈ బైకును మార్కెట్‌లోకి తెచ్చింది. సాధారణంగా అన్ని బైకులు రైడర్‌ కంఫర్ట్‌కి ప్రాధాన్యత ఇస్తాయి. కానీ రోడ్‌ మాస్టర్‌లో వెనక కూర్చునే వ్యక్తి కోసం ప్రత్యేక డిజైన్‌ చేసింది ఇండియన్‌ మోటర్‌ సైకిల్‌ సంస్థ. ఈ బైకు ధర 43 లక్షల నుంచి మొదలవుతుంది.  హార్లే - డేవిడ్‌సన్‌ రోడ్‌ గ్లైడ్‌ స్పెషల్‌ హర్లే డేవిడ్‌సన్‌ నుంచి వచ్చిన రోడ్‌ ‍గ్లైడ్‌ స్పెషల్‌ బైక్‌ని నడుపుతుంటే... గాల్లో తేలినట్టుందే.. గుండే జారినట్టుందే అనే ఫీలింగ్‌ రాకమానదు. ఇండియన్‌ వింటేజ్‌ స్టైల్‌లోనే క్లాసిక్‌ ప్లస్‌ మోడ్రన్‌ లుక్‌ విత్‌ ఇన్ఫోంటైన్‌మెంట్‌ ఫెసిలిటీతో వచ్చింది గ్లైడ్‌ స్పెషల్‌ బైక్‌. ఈ బైకులు మార్కెట్‌లో రూ. 35 లక్షలు నుంచి లభిస్తున్నాయి.  చీఫ్‌స్టైయిన్‌ లిమిటెడ్‌ ఎడిషన్‌ క్లాసిక్‌, ఎథ్నిక్‌ లుక్‌తో మోడ్రన్‌ బైకులు తయారు చేస్తూ తనకంటూ ప్రత్యేక స్థానం దక్కించుకున్న ఇండియన్‌ మోటర్‌ సైకిల్‌ సంస్థ నుంచి వచ్చిన మరో బైక్‌ చీఫ్‌స్టైయిన్‌ లిమిటెడ్‌ ఎడిషన్‌. ఎల్‌ఈడీ లైటింగ్‌, బ్లూటూత్‌, ఆపిల్‌ కార్‌ ప్లే వంటి అధునాతన సదుపాయలు ఈ బైక్‌ సొంతం. ఈ బైకు సొంతం చేసుకోవాలంటే రూ. 33 లక్షలకు పైగానే సొమ్ములు రెడీ చేసుకోవాలి. 

సాక్షి,న్యూఢిల్లీ: ఆపిల్ తన ఐపాడ్ నానోను వింటేజ్  (వాడుకలో లేని) జాబితాలో చేర్చనుంది. తన ఐకానిక్ నానో లైనప్‌లోని చివరి ఐపాడ్‌ను ‘పాతకాలపు’ ఉత్పత్తుల జాబితాలో చేర్చబోతోందని మాక్‌రూమర్స్ నివేదించింది. ఈ నెల చివరిలో 7వ తరం ఐపాడ్ నానోను  వింటేజ్ ఉత్పత్తుల జాబితాలో చేర్చబోతోందని తెలిపింది. ఆపిల్ తన తొలి ఐపాడ్ నానోను సెప్టెంబర్ 2005 లో ప్రారంభించింది. కాలక్రమేణా, అనేక మార్పులు చేర్పులతో ఐపాడ్ నానోను సమీక్షిస్తూ కొత్త డిజైన్లతో అప్ డేట్ వస్తోంది. ఈ క్రమంలో  ఆపిల్ 2015లో 7వ జనరేషన్ ఐపాడ్ నానో రిఫ్రెష్ వెర్షన్‌ను విడుదల చేసింది. అయితే  దీనికి క్రమేపీ ఆదరణ తగ్గిపోవడంతో విక్రయాలు  పడిపోయాయి. దీంతో ఐపాడ్ నానో ఇకపై వాడుకలో లేని పాత ఉత్పత్తుల జాబితాలో చేరనుంది. వింటేజ్ ఉత్పత్తులు  ఐదుకంటే ఎక్కువ, లేదా ఏడు సంవత్సరాల వరకు విక్రయానికి నోచుకోని ఉత్పత్తులను వింటేజ్ ఉత్పత్తులుగా లెక్కిస్తారు. ఏడు సంవత్సరాల మార్కును దాటిన తర్వాత, అవి వాడుకలో లేనివిగా పరిగణిస్తారు. ఈ నేపథ్యంలోనే ఆపిల్ ఐపాడ్ నానో వింటేజ్ జాబితాలో చేరనుందని మాక్‌రూమర్స్ అంచనా వేసింది.

సాక్షి, ముంబై: భారతీయ  ద్విచక్ర వాహన మార్కెట్‌లోకి మరో గోల్డెన్‌ బైక్స్‌ రీఎంట్రీ ఇవ్వబోతున్నాయి. ఈ మేరకు సోషల్‌ మీడియాలో పలు  సంకేతాలు సందడి చేస్తున్నాయి. 2020 ఆటో ఎక్స్‌పో నాటికి ఈ బైక్స్‌ పరిచేయాలని కంపెనీ యోచిస్తోందట.  ఈ కంపెనీ పేరే యెజ్డీ మోటార్‌  సైకిల్స్‌. మహీంద్ర అండ్‌ మహీంద్ర సొంతమైన ఈ క్లాసిక్‌ కంపెనీ తన ఐకానిక్‌ యెజ్డీ బైక్‌లను తిరిగి లాంచ్‌ చేస్తోంది. ప్రధానంగా ఇటీవల భారత మార్కెట్లో రీఎంట్రీ ఇచ్చిన జావా బైక్‌లు హల్‌చల్‌ చేస్తున్న నేపథ్యంలో కంపెనీ తాజా నిర్ణయం తీసుకుంది.  లాంచింగ్‌పై కచ్చితమైన  తేదీని  ప్రకటించకపోయినప్పటికీ,  భారత బైక్‌ మార్కెట్‌ను ఏలిన యెజ్డీ  మోటార్‌ సైకిల్స్‌ బైక్స్‌  అధికారిక పేజీ ప్రస్తుతం యాక్టివ్‌గా ఉంది. ఈ పేజీలో కొన్ని వివరాలను కూడా పొందుపర్చింది. అలాగే  ఆఫీషియల్ ట్విటర్‌, ఇన్‌స్టాగ్రామ్  తదితర సోషల్‌ మీడియా ప్లాట్‌ఫాంలు  యెజ్డీ బైక్‌ల లాంచింగ్‌పై స్పష్టమైన సంకేతాలని నిస్తున్నాయి.   

నిషేధం ఉన్నప్పటికీ జన్యుమార్పిడి వంగ పంట హర్యానాలో సాగులో ఉన్న విషయం కలకలం రేపింది. అనుమతి లేని కలుపు మందును తట్టుకునే బీటీ పత్తి కొన్ని లక్షల ఎకరాల్లో సాగులోకి వచ్చినట్టుగానే నిషిద్ధ జన్యుమార్పిడి వంగ పంట కూడా పొలాల్లోకి వచ్చిందా అన్న అనుమానాలు వ్యక్తమవుతున్నాయి. పదేళ్ల క్రితం బీటీ వంగ రకాన్ని ప్రైవేటు కంపెనీ తయారు చేసినప్పుడు దేశవ్యాప్తంగా అప్పటి పర్యావరణ మంత్రి జయరామ్‌ రమేశ్‌ ఆధ్వర్యంలో ప్రజాభిప్రాయ సేకరణ జరిపితే.. వ్యతిరేకత వెల్లువెత్తింది. అంతటితో బీటీ వంగపై కేంద్రం నిషేధం విధించింది. పదేళ్ల తర్వాత ఈ వంగడం రైతు పొలంలో కనిపించడం ఏమాత్రం సమర్థనీయంగా లేదు. కాయతొలిచే పురుగును తట్టుకుంటుందని చెబుతున్న బీటీ వంగను ఫతేబాద్‌లో ఒక రైతు సాగు చేస్తున్నట్టు వెల్లడైంది. బస్టాండ్ల దగ్గరల్లో విత్తనాల దుకాణాల్లో విత్తనం కొన్నట్లు ఆ రైతు చెబుతున్నారు. మన దేశంలో నిషేధించిన మూడేళ్ల తర్వాత 2013లో బంగ్లాదేశ్‌ ప్రభుత్వం బీటీ వంగ సాగును అనుమతించింది. మొదట్లో కొన్నాళ్లు కాయతొలిచే పురుగును తట్టుకున్న బీటీ వంగ, ఆ తర్వాత తట్టుకోలేకపోతున్నదని సమాచారం. అక్రమ పద్ధతుల్లో బీటీ వంగ వంగడాన్ని రైతులకు అందిస్తుండడంపై జన్యుమార్పిడి వ్యతిరేక వర్గాలు మండిపడుతున్నాయి.  ‘మనకు 3,000కు పైగా వంగ రకాలు ఉన్నాయి. బీటీ వంగ పండించడం మొదలు పెడితే ఈ సంప్రదాయ వంగడాలన్నీ జన్యుకాలుష్యానికి గురవుతాయి. వంగ పంటలో జీవవైవిధ్యం అడుగంటిపోతుంది. పత్తిలో జరిగింది ఇదే..’ అని కోలిషన్‌ ఫర్‌ ఎ జీఎం ఫ్రీ సంస్థ ప్రతినిధి శ్రీధర్‌ రాధాకృష్ణన్‌ అన్నారు. అధికారులు బీటీ వంగ సాగవుతున్న పొలాల నుంచి నమూనాలు సేకరించి పరీక్షలు నిర్వహించాలి. నిషిద్ధ విత్తనాలు ఎక్కడి నుంచి వస్తున్నాయో కనిపెట్టాలి. జన్యుమార్పిడి బీటీ పత్తి మొక్కలను ధ్వంసం చెయ్యాలి. నష్టపోయిన రైతులకు పరిహారం ఇప్పించడంతోపాటు నిషిద్ధ విత్తనాలు రైతులకు అంటగడుతున్న కంపెనీలపై క్రమశిక్షణా చర్యలు తీసుకోవాలని స్వచ్ఛంద సంస్థల ప్రతినిధులు కోరుతున్నారు. రైతులు కూడా అప్రమత్తంగా ఉండాల్సిన అవసరం ఉంది. ‘ఎందరు రైతులు సాగు చేస్తున్నారో..’ ఫతేబాద్‌లో రైతు సాగు చేస్తున్న వంగ తోట నుంచి నమూనాలను సేకరించి న్యూఢిల్లీలోని జాతీయ మొక్కల జన్యువనరుల బ్యూరో(ఎన్‌.బి.పి.జి.ఆర్‌.)కు పరీక్షల నిమిత్తం పంపామని, పది రోజుల్లో ఫలితం వెలువడుతుందని హర్యానా ఉద్యాన శాఖ డైరెక్టర్‌ జనరల్‌ అర్జున్‌ సింగ్‌ శైని తెలిపారు. ‘ఇది బీటీ వంగే అని తేలితే దాన్ని అరికట్టడానికి చాలా చర్యలు తీసుకోవాల్సి వస్తుంది. ఆ పొలంలో పంటను ధ్వంసం చేయాలి. ఆ విత్తనాలు రైతు చేతికి ఎవరెవరి చేతులు మారి వచ్చాయన్నది నిగ్గుతేల్చాల్సి ఉంటుంది. బీటీ వంగ అక్రమంగా సాగవుతుండడమే నిజమైతే దేశంలో ఇంకా ఎంత మంది రైతుల దగ్గరకు ఈ విత్తనాలు చేరాయో కనిపెట్టాల్సి ఉంటుంది’ అని శైని అన్నారు. బీటీ వంగ, నాన్‌ బీటీ వంగ

కాలిఫోర్నియా : దక్షిణ కాలిఫోర్నియాలో పైలెట్‌ చాకచక్యంగా వ్యవహరించడంతో పెనుప్రమాదం తప్పింది. ఓ మినీ వింటేజ్‌ విమానం రోడ్డుపైనే కూలిపోయింది. ప్రయాణ సమయంలోనే కాండర్‌ స్క్వాడ్రన్‌ ఆఫీసర్స్‌, ఎయిర్‌మెన్స్‌ అసోసియేషన్‌కు చెందిన నార్త్‌ అమెరికన్‌ ఎస్‌ఎన్‌జే-5 విమాన ఇంజిన్‌ ఫెయిల్‌ అయింది. పైలట్‌ రాబ్‌ చాకచక్యంగా వ్యవహరించి విమానాన్ని ఎవరూలేని ఓ రోడ్డుపై ల్యాండ్‌ చేశారు. అయితే అగోరా హిల్స్‌లోని 101 ఫ్రీవేపై ల్యాండింగ్‌ చేస్తుండగా విమాన రెక్క డివైడర్‌ను ఢీకొట్టింది. దీంతో విమానంలో మంటలు చెలరేగాయి. లాస్‌ ఏంజిల్స్‌ కౌంటీ ఫైర్‌ సిబ్బంది హుటాహుటిన సంఘటనా స్థలానికి చేరుకుని పైలట్‌ను విమానంలో నుంచి బయటకు తీశారు. తర్వాత కొద్దిసేపటికే విమానం మంటలకు ఆహుతైంది. ఈ ప్రమాదంతో కిలోమీటర్లమేర భారీగా ట్రాఫిక్‌ జామ్‌ అయింది. ప్రమాద సమయంలో విమానంలో పైలట్‌ మినహా ఎవరూ లేరు. అదే సమయంలో రోడ్డుపై కూడా వాహనాలు లేకపోవడంతో భారీ ప్రమాదం తప్పింది. విమాన ఇంజిన్‌ ఫెయిలవ్వడంతో రద్దీగా లేని ఫ్రీవేపై ల్యాండ్‌ చేయాలనుకున్నానని రాబ్‌ తెలిపారు. ఎవరికీ గాయాలవ్వకుండా విమానాన్ని ల్యాండ్‌ చేయగలిగానన్నారు.

జెనీవా: రెండో ప్రపంచ యుద్ధ కాలానికి చెందిన వింటేజ్‌ విమానం స్విట్జర్లాండ్‌లో కూలిపోవడంతో 20 మంది దుర్మరణం చెందారు. 1939లో జర్మనీలో తయారైన జేయూ52 హెబీ–హెచ్‌వోటీ విమానం.. 3 వేల మీటర్ల ఎత్తయిన పిజ్‌ సెగ్నాస్‌ పర్వతంపై శనివారం సాయంత్రం 5 గంటల సమయంలో (స్థానిక కాలమానం ప్రకారం) కూలిపోయింది. పర్వతం పశ్చిమ వైపున 2,540 మీటర్ల (సుమారు 8333 అడుగులు) ఎత్తులో ప్రమాదం సంభవించిందని.. మృతుల్లో 11 మంది పురుషులు, 9 మంది మహిళలు ఉన్నట్లు పోలీసు శాఖ అధికార ప్రతినిధి అనిటా సెంటీ తెలిపారు. స్విట్జర్లాండ్‌లోని టిసినో నుంచి బయలుదేరిన విమానం జూరిచ్‌లోని డ్యూబెండోర్ఫ్‌ మిలటరీ ఎయిర్‌ఫీల్డ్‌కు చేరాల్సి ఉందని జర్మన్‌ పత్రిక బ్లింక్‌ తెలిపింది. సహాయక చర్యలు చేపట్టేందుకు ఐదు హెలికాప్టర్లను పంపినట్లు పోలీసులు తెలిపారు. ప్రమాదం జరిగిన ఎయిర్‌ స్పేస్‌లో విమానాల రాకపోకలను ఆదివారం రాత్రి వరకు తాత్కాలికంగా నిలిపివేసినట్లు వెల్లడించారు. ‘180 డిగ్రీలకు దక్షిణంగా విమానం మళ్లింది. అంతలోనే ఓ రాయిలాగా నేలపై కుప్పకూలింది’ అని ప్రత్యక్ష సాక్షి ఒకరు తెలిపారు.


  న్యూఢిల్లీ: పొలారిస్ ఇండియా కంపెనీ ఇండియన్ బ్రాండ్ మోటార్‌సైకిళ్లను బుధవారం భారత మార్కెట్లోకి ప్రవేశపెట్టింది. అమెరికాకు చెందిన పొలారిస్ ఇండస్ట్రీస్‌కు అనుబంధంగా కార్యకలాపాలు నిర్వహిస్తున్న పొలారిస్ ఇండియా కంపెనీ ఇండియన్ బ్రాండ్  కింద మూడు మోడళ్లను అందిస్తోంది.
 
 చీఫ్ మోడల్‌లో క్లాసిక్(ధర రూ. 26.5 లక్షలు), వింటేజ్(ధర రూ. 29.5 లక్షలు), చీఫ్‌టైన్(ధర రూ. 33 లక్షలు) బైక్‌లను అందిస్తున్నామని పొలారిస్ ఇండియా  ఎండీ పంకజ్ దుబే చెప్పారు.  ఈ బైక్‌లను అమెరికా నుంచి దిగుమతి చేసుకొని ఇక్కడ విక్రయిస్తామని తెలిపారు. ఈ మూడు బైక్‌లకు బుకింగ్స్ ప్రారంభించామని, మార్చి నుంచి డెలివరీలు ప్రారంభిస్తామని తెలిపారు.
 
  బైక్స్ ప్రత్యేకతలు ఇవీ...
    వి-ట్విన్ ధండర్ స్ట్రోక్ 111 ఇంజిన్(1,811సీసీ)తో రూపొందిన ఈ సూపర్ బైక్‌ల్లో  6 గేర్లు,  ఏబీఎస్, క్రూయిస్ కంట్రోల్, కీలెస్ ఇగ్నీషన్, అల్యూమినియం ఫ్రేమ్ వంటి ఫీచర్లున్నాయి.
 
    ఇక క్లాసిక్ బైక్‌లో టెలిస్కోపిక్ కార్‌ట్రిడ్జ్ ఫోర్క్ ఫీచర్ ఉండగా, వింటేజ్‌లో లెక్సన్ విండ్ షీల్డ్ ఫీచరుంది.  
 
    చీఫ్‌టైన్‌లో టైర్ ప్రెజర్ మానిటరింగ్ సిస్టమ్, పవర్డ్ విండ్‌షీల్డ్, స్మార్ట్‌ఫోన్, బ్లూటూత్‌తో 100 వాట్స్ స్టీరియో సిస్టమ్ వంటి ప్రత్యేకతలున్నాయి.
 
    ఇండియన్ అనేది అమెరికాలో అత్యంత పురాతనమైన మోటార్‌సైకిల్ బ్రాండ్.
    ఇక్కడ హార్లే డేవిడ్సన్, ట్రయంఫ్‌తో పోటీపడనుంది.