సాక్షి, హైదరాబాద్‌: అమెరికాలో విద్యావకాశాల కోసం ఎదురుచూస్తున్న విద్యార్థుల కోసం అక్కడి వర్సిటీలు వర్చువల్‌ ఎడ్యుకేషన్‌ ఫెయిర్‌ను నిర్వహించనున్నాయి. గుర్తింపు పొందిన వందకుపైగా యూఎస్‌ వర్సిటీలు, కాలేజీలతో విద్యార్థులు, వారి తల్లిదండ్రులు ఆన్‌లైన్‌ ద్వారా సంభాషించడానికి ఈ కార్యక్రమం ద్వారా ఉచితంగా అవకాశం కల్పించనున్నారు. మాస్టర్స్‌ లేదా పీహెచ్‌డీ కోర్సులపై ఈ నెల 27న భారత కాలమానం ప్రకారం సాయంత్రం 5.30 గంటల నుంచి రాత్రి 10.30 గంటల వరకు గ్రాడ్యుయేట్‌ ఫెయిర్‌ జరగనుంది. ఇందులో పాల్గొనడానికి ( https://bit.ly/EduSAFair21EmbWeb) లింక్‌ ద్వారా రిజిస్ట్రేషన్‌ చేసుకోవాలని హైదరాబాద్‌లోని యూఎస్‌ కాన్సులేట్‌ కార్యాలయం సూచించింది.  వచ్చే నెల 3న బ్యాచిలర్స్‌ కోర్సులపై..  బ్యాచిలర్స్‌ కోర్సుల్లో ప్రవేశాల కోసం ఎదురుచూస్తున్న విద్యార్థుల కోసం సెప్టెంబర్‌ 3న సాయంత్రం 5.30 గంటల నుంచి రాత్రి 10.30 గంటల వరకు ఎడ్యుకేషన్‌ ఫెయిర్‌ జరగనుంది. ఈ కార్యక్రమంలో పాల్గొనడానికి వెబ్‌ లింక్‌ (https://bit.ly/ UGEdUSAFair21 Emb Web) ద్వారా రిసిస్ట్రేషన్‌ చేసుకోవాలి. యూఎస్‌లోని వివిధ ప్రాంతాలకు ప్రాతినిధ్యం వహించే ఉన్నత విద్యాసంస్థలు ఎడ్యుకేషన్‌ ఫెయిర్‌లో పాల్గొంటాయి. అండర్‌ గ్రాడ్యుయేట్, గ్రాడ్యుయేట్, డాక్టొరల్‌ స్థాయిల్లో కోర్సులు అందిస్తున్నాయి. యూఎస్‌ విశ్వవిద్యాలయాలు, ఎడ్యుకేషన్‌ యూఎస్‌ఏ విభాగం సలహాదారులతో ఈ ముఖాముఖి ఉంటుంది. అమెరికాలో చదువులు, ఫండింగ్, స్కాలర్‌షిప్‌లు, ప్రాక్టికల్‌ ట్రైనింగ్‌ తదితర విషయాల్లో నిర్ణయాలు తీసుకోవడానికి ముఖాముఖి సాయపడుతుంది. విద్యార్థి వీసాల గురించి యూఎస్‌ బ్యూరో ఆఫ్‌ కాన్సులర్‌ అఫైర్స్‌ అధికార వర్గాల నుంచి విద్యార్థులకు అవసరమైన సమాచారం లభించనుంది. పూర్తి వివరాల కోసం (https://drive.google.com/drive/floders/1 dcOlvRx6 AQkZGBU9 URf1 lblqMU&pXZMm) వీడియో లింక్‌ను సందర్శించాలని యూఎస్‌ కాన్సులేట్‌ సూచించింది. 


 ప్రపంచంలో కెల్లా అత్యంత విజయవంతమైన ఎలక్ట్రిక్ కారు కంపెనీ టెస్లా మోటార్స్, తన ఇంటర్నెట్ అడ్రస్ ను మార్చుకుంది. టెస్లామోటార్స్.కామ్ గా ఉన్న అడ్రస్ ను కుదించుకుని టెస్లా.కామ్ గా చేసుకుంది. సోమవారం నుంచి ఈ డొమైన్ పేరు, అడ్రస్ లు అప్ డేట్ అయినట్టు ఇంటర్నెట్ అక్రెడిటేషన్ కంపెనీ ఐసీఏఎన్ఎన్ తెలిపింది. వెబ్ యూజర్లు ఆటోమేటిక్ గా కొత్త టెస్లా.కామ్ వెబ్ అడ్రస్ లోకి మళ్లించబడతారని ఐసీఏఎన్ఎన్ రిపోర్టు పేర్కొంది.
 టెస్లా వెబ్ అడ్రస్ మార్పుతో కంపెనీ అధికారిక పేరు కూడా మారబోతుందా అనే అంశంపై ప్రస్తుతం చర్చలు జరుగుతున్నాయి. ఈ విషయంపై కంపెనీ సీఈవో ఎలోన్ మాస్క్ సైతం కొంత హింట్ ఇచ్చారట. అయితే కంపెనీ పేరు మార్చే మాస్టర్ ప్లాన్ పై ఇంకా ఎలాంటి వివరాలు వెల్లడికాలేదు.
 
 టెక్నాలజీ దిగ్గజం యాపిల్ సైతం తన పేరును 2007లో యాపిల్ కంప్యూటర్ నుంచి యాపిల్ ఇంక్ గా మార్చుకుంది. కొత్త పథంలో కంపెనీ వ్యాపారాలను నడిపిస్తున్న నేపథ్యంలో ఐఫోన్ ను లాంచ్ చేసిన కొద్ది రోజులోనే తన పేరును యాపిల్ ఇంక్ కు కుదించుకుంది. టెస్లా సైతం ఈ బాటలో ఏమైనా నడవబోతుందా అనే సందేహాలు వెల్లువెత్తుతున్నాయి.
 
 ఎలక్ట్రిక్ వెహికిల్స్ తో పాటు, గృహాలకు, వ్యాపారాలకు ఉపయోగించే టెస్లా స్టేషనరీ స్టోరేజీ బ్యాటరీలను టెస్లా తయారుచేస్తోంది. కంపెనీ బ్యాటరీల కోసం టెస్లాఎనర్జీ.కామ్ లో వెతికే వెబ్ యూజర్లు, ఈ అడ్రస్ మార్పుతో టెస్లా.కామ్/ఎనర్జీకి మళ్లించబడతారు. టెస్లా.కామ్ అడ్రస్ పై టెస్లా ఈ ఏడాది మొదట్లోనే అన్ని హక్కులను పొందింది. ప్రస్తుతమనున్నఇంటర్నెల్ ఈ-మెయిల్ అడ్రస్ స్థానంలో కొత్త డొమైన్ అడ్రస్ నూ త్వరలోనే వినియోగదారుల ముందుకు రాబోతున్నట్టు అధికారులు చెబుతున్నారు.