సాక్షి, మహబూబాబాద్‌: పట్టా కప్పుకొని అమ్మ పడుకుందంటే నిద్రపోతోందనే తెలుసు వారికి.. కానీ, అది శాశ్వతనిద్ర అని, ఇక ఎప్పటికీ లేవదని వారికేం తెలుసు.. తమ ఇంటికి ఎవరెవరో వచ్చిపోతుంటే బేలచూపులు చూస్తున్న ఈ ఇద్దరు చిన్నారులకు తాము అనాథలమయ్యామనే విషయం ఏం తెలుసు.. ‘నాన్న అమ్మను కొట్టి వెళ్లిపోయాడు. అమ్మ పట్టా కప్పుకొని పడుకుంది. మా అమ్మ మళ్లీ లేస్తుంది’ అని నాలుగేళ్ల కుమారుడు అంటుంటూ స్థానికులు కన్నీటి పర్యంతమయ్యారు. ఈ ఘటన మహబూబాబాద్‌ జిల్లా రిపెడ మండలం ఆనకట్ట తండాలో చోటుచేసుకుంది. ఆనకట్టతండాకు చెందిన భూక్య రవీందర్,  తేజావత్‌ మమత(28) దంపతులు. వీరికి నాలుగేళ్ల కుమారుడు, రెండున్నరేళ్ల కుమార్తె ఉన్నారు. రవీందర్‌ ఇటీవల భార్యపై అనుమానం పెంచుకుని పలుమార్లు దాడికి పాల్పడగా, పెద్ద మనుషులు సర్దిచెప్పుకుంటూ వచ్చారు. అయినప్పటికీ అనుమానం వీడని రవీందర్‌ మంగళవారం తెల్లవారుజామున నిద్రిస్తున్న భార్యను గొడ్డలితో నరికాడు. కత్తితో గొంతు కోశాడు. చనిపోయిందని నిర్ధారించుకున్నాక పరారయ్యాడు.    – మరిపెడ రూరల్‌   

బీజింగ్‌: ఆన్‌లైన్‌ పోర్టలోలో ప్రత్యక్ష ప్రసారం వీక్షిస్తున్న మాజీ భార్యను హతమార్చిన వ్యక్తికి ఉరిశిక్ష అమలు చేశారు. చైనాలో ఈ ఘటన జరిగింది. సిచువాన్‌ ప్రావిన్స్‌లో నివసించే టాంగ్‌ లూ తన భార్య లామూను  వేధించేవాడు. దీంతో 2020లో విడాకులు తీసుకుంది. మళ్లీ పెళ్లాడాలని వేధించాడు. 2020 సెప్టెంబర్‌లో ఆమె ఇంటికొచ్చాడు. అప్పటికే ఆమె టిక్‌టాక్‌ లాంటి ఆన్‌లైన్‌ పోర్టల్‌ డౌయిన్‌లో లైవ్‌ కార్యక్రమాలు చూస్తోంది. తనను పట్టించుకోవడం లేదని ఆగ్రహించి, ఆమెపై పెట్రోల్‌ పోసి, నిప్పటించాడు. తీవ్రంగా గాయపడిన లామూ ఆసుపత్రిలో చికిత్స పొందుతూ కొన్ని వారాల తర్వాత మరణించింది. ఈ సంఘటన చైనాలో తీవ్ర సంచలనం సృష్టించింది. నేరం రుజువు కావడంతో న్యాయస్థానం 2021 అక్టోబర్‌లో అతడికి మరణ శిక్ష విధించింది. ఇటీవలే అధికారులు ఉరిశిక్ష అమలు చేశారు. ఇదీ చదవండి: మృత్యువులోనూ వీడని స్నేహం

గుంతకల్లుటౌన్‌: కట్టుకున్నవాడే కాలయముడిగా మారాడు. ఎన్నో ఆశలతో అత్తగారింట్లో అడుగుపెట్టిన నవవధువు జీవితాన్ని ఐదునెలలకే చిదిమేశాడు. గుంతకల్లు పట్టణంలో ఈ నెల 2న సంచలనం సృష్టించిన వివాహిత హత్య కేసు నిందితులను పోలీసులు అరెస్టు చేశారు. ఒన్‌టౌన్‌ పీఎస్‌లో మంగళవారం విలేకర్ల సమావేశంలో సీఐ నాగశేఖర్‌ వివరాలు వెల్లడించారు. గుంతకల్లులో రైల్వేగార్డుగా పనిచేసే బాలాజీనాయక్‌ కుమారుడు సుబ్రమణ్యం నాయక్‌కు, కదిరి మండలం రాచవారిపల్లితాండాకు చెందిన ఎం.చంద్రానాయక్‌ కుమార్తె అఖిలబాయితో గత ఏడాది నవంబర్‌ 28న వివాహం జరిగిందన్నారు. చంద్రానాయక్‌కు స్వగ్రామంలో మూడెకరాల భూమి ఉండగా, అందులో ఒకటిన్నర ఎకరా రాయించుకురావాలంటూ అఖిలబాయిని పెళ్లైన కొన్ని రోజుల నుంచే ఆమె భర్త సుబ్రమణ్యం నాయక్, తల్లిదండ్రులు బాలాజీనాయక్, సుశీలబాయి, అక్కాబావ పుష్ప, హరిలాల్‌నాయక్‌ ఒత్తిడి చేసేవారన్నారు. అంతేకాకుండా అఖిలబాయి కాలేజీలో చేసిన టిక్‌టాక్‌ వీడియోను అడ్డుపెట్టుకుని ఎవరితోనో సంబంధాలు పెట్టుకున్నావంటూ భర్త చిత్రహింసలకు గురిచేసేవాడన్నారు. ఈ నెల ఒకటో తేదీ తెల్లవారుజామున అఖిలబాయితో గొడవ పెట్టుకున్న సుబ్రమణ్యం నాయక్‌ ఆమె తలపై ఇనుపరాడ్‌తో కొట్టడంతో పాటు ఎడమ చేతి మణికట్టు వద్ద కత్తితో కోసేశాడన్నారు. అయినప్పటికీ కొన ఊపిరితో కొట్టుమిట్టాడుతుండటంతో కత్తితో ఆమె గొంతుకోసి పరారైనట్లు సీఐ వివరించారు. మృతురాలి తండ్రి ఫిర్యాదు మేరకు కేసు నమోదు చేసి మంగళవారం పాత రైల్వేస్టేషన్‌ బుకింగ్‌ ఆఫీసు వద్ద సుబ్రమణ్యం నాయక్‌తో పాటు సుశీలబాయి, బాలాజీనాయక్‌లను అరెస్ట్‌ చేసినట్లు ఆయన పేర్కొన్నారు. కేసులో మరో ఇద్దరు నిందితులైన మృతురాలి ఆడపడుచు పుష్ప, ఆమె భర్త హీరాలాల్‌నాయక్‌ కోసం గాలిస్తున్నట్లు చెప్పారు.ముగ్గురినీ స్థానిక జేఎఫ్‌సీఎం కోర్టు ముందు హాజరుపరచనున్నట్లు సీఐ తెలియజేశారు. సమావేశంలో రూరల్‌ సీఐ లక్ష్మణ్, ఏఎస్‌ఐ శ్రీనివాసులు, సిబ్బంది పాల్గొన్నారు.

చెన్నై: ప్రేమించాడు.. పెద్దలను ఒప్పించి పెళ్లి కూడా చేసుకున్నాడు. నాలుగేళ్లు కాపురం చేశాడు. కానీ, చివరికి ఆమెను బతికుండగానే పూడ్చి పెట్టాడు ఓ శాడిస్ట్‌. తమిళనాడు వేలూరు జిల్లా కాట్పాడిలో ఈ దారుణం చోటు చేసుకుంది.  సుప్రజ, వినాయకం నాలుగేళ్ల కిందట ప్రేమించి పెళ్లి చేసుకున్నారు. అయితే గత కొంతకాలంగా సుప్రజ అనారోగ్యంతో బాధపడుతోంది. ఈ తరుణంలో జబ్బు పడ్డ ఆమెను వేధించసాగాడు వినాయకం. రెండు నెలల కిందట ఓరోజు భార్య సుప్రజను తీవ్రంగా కొట్టాడు కూడా.  దీంతో ఆమె స్పృహ కోల్పోయింది. ఆపై వినాయకం తన తమ్ముడు విజయ్‌, స్నేహితుడి స్నేహితుడు శివ సాయంతో అడవిలో బతికుండగానే భార్యను పూడ్చి పెట్టాడు. పోలీసులతో నిందితుడు వినాయకం సుప్రజ కనిపించకపోవడంతో కుటుంబ సభ్యులు పోలీసులకు ఫిర్యాదు చేశారు.దీంతో విచారణ చేపట్టిన పోలీసులు.. కేసును చేధించారు. అటవీ ప్రాంతంలో పూడ్చిన సుప్రజ మృతదేహాన్ని స్వాధీనం చేసుకున్నారు. భర్త వినాయకంతో పాటు ఇద్దర్ని అరెస్ట్‌ చేశారు. సుప్రజ మరణంతో ఆమె కుటుంబం కన్నీరుమున్నీరుగా విలపిస్తోంది.

సాక్షి, తిరువళ్లూరు: భార్యపై అనుమానం పెంచుకున్న భర్త గొంతు కోసి దారుణంగా హత్య చేసి పోలీసుల ఎదుట లొంగిపోయాడు. ఈ సంఘటన ఆదివారం తిరువళ్లూరు జిల్లా ఎగువనల్లాటూరు వద్ద కలకలం రేపింది. తిరువళ్లూరు జిల్లా ఎగువనల్లాటూరు గ్రామానికి చెందిన గోపి(36). చెన్నై ఆలందూరులో ఆటో నడుపుతూ జీవనం సాగిస్తున్నాడు. ఈ నేపథ్యంలో అదే ప్రాంతానికి చెందిన భర్త నుంచి విడాకులు పొందిన మహేశ్వరిని ఫిబ్రవరి 14న వివాహం చేసుకుని ఎగువనల్లాటూరులో నివాసం వుంటున్నారు. కొద్ది రోజులు వీరి జీవనం సజావుగా సాగింది. ఈక్రమంలో శనివారం రాత్రి భార్య ప్రవర్తనను అనుమానించి గోపి భార్యతో గొడవపడ్డాడు. ఆదివారం ఉదయం ఆలందూరు వెళ్లిపోతానని భార్య చెప్పడంతో ఆగ్రహించి గోపి, మహేశ్వరి గొంతు గోసి హత్య చేశాడు. అనంతరం గోపి పోలీసు స్టేషన్‌కు వెళ్లి లొంగిపోయాడు. నిందితుడ్ని పోలీసులు న్యాయమూర్తి ఎదుట హాజరుపరచి రిమాండ్‌కు తరలించారు. చదవండి: చుట్టూ జనం, అయినా పొడిచి చంపాడు

మానవ సంబంధాలు మంటగలిసిపోతున్నాయి. వ్యసనాలకు బానిసైన వారు రక్త సంబంధాలను సైతం లెక్క చేయడం లేదు. తమ అవసరం తీరితే చాలు.. ఇక ఏదీ అవసరం లేదనే స్థాయికి వెళుతున్నారు. ఈక్రమంలో మంచి చెడుల విచక్షణ కూడా కోల్పోతున్నారు. తాము ఏం చేస్తున్నామో కూడా తెలియకుండానే దారుణాలకు ఒడిగడుతున్నారు. మద్యానికి బానిసైన ఓ వ్యక్తి పింఛన్‌ సొమ్ము ఇవ్వలేదనే కోపంతో కట్టుకున్న భార్యనే కడతేర్చాడు.  గోనెగండ్ల: పింఛన్‌ సొమ్ము కోసం ఓ వ్యక్తి కట్టుకున్న భార్యను గొడ్డలితో చంపిన ఉదంతం మండలంలోని ఒంటెడుదిన్నె గ్రామంలో ఆలస్యంగా వెలుగు చూసింది. పోలీసులు, మృతురాలి కుటుంబ సభ్యులు వివరాల మేరకు.. గ్రామానికి చిన్న నర్సన్న, లక్ష్మిదేవి(60) దంపతులకు వీరేషమ్మ, ఉరుకుందమ్మ, ఈరమ్మ కుమార్తెలు. వీరందరికీ పెళ్లిళ్లు చేశారు. ప్రస్తుతం వారు పెద్దకుమార్తె వీరేషమ్మ వద్ద కోడుమూరు మండలం వర్కూరులో ఉంటున్నారు. సోమవారం పింఛన్‌ సొమ్ము తీసుకునేందుకు స్వగ్రామానికి వచ్చారు. కాగా మద్యానికి బానిసైన నర్సన్న పింఛన్‌ డబ్బు ఇవ్వాలంటూ రాత్రి భార్యతో గొడవ పెట్టుకొన్నాడు. ఇందుకు ఆమె నిరాకరించడంతో తీవ్ర ఆవేశానికి లోనై గొడ్డలితో నరికి చంపి ఇంటి తలుపులు వేసి అక్కడి నుంచి ఉడాయించాడు. మంగళవారం మధ్యాహ్నం ఇంటి పక్కన ఉండే వారికి తనే ఫోన్‌ చేసి తన భార్య ఉరివేసుకొని చనిపోయిందంటూ సమాచారం అందించాడు. దీంతో వారు వెళ్లి చూడగా లక్ష్మిదేవి రక్తపు మడుగులో విగతజీవిగా పడి ఉండటాన్ని గమనించి మృతురాలి కుమార్తెలకు సమాచారం అందించారు. తల్లి మరణంతో కుమార్తెలు విలపించిన తీరు చూపరులను కంటతటి పెట్టించింది. విషయం తెలుసుకున్న పోలీసులు ఘటనస్థలికి చేరుకుని వివరాలు సేకరించారు. మృతురాలి కుమార్తెల ఫిర్యాదు మేరకు కేసు నమోదు చేసుకున్నట్లు ఎస్‌ఐ కృష్ణమూర్తి తెలిపారు.

గంగావతి: భార్యను హత్య చేసి తానూ ఉరి వేసుకొని ఓ వ్యక్తి ఆత్మహత్య చేసుకున్న ఘటన నగరంలోని వడ్డరహట్టి క్యాంప్‌లో సోమవారం చోటు చేసుకుంది. గంగావతిలోని కిల్లా ఏరియాకు చెందిన అఫ్రోజ్‌(28) నగరంలోని గుండమ్మ క్యాంప్‌కు చెందిన మైబూబీ(35)లు ప్రేమించుకున్నారు. మైబూబీ తల్లిదండ్రులు వయస్సు వ్యత్యాసం ఉన్న కారణంగా వివాహానికి అనుమతించ లేదు. దీంతో ఇరువురు కుటుంబాల పెద్దలను ఎదిరించి వారు వివాహం చేసుకున్నారు. వివాహ అనంతరం వడ్డరహట్టి క్యాంప్‌లో  కాపురం పెట్టారు. వివాహం అయిన ఐదు నెలలకే వీరి మధ్య అంతర్గత కలహాలు ఏర్పడటంతో అఫ్రోజ్‌ తన భార్యను హత్య చేసి తానూ ఉరి వేసుకొని ఆత్మహత్య చేసుకున్నాడు. ఈ ఘటనపై గంగావతి టౌన్‌ పోలీసులు కేసు నమోదు చేసుకొని దర్యాప్తు చేపట్టారు. 


 ముంబై:   ఓవైపు కొడుకు కిడ్నాప్, మరోవైపు భార్య హత్యతో ముంబైవాసి అంబాలా దేవ్నాథ్ (27) షాక్ కు గురయ్యాడు.   అల్లారుముద్దుగా పెంచుకుంటున్న కొడుకు ప్రకాష్ అపహరణ వార్తతో దిగ్భ్రాంతికి గురయ్యాడు. దిగులుతో ఇల్లు చేరితే రక్తం కక్కుతూ  భార్య నేలమీదపడి ఉంది. దీంతో దేవనాధ్ అక్కడే స్పృహ తప్పి పడిపోయాడు.   విషయాన్ని గమనించిన ఇరుగుపొరుగు వారు  పోలీసులకు సమాచారం అందించారు.  
 
 నల్లపోపూర్ పోలీస్ స్టేషన్ పోలీసులు అందించిన వివరాల ప్రకారం..  గుర్తు తెలియని వ్యక్తులు దేవ్నాథ్  కొడుకును కిడ్నాప్ చేశారు. లక్షన్నర  రూపాయలిస్తే విడిచి పెడతామని డిమాండ్ చేశారు.  పోలీసులకు చెబితే  చంపేస్తామని దుండగులు బెదిరించారు. దీంతో హడలిపోయిన అతను ఇంటికి చేరేసరికి  భార్య గత్కి సింగ్ (25) అచేతనంగా  పడి ఉంది.
 
 ఆమెను గొంతు నులిమి హత్య చేసినట్టుగా  పోలీసులు అనుమానిస్తున్నారు. మృతదేహాన్ని పోస్ట్  మార్టానికి తరలించి,  విచారణ  మొదలు పెట్టారు.  బాలుని ఆచూకీ కోసం ప్రయత్నిస్తున్నామని  తెలిపారు.