మ్యూనిక్‌: ప్రపంచకప్‌ షూటింగ్‌ టోర్నమెంట్‌లో భారత్‌ ఖాతాలో రెండో పతకం చేరింది. గురువారం జరిగిన మహిళల 50 మీటర్ల రైఫిల్‌ త్రీ పొజిషన్‌ ఈవెంట్‌లో భారత షూటర్‌ సిఫ్ట్‌ కౌర్‌ సమ్రా కాంస్య పతకం సాధించింది. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో సిఫ్ట్‌ కౌర్‌ 453.1 పాయింట్లు స్కోరు చేసి మూడో స్థానంలో నిలిచింది. డ్యూస్టాడ్‌ జెనెట్‌ హెగ్‌ (నార్వే; 466.9 పాయింట్లు) స్వర్ణం, ఎమిలీ జెగీ (స్విట్జర్లాండ్‌; 464.8 పాయింట్లు) రజతం సొంతం చేసుకున్నారు. పంజాబ్‌కు చెందిన 23 ఏళ్ల సిఫ్ట్‌ కౌర్‌కు ఓవరాల్‌గా ప్రపంచకప్‌ టోర్నీలలో ఇది ఐదో పతకం కావడం విశేషం. మరోవైపు గురువారమే జరిగిన పురుషుల 10 మీటర్ల ఎయిర్‌ రైఫిల్‌ ఈవెంట్‌లో భారత్‌కు నిరాశ ఎదురైంది. క్వాలిఫయింగ్‌లో అంకుశ్‌ జాదవ్‌ (631.7 పాయింట్లు) 11వ స్థానంలో, అర్జున్‌ బబూటా (629.1 పాయింట్లు) 43వ స్థానంలో, సందీప్‌ సింగ్‌ (628.3 పాయింట్లు) 53వ స్థానంలో నిలిచారు.

మ్యూనిక్‌: పారిస్‌ ఒలింపిక్స్‌ కాంస్య పతక విజేత స్వప్నిల్‌ కుసాలే ప్రపంచకప్‌ పతకాలపై గురి పెట్టేందుకు తాజాగా సిద్ధమయ్యాడు. అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) వరల్డ్‌కప్‌ లో అతనితో పాటు మహిళా షూటర్, ఒలింపియన్‌ ఇలవేనిల్‌ వలారివన్‌లపై భారత్‌ ఆశలు పెట్టుకుంది. ఈ సీజన్‌లో జరుగుతున్న మూడో ప్రపంచకప్‌కు మ్యూనిక్‌ వేదిక కాగా... 78 దేశాలకు చెందిన 695 మంది మేటి షూటర్లు పాల్గొంటుండటంతో ప్రతీ ఈవెంట్‌లోనూ గట్టి పోటీ ఉండనుంది. గతేడాది పారిస్‌లో పతకాన్ని సాకారం చేసుకున్న కుసాలే ఈ ఏడాది దేశవాళీ సర్క్యూట్‌లో తన ఫామ్‌ను కొనసాగించాడు. పురుషుల 50 మీటర్ల రైఫిల్‌ త్రీ పొజిషన్‌లో భారత ఆశాకిరణమయ్యాడు. రెండుసార్లు ఒలింపియన్‌ అయిన తమిళనాడు షూటర్‌ ఇలవేనిల్‌ పారిస్‌ మెగా ఈవెంట్‌ తర్వాత తిరిగి ఇప్పుడే అంతర్జాతీయ ఈవెంట్‌లో గురి పెట్టేందుకు సన్నద్ధమైంది. ఆమె గతంలో బ్యూనస్‌ఎయిర్స్‌ (అర్జెంటీనా), లిమా (పెరూ) ఈవెంట్లలో పాల్గొన్నప్పటికీ ఈ రెండు కేవలం ర్యాంకింగ్‌ పాయింట్ల (ఆర్‌పీఓ)కు పరిమితమైన పోటీలు మాత్రమే! వీటిని అంతర్జాతీయ షూటింగ్‌ పోటీలుగా పరిగణించరు. వీరిద్దరితో పాటు ఆసియా క్రీడల చాంపియన్‌ పలక్‌ గులియా మహిళల ఎయిర్‌ పిస్టల్‌ ఈవెంట్‌లో పతకాలపై గురి పెట్టనుంది. ఈ హరియాణా షూటర్‌తో పాటు కొత్తగా ఈ ప్రపంచకప్‌లో అరంగేట్రం చేయబోతున్న జాతీయ ఎయిర్‌ రైఫిల్‌ చాంపియన్‌ అనన్య నాయుడు, పురుషుల ఈవెంట్‌లో ఆదిత్య మల్రా, నిశాంత్‌ రావత్‌ కొత్తగా వరల్డ్‌కప్‌ బరిలో దిగుతున్నారు. ఈ నేపథ్యంలో అంతర్జాతీయ షూటర్ల నుంచి వచ్చే సవాళ్లను ఏ మేరకు ఎదుర్కొంటారో చూడాలి. ఓవరాల్‌గా ఈ టోర్నీలో భారత్‌ నుంచి 36 మంది షూటర్లు తమ అదృష్టాన్ని పరీక్షించుకోనున్నారు. ఆంధ్రప్రదేశ్‌కు చెందిన మద్దినేని ఉమామహేశ్‌ 10 మీటర్ల ఎయిర్‌ రైఫిల్‌ ఈవెంట్‌లో పోటీపడనున్నాడు. గత ఏడాది పారిస్‌ ఒలింపిక్స్‌లో రెండు కాంస్య పతకాలు నెగ్గిన పిస్టల్‌ షూటర్‌ మనూ భాకర్‌ ఈ ఏడాది రెండోసారి ప్రపంచకప్‌ టోర్నీ ఆడనుంది. లిమాలో జరిగిన ప్రపంచకప్‌ టోర్నీలో మనూ 10 మీటర్ల ఎయిర్‌ పిస్టల్‌ విభాగంలో రజత పతకాన్ని సాధించింది. ఈ సీజన్‌లో ఇప్పటికే రెండు ప్రపంచకప్‌లు అర్జెంటీనా, పెరులో జరిగాయి. ఈ రెండు మెగా ఈవెంట్లలో కలిపి భారత్‌ ఆరు స్వర్ణాలు సహా 15 పతకాలు గెలుపొందింది. ఈ ప్రదర్శన ద్వారా అర్జెంటీనాలో రెండో స్థానం, పెరు ఈవెంట్‌లో మూడో స్థానంలో భారత్‌ నిలిచింది. అయితే మ్యూనిక్‌లో మాత్రం ఎక్కువ దేశాల నుంచి వందల సంఖ్యలో మేటి షూటర్లంతా బరిలో ఉండటంతో భారత్‌ ఏ స్థానంలో నిలుస్తుందో ఆసక్తికరంగా మారింది. చైనా తమ చాంపియన్‌ షూటర్లు జియి యు, లి యుహంగ్‌ సహా 22 మందితో మ్యూనిక్‌కు చేరుకోగా... ఆతిథ్య జర్మనీ మాజీ ఒలింపిక్, ప్రపంచ చాంపియన్‌ క్రిస్టియాన్‌ రిట్జ్, అన జాన్సెన్‌ సహా 27 మంది మేటి షూటర్లతో పతకాలపై గురి పెట్టింది. మరోవైపు ఫ్రాన్స్‌ తమ దిగ్గజ షూటర్‌ జీన్‌ క్విక్వాంపొయిక్స్‌తో పాటు 16 మందితో ప్రపంచకప్‌కు రెడీ అయ్యింది. ఇద్దరు ఒలింపిక్‌ చాంపియన్లు యంగ్‌ జిన్, ఒ యెజిన్‌లతో కూడిన 19 మంది కొరియన్‌ బృందం కూడా పతకాలు కొల్లగొట్టేందుకు సై అంటోంది. వీరితో పాటు పలువురు పారిస్‌ ఒలింపిక్‌ పతక విజేతలు, అమెరికా, ఇటలీ, కజకిస్తాన్‌ స్టార్‌ షూటర్లు మ్యూనిక్‌ వరల్డ్‌కప్‌కు వన్నెతెచ్చే రసవత్తరపోటీకి ‘ఢీ అంటే ఢీ’ అంటున్నారు.

సాక్షి క్రీడా విభాగం : పెరూ రాజధాని లిమా నగరంలో ప్రపంచ కప్‌ షూటింగ్‌ టోర్నీ... భారత స్టార్‌ షూటర్, డబుల్‌ ఒలింపిక్‌ మెడలిస్ట్‌ మనూ భాకర్‌ 10 మీటర్ల ఎయిర్‌ పిస్టల్‌ ఈవెంట్‌లో బరిలో నిలిచింది. పారిస్‌ ఒలింపిక్స్‌ తర్వాత మొదటిసారి బరిలోకి దిగిన మనూ స్వర్ణం గెలవడం ఖాయం అన్నట్లుగా అంచనాలు ఆమెపైనే ఉన్నాయి. కానీ చివరకు అనూహ్య ఫలితం వచ్చింది. భారత్‌కే చెందిన మరో యువ షూటర్, 18 ఏళ్ల సురుచి సింగ్‌ దూసుకొచ్చింది. మనూ భాకర్‌ను వెనక్కి నెట్టి ఆమె స్వర్ణపతకం సొంతం చేసుకుంది. ఒలింపిక్‌ మెడలిస్ట్‌ మనూ భాకర్‌ రజతానికి పరిమితం కావాల్సి వచ్చింది. దాంతో ఒక్కసారిగా అందరి దృష్టీ ఆమెపై పడింది. మనూ భాకర్‌పై గెలిచిన రెండో రోజు సురుచి పిస్టల్‌ మళ్లీ మెరిసింది. ఈసారి 10 మీటర్ల ఎయిర్‌ పిస్టల్‌ మిక్స్‌డ్‌ టీమ్‌ విభాగంలో భారత్‌కే చెందిన సౌరభ్‌ చౌధరీతో కలిసి సురుచి మరో పసిడి పతకాన్ని సొంతం చేసుకుంది. అంతకుముందు వారమే అర్జెంటీనాలోని బ్యూనస్‌ ఎయిర్స్‌లో జరిగిన తొలి ప్రపంచ కప్‌లో స్వర్ణం నెగ్గిన ఆమెకు ఓవరాల్‌గా ఇది మూడో స్వర్ణం. అయితే మొదటి స్వర్ణంతో పోలిస్తే మనూ భాకర్‌ను ఓడించి సాధించిన పసిడి పతకం విలువ పెద్దదిగా మారిపోయింది. బాక్సింగ్, రెజ్లింగ్‌ను కాదని... సురుచి స్వస్థలం హరియాణాలోని జఝర్‌. దేశంలోనే బాక్సింగ్‌కు అడ్డాగా ఒలింపిక్‌ మెడలిస్ట్‌ విజేందర్‌ సింగ్‌ సహా ఎంతో మంది బాక్సర్లు ఓనమాలు నేర్చుకొని అగ్రస్థాయికి చేరిన భివానికి సమీపంలో ఇది ఉంటుంది. జఝర్‌కు చెందిన ఇందర్‌ సింగ్‌ ఆర్మీలో హవల్దార్‌గా పని చేశాడు. ఒకప్పుడు గొప్ప రెజ్లర్‌గా గుర్తింపు తెచ్చుకున్న గూంగా (మూగ) పహిల్వాన్‌ (వీరేందర్‌ సింగ్‌) ఇతనికి సోదరుని వరుస (కజిన్‌) అవుతాడు. తన కజిన్‌ తరహాలోనే తన కూతురు సురుచిని కూడా రెజ్లర్‌ను చేయాలని ఇందర్‌ సింగ్‌ ఆశించాడు. అయితే ఆ అమ్మాయి మాత్రం మరోవైపు ఆసక్తిని చూపించింది. అటు బాక్సింగ్, ఇటు రెజ్లింగ్‌ కాకుండా షూటింగ్‌ను ఎంచుకుంది. అందులో టాప్‌ ప్లేయర్‌ కావడమే లక్ష్యంగా పెట్టుకుంది. కూతురి ఇష్టాన్ని గుర్తించిన ఇందర్‌ సింగ్‌ ఆమెను భివానిలోని గురు ద్రోణాచార్య షూటింగ్‌ అకాడమీలో చేర్పించాడు. ఆపై తన ఆర్మీ ఉద్యోగానికి రాజీనామా చేసి పూర్తి స్థాయిలో కూతురును షూటర్‌ను చేసేందుకు తన సమయం వెచ్చించాడు. 13 ఏళ్ల సురుచి కోచ్‌ సురేశ్‌ సింగ్‌ మార్గనిర్దేశనంలో షూటింగ్‌ను నేర్చుకొని అందులో పట్టు సంపాదించింది. ఇక మున్ముందు టోర్నీల్లో విజయాలే లక్ష్యంగా ఆమె సిద్ధమవుతూ వచ్చింది. అప్పుడే కోవిడ్‌ మహమ్మారి వచ్చేసింది. ప్రపంచంలో ఎంతో మంది ప్లేయర్లకు వచ్చిన కష్టమే సురుచికి కూడా వచ్చింది. సొంత ఊర్లో సాధన... కోవిడ్‌ సమయంలో భివానికి వెళ్లి ప్రాక్టీస్‌ చేయడం అసాధ్యంగా మారింది. అప్పటికే సురుచి కొన్ని జూనియర్‌ టోర్నమెంట్‌లలో పాల్గొంటూ వచ్చింది. ఆ సమయంలో మరో ప్రత్యామ్నాయం కోసం చూస్తున్న ఇందర్‌ సింగ్‌కు తమ స్వగ్రామంలోనే కొత్తగా ఏర్పాటైన కార్గిల్‌ షూటింగ్‌ అకాడమీ కలిసొచ్చింది. కార్గిల్‌ యుద్ధంలో పాల్గొన్న అనిల్‌ జాఖడ్‌ ఆర్మీ నుంచి బయటకు వచ్చిన తర్వాత ఏర్పాటు చేసిన అకాడమీ ఇది. దాంతో ఇక్కడే సురుచి సాధన మళ్లీ మొదలైంది. ఆమె తన ఆటపైనే పూర్తిగా దృష్టి పెట్టి సత్తా చాటేందుకు సిద్ధమైంది. ఈ శిక్షణ కోవిడ్‌ తర్వాత మంచి ప్రభావం చూపించింది. 2022 జాతీయ చాంపియన్‌షిప్‌లో ఆమె తొలి సారి పతకం గెలుచుకొని తన విజయ ప్రస్థానాన్ని మొదలు పెట్టింది. ఆ తర్వాత 2023 జాతీయ చాంపియన్‌షిప్‌లో కూడా పతకాలు సాధించింది. అయితే 2024లో జరిగిన పోటీలు ఆమె స్థాయిని షూటింగ్‌ ప్రపంచానికి తెలియజేశాయి. ఈసారి ఏకంగా 7 పతకాలతో మెరిసిన సురుచికి భారత భవిష్యత్తు స్టార్‌గా గుర్తింపు వచ్చింది. స్టార్‌ షూటర్‌ శిక్షణలో... ప్రఖ్యాత పిస్టల్‌ షూటర్‌ జీతూ రాయ్‌ భారత జట్టు కోచింగ్‌ బృందంలోకి వచ్చాక సురుచి ఆట మరింత పదునెక్కింది. షూట్‌ చేసే సమయంలో ఆమె నిలిచే తీరులో ఉన్న స్వల్ప లోపాన్ని సవరించడంతో పాటు కీలక సమయాల్లో ఒత్తిడిని తట్టుకునే విషయంలో జీతూ రాయ్‌ ఆమెకు ప్రత్యేక శిక్షణ ఇచ్చాడు. సురుచి ఇటీవలి వరుస విజయాల్లో రాయ్‌ పాత్ర కూడా చాలా ఉంది. ముఖ్యంగా వరల్డ్‌ కప్‌కు ముందు కర్ణీ సింగ్‌ షూటింగ్‌ రేంజ్‌లో జీతూ రాయ్‌ మార్గనిర్దేశనంలో జరిగిన 15 రోజుల ప్రత్యేక శిక్షణా శిబిరం సురుచికి ఎంతో మేలు చేసింది. వరల్డ్‌ కప్‌లో 2 వ్యక్తిగత స్వర్ణాలతో పాటు మిక్స్‌డ్‌ టీమ్‌ ఈవెంట్‌లో సౌరభ్‌ చౌదరితో కలిసి మరో పసిడిని కూడా ఆమె సొంతం చేసుకొని తన స్వర్ణాల సంఖ్యను మూడుకు పెంచుకుంది. ఓపికకు చిరునామావంటి షూటింగ్‌ క్రీడలో కెరీర్‌ ఆరంభంలో ఆమె త్వరగా ప్రాక్టీస్‌ ముగించే ప్రయత్నంలో కాస్త అసహనం ప్రదర్శించేది. కానీ కోచ్‌లు దీనిని గుర్తించి ఆమెకు సరైన దిశానిర్దేశం చేశారు. ఆటలో ఎదగాలంటే సాంకేతిక అంశాలే కాదు వ్యక్తిగత లోపాలు కూడా దిద్దుకోవాలని వారు చేసిన సూచనలను ఆమె అర్థం చేసుకుంది. ఇప్పుడు ప్రాక్టీస్‌లో కూడా తన అత్యుత్తమ ప్రదర్శన ఇచ్చి పర్‌ఫెక్షన్‌ వచ్చే వరకు సురుచి అక్కడినుంచి కదలదు. అలాంటి పట్టుదల అలవాటు చేసుకొని పెద్ద లక్ష్యాలతో ఆమె ముందుకు సాగుతోంది. తొలి కోచ్‌ సురేశ్‌ సింగ్‌ నుంచి జీతూ రాయ్‌ వరకు ఇప్పుడు కష్టపడే తత్వం గురించే చెబుతుండటం విశేషం. వరల్డ్‌ కప్‌ తరహా ప్రదర్శనలు పునరావృతం చేస్తూ నిలకడగా సాగితే భవిష్యత్తులో సురుచి నుంచి కూడా ఒలింపిక్‌ పతకం ఆశించవచ్చు.

లిమా (పెరూ): గతవారం అర్జెంటీనాలో అదరగొట్టిన భారత టీనేజ్‌ పిస్టల్‌ షూటర్‌ సురుచి ఇందర్‌ సింగ్‌ అదే జోరును పెరూలో పునరావృతం చేసింది. అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) ప్రపంచకప్‌ రెండో టోర్నమెంట్‌లో హరియాణాకు చెందిన 18 ఏళ్ల సురుచి 24 గంటల వ్యవధిలో రెండు స్వర్ణ పతకాలతో మెరిసింది. భారత కాలమానం ప్రకారం మంగళవారం అర్ధరాత్రి దాటాక జరిగిన మహిళల 10 మీటర్ల ఎయిర్‌ పిస్టల్‌ వ్యక్తిగత విభాగంలో సురుచి పసిడి పతకాన్ని సొంతం చేసుకుంది. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో సురుచి 243.6 పాయింట్లు స్కోరు చేసి బంగారు పతకాన్ని దక్కించుకుంది. సురుచి ధాటికి గత ఏడాది పారిస్‌ ఒలింపిక్స్‌లో రెండు కాంస్య పతకాలు నెగ్గిన భారత స్టార్‌ మనూ భాకర్‌ రజత పతకంతో సంతృప్తి పడింది. మనూ భాకర్‌ 242.3 పాయింట్లు సాధించి రెండో స్థానంలో నిలిచింది. 34 మంది షూటర్లు పోటీపడ్డ క్వాలిఫయింగ్‌లో సురుచి 582 పాయింట్లతో రెండో స్థానంలో, మనూ భాకర్‌ 578 పాయింట్లతో నాలుగో స్థానంలో నిలిచి ఫైనల్‌కు అర్హత సాధించారు. బుధవారం జరిగిన 10 మీటర్ల ఎయిర్‌ పిస్టల్‌ మిక్స్‌డ్‌ ఈవెంట్‌లోనూ సురుచి గరి అదిరింది. ఈ ఈవెంట్‌ ఫైనల్లో సురుచి–సౌరభ్‌ చౌధరీ (భారత్‌) ద్వయం విజేతగా నిలిచి పసిడి పతకాన్ని సాధించింది. ఫైనల్లో సురుచి–సౌరభ్‌ జోడీ 17–9తో కియాన్‌జున్‌ యావో–కాయ్‌ హు (చైనా) జంటను ఓడించింది. కాంస్య పతక మ్యాచ్‌లో మనూ భాకర్‌–రవీందర్‌ సింగ్‌ (భారత్‌) జోడీ 6–16తో కియాన్‌కె మా–యిఫాన్‌ జాంగ్‌ (చైనా) ద్వయం చేతిలో ఓడిపోయింది.

ప్రపంచకప్‌ షూటింగ్‌ టోర్నీలో భారత్‌కు రెండో పతకం లభించింది. మ్యూనిక్‌లో జరుగుతున్న ఈ టోర్నీలో శుక్రవారం జరిగిన మహిళల 50 మీటర్ల రైఫిల్‌ త్రీ పొజిషన్‌ ఈవెంట్‌లో సిఫ్ట్‌ కౌర్‌ సామ్రా కాంస్య పతకం సొంతం చేసుకుంది. ఎనిమిది మంది షూటర్లు పోటీపడ్డ ఫైనల్లో సిఫ్ట్‌ కౌర్‌ 452.9 పాయింట్లు స్కోరు చేసి మూడో స్థానంలో నిలిచింది. గురువారం పురుషుల 10 మీటర్ల ఎయిర్‌ పిస్టల్‌ ఈవెంట్‌లో భారత షూటర్‌ సరబ్‌జోత్‌ సింగ్‌ స్వర్ణ పతకం సాధించాడు.

మ్యూనిక్‌: ప్రపంచకప్‌ షూటింగ్‌ టోర్నీలో భారత్‌ పతకాల ఖాతా తెరిచింది. పురుషుల 10 మీటర్ల ఎయిర్‌ పిస్టల్‌ ఈవెంట్‌లో భారత షూటర్‌ సరబ్‌జోత్‌ సింగ్‌ స్వర్ణ పతకాన్ని సాధించాడు. వరల్డ్‌ చాంపియన్, నాలుగుసార్లు ఒలింపియన్‌ తదితర మేటి షూటర్లు పోటీపడ్డ ఫైనల్లో 22 ఏళ్ల సరబ్‌జోత్‌ 242.7 పాయింట్లు సాధించి విజేతగా నిలిచాడు. బు షుహైహాంగ్‌ (చైనా; 242.5 పాయింట్లు) రజతం నెగ్గగా... రాబిన్‌ వాల్టర్‌ (జర్మనీ; 220 పాయింట్లు) కాంస్య పతకాన్ని కైవసం చేసుకున్నాడు.

రియో డి జనీరో: ప్రపంచకప్‌ షూటింగ్‌ టోర్నీలో భారత్‌ ఖాతాలో తొలి స్వర్ణ పతకం చేరింది. మహిళల 10 మీటర్ల ఎయిర్‌ రైఫిల్‌ ఈవెంట్‌లో భారత షూటర్‌ ఇలవేనిల్‌ వలారివన్‌ విజేతగా నిలిచి బంగారు పతకాన్ని సాధించింది. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో తమిళనాడుకు చెందిన 24 ఏళ్ల ఇలవేనిల్‌ 252.2 పాయింట్లు స్కోరు చేసి అగ్రస్థానంలో నిలిచింది. క్వాలిఫయింగ్‌లో ఇలవేనిల్‌ 630.5 పాయింట్లు స్కోరు చేసి ఎనిమిదో స్థానంలో నిలిచి ఫైనల్‌కు అర్హత సాధించింది. ఓవరాల్‌గా ప్రపంచకప్‌ టోరీ్నలలో ఇలవేనిల్‌కిది ఐదో స్వర్ణ పతకం. పురుషుల 10 మీటర్ల ఎయిర్‌ రైఫిల్‌ విభాగంలో భారత షూటర్‌ సందీప్‌ సింగ్‌ 628.2 పాయింట్లు సాధించి 14వ స్థానంలో నిలిచి ఫైనల్‌కు అర్హత పొందలేకపోయాడు.   

బకూ (అజర్‌బైజాన్‌): ప్రపంచకప్‌ షూటింగ్‌ టోర్నమెంట్‌లో భారత్‌కు తొలి స్వర్ణ పతకం లభించింది. గురువారం జరిగిన 10 మీటర్ల ఎయిర్‌ పిస్టల్‌ మిక్స్‌డ్‌ టీమ్‌ ఈవెంట్‌లో సరబ్‌జోత్‌ సింగ్‌–దివ్య థడిగోల్‌ సుబ్బరాజు (భారత్‌) ద్వయం విజేతగా నిలిచింది. స్వర్ణ–రజత పతక ఫైనల్‌ పోరులో సరబ్‌జోత్‌–దివ్య జోడీ 16–14తో జొరానా అరునోవిచ్‌–దామిర్‌ మికెచ్‌ (సెర్బియా) ద్వయంపై విజయం సాధించింది. సరబ్‌జోత్‌ కెరీర్‌లో ఇది రెండో ప్రపంచకప్‌ స్వర్ణంకాగా... బెంగళూరుకు చెందిన దివ్యకు ప్రపంచకప్‌ టోర్నీలలో తొలి పతకం కావడం విశేషం. మొత్తం 55 జోడీలు పాల్గొన్న క్వాలిఫయింగ్‌లో సరబ్‌జోత్‌–దివ్య ద్వయం 581 పాయింట్లు స్కోరు చేసి టాప్‌ ర్యాంక్‌లో నిలిచి స్వర్ణ–రజత పతక మ్యాచ్‌కు అర్హత సాధించింది. భారత్‌కే చెందిన ఇషా సింగ్‌–వరుణ్‌ తోమర్‌ జంట 578 పాయింట్లు స్కోరు చేసి ఆరో ర్యాంక్‌లో నిలిచి పతక మ్యాచ్‌లకు అర్హత పొందడంలో విఫలమైంది. టాప్‌–4లో నిలిచిన జోడీలు పతక మ్యాచ్‌లకు అర్హత సాధిస్తాయి. ఈ టోర్నీలో భారత్‌ ఒక స్వర్ణం, ఒక కాంస్యంతో రెండు పతకాలతో రెండో స్థానంలో ఉంది.  

కైరో (ఈజిప్ట్‌): ప్రపంచకప్‌ షూటింగ్‌ టోర్నీలో భారత్‌ ఖాతాలో నాలుగో స్వర్ణ పతకం చేరింది. బుధవారం జరిగిన పురుషుల 50 మీటర్ల రైఫిల్‌ త్రీ పొజిషన్‌ ఈవెంట్‌లో ఐశ్వరీ ప్రతాప్‌ సింగ్‌ తోమర్‌ పసిడి పతకం సాధించాడు. ఫైనల్లో 22 ఏళ్ల ప్రతాప్‌ సింగ్‌ 16–6తో అలెగ్జాండర్‌ షిమిర్ల్‌ (ఆ్రస్టియా)పై గెలుపొందాడు. ఎనిమిది మంది పాల్గొన్న ర్యాంకింగ్‌ రౌండ్‌లో షిమిర్ల్, ప్రతాప్‌ సింగ్‌ వరుసగా తొలి రెండు స్థానాల్లో నిలిచి ఫైనల్‌ చేరారు. భారత్‌కే చెందిన అఖిల్‌ షెరాన్‌ ఏడో ర్యాంక్‌లో నిలిచాడు. మహిళల 25 మీటర్ల పిస్టల్‌ ఈవెంట్‌లో భారత షూటర్‌ రిథమ్‌ సాంగ్వాన్‌ రెండో ర్యాంకింగ్‌ మ్యాచ్‌లో నాలుగో స్థానంలో నిలిచింది. భారత్‌కే చెందిన మను భాకర్, ఇషా సింగ్‌ క్వాలిఫయింగ్‌లో వరుసగా 32వ, 34వ స్థానాల్లో నిలిచారు.  

కైరో (ఈజిప్ట్‌): ప్రపంచకప్‌ షూటింగ్‌ టోర్నమెంట్‌లో భారత షూటర్ల పతకాల వేట కొనసాగుతోంది. మంగళవారం భారత్‌ ఖాతాలో ఒక స్వర్ణం, ఒక కాంస్యం చేరింది. పురుషుల 10 మీటర్ల ఎయిర్‌ రైఫిల్‌ వ్యక్తిగత విభాగంలో రుద్రాంక్ష్  బాలాసాహెబ్‌ పాటిల్‌ పసిడి పతకం సాధించగా... మహిళల 10 మీటర్ల ఎయిర్‌ రైఫిల్‌ వ్యక్తిగత విభాగంలో తిలోత్తమ సేన్‌ కాంస్య పతకం కైవసం చేసుకుంది. ఫైనల్లో రుద్రాంక్ష్  16–8తో మాక్సిమిలన్‌ ఉల్‌బ్రిచ్‌ (జర్మనీ)పై గెలిచాడు. ఎనిమిది మంది షూటర్లు పాల్గొన్న ర్యాంకింగ్‌ రౌండ్‌లో రుద్రాంక్ష్  262 పాయింట్లు, ఉల్‌బ్రిచ్‌ 260.6 పాయింట్లు స్కోరు చేసి ఫైనల్‌కు అర్హత సాధించారు. మిరాన్‌ మారిసిచ్‌  (క్రొయేషియా; 260.5 పాయింట్లు) మూడో స్థానంలో నిలిచి కాంస్యం దక్కించుకున్నాడు. 74 మంది షూటర్లు పోటీపడ్డ క్వాలిఫయింగ్‌లో రుద్రాంక్ష్  629.3 పాయింట్లతో ఏడో స్థానంలో నిలిచి ర్యాంకింగ్‌ రౌండ్‌కు చేరాడు. టాప్‌–8లో నిలిచిన షూటర్లు ర్యాంకింగ్‌ రౌండ్‌లో పోటీపడతారు. మహిళల 10 మీటర్ల ఎయిర్‌ రైఫిల్‌ ర్యాంకింగ్‌ రౌండ్‌లో తిలోత్తమ సేన్‌ 262 పాయింట్లతో మూడో స్థానంలో నిలిచి కాంస్యం సాధించింది. ప్రస్తుతం భారత్‌ 3 స్వర్ణాలు, 2 కాంస్యాలతో కలిపి ఐదు పతకాలతో టాప్‌ ర్యాంక్‌లో ఉంది.     

ప్రపంచకప్‌ షూటింగ్‌ టోర్నీలో భారత్‌ కాంస్య పతకంతో బోణీ చేసింది. ఈజిప్ట్‌ రాజధాని కైరోలో జరుగుతున్న ఈ టోర్నీలో పురుషుల 10 మీటర్ల ఎయిర్‌ పిస్టల్‌ ఈవెంట్‌లో 19 ఏళ్ల వరుణ్‌ తోమర్‌ మూడో స్థానంలో నిలిచాడు. ఆదివారం జరిగిన ర్యాంకింగ్‌ రౌండ్‌లో నిర్ణీత ఐదు సిరీస్‌ల తర్వాత వరుణ్, సరబ్‌జ్యోత్‌ సింగ్‌ 250.6 పాయింట్లతో సంయుక్తంగా మూడో స్థానంలో నిలిచారు. ‘షూట్‌ ఆఫ్‌ షాట్‌’లో వరుణ్‌ 10.3 పాయింట్లు స్కోరు చేసి కాంస్యం దక్కించుకోగా... సరబ్‌జ్యోత్‌ 10.1 పాయింట్లతో నాలుగో స్థానంలో నిలిచాడు.  

చాంగ్వాన్‌ (దక్షిణ కొరియా): సుదీర్ఘ నిరీక్షణకు తెరదించుతూ... మేరాజ్‌ అహ్మద్‌ ఖాన్‌ ప్రపంచకప్‌ షూటింగ్‌ టోర్నీ చరిత్రలో పురుషుల స్కీట్‌ విభాగంలో భారత్‌కు తొలిసారి స్వర్ణ పతకాన్ని అందించాడు. సోమవారం జరిగిన పురుషుల స్కీట్‌ ఈవెంట్‌ ఫైనల్లో ఉత్తరప్రదేశ్‌కు చెందిన 46 ఏళ్ల మేరాజ్‌ 40 పాయింట్లకుగాను 37 పాయింట్లు స్కోరు చేశాడు. నలుగురు పాల్గొన్న ఫైనల్లో ‘డబుల్‌ ఒలింపియన్‌’ మేరాజ్‌ అగ్రస్థానంలో నిలిచి బంగారు పతకాన్ని సాధించాడు. మిన్సు కిమ్‌ (కొరియా; 36 పాయింట్లు) రజతం, బెన్‌ లెలెవెలిన్‌ (బ్రిటన్‌; 26 పాయింట్లు) కాంస్యం గెల్చుకున్నారు. 35 మంది షూటర్ల మధ్య రెండు రోజులపాటు జరిగిన క్వాలిఫయింగ్‌ రౌండ్‌లో మేరాజ్‌ 119 పాయింట్లు స్కోరు చేసి ఎనిమిదో స్థానంలో నిలిచి ర్యాంకింగ్‌ మ్యాచ్‌లకు అర్హత సాధించాడు. నలుగురు షూటర్ల మధ్య జరిగిన రెండో ర్యాంకింగ్‌ మ్యాచ్‌లో మేరాజ్‌ 27 పాయింట్లు స్కోరు చేసి ఫైనల్‌కు దూసుకెళ్లాడు. 2016 రియో డి జనీరో ప్రపంచకప్‌ టోర్నీలో మేరాజ్‌ రజత పతకం సాధించాడు. మహిళల 50 మీటర్ల రైఫిల్‌ త్రీ పొజిషన్‌ టీమ్‌ ఈవెంట్‌లో అంజుమ్‌ మౌద్గిల్, ఆశీ చౌక్సీ, సిఫ్ట్‌కౌర్‌ సామ్రాలతో కూడిన భారత జట్టు కాంస్య పతకం గెల్చుకుంది. కాంస్య పతక పోరులో భారత్‌ 16–6తో ఆస్ట్రేలియాను ఓడించింది. ఈ టోర్నీలో భారత్‌ ఐదు స్వర్ణాలు, ఐదు రజతాలు, మూడు కాంస్యాలతో కలిపి మొత్తం 13 పతకాలతో టాప్‌ ర్యాంక్‌లో కొనసాగుతోంది.

చాంగ్వాన్‌ (దక్షిణ కొరియా): ఈ సీజన్‌లోని మూడో ప్రపంచకప్‌ షూటింగ్‌ టోర్నీలో భారత్‌ పసిడి బోణీ కొట్టింది. సోమవారం జరిగిన పురుషుల 10 మీటర్ల ఎయిర్‌ రైఫిల్‌ ఈవెంట్‌లో భారత యువ షూటర్‌ అర్జున్‌ బబూటా సంచలన ఫలితంతో స్వర్ణ పతకం సాధించాడు. పంజాబ్‌కు చెందిన 23 ఏళ్ల అర్జున్‌కు సీనియర్‌ స్థాయిలో ఇదే తొలి బంగారు పతకం. 2016 జూనియర్‌ ప్రపంచకప్‌లో అతను స్వర్ణం సాధించాడు. టోక్యో ఒలింపిక్స్‌లో రజత పతకం నెగ్గిన అమెరికా షూటర్‌ లుకాస్‌ కొజెనిస్కయ్‌తో జరిగిన ఫైనల్లో అర్జున్‌ 17–9తో గెలుపొందాడు. కొత్త నిబంధనల ప్రకారం ఫైనల్లో పోటీపడుతున్న ఇద్దరు షూటర్లలో తొలుత 16 పాయింట్లు గెలిచిన షూటర్‌ను విజేతగా ప్రకటిస్తారు. ఒక్కో షాట్‌లో ఇద్దరు షూటర్లలో అత్యధిక స్కోరింగ్‌ షాట్‌ సాధించిన షూటర్‌కు రెండు పాయింట్లు కేటాయిస్తారు. ఇద్దరు స్కోరింగ్‌ షాట్‌ సమంగా ఉంటే ఒక్కో పాయింట్‌ ఇస్తారు. లుకాస్‌తో జరిగిన ఫైనల్లో 13 షాట్‌లలో అర్జున్‌ ఎనిమిదింట పైచేయి సాధించగా, లుకాస్‌ నాలుగు షాట్‌లలో భారత షూటర్‌కంటే ఎక్కువ స్కోరు చేశాడు. మరో షాట్‌లో ఇద్దరూ సమానంగా స్కోరింగ్‌ షాట్‌ కొట్టారు. అంతకుముందు ఎనిమిది మంది మధ్య జరిగిన ర్యాంకింగ్‌ రౌండ్‌లో అర్జున్‌ 261.1 పాయింట్లు, లుకాస్‌ 260.4 పాయింట్లు సాధించి ఫైనల్‌ పోరుకు అర్హత సాధించారు. భారత్‌కే చెందిన పార్థ్‌ మఖీజా 258.1 పాయింట్లు స్కోరు చేసి నాలుగో స్థానంతో సరిపెట్టుకున్నాడు.   

ప్రపంచకప్‌ షూటింగ్‌ టోర్నమెంట్‌లో పురుషుల 10 మీటర్ల ఎయిర్‌ రైఫిల్‌ విభాగంలో ఇద్దరు భారత షూటర్లు అర్జున్‌ బబూటా, పార్థ్‌ మఖీజా ఫైనల్లోకి దూసుకెళ్లి పతకాలపై గురి పెట్టారు. దక్షిణ కొరియాలోని చాంగ్వాన్‌ నగరంలో ఈ టోర్నీ జరుగుతోంది. 53 మంది షూటర్ల మధ్య ఆదివారం నిర్వహించిన క్వాలిఫయింగ్‌లో అర్జున్‌ 630.5 పాయింట్లు స్కోరు చేసి రెండో స్థానంలో, పార్థ్‌ 628.4 పాయింట్లు స్కోరు చేసి ఐదో స్థానంలో నిలిచారు. టాప్‌–8లో నిలిచిన వారి మధ్య నేడు ఫైనల్‌ జరగనుంది.

కైరో (ఈజిప్ట్‌): ప్రపంచకప్‌ షూటింగ్‌ టోర్నీలో భారత్‌కు ప్రాతినిధ్యం వహిస్తున్న తెలంగాణ షూటర్‌ ఇషా సింగ్‌ రెండో స్వర్ణ పతకాన్ని సొంతం చేసుకుంది. ఆదివారం జరిగిన మహిళల 25 మీటర్ల పిస్టల్‌ టీమ్‌ ఈవెంట్‌లో ఇషా సింగ్, రాహీ సర్నోబత్, రిథమ్‌ సాంగ్వాన్‌లతో కూడిన భారత జట్టు పసిడి పతకాన్ని దక్కించుకుంది. ఫైనల్లో భారత జట్టు 17–13తో సింగపూర్‌ జట్టును ఓడించింది. ఈ టోర్నీలో 17 ఏళ్ల ఇషా 10 మీటర్ల ఎయిర్‌ పిస్టల్‌ టీమ్‌ ఈవెంట్‌లో స్వర్ణం, వ్యక్తిగత విభాగంలో రజతం సాధించింది. ఆదివారమే జరిగిన 50 మీటర్ల రైఫిల్‌ త్రీ పొజిషన్‌ మిక్స్‌డ్‌ ఈవెంట్‌లో అఖిల్‌ షెరాన్‌–శ్రియాంక జోడీ కాంస్య పతకాన్ని సాధించింది. అఖిల్‌–శ్రియాంక జంట 16–10తో రెబెకా–రుంప్లెర్‌ (ఆస్ట్రియా) ద్వయంపై గెలిచింది.

ఒసిజెక్‌ (క్రొయేషియా): ప్రపంచకప్‌ షూటింగ్‌ టోర్నమెంట్‌లో భారత్‌కు తొలి పసిడి పతకం లభించింది. సోమవారం జరిగిన మహిళల 25 మీటర్ల పిస్టల్‌ ఈవెంట్‌లో రాహీ సర్నోబత్‌ బంగారు పతకాన్ని సొంతం చేసుకుంది. మహారాష్ట్రకు చెందిన 30 ఏళ్ల రాహీ ఎనిమిది మంది పాల్గొన్న ఫైనల్లో 39 పాయింట్లు స్కోరు చేసింది. లామోలి మథిల్డె (ఫ్రాన్స్‌–31 పాయింట్లు) రజతం, వితాలినా (రష్యా–28 పాయింట్లు) కాంస్యం సాధించారు. ఎలిమినేషన్‌ పద్ధతిలో జరిగిన ఫైనల్లో భారత్‌కే చెందిన మరో షూటర్‌ మనూ భాకర్‌ 11 పాయింట్లు స్కోరు చేసి ఏడో స్థానంతో సరిపెట్టుకుంది. 49 మంది షూటర్లు పాల్గొన్న క్వాలిఫయింగ్‌లో రాహీ 591 పాయింట్లు... మనూ 588 పాయింట్లు స్కోరు వరుసగా రెండు, మూడు స్థానాల్లో నిలిచి ఫైనల్‌కు అర్హత సాధించారు. మరోవైపు మహిళల 50 మీటర్ల రైఫిల్‌ త్రీ పొజిషన్‌ ఈవెంట్‌లో భారత షూటర్‌ తేజస్విని సావంత్‌ క్వాలిఫయింగ్‌లో పదో స్థానంలో నిలిచి ఫైనల్‌కు అర్హత పొందలేకపోయింది. ఓవరాల్‌గా ఈ టోర్నీలో ఇప్పటి వరకు భారత్‌ స్వర్ణం, రజతం, రెండు కాంస్యాలతో కలిపి మొత్తం నాలుగు పతకాలు గెల్చుకుంది.

ఒసిజెక్‌ (క్రొయేషియా): ప్రపంచకప్‌ షూటింగ్‌ టోర్నమెంట్‌లో భారత్‌కు రెండో కాంస్య పతకం లభించింది. శుక్రవారం జరిగిన మహిళల 10 మీటర్ల ఎయిర్‌ పిస్టల్‌ టీమ్‌ ఈవెంట్‌లో మనూ భాకర్, రాహీ సర్నోబత్, యశస్విని సింగ్‌లతో కూడిన భారత బృందం మూడో స్థానంలో నిలిచింది. కాంస్య పతకం కోసం జరిగిన మ్యాచ్‌లో మనూ, రాహీ, యశస్విని త్రయం 16–12 పాయింట్ల తేడాతో వెరోనికా, మిరియమ్‌ జాకో, సారా రాహెల్‌లతో కూడిన హంగేరి జట్టును ఓడించింది. అంతకుముందు జరిగిన పురుషుల 10 మీటర్ల ఎయిర్‌ రైఫిల్‌ కాంస్య పతక పోరులో ఐశ్వరీ ప్రతాప్‌ సింగ్‌ తోమర్, దీపక్‌ కుమార్, దివ్యాంశ్‌ సింగ్‌ పన్వర్‌లతో కూడిన భారత జట్టు 14–16తో మిలెంకో, స్టెఫనోవిచ్, లాజార్‌లతో కూడిన సెర్బియా జట్టు చేతిలో ఓడిపోయింది. పురుషుల స్కీట్‌ వ్యక్తిగత విభాగంలో భారత షూటర్‌ గుర్జత్‌ ఖంగురా క్వాలిఫయింగ్‌లో 115 పాయింట్లు స్కోరు చేసి 56వ స్థానంలో నిలిచాడు. శనివారం 10 మీటర్ల ఎయిర్‌ రైఫిల్, 10 మీటర్ల ఎయిర్‌ పిస్టల్‌ మిక్స్‌డ్‌ టీమ్‌ ఈవెంట్స్‌ జరగనున్నాయి. ఈ రెండు విభాగాల్లో భారత్‌కు పతకాలు వచ్చే అవకాశముంది. గురువారం జరిగిన 10 మీటర్ల ఎయిర్‌ పిస్టల్‌ వ్యక్తిగత విభాగంలో భారత షూటర్‌ సౌరభ్‌ కాంస్య పతకం గెలిచిన సంగతి తెలిసిందే. మనూ, రాహీ, యశస్విని

న్యూఢిల్లీ: ఆద్యంతం ఆధిపత్యం చలాయించిన భారత షూటర్లు ప్రపంచకప్‌ షూటింగ్‌ టోర్నమెంట్‌ను స్వర్ణ పతకాలతో ముగించారు. టోర్నీ చివరి రోజు భారత్‌కు రెండు స్వర్ణాలు, ఒక రజతం లభించాయి. ఓవరాల్‌గా భారత్‌ 15 స్వర్ణాలు, 9 రజతాలు, 6 కాంస్యాలతో కలిపి మొత్తం 30 పతకాలతో టాప్‌ ర్యాంక్‌లో నిలిచింది. ప్రపంచకప్‌ టోర్నీ ల చరిత్రలో ఒకే ఈవెంట్‌లో ఒక దేశానికి 15 స్వర్ణాలు రావడం ఇదే ప్రథమం. పురుషుల 25 మీటర్ల ర్యాపిడ్‌ ఫైర్‌ పిస్టల్‌ టీమ్‌ ఈవెంట్‌ ఫైనల్లో గుర్‌ప్రీత్‌ సింగ్, విజయ్‌వీర్‌ సిద్ధూ, ఆదర్శ్‌ సింగ్‌లతో కూడిన భారత జట్టు 2–10తో సాండెర్సన్, హాబ్సన్, టర్నర్‌లతో కూడిన అమెరికా జట్టు చేతిలో ఓడిపోయి రజతం దక్కించుకుంది. మహిళల ట్రాప్‌ ఈవెంట్‌ ఫైనల్లో శ్రేయసి, రాజేశ్వరి, మనీషాలతో కూడిన భారత జట్టు 6–0తో మరియా, ఐజాన్, సర్సెన్‌కుల్‌లతో కూడిన కజకిస్తాన్‌ జట్టును ఓడించి పసిడి పతకాన్ని కైవసం చేసుకుంది. హైదరాబాద్‌ షూటర్‌ కైనన్‌ షెనాయ్, పృథ్వీరాజ్, లక్షయ్‌లతో కూడిన భారత పురుషుల ట్రాప్‌ జట్టు టీమ్‌ ఫైనల్లో 6–4తో స్లామ్‌కా, అడ్రియన్, మరినోవ్‌లతో కూడిన స్లొవేకియా జట్టుపై గెలిచి స్వర్ణాన్ని నెగ్గింది. 4 స్వర్ణాలు, 3 రజతాలు, ఒక కాంస్యంతో కలిపి మొత్తం 8 పతకాలతో అమె రికా రెండో స్థానంలో నిలిచింది. ఈ టోర్నీలో 53 దేశాల నుంచి 294 మంది షూటర్లు పాల్గొన్నారు.     

న్యూఢిల్లీ: ప్రపంచకప్‌ షూటింగ్‌ టోర్నీలో భారత షూటర్ల ఆధిపత్యం కొనసాగుతోంది. టోర్నీ ఎనిమిదో రోజు భారత్‌కు రెండు స్వర్ణాలు, ఒక రజతం, ఒక కాంస్యం లభించాయి. 50 మీటర్ల రైఫిల్‌ త్రీ పొజిషన్‌ మిక్స్‌డ్‌ ఈవెంట్‌లో సంజీవ్‌ రాజ్‌పుత్‌–తేజస్విని సావంత్‌ జంట పసిడి పతకం నెగ్గగా... ఐశ్వరీ ప్రతాప్‌సింగ్‌–సునిధి ద్వయం కాంస్యం గెలి చింది. 50 మీటర్ల రైఫిల్‌ త్రీ పొజిషన్‌ పురుషుల టీమ్‌ ఈవెంట్‌లో స్వప్నిల్, చెయిన్‌ సింగ్, నీరజ్‌ లతో కూడిన భారత జట్టు బంగారు పతకాన్ని సొంతం చేసుకోగా... పురుషుల 25 మీటర్ల ర్యాపిడ్‌ ఫైర్‌ పిస్టల్‌ విభాగంలో విజయ్‌వీర్‌కు రజతం దక్కింది. ప్రస్తుతం భారత్‌ 12 స్వర్ణాలు, 7 రజతాలు, 6 కాంస్యాలతో కలిపి మొత్తం 25 పతకాలతో అగ్రస్థానంలో ఉంది.   

న్యూఢిల్లీ: ప్రత్యర్థి ఆటగాళ్లపైనో, వారి నిబంధనల ఉల్లంఘనపైనో మరో జట్టు ఆటగాళ్లు ఫిర్యాదులు చేయడం, పరిష్కారానికి నిర్వహకులు జోక్యం చేసుకోవడం చాలా టోర్నీలలో సహజంగా కనిపించే విషయం. అయితే అందుకు భిన్నంగా తమ జట్టు సహచరుడిపైనే మరొకరు ఫిర్యాదు చేసి అతనితో కలిసి బరిలోకి దిగేందుకు నిరాకరించడం  విశేషం.   మరికొద్ది నిమిషాల్లో పోటీ అనగా... హంగేరీ షూటర్లు ఇస్తవాన్‌ పెని, జవన్‌ పెక్లర్‌ తమ తోటి షూటర్‌ పీటర్‌ సిడీ నిబంధనలకు విరుద్ధంగా ‘బైపాడ్‌’ అతికిచ్చి ఉన్న రైఫిల్‌తో పోటీలో పాల్గొంటున్నాడని ఆరోపిస్తూ తాము ఫైనల్‌ నుంచి తప్పుకుంటున్నట్లు ప్రకటించి అందరినీ ఆశ్చర్యపరిచారు. ఇక్కడ చదవండి: టోక్యో ‘జ్యోతి’ బయల్దేరింది దీనిపై స్పందించిన ఐఎస్‌ఎస్‌ఎఫ్‌ అధికారులు మాత్రం అతను నిబంధనలను అతిక్రమించలేదని స్పష్టం చేశారు. అంతే కాకుండా రూల్స్‌ విషయంలో తమకు హంగేరీ ప్లేయర్లు చెప్పాల్సిన అవసరం కూడా లేదంటూ ఘాటుగా స్పందించారు. అయితే నిబంధనలకంటే  ఆటగాళ్ల మధ్య ఉన్న వ్యక్తిగత విభేదాలే దీనికి కారణమని తెలుస్తోంది. సిడీ 2000నుంచి వరుసగా 5 ఒలింపిక్స్‌లో పాల్గొనగా, ఇస్తవాన్‌ పెని ప్రస్తుతం వరల్డ్‌ నంబర్‌వన్‌గా ఉన్నా డు. తాజా వివాదంతో భారత్‌తో ఫైనల్లో పోటీ పడేందుకు అమెరికా అర్హత సాధించగా...ఫైనల్‌ను నేటికి వాయిదా వేశారు.   ఇక్కడ చదవండి: ‘టీమ్‌’ ఈవెంట్లలో మరో 2 పతకాలు

న్యూఢిల్లీ: ప్రపంచకప్‌ షూటింగ్‌ టోర్నీలో ఏడో రోజు గురువారం భారత్‌కు మరో రెండు పతకాలు లభించాయి. మహిళల 25 మీటర్ల పిస్టల్‌ టీమ్‌ ఈవెంట్‌ ఫైనల్లో చింకీ యాదవ్, రాహీ సర్నోబత్, మనూ భాకర్‌లతో కూడిన భారత జట్టు 17–7తో వార్జోనొస్కా, జులిటా బోరెక్, అగ్నీస్కా కొరెజ్వోలతో కూడిన పోలండ్‌ జట్టుపై గెలిచింది. మహిళల 50 మీటర్ల రైఫిల్‌ త్రీ పొజిషన్‌ టీమ్‌ విభాగంలో అంజుమ్‌ మౌద్గిల్, శ్రేయ సక్సేనా, గాయత్రి నిత్యానందమ్‌లతో కూడిన భారత జట్టు ఫైనల్లో 43–47తో అనెటా స్టాన్‌కివిచ్, అలెక్సాండ్రా, నటాలియా కొచనస్కాలతో కూడిన పోలండ్‌  చేతిలో ఓడి రజతంతో సరిపెట్టుకుంది. ప్రస్తుతం భారత్‌ 10 స్వర్ణాలు, 6 రజతాలు, 5 కాంస్యాలు సహా మొత్తం 21 పతకాలతో అగ్రస్థానంలో కొనసాగుతోంది. ‘మావాడితో కలిసి ఆడం’ ప్రత్యర్థి ఆటగాళ్లపైనో, వారి నిబంధనల ఉల్లంఘనపైనో మరో జట్టు ఆటగాళ్లు ఫిర్యాదులు చేయడం, పరిష్కారానికి నిర్వహకులు జోక్యం చేసుకోవడం చాలా టోర్నీలలో సహజంగా కనిపించే విషయం. అయితే అందుకు భిన్నంగా తమ జట్టు సహచరుడిపైనే మరొకరు ఫిర్యాదు చేసి అతనితో కలిసి బరిలోకి దిగేందుకు నిరాకరించడం విశేషం.  మరికొద్ది నిమిషాల్లో పోటీ అనగా... హంగేరీ షూటర్లు ఇస్తవాన్‌ పెని, జవన్‌ పెక్లర్‌ తమ తోటి షూటర్‌ పీటర్‌ సిడీ నిబంధనలకు విరుద్ధంగా ‘బైపాడ్‌’ అతికిచ్చి ఉన్న రైఫిల్‌తో పోటీలో పాల్గొంటున్నాడని ఆరోపిస్తూ తాము ఫైనల్‌ నుంచి తప్పుకుంటున్నట్లు ప్రకటించి అందరినీ ఆశ్చర్యపరిచారు. దీనిపై స్పందించిన ఐఎస్‌ఎస్‌ఎఫ్‌ అధికారులు మాత్రం అతను నిబంధనలను అతిక్రమించలేదని స్పష్టం చేశారు. అంతే కాకుండా రూల్స్‌ విషయంలో తమకు హంగేరీ ప్లేయర్లు చెప్పాల్సిన అవసరం కూడా లేదంటూ ఘాటుగా స్పందించారు. అయితే నిబంధనలకంటే ఆటగాళ్ల మధ్య ఉన్న వ్యక్తిగత విభేదాలే దీనికి కారణమని తెలుస్తోంది. సిడీ 2000నుంచి వరుసగా 5 ఒలింపిక్స్‌లో పాల్గొనగా, ఇస్తవాన్‌ పెని ప్రస్తుతం వరల్డ్‌ నంబర్‌వన్‌గా ఉన్నా డు. తాజా వివాదంతో భారత్‌తో ఫైనల్లో పోటీ పడేందుకు అమెరికా అర్హత సాధించగా...ఫైనల్‌ను నేటికి వాయిదా వేశారు.  

న్యూఢిల్లీ: సొంతగడ్డపై ప్రపంచకప్‌ షూటింగ్‌ టోర్నీలో భారత షూటర్ల పతకాల వేట కొనసాగుతోంది. టోర్నీ ఆరో రోజు బుధవారం భారత్‌కు నాలుగు పతకాలు లభించాయి. మహిళల 25 మీటర్ల పిస్టల్‌ ఈవెంట్‌లో భారత షూటర్లు అందుబాటులో ఉన్న మూడు పతకాలను నెగ్గి క్లీన్‌స్వీప్‌ చేశారు. ఈ ఫైనల్లో చింకీ యాదవ్‌కు స్వర్ణం దక్కగా... రాహీ సర్నోబత్‌ రజతం, మనూ భాకర్‌ కాంస్య పతకం కైవసం చేసుకున్నారు. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో మనూ 28 పాయింట్లు స్కోరు చేసి మూడో స్థానంలో నిలిచింది. చింకీ యాదవ్, రాహీ 32 పాయింట్లతో సమఉజ్జీగా నిలిచారు. దాంతో విజేతను నిర్ణయించేందుకు షూట్‌ ఆఫ్‌ నిర్వహిం చగా... చింకీ యాదవ్‌ 4 పాయింట్లు స్కోరు చేసి స్వర్ణాన్ని ఖాయం చేసుకుంది. 3 పాయింట్లు స్కోరు చేసిన రాహీకి రజతం దక్కింది. ప్రపంచకప్‌ షూటింగ్‌ టోర్నీ చరిత్రలో ఒకే ఈవెంట్‌లో ముగ్గురు భారత షూటర్లు క్లీన్‌స్వీప్‌ చేయడం ఇదే ప్రథమం. ఇప్పటికే ఈ ముగ్గురు భారత మహిళా షూటర్లు టోక్యో ఒలింపిక్స్‌కు అర్హత సాధించారు.   ప్రతాప్‌ సింగ్‌ ఘనత మరోవైపు పురుషుల 50 మీటర్ల రైఫిల్‌ త్రీ పొజిషన్‌ విభాగంలో భారత యువ షూటర్‌ ఐశ్వరీ ప్రతాప్‌ సింగ్‌ తోమర్‌ స్వర్ణ పతకాన్ని సాధించి సంచలనం సృష్టించాడు. ప్రపంచకప్‌ షూటింగ్‌ టోర్నీ రైఫిల్‌ త్రీ పొజిషన్‌ ఈవెంట్‌లో భారత్‌ తరఫున పసిడి పతకం గెలిచిన పిన్న వయస్కుడిగా ప్రతాప్‌ సింగ్‌ ఘనత వహించాడు. 20 ఏళ్ల ప్రతాప్‌ సింగ్‌ 462.5 పాయింట్లు స్కోరు చేసి అగ్రస్థానాన్ని సంపాదించాడు. ప్రపంచ నంబర్‌వన్‌ ఇస్తవన్‌ పెనీ (హంగేరి–461.6 పాయింట్లు) రజతంతో సరిపెట్టుకోగా... స్టీఫెన్‌ ఒల్సెన్‌ (డెన్మార్క్‌–450.9 పాయింట్లు) కాంస్యం గెలిచాడు. మహిళల 50 మీటర్ల రైఫిల్‌ త్రీ పొజిషన్‌ క్వాలిఫయింగ్‌లో భారత షూటర్లు తేజస్విని సావంత్‌ 12వ స్థానంలో, అంజుమ్‌ మౌద్గిల్‌ 16వ స్థానంలో, సునిధి చౌహాన్‌ 17వ స్థానంలో నిలిచి ఫైనల్‌కు అర్హత పొందలేకపోయారు. ఆరో రోజు పోటీలు ముగిశాక భారత్‌ 9 స్వర్ణాలు, 5 రజతాలు, 5 కాంస్యాలతో కలిపి మొత్తం 19 పతకాలతో అగ్రస్థానంలో కొనసాగుతోంది.     

న్యూఢిల్లీ: ప్రపంచకప్‌ షూటింగ్‌ టోర్నమెంట్‌లో సోమవారం భారత షూటర్లు అదరగొట్టారు. ఏకంగా మూడు స్వర్ణాలు, ఒక రజతం సొంతం చేసుకున్నారు. 10 మీటర్ల ఎయిర్‌ పిస్టల్‌ మిక్స్‌డ్‌ ఈవెంట్‌ ఫైనల్లో మనూ భాకర్‌–సౌరభ్‌ చౌదరీ (భారత్‌) జోడీ 16–12తో గొల్నూష్‌–జావేద్‌ ఫరూఖ్‌ (ఇరాన్‌) జంటపై నెగ్గి పసిడి పతకం నెగ్గింది. 10 మీటర్ల ఎయిర్‌ రైఫిల్‌ మిక్స్‌డ్‌ ఈవెంట్‌ ఫైనల్లో ఇలవేనిల్‌–దివ్యాంశ్‌ (భారత్‌) ద్వయం 16–10తో డెనిస్‌ ఎస్టర్‌–ఇస్తవన్‌ పెనీ (హంగేరి) జోడీని ఓడించి బంగారు పతకం దక్కించుకుంది. పురుషుల స్కీట్‌ ఈవెంట్‌ ఫైనల్లో గుర్జోత్, మేరాజ్‌ అహ్మద్‌ఖాన్, అంగద్‌ వీర్‌బజ్వాలతో కూడిన భారత జట్టు 6–2తో నాసిర్, అలీ అహ్మద్, రషీద్‌ లతో కూడిన ఖతర్‌ జట్టుపై గెలిచి స్వర్ణ పతకం సాధించింది. మహిళల స్కీట్‌ ఈవెంట్‌ ఫైనల్లో పరీనాజ్, కార్తీకి సింగ్, గనీమత్‌లతో కూడిన భారత జట్టు 4–6తో జోయా, రినాటా, ఓల్గాలతో కూడిన కజకిస్తాన్‌ జట్టు చేతిలో ఓడిపోయి రజతం సొంతం చేసుకుంది. ప్రస్తుతం భారత్‌ 6 స్వర్ణాలు, 4 రజతాలు, 4 కాంస్యాలతో కలిపి మొత్తం 14 పతకాలతో అగ్రస్థానంలో ఉంది.  

న్యూఢిల్లీ: మరోసారి తమ సత్తా నిరూపించుకుంటూ భారత షూటర్లు ప్రపంచకప్‌ షూటింగ్‌ టోర్నీలో మూడో రోజు రెండు స్వర్ణాలు, ఒక రజతం, ఒక కాంస్యం సొంతం చేసుకున్నారు. 10 మీటర్ల ఎయిర్‌ పిస్టల్‌ మహిళల, పురుషుల టీమ్‌ ఈవెంట్స్‌లో టీమిండియాకు రెండు పసిడి పతకాలు లభించాయి. యశస్విని, మనూ భాకర్, శ్రీనివేథాలతో కూడిన భారత మహిళల ఎయిర్‌ పిస్టల్‌ జట్టు ఫైనల్లో 16–8 స్కోరుతో జులీటా బొరెక్, జోనా ఐవోనా, అగ్నెస్కాలతో కూడిన పోలాండ్‌ జట్టుపై గెలిచింది. సౌరభ్, రిజ్వీ, అభిషేక్‌ వర్మలతో కూడిన భారత పురుషుల ఎయిర్‌ పిస్టల్‌ జట్టు ఫైనల్లో 17–11 స్కోరుతో దిన్‌ తాన్, క్వాక్‌ ట్రాన్, చుయెన్‌ ఫాన్‌లతో కూడిన వియత్నాం జట్టును ఓడించింది. 10 మీటర్ల ఎయిర్‌ రైఫిల్‌ పురుషుల టీమ్‌ ఈవెంట్‌లో దీపక్, పంకజ్, ఐశ్వర్య ప్రతాప్‌ సింగ్‌లతో కూడిన భారత బృందానికి రజతం లభించింది. ఫైనల్లో టీమిండియా 14–16 స్కోరుతో లుకాస్, విలియమ్, షెర్రీలతో కూడిన అమెరికా జట్టు చేతిలో ఓడిపోయింది. మహిళల స్కీట్‌ వ్యక్తిగత విభాగంలో భారత షూటర్‌ గనేమత్‌ సెఖోన్‌ కాంస్య పతకం కైవసం చేసుకుంది. ఆరుగురి మధ్య ఎలిమినేషన్‌ పద్ధతిలో జరిగిన ఫైనల్లో గనేమత్‌ 40 పాయింట్లు స్కోరు చేసి మూడో స్థానంలో నిలిచింది. తద్వారా ప్రపంచకప్‌ షూటింగ్‌ టోర్నీ చరిత్రలో స్కీట్‌ విభాగంలో పతకం గెలిచిన తొలి భారత మహిళా షూటర్‌గా గనేమత్‌ గుర్తింపు పొందింది. మూడో రోజు పోటీలు ముగిసిన తర్వాత భారత్‌ మూడు స్వర్ణాలు, మూడు రజతాలు, మూడు కాంస్యాలతో కలిపి మొత్తం తొమ్మిది పతకాలతో అగ్రస్థానంలో ఉంది. 

న్యూఢిల్లీ: సొంతగడ్డపై జరుగుతున్న ప్రపంచకప్‌ షూటింగ్‌ టోర్నీలో రెండో రోజు భారత షూటర్లు అదరగొట్టారు. ఒక స్వర్ణం, రెండు రజతాలు, రెండు కాంస్యాలతో కలిపి మొత్తం ఐదు పతకాలను సొంతం చేసుకున్నారు. మహిళల 10 మీటర్ల ఎయిర్‌ పిస్టల్‌ విభాగంలో యశస్విని సింగ్‌ స్వర్ణం... మనూ భాకర్‌ రజతం గెల్చుకున్నారు. ఎలిమినేషన్‌ పద్ధతిలో జరిగిన ఫైనల్స్‌లో యశస్విని 238.8 పాయింట్లు... మనూ 236.7 పాయింట్లు స్కోరు చేశారు. ఇప్పటికే వీరిద్దరు ఒలింపిక్స్‌కు అర్హత పొందారు. భారత్‌కే చెందిన మరో షూటర్‌ నివేథా 193.5 పాయింట్లతో నాలుగో స్థానంలో నిలిచింది.  పురుషుల 10 మీటర్ల ఎయిర్‌ పిస్టల్‌ విభాగంలో సౌరభ్‌ చౌదరీ (243.2 పాయింట్లు) రజతం...  అభిషేక్‌ వర్మ (221.8 పాయింట్లు) కాంస్యం దక్కించుకున్నారు. పురుషుల 10 మీటర్ల ఎయిర్‌ రైఫిల్‌ విభాగంలో దివ్యాంశ్‌ సింగ్‌ పన్వర్‌ (228.1 పాయింట్లు) మూడో స్థానంలో నిలిచి కాంస్యం సాధించాడు. మహిళల 10 మీటర్ల ఎయిర్‌ రైఫిల్‌ విభాగంలో అంజుమ్‌ మౌద్గిల్‌ 187.8 పాయింట్లతో ఐదో స్థానంలో నిలిచింది. టోర్నీ ప్రారంభానికి ముందు ఇద్దరు భారత పిస్టల్‌ షూటర్లతో సహా మరొక విదేశీ షూటర్‌కు కరోనా వైరస్‌ సోకినట్లు నిర్ధారణ అయింది. దాంతో ఈ ముగ్గురు షూటర్లు టోర్నీ నుంచి వైదొలిగారు.  

ప్రపంచ కప్‌ షూటింగ్‌ టోర్నమెంట్‌లో భారత్‌కు మూడో స్వర్ణ పతకం లభించింది. బ్రెజిల్‌లోని రియో డి జనీరోలో జరుగుతున్న ఈ ఈవెంట్‌లో శనివారం మహిళల 10 మీటర్ల ఎయిర్‌ పిస్టల్‌ విభాగంలో భారత అమ్మాయి యశస్విని సింగ్‌ స్వర్ణం సాధించింది. ఫైనల్లో యశస్విని 236.7 పాయింట్లు స్కోరు చేసి విజేతగా నిలిచింది. అదే క్రమంలో భారత్‌కు ఈ విభాగంలో టోక్యో ఒలింపిక్స్‌ బెర్త్‌ను అందించింది. ఒలీనా (ఉక్రెయిన్‌–234.8 పాయింట్లు) రజతం, జాస్మీనా (సెర్బియా –215.7 పాయింట్లు) కాంస్యం గెలిచారు. ఈ టోర్నీలో భారత్‌కు ఇలవేనిల్, అభిషేక్‌ వర్మ స్వర్ణాలు అందించారు.  

బీజింగ్‌: ఆడుతోంది తొలి ప్రపంచకప్‌ ఫైనల్‌... బరిలో మేటి షూటర్లు... అయినా ఎలాంటి ఒత్తిడికి లోనుకాలేదు... ఆద్యంతం అద్భుత ప్రదర్శన చేసి ఒకే గురికి రెండు లక్ష్యాలు సాధించాడు భారత షూటర్‌ అభిషేక్‌ వర్మ. ఇక్కడ జరుగుతోన్న ప్రపంచకప్‌ షూటింగ్‌ టోర్నమెంట్‌లో అభిషేక్‌ వర్మ రూపంలో భారత్‌కు మూడో స్వర్ణం లభించింది. పురుషుల 10 మీటర్ల ఎయిర్‌ పిస్టల్‌ వ్యక్తిగత విభాగంలో అభిషేక్‌ వర్మ 242.7 పాయింట్లు స్కోరు చేసి పసిడి పతకం గెల్చుకున్నాడు. అంతేకాకుండా భారత్‌కు టోక్యో ఒలింపిక్స్‌ బెర్త్‌ను అందించాడు. అర్తెమ్‌ చెముస్కోవ్‌ (రష్యా–240.4 పాయింట్లు) రజతం... సెయుంగ్‌వు హాన్‌ (కొరియా–220 పాయింట్లు) కాంస్యం సాధించారు.   హరియాణాలో న్యాయవాదిగా ఉన్న 29 ఏళ్ల అభిషేక్‌ వర్మ క్వాలిఫయింగ్‌లో 585 పాయింట్లు స్కోరు చేసి నాలుగో స్థానంలో నిలిచి ఫైనల్‌కు అర్హత సాధించాడు. ఎనిమిది మంది పాల్గొన్న ఫైనల్లో తొలి షాట్‌ నుంచి చివరి షాట్‌ ముగిసేవరకు అభిషేక్‌ ఆధిక్యంలో ఉండటం విశేషం.    

బీజింగ్‌: ప్రపంచ కప్‌ షూటింగ్‌ టోర్నీలో రాజస్తాన్‌ టీనేజ్‌ షూటర్‌ దివాన్ష్‌ సింగ్‌ పన్వర్‌ పసిడి పతకంపై గురి పెట్టాడు. కానీ త్రుటిలో బంగారం చేజారినా... బంగారంలాంటి ఒలింపిక్స్‌ కోటా మాత్రం దక్కింది. ఇక్కడ జరిగిన పురుషుల 10 మీటర్ల ఎయిర్‌ రైఫిల్‌ ఈవెంట్‌లో అతను 249 పాయింట్లు సాధించాడు. కేవలం 0.4 పాయింట్ల తేడాతో స్వర్ణావకాశం కోల్పోయిన 17 ఏళ్ల దివాన్ష్‌ రజత పతకంతో సరిపెట్టుకున్నాడు. ఆతిథ్య చైనాకు చెందిన జిచెంగ్‌ హుయ్‌ 249.4 పాయింట్లతో పసిడి నెగ్గాడు. తాజా దివ్యాన్‌‡్ష ప్రదర్శనతో భారత్‌కు టోక్యో ఒలింపిక్స్‌లో నాలుగో బెర్త్‌ లభించింది. ఇదివరకు అంజుమ్, అపూర్వీ చండేలా (మహిళలు), సౌరభ్‌ (పురుషులు) ఒలింపిక్స్‌ కోటాలు సాధించారు. 

న్యూఢిల్లీ: వరుసగా రెండు రోజుల వైఫల్యం తర్వాత ప్రపంచ కప్‌ షూటింగ్‌ టోర్నమెంట్‌ చివరి రోజు భారత షూటర్లు మెరిశారు. 10 మీటర్ల ఎయిర్‌ పిస్టల్‌ మిక్స్‌డ్‌ ఈవెంట్‌లో సౌరభ్‌ చౌధరీ–మను భాకర్‌ జంట పసిడి పతకం గెల్చుకుంది. దాంతో ఈ మెగా ఈవెంట్‌ను భారత్‌ స్వర్ణంతో ముగించింది. ఓవరాల్‌గా హంగేరి, భారత్‌ మూడు స్వర్ణాల చొప్పున సాధించి సంయుక్తంగా అగ్రస్థానంలో నిలువడం విశేషం. భారత షూటర్లు రెండు కొత్త ప్రపంచ రికార్డులు  నెలకొల్పడంతోపాటు ఒక ఒలింపిక్‌ బెర్త్‌ను దక్కించుకున్నారు.  టోర్నమెంట్‌ ఆఖరి రోజు బుధవారం 10 మీటర్ల ఎయిర్‌ పిస్టల్‌ మిక్స్‌డ్‌ ఈవెంట్‌లో సౌరభ్‌ చౌధరీ–మను భాకర్‌ జంట 483.4 పాయింట్లు స్కోరు చేసి విజేతగా నిలిచింది. రాన్‌జిన్‌ జియాన్‌–బోవెన్‌ జాంగ్‌ (చైనా–477.7 పాయింట్లు) జోడీ రజతం... మిన్‌జుంగ్‌ కిమ్‌–డేహన్‌ పార్క్‌ (కొరియా–418.8 పాయింట్లు) ద్వయం కాంస్యం సొంతం చేసుకున్నాయి. 39 జోడీలు పాల్గొన్న క్వాలిఫయింగ్‌లో సౌరభ్‌–మను జోడీ 778 పాయింట్లు స్కోరు చేసి ప్రపంచ రికార్డును సమం చేయడంతోపాటు అగ్రస్థానంలో నిలిచి ఫైనల్‌కు చేరింది. టాప్‌–5 జోడీలు ఫైనల్లోకి ప్రవేశించాయి. అంతకుముందు జరిగిన 10 మీటర్ల ఎయిర్‌ రైఫిల్‌ మిక్స్‌డ్‌ ఈవెంట్‌లో రవి కుమార్‌–అంజుమ్‌ మౌద్గిల్‌ (భారత్‌) జంట క్వాలిఫయింగ్‌లో 836.3 పాయింట్లు స్కోరు చేసి ఏడో స్థానంలో నిలిచి ఫైనల్‌కు అర్హత సాధించలేకపోయింది.   

న్యూఢిల్లీ: మరో ఈవెంట్‌... మరో పసిడి పతకం... మరో ప్రపంచ రికార్డు. సొంతగడ్డపై జరుగుతున్న ప్రపంచకప్‌ షూటింగ్‌ టోర్నమెంట్‌లో వరుసగా రెండో రోజు భారత షూటర్‌ గురి అదిరింది. తొలి రోజు మహిళల 10 మీటర్ల ఎయిర్‌ రైఫిల్‌ విభాగంలో అపూర్వి చండేలా ప్రపంచ రికార్డుతోపాటు పసిడి పతకం సొంతం చేసుకోగా... రెండో రోజు ఆదివారం 16 ఏళ్ల సౌరభ్‌ చౌధరీ పురుషుల 10 మీటర్ల ఎయిర్‌ పిస్టల్‌ విభాగంలో సంచలన ప్రదర్శన చేశాడు. ఉత్తరప్రదేశ్‌కు చెందిన సౌరభ్‌ స్వర్ణ పతకంతోపాటు కొత్త ప్రపంచ రికార్డు నెలకొల్పడంతోపాటు ఈ విభాగంలో భారత్‌కు 2020 టోక్యో ఒలింపిక్స్‌ బెర్త్‌ను అందించాడు.    గత సంవత్సరం ఆసియా క్రీడల్లో, యూత్‌ ఒలింపిక్స్‌లో స్వర్ణ పతకాలు గెలిచిన సౌరభ్‌ చౌధరీ ప్రపంచకప్‌లో బరిలోకి దిగిన తొలిసారే పసిడి పతకాన్ని దక్కించుకోవడం విశేషం. ఎనిమిది మంది పాల్గొన్న ఫైనల్లో సౌరభ్‌ 245 పాయింట్లు స్కోరు చేసి విజేతగా నిలిచాడు. ఈ క్రమంలో ఒలె ఒమెల్‌చుక్‌ (ఉక్రెయిన్‌–243.6 పాయింట్లు) పేరిట ఉన్న ప్రపంచ రికార్డును సౌరభ్‌ బద్దలు కొట్టాడు. దామిర్‌ మికెక్‌ (సెర్బియా–239.3 పాయింట్లు) రజతం... 2008 బీజింగ్‌ ఒలింపిక్స్‌ స్వర్ణ పతక విజేత పాంగ్‌ వె (చైనా–215.2 పాయింట్లు) కాంస్యం సాధించారు. ఫైనల్లో సౌరభ్‌ జోరు ఎలా సాగిందంటే చివరి షాట్‌కంటే ముందుగానే అతనికి స్వర్ణం ఖాయమైంది. 76 మంది పాల్గొన్న క్వాలిఫయింగ్‌లో సౌరభ్‌ 587 పాయింట్లు స్కోరు చేసి మూడో స్థానంతో ఫైనల్‌కు అర్హత సాధించాడు. భారత్‌కే చెందిన అభిషేక్‌ వర్మ 24వ స్థానంలో... రవీందర్‌ సింగ్‌ 26వ స్థానంలో నిలిచారు. ‘ప్రపంచ రికార్డు, ఒలింపిక్‌ బెర్త్, స్వర్ణ పతకంలాంటి అంశాల గురించి ఆలోచించకుండా లక్ష్యాన్ని గురి చూసి కొట్టాను. అనుకున్న ఫలితం వచ్చింది. ఒకవేళ వీటి గురించి ఆలోచిస్తూ షూటింగ్‌ చేసి ఉంటే అనవసరంగా ఒత్తిడికిలోనై తుది ఫలితం మరోలా ఉండేదేమో’ అని సౌరభ్‌ వ్యాఖ్యానించాడు.   మహిళల 25 మీటర్ల పిస్టల్‌ ఈవెంట్‌లో భారత యువతార మను భాకర్‌ ఫైనల్లో 22 పాయింట్లు స్కోరు చేసి ఐదో స్థానంతో సరిపెట్టుకుంది. వెరోనికా మేజర్‌ (హంగేరి–40 పాయింట్లు) స్వర్ణం సాధించగా... జింగ్‌జింగ్‌ జాంగ్‌ (చైనా), హనియా రొస్తామియాన్‌ (ఇరాన్‌) రజత, కాంస్య పతకాలు గెలిచారు. క్వాలిఫయింగ్‌లో 590 పాయింట్లు స్కోరు చేసి రెండో స్థానంలో నిలిచిన మను భాకర్‌ ఫైనల్లో మాత్రం తడబడింది. 

చాంగ్‌వన్‌ (కొరియా): అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) ప్రపంచ కప్‌ షూటింగ్‌ టోర్నమెంట్‌లో వరుసగా తొలి రెండు రోజులు విఫలమైన భారత షూటర్లు మూడో రోజు బోణీ చేశారు. పురుషుల 10 మీటర్ల ఎయిర్‌ పిస్టల్‌ ఈవెంట్‌లో షాజర్‌ రిజ్వీ రజత పతకం నెగ్గడంతో భారత్‌ పతకాల ఖాతా తెరిచింది. 87 మంది పాల్గొన్న క్వాలిఫయింగ్‌లో రిజ్వీ 582 పాయింట్లు స్కోరు చేసి ఆరో స్థానంలో నిలిచి ఫైనల్‌కు అర్హత సాధించాడు. భారత్‌కే చెందిన జీతూ రాయ్‌ 38వ, ఓంప్రకాశ్‌ 11వ స్థానాల్లో నిలిచారు. టాప్‌–8లో నిలిచిన వారు ఫైనల్‌కు అర్హత పొందుతారు. గత నెలలో మెక్సికోలో జరిగిన తొలి ప్రపంచకప్‌లో స్వర్ణ పతకాన్ని సొంతం చేసుకున్న రిజ్వీ ఈసారి 0.2  పాయింట్ల తేడాతో పసిడి పతకాన్ని చేజార్చుకున్నాడు. ఫైనల్లో రిజ్వీ 239.8 పాయింట్లు స్కోరు చేసి రెండో స్థానాన్ని దక్కించుకున్నాడు. ఆర్తెమ్‌ చెర్‌నుసోవ్‌ (రష్యా–240 పాయింట్లు) స్వర్ణం, సముయిల్‌ డాన్‌కోవ్‌ (బల్గేరియా–217.1 పాయింట్లు) కాంస్యం గెలిచారు.   పురుషుల ట్రాప్‌ ఈవెంట్‌లో భారత షూటర్లెవరూ ఫైనల్‌కు చేరుకోలేకపోయారు. మానవ్‌జిత్‌ (117 పాయింట్లు), కైనన్‌ షెనాయ్‌ (115 పాయింట్లు), జొరావర్‌ సింగ్‌ (114 పాయింట్లు) వరుసగా 24, 36, 41వ స్థానాల్లో నిలిచారు.    

గ్వాడలహారా (మెక్సికో): ప్రపంచకప్‌ షూటింగ్‌ టోర్నమెంట్‌లో భారత గన్‌ మళ్లీ గర్జించింది. నాలుగో స్వర్ణంతో మెరిసింది. పురుషుల రైఫిల్‌ త్రీ పొజిషన్‌ విభాగంలో మేటి షూటర్లు బరిలో ఉండగా... కెరీర్‌లో కేవలం రెండో ప్రపంచకప్‌ ఆడుతోన్న 22 ఏళ్ల అఖిల్‌ షెరాన్‌ అద్భుతమే చేశాడు. ఎలాంటి ఒత్తిడిని దరిచేరనీయకుండా ఆడుతూ అందర్నీ బోల్తా కొట్టించి ఈ మెగా ఈవెంట్‌లో తొలిసారి స్వర్ణ పతకాన్ని కైవసం చేసుకున్నాడు. ఉత్తరప్రదేశ్‌కు చెందిన ఈ యువ షూటర్‌ గురికి భారత్‌ ఖాతాలో నాలుగో పసిడి పతకం వచ్చి పడింది. అఖిల్‌తోపాటు భారత్‌కే చెందిన సంజీవ్‌ రాజ్‌పుత్, స్వప్నిల్‌ కుసాలే ఫైనల్‌కు చేరారు. అఖిల్‌ 455.6 పాయింట్లతో విజేతగా నిలువగా... బెర్నాడ్‌ పికిల్‌ (ఆస్ట్రియా–452 పాయింట్లు) రజతం, ఇస్త్‌వాన్‌ పెని (హంగేరి–442.3 పాయింట్లు) కాంస్యం సాధించారు. 430.9 పాయింట్లతో సంజీవ్‌ రాజ్‌పుత్‌ నాలుగో స్థానంలో... 407.2 పాయింట్లో స్వప్నిల్‌ ఆరో స్థానంలో నిలిచారు. ఓవరాల్‌గా ఈ టోర్నీలో భారత్‌కిది తొమ్మిదో పతకం. ఇందులో నాలుగు స్వర్ణాలు, ఒక రజతం, నాలుగు కాంస్యాలు ఉన్నాయి. అంతర్జాతీయ షూటింగ్‌లో 38 పతకాలు గెలిచిన హంగేరి దిగ్గజం పీటర్‌ సిడి, రియో ఒలింపిక్‌ కాంస్య పతక విజేత అలెక్సిక్‌ రెనాల్డ్‌ (ఫ్రాన్స్‌), ఎయిర్‌ రైఫిల్‌లో పసిడి పతకం నెగ్గిన ఇస్త్‌వాన్‌ పెని (హంగేరి)లాంటి మేటి షూటర్లు బరిలో ఉండగా... అఖిల్‌ సంయమనంతో షూట్‌ చేసి అనుకున్న ఫలితం సాధించాడు. క్వాలిఫయింగ్‌లో త్రీ పొజిషన్స్‌ (మోకాళ్లపై కూర్చోని, ముందుకు వాలి, నిలబడి)లో భాగంగా షూటర్లు ఒక్కో విభాగంలో 40 చొప్పున షాట్‌లు సంధించారు. 1174 పాయింట్లతో అఖిల్‌ నాలుగో స్థానంలో, 1176 పాయింట్లతో రాజ్‌పుత్‌ రెండో స్థానంలో, 1168 పాయింట్లతో స్వప్నిల్‌ ఏడో స్థానంలో నిలిచి ఎనిమిది మందితో కూడిన ఫైనల్‌ రౌండ్‌కు అర్హత సాధించారు. ఎలిమినేషన్‌ పద్ధతిలో జరిగిన ఫైనల్లో అఖిల్‌ చివరిదాకా నిలకడగా పాయింట్లు స్కోరు చేశాడు. చివరి షాట్‌లో అఖిల్‌ అత్యుత్తమంగా 10.8 స్కోరు చేయడం విశేషం. మరోవైపు మహిళల 25 మీటర్ల పిస్టల్‌ ఈవెంట్‌ ఫైనల్లో మను భాకర్‌ ఐదో స్థానంలో నిలిచింది.   


 చాంగ్‌వాన్ (కొరియా): ప్రపంచ కప్ షూటింగ్ టోర్నమెంట్‌లో భారత్‌కు రెండో పతకం లభించింది. ఆదివారం జరిగిన పురుషుల 10 మీటర్ల ఎయిర్ పిస్టల్ ఈవెంట్‌లో భారత స్టార్ షూటర్ జీతూ రాయ్ కాంస్య పతకాన్ని సాధించాడు. ఎనిమిది  మంది పాల్గొన్న ఫైనల్స్‌లో అతను 181.1 పాయింట్లతో మూడోస్థానంలో నిలిచాడు. కేవలం 0.4 పాయింట్ల తేడాతో స్వర్ణ పతకం కోసం జరిగే షూటవుట్‌ను కోల్పోయాడు. అంతర్జాతీయ స్థాయిలో ఇది జీతూకు ఏడో పతకం. ఇదే విభాగం క్వాలిఫికేషన్ రౌండ్‌లో ఇతర భారత షూటర్లు ప్రకాశ్ నంజప్ప, గుర్‌ప్రీత్ సింగ్ 18, 48వ స్థానాల్లో నిలిచారు. ఇక 50 మీటర్ల రైఫిల్ ప్రోన్ ఈవెంట్‌లో చైన్ సింగ్ ఎనిమిది మందితో కూడిన ఫైనల్స్‌కు అర్హత సాధించినా ఆరో స్థానం పొందాడు. శనివారం మహిళల 10 మీటర్ల ఎయిర్ రైఫిల్ ఈవెంట్‌లో భారత్‌కే చెందిన అపూర్వీ చండేలా కాంస్యం సాధించడంతోపాటు రియో ఒలింపిక్స్‌కు అర్హత పొందిన సంగతి తెలిసిందే.