ఆటో బోల్తా.. వ్యక్తి మృతి

ఆటో బోల్తా.. వ్యక్తి మృతి

మోతుగూడెం: చింతూరు–మారేడుమిల్లి ఘాట్‌ రోడ్డులో వనదుర్గమ్మ ఆలయం వద్ద మంగళవారం జరిగిన ఆటో బోల్తా సంఘటనలో దేవీపట్నం మండలం బడిగుంట గ్రామానికి చెందిన మజ్జిగ బాబూరావు(42) మృతి చెందారు. ఈ సంఘటనపై ఎస్‌ఐ ఎ.శివన్నారాయణ అందించిన వివరాలు ఇలా ఉన్నాయి. చింతూరు మండలంలోని కొండపల్లి గ్రామంలో ఓ కార్యక్రమానికి బడిగుంట గ్రామానికి చెందిన పది మంది ఆటోలో బయలుదేరారు. చింతూరు–మారేడుమిల్లి ఘాట్‌ రోడ్డులోని వన దుర్గమ్మ దేవాలయం సమీపంలో ఆటో అదుపు తప్పి బోల్తా పడింది. ఈ సంఘటనలో తొమ్మిది మందికి చిన్న చిన్న గాయాలు కాగా , బడిగుంట గ్రామానికి చెందిన బాబూరావుకు తీవ్ర గాయాలయ్యాయి. అతని చింతూరు ఆస్పత్రికి తరలిస్తుండగా మార్గమధ్యంలో మృతి చెందాడు. మృతదేహాన్ని చింతూరు ఆస్పత్రికి తరలించినట్టు తెలిపారు. ఎస్‌ఐ ఎ.శివన్నారాయణ సంఘటన స్ధలాన్ని పరిశీలించి కేసు నమోదు చేసి దర్యాప్తు చేస్తున్నట్టు తెలిపారు.