పెళ్లి నాటి ప్రమాణం.. అవయవదానం

వివాహ వేదికలో అవయవదానం హామీ పత్రాలు స్వీకరిస్తున్న గూడూరు సీతామహలక్ష్మి

నిడదవోలు: తూర్పు గోదావరి జిల్లా నిడదవోలు­లోని డాక్టర్‌ బీఆర్‌ అంబేడ్కర్‌ కల్యాణ మండపంలో గురువారం జరిగిన ఓ వివాహ వేడుక అవయవ­దా­న హామీ పత్రాల సమర్పణకు వేదికగా మారింది. వధూవరులు సజీవరాణి, సతీష్‌కుమార్‌­తో­పాటు 66 మంది తమ అవయవాలను దానం చేసేం­దుకు అంగీకరించారు.

విశాఖలోని అఖిల భారత అవ­యవ, శరీరదాతల సంఘం, సావిత్రి­బాయి ఫూలే ఎడ్యుకేషనల్‌ అండ్‌ చారిటబుల్‌ ట్రస్ట్‌ ఆధ్వర్యాన అవయవదాన ఆవశ్యకతను తెలియ­జేస్తూ వివాహ వేదిక వద్ద ప్రత్యేక శిబిరం ఏర్పాటు­చేశారు. ట్రస్ట్‌ ప్రతినిధుల సూచనల మేరకు వధూవరులు, వారి బంధుమిత్రులు 66 మంది అవయవదానం చేస్తా­మని హామీ పత్రాలపై సంతకాలు చేసి ట్రస్ట్‌ చైర్‌­çపర్సన్‌ గూడూరు సీతామహలక్ష్మికి అందజేశారు.

ఈ పత్రాలను ప్రభుత్వ సంస్థ జీవన్‌దాన్‌కు అందిస్తామని సీతా­మహలక్ష్మి తెలిపారు. తాము ఇప్ప­టి­వరకు రాష్ట్ర­వ్యాప్తంగా 42 వేల మంది నుంచి అవ­య­వ­దాన హామీ పత్రాలను స్వీకరించామని చెప్పా­రు. ఆంధ్రా మెడికల్‌ కాలేజీ విద్యార్థుల బోధన అవ­స­రాల కోసం 2007లో 35 మృతదేహాలను అప్ప­గించిన తర్వాత అవయవదాన హామీ పత్రాల ఉద్య­మాన్ని చేపట్టామని పేర్కొన్నారు.

తెలుగు రాష్ట్రా­లలో ఇప్పటివరకు 35 మెడికల్‌ కళాశాలలకు 400 భౌతికదేహాలను అందజేశామన్నారు. బ్రెయిన్‌ డెడ్‌ అయిన ఒక వ్యక్తి ద్వారా 18 మందిని బతికించ­వచ్చని వివరించారు. అవయవదానం చేసిన వ్యక్తు­ల కుటుంబ సభ్యులను ప్రభుత్వం ప్రోత్సహించా­ల్సిన అవసరం ఉందన్నారు. కుటుంబంలో ఒకరికి క్లాస్‌–4 ఉద్యోగం కల్పించినా మరింత మంది అవ­యవదానం చేయడానికి ముందుకు వస్తారన్నారు.