తను మరణించినా.. ముగ్గురికి ఊపిరి పోశాడు

అవయవాలను అంబులెన్సు వద్దకు తీసుకువెళుతున్న దాత కుటుంబ సభ్యులు

కాకినాడ రూరల్‌: తను మరణించినా.. తన అవయవాల ద్వారా పలువురికి ఊపిరి పో­శారు కాకినాడకు చెందిన పెంకే గోవింద­కు­మార్‌ (50). కాకినాడ ట్రస్ట్‌ మల్టీ స్పెషాలిటీ ఆస్పత్రిలో చికిత్స కోసం చేరిన గోవింద­కుమార్‌ బ్రెయిన్‌ డెడ్‌ అయింది. దీంతో ఆయ­న కుటుంబ సభ్యుల అంగీకారంతో ఆస్పత్రి వైద్యులు రాజశేఖరన్, ప్రశాంత్, యు.కిషోర్‌­కుమార్, కల్యాణి, శ్రీకాంత్, గణేష్‌ ఆది­మూలం, డీవీఎస్‌ సోమయాజులు, వై.కల్యాణ్‌ చక్రవర్తి, ఎస్‌సీహెచ్‌ఎస్‌ రామకృష్ణ, సనా ప్రవీణ తదితరులు రాత్రి 8 గంటలకు దాత నుంచి అవయవాలు సేకరించారు.

ఒక కిడ్నీని ఆస్పత్రిలోనే రోగికి విజయవంతంగా అమ­ర్చారు. రాత్రి 10 గంటల సమయంలో మరో కిడ్నీని విశాఖపట్నంలోని కేర్‌ ఆస్పత్రికి, కాలేయాన్ని (లివర్‌) గుంటూరు జిల్లా తాడే­పల్లి వద్ద మణిపాల్‌ ఆస్ప­త్రికి అంబు­లెన్సుల్లో తరలించారు. దీనికోసం జిల్లా ఎస్పీ ఎం.రవీంద్రనాథ్‌బాబు గ్రీన్‌ చానల్‌ ఏర్పాటు చేశారు.

అంబులెన్సులు గమ్యానికి సజావుగా చేరేలా ఎస్పీ కార్యాల­యంలోని స్పెషల్‌ బ్రాంచ్‌ కంట్రోల్‌ రూమ్‌ నుంచి పర్యవేక్షించారు. అవయ­వాల తరలింపును ట్రస్ట్‌ ఆస్పత్రి వైద్యుడు రా­మకృష్ణ సమన్వయం చేశారు. ట్రాన్స్‌ప్లాంటే­షన్‌ కో–ఆర్డినేటర్‌గా స్వాతి వ్యవహరించారు.