TV
హైదరాబాద్, బిజినెస్‌ బ్యూరో: మోనోక్లోనల్‌ యాంటీబాడీ ఉస్టెకినుమాబ్‌ బయోసిమిలర్‌ కోసం ప్రత్యేక హక్కులను తమ అనుబంధ కంపెనీ క్యూరాటెక్‌ బయాలాజిక్స్‌ పొందినట్టు అరబిందో ఫార్మా తెలిపింది.
స్టెలారా (ఉస్టెకినుమాబ్‌) ప్రతిపాదిత బయోసిమిలర్‌ అయిన బీఎఫ్‌ఐ–751ని వాణిజ్యీకరించడానికి యూఎస్‌కు చెందిన బయోఫ్యాక్చురాతో ఈ మేరకు ఒప్పందం కుదిరింది. పేగుల్లో వచ్చే వ్యాధులు, సొరియాసిస్, కీళ్ల వాతం వంటి రోగాల చికిత్సకు ఈ ఔషధం వాడతారు.
ఒప్పందం ప్రకారం యూఎస్, ఈయూ, యూకే, కెనడా, ఆస్ట్రేలియా, న్యూజీలాండ్, ప్రపంచవ్యాప్తంగా కొన్ని ఇతర పాక్షిక నియంత్ర, అభివృద్ధి చెందుతున్న మార్కెట్లతో సహా అన్ని ప్రధాన నియంత్రిత మార్కెట్లలో బీఎఫ్‌ఐ–751ని వాణిజ్యీకరించడానికి క్యూరాటెక్‌కు ప్రత్యేక లైసెన్స్‌ హక్కులు ఉంటాయి.
