మ‌హీంద్రా కార్ల‌పై బంప‌రాఫ‌ర్‌, ఏకంగా రూ.80వేల వ‌ర‌కు డిస్కౌంట్‌!

ప్ర‌ముఖ ఆటోమొబైల్ దిగ్గజం మ‌హీంద్రా అండ్ మహీంద్రా ఫిబ్ర‌వ‌రి నెల వ‌ర‌కు ప‌లు మోడ‌ళ్ల‌పై భారీ డిస్కౌంట్‌లు అందిస్తున్న‌ట్లు ప్ర‌క‌టించింది. ఎక్స్‌యూవీ300, స్కార్పియో, అల్ట్రాస్ జీ4, బొలెరో, మరాజో మోడ‌ళ్ల‌పై  డిస్కౌంట్‌ల‌లో సొంతం చేసుకోవ‌చ్చు.   

►బొలెరో నియోపై ఆఫర్‌లు లేనప్పటికీ, బొలెరో ఎస్‌యూవీపై రూ.3వేల‌ కార్పొరేట్ తగ్గింపు, రూ.15వేల‌ వరకు ఎక్ఛేంజ్‌ బోనస్, రూ.6వేల వ‌ర‌కు డిస్కౌంట్‌కే లభిస్తుంది. 

►మరాజో మూడు వేరియంట్‌లలో ఆఫ‌ర్‌లో కొనుగోలు చేయోచ్చు. ఇందులో ఎం2,ఎం4 ప్ల‌స్‌, ఎం6 ప్లస్ వేరియంట్ల‌పై  రూ.20,000 వరకు డిస్కౌంట్‌,రూ.15,000 వరకు ఎక్ఛేంజ్‌ బోనస్,రూ.5,200 కార్పొరేట్ ప్రయోజనాల్ని అందిస్తుంది.   

►మహీంద్రా ఎక్స్‌యూవీ 300 కాంపాక్ట్ ఎస్‌యూవీ ఈ నెలలో రూ.30,003వ‌ర‌కు డిస్కౌంట్‌, రూ.25,000 వరకు ఎక్ఛేంజ్‌ బోనస్, రూ.4,000 వరకు కార్పొరేట్ తగ్గింపుతో కొనుగోలు చేయోచ్చు. రూ.10వేల‌ వరకు ఇతర ఆఫర్‌ల‌కే అందిస్తుంది.  

►మ‌హీంద్రా ఆల్ట్రాస్ జీ4పై భారీ డిస్కౌంట్‌కే అందిస్తుంది. ఎక్ఛేంజ్ బోనస్ రూ.50,000, రూ.11,500 వరకు కార్పొరేట్ తగ్గింపు, రూ.20,000 వరకు ఇతర అదనపు ఆఫర్‌లు ఉన్నాయి.

►ఇది కాకుండా స్కార్పియో రూ.15,000 వరకు ఎక్ఛేంజ్‌ బోనస్, రూ.4,000 వరకు కార్పొరేట్ ప్రయోజనాలు, రూ.15,000 వరకు ఇతర తగ్గింపులతో అందిస్తుంది.