Hero Xpulse 200T 4V: వావ్‌ అనిపించే ఫీచర్లతో హీరో కొత్త బైక్.. స్టైలిష్‌ లుక్‌తో అదరగొడుతోంది!

హైదరాబాద్, బిజినెస్‌ బ్యూరో: ప్రముఖ టూవీలర్ల తయారీ కంపెనీ హీరో మోటొకార్ప్ తాజాగా అదిరిపోయే లుక్‌తో ఓ బైక్‌ను మార్కెట్‌లోకి తీసుకువచ్చింది. తన ఎక్స్‌పల్స్ 200టీ మోడల్‌లో కొత్త అప్‌డేటెడ్ వెర్షన్‌ను లాంచ్‌ చేసింది. దీని ధర ముంబై ఎక్స్‌షోరూంలో రూ.1.25 లక్షలు. కొత్తగా మార్కెటలోకి తీసుకువచ్చిన ఈ అప్‌డేటెడ్ వెర్షన్‌లో బీఎస్ 6 200 సీసీ 4 వాల్వ్ ఇంజిన్‌ను అమర్చారు.

ఈ ఆయిల్ కూల్డ్ ఇంజిన్ పవర్ 19 హెచ్‌పీ, 17.3 ఎన్ఎం టార్క్‌తో రాబోతోంది.  గోల్డ్, రెడ్‌, ఎల్లో మేట్ ఫంక్ వంటి కలర్స్ యాడ్ చేశారు. ఈ బైక్‌లో 37 ఎంఎం ఫ్రంట్ ఫోర్క్స్, వెనక భాగంలో 7 స్టెప్ అడ్జస్టబుల్ మోనో షాక్ సస్పెన్షన్ అమర్చారు.

ఈ బైక్‌ను కొనుగోలు చేయాలనుకున్న వారు కంపెనీ వెబ్‌సైట్‌లోకి రూ. 2,500తో ఈ బైక్‌ను ప్రి బుకింగ్ చేసుకోవచ్చు. స్మార్ట్‌ఫోన్‌ కనెక్టివిటీ, కాల్‌ అలర్ట్స్, టర్న్‌ బై టర్న్‌ నేవిగేషన్‌తో ఫుల్‌ డిజిటల్‌ ఎల్‌సీడీ ఇన్‌స్ట్రుమెంట్, యూఎస్‌బీ చార్జర్, గేర్‌ ఇండికేటర్, సైడ్‌ స్టాండ్‌ ఇంజన్‌ కట్‌ ఆఫ్‌ వంటి ఫీచర్లను జోడించారు.

చదవండి: కొత్త సంవత్సరంలో టీవీ ప్రేక్షకులకు ఊహించని షాక్‌!