యువకుడి సూసైడ్‌: ప్రేయసి చిత్రం గుండెలపై..

సాక్షి, హైదరాబాద్‌ : ప్రేమించిన యువతితో గొడవ కారణంగా ఆత్మహత్యకు పాల్పడ్డాడో యువకుడు. ఈ సంఘటన అల్వాల్‌లో సోమవారం చోటుచేసుకుంది. పోలీసులు తెలిపిన వివరాల మేరకు.. చిలకలగూడాకు చెందిన వంశీకృష్ణకు అల్వాల్‌కు చెందిన ప్రవళికతో కొన్ని నెలల క్రితం ఫేస్‌బుక్‌లో పరిచయమైంది. ప్రవళిక సికింద్రాబాద్‌లోని ఎస్ బ్యాంకులో పని చేస్తుండగా.. వంశీ ఓ ప్రైవేట్ కంపెనీలో ఉద్యోగం చేస్తున్నాడు. ఫేస్‌బుక్‌లో‌ పరిచయమైన నాటినుంచి వంశీ ఆమెను ప్రేమించసాగాడు. ఆమె చిత్రాన్ని తన గుండెలపై పచ్చబొట్టు వేయించుకున్నాడు. ( మన్యంలో మావోయిస్టుల ఘాతుకం)

అయితే ఆదివారం ఇద్దరి మధ్యా గొడవ చోటుచేసుకుంది. దీంతో మనస్తాపానికి గురైన వంశీ ఆత్మహత్య చేసుకోవాలనుకున్నాడు. నిన్న రాత్రి బాలాజీనగర్‌లోని స్నేహితులతో గడిపి ఇంటికి వచ్చేశాడు. ఈ ఉదయం విధులకు వెళుతున్నానని ఇంట్లో చెప్పి భూదేవీ నగర్‌ రైల్వే ట్రాక్‌ వద్ద రైలు కింద పడి ఆత్మహత్య చేసుకున్నాడు. దీనిపై కేసు నమోదు చేసుకున్న పోలీసులు దర్యాప్తు చేపట్టారు.