నామినేషన్ల పరిశీలన పూర్తి

● గ్రాడ్యుయేట్‌ స్థానానికి 68, టీచర్‌ స్థానానికి 16 మంది బరిలో..

సాక్షిప్రతినిధి,కరీంనగర్‌: కరీంనగర్‌–మెదక్‌–నిజా మాబాద్‌–ఆదిలాబాద్‌ గ్రాడ్యుయేట్‌, టీచర్‌ ఎమ్మెల్సీ స్థానాలకు దాఖలైన నామినేషన్ల పరిశీలన ము గిసింది. గ్రాడ్యుయేట్‌ ఎమ్మెల్సీ స్థానానికి 100 మంది అభ్యర్థులు 192 నామినేషన్లు దాఖలు చేశారు. వీరిలో వివిధ కారణాల వల్ల 32 నామినేషన్లు తిరస్కరణకు గురికాగా 68 ఆమోదించారు. టీచర్‌ ఎ మ్మెల్సీ స్థానానికి 17 మంది 38 నామినేషన్లు దా ఖలు చేయగా ఒక నామినేషన్‌ రిజెక్ట్‌ అయింది. ఈ సందర్భంగా ఎన్నికల రిటర్నింగ్‌ అధికారి, కలెక్టర్‌ పమేలా సత్పతి మాట్లాడుతూ అభ్యర్థులు నామినేషన్లు సమర్పించిన సందర్భంలో ఏవైనా లోపాలు ఉంటే గుర్తించి అభ్యర్థులకు షార్ట్‌ మెమోలు ఇచ్చి సరిచేసుకునేందుకు అవకాశం కల్పించామని అన్నారు. సరైన ఫార్మాట్‌లో సమర్పించని నామినేషన్లను తిరస్కరించినట్లు వివరించారు. కార్యక్రమంలో ఎమ్మెల్సీ ఎన్నికల పరిశీలకులు, ప్రభుత్వ ముఖ్య కార్యదర్శి సంజయ్‌ రామన్‌, అడిషనల్‌ కలెక్టర్లు ప్రపుల్‌ దేశాయ్‌, లక్ష్మీకిరణ్‌, డీఆర్వో వెంకటేశ్వర్లు, ఆర్డీవోలు మహేశ్వర్‌, రమేశ్‌, ఏవో నరేందర్‌, తహసీల్దార్లు, రెవెన్యూ ఉద్యోగులు పాల్గొన్నారు.