ఆసిఫాబాద్‌అర్బన్‌: ఈనెల 25వ నుంచి 28వ తేదీ వరకు సంగారెడ్డిలో నిర్వహించనున్న సీపీఎం రాష్ట్ర నాలుగో మహాసభలను విజయవంతం చేయాలని పార్టీ రాష్ట్ర నాయకుడు బండారు రవికుమార్‌ కోరా రు. శనివారం జిల్లా కేంద్రంలో పార్టీ నాయకులతో కలిసి మహాసభల పోస్టర్‌ ఆవిష్కరించారు. ఈ సందర్భంగా ఆయన మాట్లాడుతూ.. జిల్లాలో ప్రజాసమస్యల పరిష్కారానికి పార్టీ ప్రభుత్వంతో పోరాడుతోందని తెలిపారు. జిల్లాలో పోడు రైతుల పక్షాన పోరాడి పట్టాలు ఇప్పించినట్లు పేర్కొన్నారు. పులి పేరిట తునికాకు సేకరణ చేయొద్దని జిల్లా అటవీ శాఖ అధికారులు సంబంధిత రాష్ట్ర అధికారులకు తెలియజేసిన వెంటనే సమస్య పరిష్కారంలో ముందు నిలిచిందని తెలిపారు. జిల్లాలో ఎక్కడ సమస్య ఉన్నా తక్షణమే పరిష్కారం కోసం అనేక ఉద్యమాలు చేసిన ఘనత సీపీఎంకే దక్కుతుందని పేర్కొన్నారు. పార్టీ మహాసభలకు పోలిట్‌ భ్యూరో సభ్యులు బృందాకారత్‌, బీవీ రాఘవులు, కార్యదర్శి తమ్మినేని వీరభద్రం హాజరవుతున్నారని తెలిపా రు. మహాసభలను విజయవంతం చేయాలని కో రారు. జిల్లా కార్యదర్శి కూశన రాజన్న, కార్యవర్గ సభ్యులు దుర్గం దినకర్‌, కోట శ్రీనివాస్‌, జిల్లా కమి టీ సభ్యులు ఆనంద్‌, రాజేందర్‌, టీకానంద్‌, మా లశ్రీ తదితరులు పాల్గొన్నారు.

ఆసిఫాబాద్‌రూరల్‌: జిల్లాలో నిర్వహించిన జవహర్‌ నవోదయ కేంద్రీయ విద్యాలయాల్లో ఆరోతరగతిలో ప్రవేశం కోసం నిర్వహించిన పరీక్ష శనివారం ప్రశాంతంగా ముగిసింది. పరీక్ష ఉదయం 11.30 గంటలకు ఉండగా విద్యార్థులు గంట ముందుగానే కేంద్రాలకు చేరుకున్నారు. 10.30 గంటలకు విద్యార్థులను కేంద్రాల్లోకి అనుమతించారు. జిల్లాలో ఆరు సెంటర్లు ఏర్పాటు చేశారు. ఆసిఫాబాద్‌లో రెండు, కాగజ్‌ నగర్‌లో రెండు, సిర్పూర్‌ (టీ) సెంటర్‌లో 1,159 మంది విద్యార్థులకు 805 మంది హజరు కాగా, 354 మంది గైర్హాజరైనట్లు నవోదయ ప్రిన్సిపాల్‌ పార్వతి తెలిపారు. పరీక్షా కేంద్రాలను జిల్లా పరీక్షల నిర్వహణ అధికారి ఉదయ్‌బాబు, ప్రిన్సిపాల్‌ పార్వతి పర్యవేక్షించారు. ఉమ్మడి జిల్లా వ్యాప్తంగా మొత్తం 24 సెంటర్లలో 5,191 మందికి గాను 4,167 మంది హాజరు కాగా 1,024 మంది గైర్హాజరయ్యారు. కాగజ్‌నగర్‌ రూరల్‌: కాగజ్‌నగర్‌ పట్టణంలోని నవోదయ విద్యాలయం, సెయింట్‌ క్లారిటీ పాఠశాలలో ఏర్పాటు చేసిన పరీక్షాకేంద్రాలను కాగజ్‌నగర్‌ నవోదయ పాఠశాల ప్రిన్సిపాల్‌ పార్వతి పరిశీలించారు. అవాంఛనీయ ఘటనలు చోటు చేసుకోకుండా పోలీసులు భారీ బందోబస్తు ఏర్పాటు చేశారు. సిర్పూర్‌(టి): మండలకేంద్రంలోని స్థానిక సాంఘిక సంక్షేమ బాలుర గురుకుల పాఠశాల, కళాశాలలో నిర్వహించిన నవోదయ ప్రవేశ పరీక్షకు 156 మందికి 105 మంది విద్యార్థులు హాజరయ్యారు. సాంఘిక సంక్షేమ బాలికల గురుకుల పాఠశాల, కళాశాలలో 162 మందికి 141 మంది విద్యార్థులు హాజరైనట్లు ఎంఈవో వేణుగోపాల్‌ తెలిపారు.

పెంచికల్‌పేట్‌: అటవీశాఖ ఆధ్వర్యంలో జిల్లాలో పక్షుల అధ్యయనానికి బర్డ్‌ వాక్‌ కార్యక్రమాన్ని ఎ ల్లూర్‌ బొక్కివాగు ప్రాజెక్ట్‌ వద్ద కాగజ్‌నగర్‌ సబ్‌కలెక్టర్‌ శ్రద్ధాశుక్లా ఎఫ్‌డీవో సుశాంత్‌ సుఖ్‌దీర్‌తో కలిసి శనివారం ప్రారంభించారు. రాష్ట్రంలోని వివిధ ప్రాంతాలకు చెందిన 14 మంది ఔత్సాహికులు క్షేత్రపర్యటనకు వచ్చారు. రేంజ్‌ పరిధిలోని చెరువులు, కుంటలు, పెద్దవాగు, ప్రాణహిత పరిసర ప్రాంతా ల్లోని ప్రకృతి, పక్షులను బంధిస్తూ ముందుకు సాగా రు. పాలరాపు గుట్ట వద్ద గల రాబంధుల స్థావరా న్ని సందర్శించి వివరాలు నమోదు చేసుకున్నారు. అనంతరం అటవీశాఖ ఆధ్వర్యంలో ఏర్పాటు చేసి న సఫారీల్లో అటవీ ప్రాంతాల్లో పర్యటిస్తూ పక్షులను కెమెరాల్లో బంధించారు. పెంచికల్‌పేట్‌ ఎఫ్‌ ఆర్వో అనిల్‌కుమార్‌, ఎఫ్‌ఎస్వో జగన్‌, జమీల్‌, ఆస్మా, ఎఫ్‌బీవోలు, సిబ్బంది పాల్గొన్నారు. సిర్పూర్‌(టి): అటవీశాఖ ఆధ్వర్యంలో శనివారం సిర్పూర్‌(టి) అటవీశాఖ రేంజ్‌ పరిధిలో మొదటిరోజు బర్డ్‌వాక్‌ నిర్వహించారు. మూడో బర్డ్‌వాక్‌ ఫెస్టివల్‌లో భాగంగా అటవీశాఖ అధికారులు, జంతు ప్రేమికులు, పర్యాటకులు దేశీ, విదేశీ పక్షులను తమ కెమెరాల్లో బంధించారు. సిర్పూర్‌(టి) రేంజ్‌ పరిధిలోని చింతకుంట సెక్షన్‌ పరిధిలోని నీటి కుంటలు, హీరాపూర్‌ వాగు, జీడి వాగు ప్రాంతాల్లో పర్యటించి పక్షుల ఫొటోలు తీశారు. ఎఫ్‌డీవో సుశాంత్‌ బొబడే, ఎఫ్‌ఆర్వో ఇక్బాల్‌ హుస్సేన్‌, సెక్షన్‌ అధికారులు మోహన్‌రావ్‌, ప్రసాద్‌రావ్‌, బీట్‌ అధికారి మల్లికార్జున్‌, సిబ్బంది పాల్గొన్నారు.

ఆసిఫాబాద్‌: అర్హులకే సంక్షేమ పథకాలు అందేలా చర్యలు తీసుకోవాలని కలెక్టర్‌ వెంకటేశ్‌ దోత్రే సూచించారు. జిల్లా కేంద్రంలోని జూబ్లీ మార్కెట్‌ సమీపంలో రైతు భరోసా పథకంపై నిర్వహిస్తున్న వ్యవసాయ భూముల సర్వేను శనివారం పరిశీలించారు. ఈ సందర్భంగా కలెక్టర్‌ మాట్లాడుతూ.. వ్యవసాయానికి యోగ్యమయ్యే భూములకు మాత్రమే రైతు భరోసా వర్తింపజేయాలని సూచించారు. పట్టణంలో పలుచోట్ల కూరగాయలు విక్రయిస్తుండటంతో జూబ్లీ మార్కెట్‌లో వ్యాపారాలు సాగడం లేదని పలువురు వ్యాపారులు కలెక్టర్‌కు తెలిపారు. దీంతో సంబంధిత అధికారులతో చర్చించి, సమస్య పరిష్కరిస్తామని కలెక్టర్‌ హామీ ఇచ్చారు. అనంతరం జన్కాపూర్‌లో నిర్వహిస్తున్న ఇందిరమ్మ ఇండ్లు, రేషన్‌ కార్డుల సర్వే ప్రక్రియను పరిశీలించారు. తహసీల్దార్‌ రోహిత్‌ దేశ్‌పాండే, వ్యవసాయాధికారి మిలింద్‌కుమార్‌, మున్సిపల్‌ కమిషనర్‌ భుజంగరావు, సిబ్బంది పాల్గొన్నారు. అర్హులకే అందాలికెరమెరి(ఆసిఫాబాద్‌): అర్హులందరికీ సంక్షేమ పథకాలు అందాలని అడిషనల్‌ కలెక్టర్‌ దీపక్‌ తివారి పేర్కొన్నారు. మండల కేంద్రంలో ఇందిరమ్మ ఇళ్ల సూపర్‌ చెక్‌, ఎస్‌బీఎం కాంప్లెక్స్‌ మరుగుదొడ్ల మార్కింగ్‌, సాకడ గ్రామంలో రైతు భరోసా, రేషన్‌ కార్డుల క్షేత్రస్థాయి పరిశీలన కార్యక్రమాలను ఆయన పరిశీలించారు. అనంతరం మాట్లాడుతూ.. ఎస్‌బీఎం కాంప్లెక్స్‌ టాయిలెట్‌ పనులు త్వరగా పూర్తయ్యేలా చూడాలని చెప్పారు. అనంతరం గోయగాం ఉన్నత పాఠశాలను సందర్శించారు. ఎండీఎం, వంటగదులు, భోజన నాణ్యత, రికార్డులు, రిజిష్టర్లు పరిశీలించారు. పదో తరగతి విద్యార్థులకు ఆంగ్ల పాఠాలు బోధించి ప్రశ్నలు అడిగి సమాధానాలు రాబట్టారు. తహసీల్దార్‌ దత్తుప్రసాద్‌, ఎంపీడీవో అమ్జద్‌పాషా తదితరులున్నారు.

బెజ్జూర్‌: మండలంలోని ఎల్కపల్లి(బీ) అభయాంజనేయస్వామి ఆలయం నుంచి మహా రాష్ట్రలోని చప్రాడాలోగల దత్తవార్‌ కార్తీకస్వామి మహరాజ్‌ ఆలయం వరకు 20వ మహా పాదయాత్ర కార్యక్రమాన్ని బీజేపీ జిల్లా అధ్యక్షుడు డాక్టర్‌ కొత్తపల్లి శ్రీనివాస్‌, ఎస్సై ప్రవీణ్‌కుమార్‌ శనివారం జెండా ఊపి ప్రారంభించారు. బెజ్జూర్‌, కుకుడ, బారెగూడ, రుద్రపూర్‌, చింతలమానెపల్లి, అనుకోడ, రవీంద్రనగర్‌, తుమ్డిహేటి గ్రామాల మీదుగా సాగిన పాదయాత్రలో అధికసంఖ్యలో భక్తులు పాల్గొన్నా రు. భక్తులకు కేశెట్టి శ్రీనివాస్‌, సామల వెంకటేశం, మాజీ ఎంపీటీసీ సుల్తానా జావీద్‌ అల్పాహారం అందజేశారు. చప్రాడా ఆలయంలో భక్తులకు సిర్పూర్‌ ఎమ్మెల్యే పాల్వాయి హరీశ్‌బా బు ఆధ్వర్యంలో అన్నదాన కార్యక్రమం ఏర్పా టు చేశారు. కార్యక్రమంలో జెడ్పీటీసీ మాజీ స భ్యుడు సుధాకర్‌రావు, ఎల్కపల్లి ఆలయ కమి టీ అధ్యక్షుడు రామకృష్ణ, కంకాలమ్మ ఆలయ కమిటీ చైర్మన్‌ కనకయ్య, రంగనాయక ఆలయ కమిటీ చైర్మన్‌ తంగిడెపల్లి మహేశ్‌, బ్లాక్‌ కాంగ్రెస్‌ అధ్యక్షుడు శ్రీవర్ధన్‌, నిర్వాహకులు భాస్కర్‌రాజు, పుల్లూరి సతీశ్‌, సామల తిరుపతి, దిగంబర్‌, రాకేశ్‌ తదితరులు పాల్గొన్నారు.

కెరమెరి(ఆసిఫాబాద్‌): పిల్లలు పనిలో కాదు.. బడిలో ఉండాలన్నా సదుద్దేశంతో ఈ నెల 10నుంచి ప్రారంభించిన బడిబయటి పిల్లల సర్వే జిల్లాలో వి జయవంతంగా కొనసాగుతోంది. క్షేత్రస్థాయిలో సీ ఆర్పీలు సర్వే నిర్వహిస్తున్నారు. గతేడాది 648 మందిని గుర్తించి ప్రబంద్‌ పోర్టల్‌లో నమోదు చేశారు. ఈసారి గతం కంటే ఎక్కువ సంఖ్యలో బడిబయటి పిల్లలున్నట్లు అధికారులు అంచనా వేస్తున్నారు. ఏటా పెరుగుతున్న సంఖ్య తల్లిదండ్రుల నిర్లక్ష్యమో.. లేదా టీచర్ల పట్టింపు లేని తనమో తెలియదు గాని ఏటేటా బడిబయటి పిల్లల సంఖ్య పెరుగుతూనే ఉంది. జిల్లాలో 335 గ్రామపంచాయతీల్లో 52మంది సీఆర్పీలు ఈ నెల 10 నుంచి సర్వే ప్రారంభించారు. సంక్రాంతి సెలవుల కారణంగా సర్వేలో కొంత జాప్యం జరిగింది. పాఠశాలలు మళ్లీ 18వ తేదీ నుంచి ప్రారంభం కావడంతో సర్వే ను సీఆర్పీలు వేగవంతం చేశారు. తొమ్మిది రోజులు గా జిల్లాలోని ఆవాస ప్రాంతాల్లో సర్వే నిర్వహిస్తున్నారు. శనివారం వరకు జిల్లాలో 284 హ్యాబిటేషన్లలో 108 మంది బడిబయటి, బడి మానేసిన పిల్లలను గుర్తించారు. వీరిని ఇంకా ప్రబంద్‌ పోర్టల్‌లో నమోదు చేయలేదు. ఈ సర్వే ఈ నెల 25వ తేదీ వరకు కొనసాగనుంది. ప్రత్యేక అవగాహన బడిబయటి పిల్లల సర్వేను పకడ్బందీగా నిర్వహించాలనే ఉద్దేశంతో డీఈవో, సెక్టోరల్‌ అధికారులు గ త నెల 16న జూమ్‌ మీటింగ్‌ ద్వారా ఎంఈవోలు, కాంప్లెక్స్‌ హెచ్‌ఎంలు, ఎంఐఎస్‌ కోఆర్డినేటర్‌, సీసీ వో, సీఆర్పీలకు ప్రత్యేక అవగాహన కల్పించారు. రాష్ట్ర స్థాయి అధికారులు సర్వేలో ఎదురవుతున్న సమస్యలను అడిగి తెలుసుకున్నారు. ఎట్టి పరిస్థితుల్లో బడిబయటి పిల్లలు ఒక్కరూ మిగలకుండా, నిక్కచ్చిగా సర్వే నిర్వహించాలని సూచించారు. సీఆర్పీలే కీలకం బడిబయటి పిల్లలను గుర్తించడమే కాదు.. వారిని బడిలో చేర్పించాల్సిన బాధ్యత కూడా సీఆర్పీలపై ఉందని విద్యాశాఖ అధికారులు చెబుతున్నారు. ఇప్పటికే సర్వేల్లో గుర్తించిన బడిబయటి పిల్లల్లో సు మారు 15 మందిని బడిలో చేర్పించినట్లు తెలుస్తోంది. వరుసగా 30 రోజులు హాజరు కాని విద్యార్థుల ను గుర్తించి తిరిగి బడికి హాజరయ్యేలా చేస్తున్నారు. గుర్తించిన పిల్లల్లో పాఠశాల వయస్సు వారిని తగిన తరగతిలో సమీప పాఠశాలలో లేదా యూఆర్‌ఎస్‌ లో నమోదు చేసే అవకాశాన్ని కల్పించారు. గతేడా ది జిల్లాలో 6–14 ఏళ్ల పిల్లలను బడిలో చేర్పించగా సెకండరీ ఎడ్యుకేషన్‌ విద్యార్థుల్లో కొందరికి ఓపెన్‌ స్కూల్‌, ఇంటర్‌లో ప్రవేశం కల్పించారు. ప్రత్యేక పాఠశాలల ఏర్పాటు పొరుగునే ఉన్న మహారాష్ట్ర, కర్ణాటక, మధ్యప్రదేశ్‌ తదితర ప్రాంతాల నుంచి వచ్చిన కుటుంబాల్లోని పిల్లలకూ చదువు నేర్పించేందుకు ప్రభుత్వం చర్యలు తీసుకుంటోంది. ఈ సర్వేలో ఇటుక బట్టీలు, భవన నిర్మాణం, కులవృత్తలు తదితర రంగాల్లో తల్లిదండ్రులతో కలిసి పని చేసేవారినీ గుర్తించనున్నారు. 6–14 ఏళ్లవారు ఒకేచోట 10 మంది పిల్ల లుంటే తాత్కాలికంగా సమీపంలో నాన్‌ రెసిడెన్సియల్‌ (ఎన్‌ఆర్‌ఎస్‌టీసీ) స్కూల్‌ ఏర్పాటు చేయనున్నారు. ప్రత్యేక విద్యావలంటీర్లను నియమించి మూడు నుంచి ఆరు నెలల పాటు ఆయా రాష్ట్రాల భాషతోపాటు తెలుగు నేర్పించేలా విద్యాశాఖ కసరత్తు చేస్తోంది. ఆ తర్వాత పిల్లలను కేజీబీవీ, ప్రాథమిక, ప్రాథమికోన్నత పాఠశాలల్లో చేర్పిస్తారు. 15 నుంచి 19 ఏళ్లు గలవారిని ఓపెన్‌ టెన్త్‌, ఇంటర్మీడియట్‌లో చేర్పించడంతో పాటు పీజురీయింబర్స్‌మెంట్‌ సదుపాయం కల్పిస్తారు. పోర్టల్‌లో అప్‌లోడ్‌ చేయాలిజిల్లాలోని అన్ని ఆవాస ప్రాంతాల్లో బడిబయటి పిల్లల ను గుర్తించేందుకు సర్వే కొనసాగుతోంది. గుర్తించిన పిల్ల లను ప్రబంద్‌ పోర్టల్‌లో అప్‌లో డ్‌ చేయాలి. బడిబయటి పిల్లలను బడిలో చేర్పించాలి. కాంప్లెక్స్‌ హెచ్‌ఎంలు, ఎంఈవోలు పర్యవేక్షిస్తున్నారు. గతేడాది కంటే ఎక్కువమంది పిల్లలను గుర్తించాలి. – శ్రీనివాస్‌, జిల్లా క్వాలిటీ కోఆర్డినేటర్‌ రవాణా భత్యం చెల్లించాలిజిల్లాలో ఆయా కాంప్లెక్స్‌ల పరిధిలో వి ధులు నిర్వహిస్తున్న ఆర్పీలు సర్వేలో నిమగ్నమయ్యారు. ప్రభుత్వం రవాణా భత్యం ఇవ్వాలి. ప్రతీరోజు పాఠశాలల పర్యవేక్షణ కోసం వెళ్లాల్సి ఉంటుంది. పెరుగుతున్న ని త్యావసరాల ధరల నేపథ్యంలో ప్రభుత్వం అందిస్తున్న వేతనం సరిపోక ఇబ్బంది పడుతున్నాం. – పవన్‌కుమార్‌, సీఆర్పీల సంఘం జిల్లా అధ్యక్షుడు

పేరు లేకుంటే ఆందోళన వద్దు ఆసిఫాబాద్‌: రేషన్‌ కార్డుల అర్హుల జాబితాలో పేర్లు లేనివారు ఆందోళన చెందాల్సిన అవసరం లేదని, ఈ నెల 21 నుంచి నిర్వహించనున్న గ్రామసభల్లో దరఖాస్తు చేసుకోవాలని రాష్ట్ర మంత్రులు మంత్రి ఉత్తమ్‌కుమార్‌రెడ్డి, పొంగులేటి శ్రీనివాసరెడ్డి, తుమ్మల నాగేశ్వర్‌రావు సూచించారు. కుల సామాజిక, ఆర్థిక సర్వే, పాత రేషన్‌ కార్డుల ఆధారంగా పేర్లు న మోదు చేసినట్లు తెలిపారు. శనివారం హైదరాబాద్‌ నుంచి కొత్త రేషన్‌కార్డులు, ఇందిర మ్మ ఇళ్లు, రైతు భరోసా, ఇందిరమ్మ ఆత్మీయ భరోసా పథకాలపై ప్రభుత్వ ప్రధాన కార్యదర్శి శాంతికుమారితో కలిసి కలెక్టర్లతో వీడి యో కాన్ఫరెన్స్‌ నిర్వహించారు. ఈ సందర్భంగా మంత్రులు మాట్లాడుతూ.. అర్హులందరికీ సంక్షేమ పథకాలు అందే వరకూ ప్రక్రియ కొనసాగుతుందని చెప్పారు. అర్హులైన ప్రతి ఒక్కరికీ రేషన్‌ కార్డులు అందజేయాలనేదే ప్రభుత్వ లక్ష్యమని పేర్కొన్నారు. కలెక్టర్‌ వెంకటేశ్‌ దోత్రే, అదనపు కలెక్టర్లు దీపక్‌ తివారి, డేవిడ్‌ పాల్గొన్నారు.ఆసిఫాబాద్‌: ప్రభుత్వం రాష్ట్రంలో కొత్త రేషన్‌కార్డుల జారీ ప్రక్రియ ప్రారంభించింది. సమగ్ర కులగణన సర్వే ప్రాతిపదికన ఈ నెల 16నుంచి అర్హుల గుర్తింపు ప్రక్రియ ప్రారంభమైంది. సంబంధిత అధికారులు గడపగడపకూ వెళ్లి వివరాలు సేకరిస్తున్నారు. తాజాగా రాష్ట్ర పౌరసరఫరాల శాఖ మంత్రి ఉత్తమ్‌కుమార్‌రెడ్డి అర్హులందరికీ కొత్త రేషన్‌ కార్డులు జారీ చేస్తామని ప్రకటించారు. దీంతో పాటు గ్రామసభల్లో కొత్తవారు దరఖాస్తు చేసుకోవచ్చని సూచించారు. పాత కార్డుల తొలగింపు ఉండదని, కొత్తవారు గ్రామసభల్లో దరఖాస్తు చేసుకోవచ్చని తెలిపారు. జిల్లాలో చాలామంది అర్హులు రేషన్‌కార్డుల కోసం నిరీక్షిస్తున్నారు. సర్వే అనంతరం ఈప్రక్రియ ఆన్‌లైన్‌లో నమోదు చేస్తున్నారు. ఇప్పటికే కార్డులున్నవారి కుటుంబాల్లో కొంత మంది పేర్లు లేవు. దీంతో వారు తమ పేర్లు నమోదు చేయాలని కోరుతున్నారు. వీరితో పాటు కుటుంబంలో చిన్నపిల్లలు, పెళ్లయిన కొత్త కోడళ్ల పేర్లు నమోదుకు దరఖాస్తు చేసుకుని నిరీక్షిస్తున్నారు. ఇప్పటికే 1,39,734 కార్డులు జిల్లాలో 1,39,734 రేషన్‌ కార్డులున్నాయి. జిల్లాలో ని 335 గ్రామపంచాయతీలు, ఆసిఫాబాద్‌, కాగజ్‌నగర్‌ మున్సిపాలిటీల్లో 314 రేషన్‌ దుకాణాలు న్నాయి. వీటిలో 13,192 అంత్యోదయ, 1,26,542 ఫుడ్‌ సెక్యూరిటీ కార్డులున్నాయి. ప్రతీనెల 2,949.746 మెట్రిక్‌ టన్నుల బియ్యం లబ్ధిదారులకు ఉచితంగా పంపిణీ చేస్తున్నారు. మార్చి నుంచి సన్నబియ్యం పంపిణీకి సన్నాహాలు చేస్తున్నారు. 17,044 దరఖాస్తులు కాంగ్రెస్‌ ప్రభుత్వం ఆరు గ్యారంటీల కోసం నిర్వహించిన ప్రజాపాలన కార్యక్రమంలో జిల్లాలో 1,63,647 దరఖాస్తులు వచ్చాయి. వీటిలో కొత్త రే షన్‌ కార్డుల కోసం 17,044 మంది దరఖాస్తు చేసుకున్నారు. ఈ క్రమంలో దరఖాస్తుదారులు ఏడాది గా కార్డుల కోసం నిరీక్షిస్తున్నారు. ఈ నెల 16 నుంచి ప్రారంభమైన సర్వే 19 వరకు కొనసాగనుంది. ఈ నెల 20 నుంచి 24వరకు గ్రామసభల్లో అర్హుల జాబితా చదివి వినిపించి అభ్యంతరాలు స్వీకరి స్తారు. అనంతరం ఈ నెల 26న తుది జాబితా సిద్ధం చేస్తారు. తుది జాబితా ఆధారంగా కొత్త కార్డులు జారీ చేస్తారు. ఇవే నిబంధనలు.. కొత్త రేషన్‌కార్డుల జారీకి ప్రభుత్వం మార్గదర్శకా లు జారీ చేసింది. గ్రామీణ ప్రాంతంలో వార్షికాదా యం రూ.1.5 లక్షలు, పట్టణ ప్రాంతాల్లో రూ.2లక్షల మించి ఉండకూడదు. 3.5 ఎకరాల మాగాణి, 7.5 ఎకరాల మెట్ట మించకుండా ఉండాలి. ప్రభు త్వ, ప్రైవేట్‌, అవుట్‌సోర్సింగ్‌ ఉద్యోగులు, వైద్యులు, కాంట్రాక్టర్లు, నాలుగుచక్రాల వాహనదారులను అనర్హులుగా పరిగణిస్తారు. కుటుంబ సభ్యుల ఆధార్‌కార్డు నంబర్లతో మీ సేవా కేంద్రాల్లో దరఖాస్తు చేసుకోవచ్చు. జిల్లాలో కొనసాగుతున్న సర్వే లబ్ధిదారుల ఎంపికకు కసరత్తు 26 నుంచి కార్డుల జారీ షురూసర్వే ప్రక్రియ కొనసాగుతోందిజిల్లాలో కొత్త రేషన్‌కార్డుల కోసం వచ్చిన దరఖాస్తులపై సర్వే కొనసాగుతోంది. ప్రక్రియ పూర్తయిన తర్వాత ఈ నెల 26 నుంచి కొత్త కార్డుల జారీ ప్రక్రియ ప్రారంభమవుతుంది. అర్హులందరికీ ప్రభుత్వం కొత్త రేషన్‌కార్డులు మంజూరు చేస్తుంది. – వినోద్‌కుమార్‌, జిల్లా పౌరసరఫరాలశాఖ అధికారి

కౌటాల: రానున్న స్థానిక సంస్థల ఎన్నికల్లో కాంగ్రెస్‌ అభ్యర్థుల గెలుపే లక్ష్యంగా కార్యకర్తలు పని చేయాలని ఉమ్మడి ఆదిలాబాద్‌ జిల్లా ఎమ్మెల్సీ దండె విఠల్‌ అన్నారు. శనివారం కౌ టాల మండల కేంద్రంలో పార్టీ కార్యకర్తలతో సమావేశం నిర్వహించారు. ఆయన మాట్లాడు తూ.. స్థానిక సంస్థల ఎన్నికల్లో సిర్పూర్‌ నియోజకవర్గంలో కాంగ్రెస్‌ సత్తా చాటాలన్నారు. కాంగ్రెస్‌ ప్రజా ప్రభుత్వంలో ప్రజల సంక్షేమం కోసం రాష్ట్ర ప్రభుత్వం అమలు చేస్తున్న సంక్షేమ పథకాలపై ప్రజలకు అవగాహన కల్పించాలని సూచించారు. అనంతరం కౌటాల వార సంతలో ప్రజల సౌకర్యార్థం రూ. 3.5 లక్షల నిధులతో మూత్రశాలల నిర్మాణానికి భూమి పూజ చేశారు. కార్యక్రమంలో మాజీ ఎంపీపీలు బసర్కార్‌ విశ్వనాథ్‌, డుబ్బుల నానయ్య, టీపీసీసీ సభ్యులు అర్షద్‌ హుస్సేన్‌, నాయకులు ఉమా మహేశ్‌, తిరుపతి, రవీందర్‌గౌడ్‌, డబ్బా బాపు, ఖాళీం పాషా, గట్టయ్య, బండు, గోపాల్‌ తదితరులు పాల్గొన్నారు.

రెబ్బెన(ఆసిఫాబాద్‌): ఈ నెల 17నుంచి 21వరకు మహారాష్ట్రలోని నాగ్‌పూర్‌ జిల్లా నారఖేర్‌లో నిర్వహించనున్న 69వ జూనియర్‌ నేషనల్‌ బాల్‌ బ్యాడ్మింటన్‌ ఫెడరేషన్‌ రిఫరీ బోర్డు చైర్మన్‌గా మండలంలోని గోలేటికి చెందిన ఆర్‌.నారాయణ రెడ్డి వ్యవహరించనున్నట్లు ఫెడరేషన్‌ ప్రధాన కార్యదర్శి రాజారావు తెలిపారు. ఈ సందర్భంగా బాల్‌ బ్యాడ్మింటన్‌ ఉమ్మడి జిల్లా అధ్యక్షుడు నర్సింగం, రాష్ట్ర సంయుక్త కార్యదర్శి ఎస్‌.తిరుపతి, షార్ప్‌ స్టార్‌ బాల్‌ బ్యాడ్మింటన్‌ అసోషియేషన్‌ అధ్యక్షుడు మహేందర్‌, ప్రధాన కార్యదర్శి వెంకటేశ్వర్లు, కోశాధికారి శంకర్‌, సెపక్‌ తక్రా రాష్ట్ర ప్రధాన కార్యదర్శి శ్రీనివాస్‌రెడ్డి, కార్యవర్గ సభ్యులు భాస్కర్‌, రామకృష్ణ తదితరులు అభినందించారు.

రెబ్బెన(ఆసిఫాబాద్‌): మహారాష్ట్రలోని నాగ్‌పూర్‌లో ఈ నెల 17 నుంచి జరిగే 69వ జూనియర్‌ నేషనల్‌ బాల్‌బ్యాడ్మింటన్‌ పోటీలకు జిల్లా క్రీడాకారులు ఎంపికై నట్లు బాల్‌ బ్యాడ్మింటన్‌ అసోసియేషన్‌ ఉమ్మడి జిల్లా ప్రధాన కార్యదర్శి ఆర్‌.నారాయణరెడ్డి తెలిపా రు. రెబ్బెన మండలం గోలేటికి చెందిన షార్ప్‌ స్టార్‌ బాల్‌బ్యాడ్మింటన్‌కు చెందిన క్రీడాకారులు బాలుర విభాగంలో పిరిసింగుల సాయి చరణ్‌, దామెర ప్రేమ్‌కుమార్‌, బాలికల విభాగంలో తుపాకుల ప్రజ్వల శ్రీ ఎంపికైనట్లు పేర్కొన్నారు. జాతీయ స్థాయికి ఎంపికై న క్రీడాకారులను బాల్‌బ్యాడ్మింటన్‌ అసోసియేషన్‌ జిల్లా అధ్యక్షుడు నర్సింగం, రాష్ట్ర సంయుక్త కార్యదర్శి ఎస్‌.తిరుపతి, షార్ప్‌ స్టార్‌ బాల్‌బ్యాడ్మింటన్‌ అధ్యక్షుడు మహేందర్‌, ప్రధాన కార్యదర్శి వెంకటేశ్వర్లు అభినందించారు.

న్యూస్‌రీల్‌భావితరాలకు సంప్రదాయాలు అందించాలి తిర్యాణి(ఆసిఫాబాద్‌): గిరిజన సంస్కృతి, సంప్రదాయాలను భావితరాలకు అందించా లని ఏఎస్పీ చిత్తరంజన్‌ అన్నారు. మండలంలోని మొహింద గ్రామంలో శుక్రవారం చౌరస్తా బ్యాండ్‌ సంస్థ నిర్వాహకులు మా భూమి సినిమాలోని పల్లెటూరి పిల్లగాడ పాటను నూతనంగా చిత్రీకరించారు. ఏఎస్పీ మాట్లాడుతూ గోండి భాషతోపాటు ఆదివా సీల ఆచారాలు నేర్చుకోవాలనే ఆసక్తి ఉందని తెలిపారు. అనంతరం గ్రామస్తులకు దుప్ప ట్లు, పిల్లలకు బొమ్మలు పంపిణీ చేశారు. కార్యక్రమంలో లండన్‌, స్వీడన్‌కు చెందిన సంగీత దర్శకులు బెన్‌, ఆన్‌, సినీ గేయ రచయిత అక్కల చంద్రమౌళి, ఎస్సై శ్రీకాంత్‌, ఎఫ్‌ఆర్‌వోలు సరోజారాణి, శ్రీనివాస్‌, నాయకులు సిడాం అర్జు తదితరులు పాల్గొన్నారు.

ఆసిఫాబాద్‌రూరల్‌: ఉపాధ్యాయులకు సమ గ్ర కుటుంబ సర్వే రెమ్యూనరేషన్‌ వెంటనే చెల్లించాలని యూటీఎఫ్‌ జిల్లా అధ్యక్షురాలు శాంతికుమారి అన్నారు. జిల్లా కేంద్రంలోని కలెక్టరేట్‌లో శుక్రవారం ఏవో మధుకర్‌కు వినతిపత్రం అందించారు. ఆమె మాట్లాడుతూ జిల్లాలో వందలాది మంది ఉపాధ్యాయులు కుటుంబ సర్వేలో పాల్గొని, నవంబర్‌లో అధికారులకు సర్వే రిపోర్టు అందించారని తెలిపారు. అధికారులు స్పందించి రెమ్యూనరేషన్‌ చెల్లించాలని కోరారు. కార్యక్రమంలో జిల్లా ఉపాధ్యక్షుడు ఇందురావు, కోశాధికారి రమేశ్‌, నాయకులు హేమంత్‌, సుభాష్‌, నవీన్‌ తదితరలు పాల్గొన్నారు.

వాంకిడి(ఆసిఫాబాద్‌): మండలంలోని ఇందాని ఎక్స్‌రోడ్‌ వద్ద రోడ్డు భద్రతా మాసోత్సవాల్లో భాగంగా శుక్రవారం వాహనదారులకు అవగాహన కల్పించారు. మోటర్‌ వెహికల్‌ ఇన్‌స్పెక్టర్‌ జి.మోహన్‌ రోడ్డు భద్రత నిబంధనలను వివరించారు. ఆయన మాట్లాడుతూ మద్యం తాగి వాహనం నడపడం, హెల్మెట్‌ లేని ప్రయాణం, అతివేగం ప్రమాదాలకు కా రణమవుతుందని తెలిపారు. ప్రయాణ సమయంలో అప్రమత్తంగా ఉండాలని సూచించా రు. కార్యక్రమంలో అసిస్టెంట్‌ మోటర్‌ వెహికల్‌ ఇన్‌స్పెక్టర్లు రాజమల్లు, చంద్రశేఖర్‌, కానిస్టేబుళ్లు రవి, వాహిద్‌ పాల్గొన్నారు.

ఆసిఫాబాద్‌: జనవరి 1 నుంచి మార్చి 31 వరకు మూడు నెలల పాటు గర్భిణుల రక్తనమూనాలు సేకరించి.. హెచ్‌ఐవీ, హెపటైటిస్‌ బీ, సీ నిర్ధారణ పరీక్షలు చేయనున్నట్లు డీఎంహెచ్‌వో సీతారాం తెలి పారు. ఇందుకోసం జిల్లాకు రెండు హెచ్‌ఐవీ సెంటినెల్‌ సర్వైలెన్స్‌ ప్లస్‌ కేంద్రాలు మంజూరైనట్లు వెల్లడించారు. తెలంగాణ స్టేట్‌ ఎయిడ్స్‌ కంట్రోల్‌ సొసైటీ సహకారంలో 2025 సంవత్సరానికి జిల్లా కేంద్రం, కాగజ్‌నగర్‌ సీహెచ్‌సీల్లో ఈ కేంద్రాలు మంజూరయ్యాయన్నారు. ఆసిఫాబాద్‌ పరిధిలో వంద శాంపిళ్ల లక్ష్యానికి ఇప్పటివరకు 11 శాంపిళ్లు సేకరించినట్లు తెలిపారు. అలాగే కాగజ్‌నగర్‌లో 300 శాంపిళ్లకు 13 శాంపిళ్లు సేకరించినట్లు పేర్కొన్నారు. ఆసిఫాబాద్‌ నోడల్‌ అధికారిగా డాక్టర్‌ అజ్మత్‌, కాగజ్‌నగర్‌ నోడల్‌ అధికారిగా డాక్టర్‌ శ్రీధర్‌ను నియమించినట్లు వెల్లడించారు.

ఆసిఫాబాద్‌అర్బన్‌: రాష్ట్ర ప్రభుత్వం ఇచ్చిన హామీ మేరకు అర్హులందరికీ రుణమాఫీ అమలు చేయాలని టీఏజీఎస్‌(తెలంగాణ ఆదివాసీ గిరిజన సంఘం) రాష్ట్ర ఉపాధ్యక్షుడు బండారు రవికుమార్‌ డిమాండ్‌ చేశారు. జిల్లా కేంద్రంలోని కలెక్టరేట్‌ ఎదుట శుక్రవారం ధర్నా నిర్వహించారు. అనంతరం ఆయన మాట్లాడుతూ రాష్ట్ర ప్రభుత్వం ప్రతిష్టాత్మకంగా తీసుకున్న రైతు రుణమాఫీ జిల్లాలో అమలు కాలేదన్నారు. నిర్లక్ష్యంగా వ్యవహరించిన వ్యవసాయశాఖ అధికారులపై చర్యలు తీసుకోవాలని డిమాండ్‌ చేశారు. వట్టివాగు గ్రామానికి చెందిన ఆదివాసీ మహిళా రైతు పేరును వ్యవసాయ అధికారులు రికార్డుల్లో తప్పుగా నమోదు చేయడంతో రుణమాఫీ కాలేదని తెలిపారు. అలాగే కౌటగూడ గ్రామానికి చెందిన ఆత్రం బాపూరావుకు రూ.3,20,000 రుణం ఉండగా, రూ.1,20,00 చెల్లించినా మిగితా రూ.రెండు లక్షలు మాఫీ కాకపోవడం బాధాకరమన్నారు. జిల్లా ఇన్‌చార్జి మంత్రిగా ఉన్న సీతక్క రైతులను ఆదుకోవాలని కోరారు. జనవరి 31లోగా అర్హులైన రైతులందరికీ రుణమాఫీ చేయని పక్షంలో ఉద్యమం ఉధృతం చేస్తామని హెచ్చరించారు. అనంతరం కలెక్టరేట్‌లో డీఆర్‌డీవో దత్తారాంకు వినతిపత్రం అందజేశారు. కార్యక్రమంలో నాయకులు మాలశ్రీ, శ్రీనివాస్‌, గణపతి, దినకర్‌, సాయికృష్ణ, శ్రావణి, పురుషోత్తం, హన్మంతు, ఆనంద్‌కుమార్‌, అనిత, పలు గ్రామాల రైతులు పాల్గొన్నారు.

వాంకిడి(ఆసిఫాబాద్‌): గౌతమ బుద్ధుడు, డాక్టర్‌ బీఆర్‌ అంబేద్కర్‌ ఆశయ సాధనకు ప్రతిఒక్కరూ కృషి చేయాలని భారతీయ బౌద్ధ మహాసభ(బీఎస్‌ఐ) రాష్ట్ర అధ్యక్షుడు, రిటైర్డ్‌ డిప్యూటీ కలెక్టర్‌ గడపలె ప్రభాకర్‌ అన్నారు. మండల కేంద్రంలోని జేత్వాన్‌ బుద్ధ విహార్‌లో శుక్రవారం నిర్వహించిన శ్రామ్‌నేర్‌ శిబిర్‌ సన్నాహక సమావేశానికి ముఖ్య అతిథిగా హాజరై మాట్లాడారు. మార్చి 1 నుంచి 10 వరకు నిర్వహించే శ్రామ్‌నేర్‌ శిబిర్‌(బౌద్ధ ధమ్మ దీక్ష శిబిరం)కు సహకారం అందించనున్నట్లు తెలిపారు. ప్రపంచ శాంతి కోసం బుద్ధుడు, అంబేద్కర్‌ అవిశ్రాంతంగా కృషి చేశారని, సమాజంలో శాంతి నెలకొన్నప్పుడే అభివృద్ధి సాధ్యపడుతుందన్నారు. అనంతరం బీఎస్‌ఐ నూతన క్యాలెండర్‌ ఆవిష్కరించారు. కార్యక్రమంలో రాష్ట్ర ప్రధాన కార్యదర్శి ప్రజ్ఞాకుమార్‌, నాయకులు అశోక్‌ మహోల్కర్‌, వినేష్‌ ఉప్రే, విజయ్‌ ఉప్రే, జైరాం, దుర్గం సునీల్‌, హంసరాజ్‌, విలాస్‌, రాజేంద్రప్రసాద్‌, రోషన్‌, సంతీప్‌ తదితరులు పాల్గొన్నారు.

● శివారు ప్రాంతాల్లో పేకాట స్థావరాలు ● సంక్రాంతి పండుగ వేళ విచ్చలవిడిగా నిర్వహణ ● విస్తృతంగా దాడులు నిర్వహించిన పోలీసులు ● జిల్లాలో 42 మందిపై కేసు నమోదుకౌటాల(ఆసిఫాబాద్‌): తెలంగాణ, మహారాష్ట్ర సరిహద్దులోని జిల్లాలో సంక్రాంతి పండగ వేళ కోడి పందేలు, పేకాట స్థావరాలు జోరుగా నిర్వహించారు. రూ.లక్షల నగదు చేతులు మారింది. ఆది, సోమ, మంగళవారాల్లో పలుచోట్ల పోలీసులు దాడులు నిర్వహించి కేసులు నమోదు చేశారు. సాధారణంగా కోస్తాంధ్ర, రాయలసీమ ప్రాంతాల్లో కోడి పందేలకు క్రేజ్‌ ఉంటుంది. సంక్రాంతి పండుగ సందర్భంగా జిల్లాలోని పలు ప్రాంతాల్లోనూ రహస్యంగా పందేలు నిర్వహించారు. కాగజ్‌నగర్‌ డివిజన్‌లోనే అధికం..కాగజ్‌నగర్‌ డివిజన్‌ పరిధిలోని మండలాల్లో పేకాట జోరుగా సాగుతోంది. పోలీసుల దాడులు నిర్వహిస్తూ కొంతమంది జూదరులు పట్టుబడుతున్నా పరిస్థితి మారడం లేదు. నిందితులపై కఠిన చర్యలు తీసుకునే అవకాశం లేకపోవడంతో పట్టణాలకే పరిమితమైన ఆట పల్లెలకూ పాకింది. కౌటాల, బెజ్జూర్‌, చింతలమానెపల్లి, దహెగాం, సిర్పూర్‌(టి) మండలాల్లో పేకాట జోరుగా ఆడుతున్నారు. ఈ క్రమంలో పేద, మధ్య తరగతి కుటుంబాలు రోడ్డున పడుతున్నాయి. పండుగ సమయంలో కోళ్ల పందేలు పక్కాప్లాన్‌తో పోలీసులు, జన సంచారం లేని స్థలాల్లో నిర్వహించారు. రెండు గ్రూపులుగా రూ.10 వేల నుంచి రూ.లక్షల్లో పందెం కాశారు. కాగజ్‌నగర్‌ డివిజన్‌ పరిధిలో పండుగ సమయంలో పందెం కోళ్లను బహిరంగంగా బైక్‌లపైనే తరలించారు. గెలుపొందిన పుంజులతో ఫొటోలో తీసుకుని సోషల్‌ మీడియాలోనూ పోస్టు చేశారు. ఏటా ఇదే తంతు..జిల్లాలో ఏటా పండుగల సమయంలో కోడి పందేలు, పేకాట స్థావరాలు ఏర్పాటు చేయడం ఆనవాయితీగా మారింది. ఆడపదడపా దాడులు చేస్తూ పోలీసులు నామమాత్రపు కేసులు నమోదు చేస్తున్నారనే ఆరోపణలు ఉన్నాయి. కోడి పందేల నిర్వహణపై నిషేధం ఉండగా జంతు హింస నిరోధక చట్టం– 1960 ప్రకారం కేసు నమోదు చేస్తారు. సమాచారం తెలియజేయాలని పోలీసులు కోరుతున్నారు. అయినా సంక్రాంతి సమయంలో విచ్చలవిడిగా దందాలు కొనసాగాయి. ఇటీవల ఘటనలు ఈ నెల 4న దహెగాం మండలం ఇట్యాల గ్రామ శివారులో పేకాట స్థావరంపై పోలీసులు దాడులు చేసి 12 మందిపై కేసు నమోదు చేశారు. నిందితుల వద్ద నుంచి రూ.35,320 నగదు, ఐదు సెల్‌ఫోన్లు స్వాధీనం చేసుకున్నారు. 12న వాంకిడి మండలం కనర్‌గాం శివారులో పేకాట స్థావరంపై దాడి చేసి 8 మందిపై కేసు నమోదు చేశారు. రూ.4,200 నగదు స్వాధీనం చేసుకున్నారు. 12న కాగజ్‌నగర్‌ మండలం రాస్పెల్లి గ్రామ శివారులో కోడి పందేలు నిర్వహించారు. పోలీసులు దాడి చేసి 10 మందిపై కేసు న మోదు చేశారు. 10 బైక్‌లు, ఆరు సెల్‌ఫోన్లు, నాలుగు కోడి పుంజులు, రూ.3,020 నగదు పట్టుకున్నారు. 14న చింతలమానెపల్లి మండలం రణవెల్లి గ్రామ శివారులో కోడి పందేల స్థావరం నిర్వహించగా ముగ్గురిపై కేసు నమోదైంది. వారి వద్ద నుంచి మూడు బైక్‌లు, రూ.1,550 నగ దు, రెండు కోడి పుంజులు స్వాధీనం చేసుకున్నారు. 14న కౌటాల మండలం జనగాం గ్రామ స మీపంలో కోడి పందేలు నిర్వహించారు. కౌ టాల పోలీసులు దాడి చేసి తొమ్మిది మంది పై కేసు నమోదు చేసి, వారి వద్ద నుంచి మూ డు పందెం పుంజులు, రూ.3,900 నగదు, కోడి కత్తులు స్వాధీనం చేసుకున్నారు.

తిర్యాణి(ఆసిఫాబాద్‌): ఎస్సీ వర్గీకరణ సాధించడం ద్వారానే మాదిగల సమగ్ర అభివృద్ధి సాధ్యమవుతుందని ఎమ్మార్పీఎస్‌ రాష్ట్ర అధి కార ప్రతినిధి బి.సతీశ్‌, జాతీయ నాయకుడు రేగుంట కేశవ్‌రావు అన్నారు. హైదరాబాద్‌లో నిర్వహించే వేల గొంతులు.. లక్ష డప్పులు కార్యక్రమాన్ని విజయవంతం చేయాలని శుక్రవారం మండల కేంద్రంలో ర్యాలీ నిర్వహించారు. కుమురంభీం విగ్రహానికి పూలమాలలు వేసి నివాళులర్పించారు. అనంత రం వారు మాట్లాడుతూ సుప్రీం కోర్టు తీర్పు ద్వారా వర్గీకరణ పోరాటం ఫలించినా.. కొంతమంది ఆపేందుకు కుట్ర పన్నుతున్నారని ఆరోపించారు. హైదరాబాద్‌లో నిర్వహించే కార్యక్రమానికి ప్రతీ ఇంటి నుంచి ఒక్కో డప్పు తీసుకుని రావాలని పిలుపునిచ్చారు. కార్యక్రమంలో జిల్లా అధ్యక్షుడు కొండ్ర బ్రహ్మయ్య, నాయకులు ప్రభాకర్‌, ఇప్ప నాగరాజు, అశోక్‌, వెంకటేశ్‌, రాజేశ్‌, అరవింద్‌, రవి, మల్లేశ్‌ తదితరులు పాల్గొన్నారు.

ఆసిఫాబాద్‌అర్బన్‌: మానవ సేవే మాధవ సేవ అని ఎమ్మెల్యే కోవ లక్ష్మి అన్నారు. జిల్లా కేంద్రంలోని ప్రేమల గార్డెన్‌ ఆవరణలో శుక్రవారం నిర్వహించిన జగద్గురు నరేంద్ర చార్యాజీ మహరాజ్‌ పాదుక దర్శన కార్యక్రమానికి హాజరయ్యారు. ఎమ్మెల్యే మాట్లాడుతూ ప్రతిఒక్కరూ ఆధ్యాత్మికత అలవర్చుకుని, దైవమార్గంలో నడవాలని సూచించారు. మహనీయులను ఆదర్శంగా తీసుకోవాలన్నారు. అనంతరం సంస్థ ఆధ్వర్యంలో పేదలకు కుట్టు మిషన్లు పంపిణీ చేశారు. అంతకు ముందు సాయిబాబా ఆలయం నుంచి ప్రధాన కూడళ్ల మీదుగా ప్రేమల గార్డెన్‌ వరకు శోభాయాత్ర నిర్వహించారు. జిల్లా అధ్యక్షుడు చందనకడ్‌ బాలాజీ, జిల్లా నిరక్త్‌ దిలీప్‌ గైక్వాడ్‌, పండరి చాప్లే పాల్గొన్నారు.

రెబ్బెన(ఆసిఫాబాద్‌): బెల్లంపల్లి ఏరియాలో గణతంత్ర దినోత్సవం వైభవంగా నిర్వహించనున్నట్లు ఏరియా జనరల్‌ మేనేజర్‌ శ్రీనివాస్‌ తెలిపారు. గోలేటి టౌన్‌షిప్‌లోని జీఎం కార్యాలయంలో శుక్రవారం గణతంత్ర వేడుకల ఏ ర్పాట్లపై అన్ని విభాగాల అధికారులతో సమీక్ష నిర్వహించారు. జీఎం మాట్లాడుతూ అన్ని విభాగాలు సమన్వయంతో పనిచేయాలని ఆదేశించారు. భీమన్న స్టేడియాన్ని సిద్ధం చేయాల ని సూచించారు. విద్యార్థుల పిరమిడ్‌, పరేడ్‌ నృత్యాలు ఆకర్షణీయంగా ఉండేలా చూడాలన్నారు. గోలేటి, మాదారం టౌన్‌షిప్‌ల నుంచి ఉద్యోగులు, వారి కుటుంబ సభ్యులు అధిక సంఖ్యలో హాజరయ్యేలా చర్యలు తీసుకోవాలన్నారు. కార్యక్రమంలో ఎస్‌వోటూజీఎం రాజమల్లు, పీవో నరేందర్‌, డీజీఎం సెక్యూరిటీ ఉమాకాంత్‌, పర్సనల్‌ మేనేజర్‌ రెడ్డిమల్ల తిరుపతి, సివిల్‌ ఎస్‌ఈ మదీనా బాషా, ఫైనాన్స్‌ మేనేజర్‌ రవికుమార్‌, ఐటీ ఇన్‌చార్జి ముజీబ్‌, అధికారులు పాల్గొన్నారు.

అర్హులకు అందేలా చర్యలు ప్రభుత్వం అమలు చేయనున్న పథకాలకు సంబంధించి జిల్లాలో పక్కాగా చర్యలు తీసుకుంటున్నాం. అర్హులైన లబ్ధిదారులకు పథకాలు అందించేలా చర్యలను చేపడుతున్నాం. – వెంకటేశ్‌ దోత్రే, కలెక్టర్‌, కుమురంభీం ఆసిఫాబాద్‌ నిర్మల్‌: ప్రభుత్వ పథకాలు అర్హులందరికీ అందేలా చర్యలు తీసుకోవాలని ఉమ్మడి ఆదిలాబాద్‌ జిల్లా అధికారులను ఇన్‌చార్జి మంత్రి సీతక్క ఆదేశించారు. ఈనెల 26 నుంచి అమలు చేయనున్న రైతుభరోసా, ఇందిరమ్మ ఆత్మీయ భరోసా, ఇందిరమ్మ ఇళ్లు, కొత్త రేషన్‌కార్డులపై నిర్మల్‌ కలెక్టరేట్‌ సమావేశమందిరంలో ఉమ్మడి జిల్లా స్థాయి ప్రణాళిక–కార్యాచరణపై సమీక్ష సమావేశం శుక్రవారం నిర్వహించారు. ఇందులో నాలుగు జిల్లాల కలెక్టర్లు అభిలాష అభినవ్‌, రాజర్షిషా, కుమార్‌దీపక్‌, వెంకటేశ్‌ దోత్రే, ఎమ్మెల్సీ దండే విఠల్‌, నిర్మల్‌, ఖానాపూర్‌, ముధోల్‌, ఆదిలాబాద్‌ ఎమ్మెల్యేలు ఏలేటి మహేశ్వర్‌రెడ్డి, వెడ్మ బొజ్జుపటేల్‌, రామారావ్‌ పటేల్‌, పాయ ల శంకర్‌, ఐటీడీఏ పీవో ఖుష్బూగుప్తా, ఆ యా జిల్లాల అడిషనల్‌ కలెక్టర్లు, ఇతరశాఖల అధి కారులు పాల్గొన్నారు. అంతకుముందు మంత్రికి నిర్మల్‌ కలెక్టర్‌ అభిలాష అభినవ్‌, ఎస్పీ జానకీషర్మిల పూలమొక్కలతో స్వాగతం పలికారు. అనంతరం ఆమె పోలీసుల గౌరవ వందనం స్వీకరించారు. పకడ్బందీగా అమలు చేయాలి.. రాష్ట్ర ప్రభుత్వం పేదల సంక్షేమం కోసం ప్రతిష్టాత్మకంగా ప్రవేశపెట్టిన నూతన రేషన్‌ కార్డులు, ఇందిరమ్మ ఇళ్లు, ఇందిరమ్మ ఆత్మీయ భరోసా, రైతు భరోసా పథకాలను పకడ్బందీగా అమలు చేయాలని మంత్రి సీతక్క ఆదేశించారు. ఈనెల 26 నుంచి ప్రారంభించనున్న పథకాలను రెవెన్యూ, పంచాయతీరాజ్‌, వ్యవసాయ, సంబంధిత శాఖల అధికారులంతా సమన్వయంతో పనిచేసి లబ్ధిదారుల ఎంపిక పారదర్శకంగా చేపట్టాలన్నారు. గ్రామాల్లో గ్రామసభలు, పట్టణాల్లో వార్డుసభలు నిర్వహించి గుర్తించిన అర్హుల వివరాలు వెల్లడించాలన్నారు. సమీక్షలో ప్రజాప్రతినిధులు కొత్త పథకాలపై లేవనెత్తిన పలు సందేహాలకు మంత్రి సమాధానాలిచ్చారు. రేషన్‌కార్డులతోపాటు ఇతర సందేహాలనూ సీఎం దృష్టికి తీసుకెళ్తానని పేర్కొన్నారు. నిర్మల్‌ ఉత్సవాలను విజయంతంగా నిర్వహించినందుకు కలెక్టర్‌, అధికారులను మంత్రి అభినందించారు. సమావేశంలో ప్రధానంగా బోథ్‌, ఆదిలాబాద్‌, ఖానాపూర్‌ ఎమ్మెల్యేలు ఏజెన్సీ ఏరియాలో గిరిజనేతరులకూ ప్రభుత్వ పథకాలు అందేలా చూడాలని కోరారు. భూములు ఉన్నా పట్టాలు లేని గిరిజనులకూ రైతుభరోసా అందించాలన్నారు. నిర్మల్‌, ముధోల్‌ ఎమ్మెల్యేలు డబుల్‌బెడ్రూం, ఇందిరమ్మ ఇళ్లపై సందేహాలు వ్యక్తంచేశారు. ఎమ్మెల్యేలు, ఎమ్మెల్సీ రేషన్‌కార్డుల సర్వేలో చాలామంది ఉద్యోగుల పేర్లు ఉన్నాయని, అర్హులకు మాత్రం రాలేదని వాటిని సరిచేయాలని కోరారు. గ్రామీణ ప్రాంతాల్లోని ఉపాధిహామీ కూలీలకు అందించే ఆత్మీయ భరోసా పట్టణ పేదలకూ అందించాలని సూచించారు. ఉమ్మడి జిల్లాకు ప్రత్యేక ప్యాకేజీ ఇవ్వాలని వారంతా కోరారు. ఎమ్మెల్యేలు, ఎమ్మెల్సీ, మున్సిపల్‌ చైర్మన్లు సమావేశంలో అడిగిన పలు ప్రశ్నలకు ఆయా జిల్లాల కలెక్టర్లు సమాధానాలు చెప్పారు. సమావేశంలో రోడ్డు భద్రత మాసోత్సవాల పోస్టర్లను మంత్రి సీతక్క, ప్రజాప్రతినిధులు, కలెక్టర్లు, అధికారులతో కలిసి ఆవిష్కరించారు. నిర్మల్‌ ఎస్పీ జానకీషర్మిల మంత్రికి హెల్మెట్‌ అందించగా సీతక్క దానిని పెట్టుకున్నారు. సమావేశానికి తూర్పు జిల్లాల ఎమ్మెల్యేలు గైర్హాజరు కావడం గమనార్హం. సమావేశంలో అదనపు కలెక్టర్లు ఫైజాన్‌ అహ్మద్‌, కిశోర్‌ కుమార్‌, శ్యా మలాదేవి, దీపక్‌ తివారి, నిర్మల్‌, ఖానాపూర్‌ ము న్సిపల్‌ చైర్మన్లు గండ్రత్‌ ఈశ్వర్‌, రాజురా సత్యం, గ్రంథాలయ చైర్మన్‌ సయ్యద్‌ అర్జుమంద్‌అలీ, మార్కెట్‌ కమిటీ చైర్మన్లు, ప్రజాప్రతినిధులు, అధికారులు పాల్గొన్నారు. నోటిఫైడ్‌ ఏరియాలో ఎలా..? ప్రభుత్వం కొత్త పథకాలను మందమర్రి వంటి నోటిఫైడ్‌ ఏరియాలలో ఎలా ఇస్తారో స్పష్టత ఇవ్వాల్సిన అవసరం ఉంది. ఏజెన్సీ ప్రాంతాల్లో ఉన్న గిరిజనేతర రైతులకూ రైతుభరోసా ఇవ్వాలి. – దండే విఠల్‌, ఎమ్మెల్సీఇళ్లస్థలాలు లేనివారికి ఎలా.. ఇందిరమ్మ ఇళ్లను ఇంటిస్థలాలు లేని పేదలకు ఎలా ఇస్తారో ప్రభుత్వం స్పష్టం చేయాలి. కొత్త రేషన్‌ కార్డుల మంజూరుతోపాటు అన్ని పథకాలూ పారదర్శకంగా పేదలకు అందేలా చర్యలు చేపట్టాలి. మున్సిపాలిటీల పరిధిలోని వ్యవసాయ కూలీలకు ఇందిరమ్మ ఆత్మీయ భరోసా ఎలా ఇస్తారో తెలుపాలి. – ఏలేటి మహేశ్వర్‌రెడ్డి, ఎమ్మెల్యే, నిర్మల్‌

తిర్యాణి(ఆసిఫాబాద్‌): ఎస్సీ వర్గీకరణ సాధించడం ద్వారానే మాదిగల సమగ్ర అభివృద్ధి సాధ్యమవుతుందని ఎమ్మార్పీఎస్‌ రాష్ట్ర అధి కార ప్రతినిధి బి.సతీశ్‌, జాతీయ నాయకుడు రేగుంట కేశవ్‌రావు అన్నారు. హైదరాబాద్‌లో నిర్వహించే వేల గొంతులు.. లక్ష డప్పులు కార్యక్రమాన్ని విజయవంతం చేయాలని శుక్రవారం మండల కేంద్రంలో ర్యాలీ నిర్వహించారు. కుమురంభీం విగ్రహానికి పూలమాలలు వేసి నివాళులర్పించారు. అనంత రం వారు మాట్లాడుతూ సుప్రీం కోర్టు తీర్పు ద్వారా వర్గీకరణ పోరాటం ఫలించినా.. కొంతమంది ఆపేందుకు కుట్ర పన్నుతున్నారని ఆరోపించారు. హైదరాబాద్‌లో నిర్వహించే కార్యక్రమానికి ప్రతీ ఇంటి నుంచి ఒక్కో డప్పు తీసుకుని రావాలని పిలుపునిచ్చారు. కార్యక్రమంలో జిల్లా అధ్యక్షుడు కొండ్ర బ్రహ్మయ్య, నాయకులు ప్రభాకర్‌, ఇప్ప నాగరాజు, అశోక్‌, వెంకటేశ్‌, రాజేశ్‌, అరవింద్‌, రవి, మల్లేశ్‌ తదితరులు పాల్గొన్నారు.

రెబ్బెన(ఆసిఫాబాద్‌): 2022 సెప్టెంబర్‌లో సమ్మె సందర్భంగా జరిగిన ఒప్పందాలను అమలు చేయడంలో యాజమాన్యం విఫలమైందని సింగరేణి కాంట్రాక్టు వర్కర్స్‌ యూనియన్‌ రాష్ట్ర అధ్యక్షుడు అక్బర్‌ అలీ ఆరోపించారు. కాంట్రాక్టు కార్మికుల సమస్యలు పరిష్కరించాలని డిమాండ్‌ చేస్తూ ఏఐటీయూసీ ఆధ్వర్యంలో దశలవారీ ఆందోళనల్లో భాగంగా గురువారం గోలేటి టౌన్‌షిప్‌లోని జీఎం కార్యాలయం ఎదుట ధర్నా నిర్వహించారు. ఆయన మాట్లాడుతూ సంస్థలో పనిచేస్తున్న కాంట్రాక్టు కార్మికులకు హైపవర్‌ కమిటీ వేతనాలు అమలు చేయాలని, అప్పటివరకు జీవో 22 ప్రకారం వేతనాలు చెల్లించాలని డిమాండ్‌ చేశారు. ఈఎస్‌ఐ సౌకర్యం కల్పించాలని, అండర్‌గ్రౌండ్‌లో పనిచేస్తున్న వారికి అలవెన్స్‌ చెల్లించాలన్నారు. మైన్స్‌ యాక్ట్‌ ప్రకారం ప్రతీ కాంట్రాక్టు కార్మికుడికి సిక్‌, పండుగ సెలవులు మంజూరు చేయాలన్నారు. నాగాల పేరిట కాంట్రాక్టు కార్మికుల నుంచి రికవరీ చేస్తున్న ఫైన్‌ విధానాన్ని రద్దు చేయాలని, ఓసీపీల్లో పనిచేస్తున్న డ్రైవర్లను వోల్వో ఆపరేటర్లుగా గుర్తించి హైపవర్‌ కమిటీ వేతనాలు చెల్లించాలన్నారు. ప్రైవేటు సెక్యూరిటీ గార్డులకు వృత్తిపన్ను రద్దు చేసి ఉచితంగా యూనిఫాం అందించాలని డిమాండ్‌ చేశారు. అనంతరం ఏరియా జీఎం శ్రీనివాస్‌కు వినతిపత్రం అందించారు. కార్యక్రమాల్లో బ్రాంచి ఉపాధ్యక్షుడు బయ్య మొగిళి, నాయకులు జగ్గయ్య, మారం శ్రీనివాస్‌, రాయిల్ల నర్సయ్య, అశోక్‌, సాగర్‌గౌడ్‌ తదితరులు పాల్గొన్నారు.

● కలెక్టర్‌ వెంకటేశ్‌ దోత్రేఆసిఫాబాద్‌రూరల్‌: ప్రభుత్వ పథకాల సర్వేను పకడ్బందీగా చేపట్టాలని కలెక్టర్‌ వెంకటేశ్‌ దోత్రే అన్నారు. మండలంలోని అంకుసాపూర్‌లో గురువారం రైతు భరోసా, ఇందిరమ్మ ఇళ్లు, రేషన్‌ కార్డులు, ఇందిరమ్మ ఆత్మీయ భరోసా లబ్ధిదారుల గుర్తింపు కోసం చేపట్టిన సర్వేను పరిశీలించారు. కలెక్టర్‌ మాట్లాడుతూ రైతు భరోసా పథకంలో భాగంగా సాగుకు యోగ్యంగా లేని భూముల వివరాలు నమోదు చేయొద్దన్నారు. రాళ్లు, గుట్టలు ఉన్న భూములను పరిశీలించాలన్నారు. అనర్హులకు ప్రభుత్వ పథకాలు అందకుండా జాగ్రత్తలు వహించాలని ఆదేశించారు. ఆత్మీయ భరోసా కింద అర్హులను గుర్తించేందుకు 2023– 24లో ఉపాధిహామీ పథకం కింద కనీసం 20 రోజుల పనిదినాలు చేసిన కుటుంబాలను గుర్తించి జాబితాను గ్రామసభల్లో ప్రవేశపెట్టాలన్నారు. నిర్ణీత సమయంలో సర్వే పూర్తి చేయాలని ఆదేశించారు. కార్యక్రమంలో ఎంపీడీవో శ్రీనివాస్‌, తహసీల్దార్‌ రోహిత్‌ కుమార్‌, మున్సిపల్‌ కమిషనర్‌ భుజంగరావు, గ్రామస్తులు తదితరులు పాల్గొన్నారు.

వేలంతో రూ.20.27 లక్షల ఆదాయం రెబ్బెన(ఆసిఫాబాద్‌): రెబ్బెన మండలం గంగాపూర్‌లోని శ్రీబాలాజీ వేంకటేశ్వర స్వామి ఆలయంలో నిర్వహించిన వేలం ద్వారా ఆలయానికి రూ.20.27 లక్షల ఆదాయం సమకూరినట్లు ఈవో బాపిరెడ్డి ఒక ప్రకటనలో తెలిపారు. ఫిబ్రవరి 11 నుంచి 13 వరకు మాఘశుద్ధ పౌర్ణమిని పురస్కరించుకుని నిర్వహించే జాతరలో కొబ్బరికాయలు, లడ్డూ ప్రసాదం, పులిహోర విక్రయం, తైబజార్‌, వాహనాల పార్కింగ్‌, కొబ్బరిముక్కలను పోగు చేయడానికి గురువారం ఆలయ ప్రాంగణంలో వేలం నిర్వహించారు. టెంకాయ విక్రయం కోసం రూ.2.38లక్షలు, లడ్డూ, పులిహోర విక్రయం కోసం రూ.4.46లక్షలు, తైబజార్‌ నిర్వహణకు రూ.10.92లక్షలు, వాహనాల పార్కింగ్‌కు రూ.2.21లక్షలు, కొబ్బరి ముక్కలు పోగు చేసేందుకు నిర్వహించిన వేలం ద్వారా రూ.30వేల ఆదాయం సమకూరినట్లు తెలిపారు. గతేడాది వేలం ద్వారా ఆలయానికి రూ.16.93లక్షల ఆదాయం రాగా, ఈసారి రూ. 3.34 లక్షలు అదనంగా రావడం విశేషం. సర్వేతో లబ్ధిదారుల గుర్తింపువాంకిడి/రెబ్బెన/సిర్పూర్‌(టి): సర్వే ద్వారా ప్రభుత్వ సంక్షేమ పథకాల లబ్ధిదారులను గుర్తించనున్నట్లు అదనపు కలెక్టర్‌ ఎం.డేవిడ్‌ తెలిపారు. సిర్పూర్‌(టి) మేజర్‌ పంచాయతీ పరిధిలోని గోవింద్‌పూర్‌ కాలనీ, వాంకిడి మండలం, రెబ్బెన మండలం కైరిగాంలో గురువారం సర్వేను పరిశీలించారు. రెవెన్యూ, వ్యవసాయశాఖ, పంచాయతీరాజ్‌ శాఖల అధికారులతో కలిసి వివరాలు తెలుసుకున్నా రు. అనంతరం అదనపు కలెక్టర్‌ మాట్లాడు తూ జిల్లాలో అర్హులైన ప్రతి ఒక్కరికీ రైతు భరోసా, ఇందిరమ్మ ఆత్మీయ భరోసా, రేషన్‌ కార్డులు అందాలన్నారు. దరఖాస్తుదారుల వివరాలతో జాబితా రూపొందించి గ్రామ స భల్లో చర్చించాలని ఆదేశించారు. వ్యవసాయానికి యోగ్యం కాని భూముల జాబితా తయారు చేయాలని అన్నారు. ఆయా కార్యక్రమాల్లో జిల్లా పంచాయతీ అధికారి భిక్షపతి గౌడ్‌, డీఎల్‌పీవో ఉమర్‌ హుస్సేన్‌, తహసీ ల్దార్లు రామ్మోహన్‌రావు, రియాజ్‌ అలీ, శ్రీని వాస్‌, మండల వ్యవసాయ అధికారి దిలీప్‌, ఎంపీవో జావిద్‌, ఎంపీడీవో సత్యనారాయణ, పంచాయతీ కార్యదర్శులు మీనాక్షి, శివకుమార్‌ తదితరులు పాల్గొన్నారు.