నారుమడిని వరిగడ్డితో కప్పాలి జిల్లాలో యాసంగి వరి సాగు ప్రారంభమైంది. నారుమడిపై చలి ప్రభావం లేకుండా వరిగడ్డితో కప్పాలి. తద్వారా వేడి వాతావరణం ఏర్పడి పెరుగుదలకు దోహదపడుతుంది. అలాగే ఎకరానికి రెండు కిలోల జింక్‌ పిచికారీ చేయాలి. ఎండు వరికొయ్యలను కాల్పడం ద్వారా కాలుష్యం పెరుగుతుంది. వేడికి భూసారం దెబ్బతింటుంది. పంటకు మేలు చేసే సూక్ష్మజీవులు చనిపోతాయి. నేలలోనే కలియదున్నాలి. – రావూరి శ్రీనివాసరావు, జిల్లా వ్యవసాయశాఖ అధికారిచిన్నారులు జాగ్రత్త ఆసిఫాబాద్‌: చలికాలంలో చిన్నపిల్లలు, వృద్ధులు, గర్భిణులు జాగ్రత్తగా ఉండాలి. ఇలాంటి పరిస్థితుల్లో వ్యాధులు చుట్టుముట్టే అవకాశం ఉంటుంది. వాతావరణంలో తేమ శాతం తగ్గిపోయి, గాలిలో వైరస్‌ వ్యాప్తి అధికంగా ఉంటుంది. జలుబు, దగ్గు వంటివి వచ్చే అవకాశం ఉంటుంది. బైక్‌లపై చిన్నపిల్లలను తీసుకెళ్లేవారు మరింత అప్రమత్తంగా ఉండాలి. చెవుల నుంచి చల్లటిగాలి ద్వారా ఇన్ఫెక్షన్లు వస్తాయి. పాఠశాలలకు వెళ్లే పిల్లలపైనా దృష్టి సారించాలి. తగినంత పోషకాహారం అందేలా చూడాలి. తాజాగా వేడి ఆహారంతో పాటు దానిమ్మ, బొప్పాయి, జామ, అరటి పండ్లతోపాటు సీ విటమిన్‌ ఉన్న పండ్లు తీసుకోవడం ఆరోగ్యానికి మేలు చేస్తుంది. కోడి గుడ్లు, చేపలు, జింక్‌ ఉండే బాదం వంటి ఆహారం తీసుకోవడం ఉత్తమం. చలి నుంచి రక్షణకు గోరు వెచ్చని నీరు తాగాలి. ముఖ్యంగా శ్వాసకోశ వ్యాధులు ప్రబలే ప్రమాదం ఉంటుంది. మధుమేహ వ్యాధిగ్రస్తులు జాగ్రత్తలు పాటించాలి. రక్షణ పొందేందుకు స్వెట్టర్లు, మంకీ క్యాంప్‌లు ధరించాలి. ఎండ వచ్చాకే మార్నింగ్‌ వాక్‌, వ్యాయామం చేయడం మంచిది. – డాక్టర్‌ సమత, పిల్లల వైద్య నిపుణురాలు, ఆసిఫాబాద్‌ తిర్యాణి: జిల్లాలో రోజురోజుకు కనిష్ట ఉష్ణోగ్రతలు పడిపోతున్నాయి. బుధవారం రాష్ట్రంలోనే అత్యల్పంగా సిర్పూర్‌(యూ)లో 5.9 డిగ్రీల సెల్సియస్‌గా నమోదైంది. తిర్యాణి మండలం గిన్నెధరిలో 6.3, కెరమెరిలో 8.3, తిర్యాణిలో 8.7, ధనోరా లో 9.4, వాంకిడిలో 9.5, కాగజ్‌నగర్‌లో 9.6 డిగ్రీల కనిష్ట ఉష్ణోగ్రతలు నమోదయ్యాయి. చలి ప్రభావం నేపథ్యంలో ప్రజలు జాగ్రత్తలు పాటించాలని నిపుణులు సూచిస్తున్నారు.●పశువులకు వ్యాధులు చలి తీవ్రతతో పశువుల శరీర ఉష్ణోగ్రత తగ్గకుండా చూసుకోవాలి. చలితో పాల దిగుబడి, మేత తినడం తగ్గుతుంది. అలాగే రోగ నిరోధకశక్తి తగ్గి వ్యాధుల బారిన పడతాయి. పశువుల పాక చుట్టూ గోనె సంచులు, పరదాలు, దుప్పట్లు కట్టాలి. దాణాలో బెల్లం, పల్లి, పత్తి, సోయాబీన్‌ పిండి, ఖనిజ మిశ్రమం, ఉప్పు కలపాలి. న్యూమోనియా అతిసారంతో దూడల మరణాలు తగ్గించడానికి గోరువెచ్చని నీటిని అందించాలి. నీటి తొట్టెల్లో నీరును తరచూ మారుస్తూ ఉండాలి. చలికాలంలో ఎండుగడ్డి, పొడి దాణా అందించడం ఉత్తమం. పచ్చిగడ్డిని ఉదయం 11 గంటల తర్వాతే అందించాలి. పాడి పశువులు, మేకలు, గొర్రెలకు గాలికుంటు వ్యాధి, గొంతువాపు, పారుడు రోగం టీకాల ను వేయించాలి. మేకలు, గొర్రెలను ఉదయం 9 గంటల తర్వాతే మేతకు తీసుకెళ్లాలి. సాయంత్రం ఎండుమేత, దాణా ఇవ్వాలి. రాత్రి షెడ్డుల్లోనే ఉంచాలి. గొర్రెలు, మేకలు ఉంచే ప్రదేశాలను పొడిగా ఉంచుకోవాలి. బ్లీచింగ్‌ పౌడర్‌తో పాకను తరచూ శుభ్రపరుచుకోవాలి. – డాక్టర్‌ సురేశ్‌, జిల్లా పశువైద్యాధికారి – వివరాలు 8లోu

● ఎస్పీ డీవీ శ్రీనివాసరావుఆసిఫాబాద్‌అర్బన్‌: ప్రజల సహకారంతోనే గంజాయి నిర్మూలన సాధ్యమవుతుందని ఎస్పీ డీవీ శ్రీనివాసరావు అన్నారు. సిర్పూర్‌(యూ) మండలం పవర్‌గూడ గ్రామంలో బుధవారం పోలీసులు మీకోసం కార్యక్రమంలో భాగంగా వాసవీ క్లబ్‌ సహకారంతో 300 మందికి ఉచితంగా దుప్పట్లు, వాలీబాల్‌ కిట్లు పంపిణీ చేశారు. ఎస్పీ మాట్లాడుతూ ఆదివాసీలు చదువుకు ప్రాధాన్యత ఇవ్వాలన్నారు. మాదక ద్రవ్యాల బారిన పడకుండా ఉద్యోగాలు సాధించి ఉన్నతస్థాయికి ఎదగాలని ఆకాంక్షించారు. ప్రజలు సంఘ విద్రోహ శక్తులకు సహకరించొద్దన్నారు. అలాంటి వారికి సమాజంలో మనుగడ లేదని స్పష్టం చేశారు. జిల్లాలో ఇటీవల ఆత్మహత్యలు పెరిగాయని, సమస్యలు ఉంటే అధైర్య పడొద్దన్నారు. పోలీసుల ఆధ్వర్యంలో చేపడుతున్న సేవా కార్యక్రమాలను వినియోగించుకోవాలని సూచించారు. అంతకు ముందు ఆదివాసీలు పోలీసులకు సంప్రదాయ ప్రకారం స్వాగతం పలికారు. ఈ కార్యక్రమంలో డీఎస్పీ కరుణాకర్‌, జైనూర్‌ మార్కెట్‌ కమిటీ చైర్మన్‌ విశ్వనాథ్‌, సీఐ రమేశ్‌ తదితరులు పాల్గొన్నారు.

ఆసిఫాబాద్‌రూరల్‌: జిల్లా కేంద్రంలోని గిరిజన బాలికల ఆదర్శ క్రీడాపాఠశాలలో బుధవారం సీఎం కప్‌ జిల్లాస్థాయి క్రీడాపోటీలు అట్టహాసంగా ప్రారంభమయ్యాయి. కలెక్టర్‌ వెంకటేశ్‌ దోత్రే జెండా ఊపి క్రీడలను ప్రారంభించారు. ఆయన మాట్లాడుతూ గ్రామీణ ప్రాంతాల్లోని క్రీడాకారుల నైపుణ్యాన్ని వెలుగులోకి తీసుకువచ్చేందుకు ప్రభుత్వం సీఎం కప్‌ పోటీలు నిర్వహిస్తుందని తెలిపారు. క్రీడలతో ఆరోగ్యంగా ఉంటారని తెలిపారు. డీవైఎస్‌వో రమాదేవి మాట్లాడుతూ జిల్లాలోని 15 మండలాల నుంచి మూడు వేల మంది జిల్లాస్థాయికి ఎంపికయ్యారని తెలిపారు. మొదటిరోజు వెయ్యి మందికి అథ్లెటిక్స్‌, వాలీబాల్‌, ఫుట్‌బాల్‌, చెస్‌, యోగా పో టీలు నిర్వహించామన్నారు. మరో రెండు రోజులపాటు ఈ పోటీలు కొనసాగుతాయని పేర్కొన్నారు. గిరిజన క్రీడల అధికారి మీనారెడ్డి, ఏసీఎంవో ఉద్దవ్‌, ఏటీడీవోలు చిరంజీవి, మాజీ జెడ్పీటీసీ నాగేశ్వర్‌రావు, అథ్లెటిక్స్‌ కోచ్‌ విద్యాసాగర్‌, తిరుమల్‌, హెచ్‌ఎం జంగు, పీడీ, పీఈటీలు మధుసూదన్‌, లక్ష్మణ్‌, భాస్కర్‌, వినోద్‌ పాల్గొన్నారు.

చింతలమానెపల్లి(సిర్పూర్‌): ఆరోగ్య కేంద్రాలకు వచ్చే రోగులకు అందుబాటులో ఉండి సేవలందించాలని డీఎంహెచ్‌వో సీతారాం అన్నారు. మండలంలోని బాబాపూర్‌– రవీంద్రనగర్‌ ప్రాథమిక ఆరోగ్య కేంద్రాన్ని బుధవారం తనిఖీ చేశారు. వసతులు, పరిసరాల ను పరిశీలించారు. రోగుల వివరాలు అడిగి తెలుసుకున్నారు. అనంతరం సిబ్బందితో సమావేశమయ్యారు. ఆరోగ్య కేంద్రంలో వసతులు మెరుగుపర్చేందుకు కృషి చేస్తున్నామన్నారు. అవసరమైన మందులు అందుబాటులో ఉంచుకోవాలని సూచించారు. వైద్యుల నియామకం కోసం చర్యలు చేపడుతున్నామని వివరించారు. సమావేశంలో జిల్లా వైద్యశాఖ ప్రోగ్రాం అధికారి అజీముద్దీన్‌, ఇన్‌చార్జి మెడికల్‌ అధికారి రాజ్‌కుమార్‌, హెచ్‌ఈవో కోటేశ్వరరావు, సిబ్బంది ఉన్నారు.

జాతీయస్థాయిలో ప్రతిభ ఆసిఫాబాద్‌రూరల్‌: జిల్లా కేంద్రంలోని తెలంగాణ మోడల్‌ స్కూల్‌ విద్యార్థి అర్చన జాతీ యస్థాయి పోటీల్లో ప్రతిభ చూపినట్లు ప్రిన్సి పాల్‌ మహేశ్వర్‌ తెలిపారు. పాఠశాల ఆవరణలో బుధవారం పీడీ తిరుపతితో కలిసి విద్యార్థిని అభినందించారు. ఆయన మాట్లాడుతూ ఈ నెల 10 నుంచి 14 వరకు పంజాబ్‌లో జరిగిన జాతీయస్థాయి నెట్‌బాల్‌ పోటీల్లో అర్చన గోల్‌ ఎటాకర్‌గా మెరుగైన ఆటతీరు ను కనబర్చిందని తెలిపారు. వేతనాలు పెంచాలని వినతి ఆసిఫాబాద్‌అర్బన్‌: పౌర గ్రంథాలయాల్లో 25 ఏళ్లుగా పనిచేస్తున్న తమకు వేతనాలు రూ. 15,600లకు పెంచాలని పలువురు స్వీపర్లు బుధవారం జిల్లా కేంద్రంలోని గ్రంథాలయ కార్యాలయంలో వినతిపత్రం అందించారు. వారు మాట్లాడుతూ ఏళ్లుగా వేతన పెంపు లేకపోవడంతో ఆర్థికంగా ఇబ్బందులు పడుతున్నామని ఆవేదన వ్యక్తం చేశారు. ప్రభుత్వం తమను గుర్తించి కనీస వేతనం చెల్లించాలని కోరారు. స్వీపర్లు సయ్యద్‌ సలీం, రామయ్య, అశోక్‌, రాజారాం, సురేశ్‌, ప్రేమ్‌సాగర్‌, బుచ్చన్న, రాజన్న, అరుణ ఉన్నారు.

చింతలమానెపల్లి మండలం బాబాసాగర్‌ గ్రామానికి చెందిన గుర్లె ప్రభాకర్‌ ఇంట్లో పది క్వింటాళ్ల పత్తి నిల్వ చేశాడు. నవంబర్‌ 29న అగ్ని ప్రమాదం జరిగి పత్తి మొత్తం కాలిపోయింది. ఎలక్ట్రానిక్‌ వస్తువులు, సామగ్రి, ఇల్లు దగ్ధం కావడంతో తీవ్ర ఆస్తి నష్టం జరిగింది. బెజ్జూర్‌కు చెందిన నేరేళ్ల సందీప్‌ 35 క్వింటాళ్ల పత్తిని సిర్పూర్‌(టి)లోని సీసీఐ కేంద్రానికి తరలించేందుకు మినీ వ్యాన్‌లో నింపాడు. మార్గమధ్యలో కౌటాల మినీ స్టేడియం సమీపంలో ప్రమాదవశాత్తు వ్యాన్‌ క్యాబీన్‌లో మంటలు చెలరేగాయి. వ్యాన్‌తో పాటు పత్తి కాలిపోయింది. ఈ ప్రమాదంలో రూ.4 లక్షల నష్టం జరిగినట్లు బాధితుడు తెలిపాడు. కౌటాల(సిర్పూర్‌): అధిక పెట్టుబడి పెట్టి సాగు చేసిన పత్తి పంటను అమ్ముకునేందుకు మార్కెట్‌లో ఆశించిన ధర లేక కొంతమంది రైతులు ఇళ్లల్లోనే నిల్వ చేస్తున్నారు. మరికొందరు మొదటి, రెండోసారి తీసిన పత్తిని మొత్తం కలిపి విక్రయించాలని చూస్తున్నారు. ఈ క్రమంలో అగ్ని ప్రమాదాలు తీరని నష్టం చేస్తున్నాయి. ఆరుగాలం కష్టపడి పండించిన పంట కాలి బూడిదవుతుండంతో కన్నీరు మున్నీరవుతున్నారు. ఇటీవల జిల్లాలో పలు ఘటనలు ఆందోళన కలిగిస్తున్నాయి. మద్దతు ధర లేకపోవడంతో ఇళ్లలో నిల్వ..వానాకాలం సీజన్‌లో 3.29 లక్షల ఎకరాల్లో పత్తి పంట సాగైంది. పులి అలజడితో కొద్దిరోజులపాటు నిలిచిన పత్తితీత పనులు మళ్లీ ఊపందుకున్నాయి. క్వింటాల్‌ పత్తికి మద్దతు ధర రూ.7521 ఉండగా.. దళారులు రూ.6,800 మాత్రమే చెల్లించి కొనుగోలు చేస్తున్నారు. సీసీఐ కేంద్రాల్లో తేమ చిక్కులతో రైతులు ఇబ్బంది పడుతున్నారు. దీంతో నెలల తరబడి ఇళ్లలోనే నిల్వ ఉంచుతున్నారు. ఇది ప్రమాదకరంగా మారుతుంది. గతేడాది కౌటాల మండలం కన్నెపల్లి గ్రామానికి చెందిన అభిషేక్‌ అనే బాలుడు ఇంట్లో నిల్వ ఉన్న పత్తిలో దాగుడుమూతలు ఆడుతూ ఊపిరి ఆడక మృతి చెందిన విషయం తెలిసిందే. అవగాహన లేకపోవడం, భద్రతా చర్యలు తీసుకోకపోవడంతో వివిధ రూపాల్లో ప్రమాదాలకు దారి తీస్తోంది. ఇళ్లలో షార్ట్‌ సర్క్యూట్‌, ఇతర కారణాలతో అగ్ని ప్రమాదాలు సంభిస్తున్నాయి. మరోవైపు సీజన్‌ ముగింపు చేరుకోవడంతో మద్దతు ధర లభించకపోతే ఏం చేయాలనే దానిపై మల్లగుల్లాలు పడుతున్నారు. ఎన్ని రోజుల వరకు నిల్వ ఉంచాలని.. అప్పులు ఎలా కట్టాలని మదనపడుతున్నారు. ఇళ్లలో పత్తి నిల్వ చేసే రైతులు జాగ్రత్తలు తీసుకోవాలని నిపుణులు సూచిస్తున్నారు. ● చేల నుంచి సేకరించిన పత్తిని ఎప్పటికప్పుడు మార్కెట్‌ తరలిస్తే మేలు. ఎలాంటి ప్రత్యామ్నాయం లేకపోతేనే ఇళ్లలో పంటను నిల్వ చేయాలి. ఆ గదికి విద్యుత్‌ సరఫరా నిలిపివేయాలి. విద్యుత్‌ తీగలు ఉంటే ఎలుకలు కొరకకుండా జాగ్రత్తలు తీసుకోవాలి. ● బీడీలు, చుట్టలు, సిగరెట్లు ఆర్పకుండా సమీపంలో పడివేయొద్దు. ఇంట్లో దీపం, అగర్‌వత్తులు వెలిగిస్తే అప్రమత్తంగా ఉండాలి. ● ఎక్కువ రోజులు నిల్వ చేయడంతో లోపల తేమ ఏర్పడుతుంది. గాలి, వేడి తగిలి ఒక్కసారిగా అగ్గి పుడుతోంది. ఎప్పటికప్పుడు పరిశీలిస్తూ ఉండాలి. ● ఇంట్లోని చిన్నారులు నిల్వ కుప్పల వైపు వెళ్లకుండా చూసుకోవాలి. ● ఇక పత్తిని వాహనాల్లో లోడింగ్‌ చేసే ముందు గ్రామంలోని విద్యుత్‌ తీగల ఎత్తు, వాహనం కండిషన్‌ సరిచూసుకోవాలి. వాహనంలో షార్ట్‌ సర్క్యూట్‌ జరిగే ప్రమాదం ఉంటుంది. అగ్ని ప్రమాదాల్లో పత్తి దగ్ధం నష్టపోతున్న రైతులు ముందు జాగ్రత్తలు తీసుకుంటే మేలు

● కలెక్టర్‌ వెంకటేశ్‌ దోత్రేఆసిఫాబాద్‌: జిల్లాలోని ఆదివాసీ గ్రామాల అభివృద్ధికి చర్యలు తీసుకోవాలని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌ సమావేశ మందిరంలో ఉట్నూర్‌ ఐటీడీఏ ప్రాజెక్టు అధికారి ఖుష్బూ గుప్తా, అదనపు కలెక్టర్‌ దీపక్‌ తివారి, జిల్లా అటవీశాఖ అధికారి నీరజ్‌ కుమార్‌తో కలిసి బుధవారం ఆదివాసీ నాయకులు, సార్‌మెడీలు, పటేళ్లతో సమావేశం నిర్వహించారు. గిరిజన గ్రామాల్లో అభివృద్ధి పనులు, రహదారులు, వంతెనల నిర్మాణం, వ్యవసాయం, విద్య, వైద్య రంగాల్లో చేపట్టాల్సిన పనులపై మండలాల వారీగా సమీక్షించారు. కలెక్టర్‌ మాట్లాడుతూ ఏజెన్సీ గ్రామాలకు రవాణా సౌకర్యం కోసం రహదారులు, వంతెనల నిర్మాణం చేపట్టేలా చర్యలు తీసుకోవాలన్నారు. జాతీయ గ్రామీ ణ ఉపాధి హామీ పథకం కింద సీసీరోడ్లు, డ్రెయినేజీలు నిర్మిస్తామన్నారు. పాఠశాల భవనాలు, ఉప కేంద్రాల నిర్మాణ పనులు, ఐటీడీఏ పరిధి లోని పాఠశాలల్లో ఉపాధ్యాయులు, విద్యార్థుల హాజరుపై ప్రత్యేక దృష్టి సారిస్తున్నామని తెలిపా రు. నెట్‌వర్క్‌ సేవలు మెరుగుపర్చేందుకు మారుమూల గ్రామాల్లో మొబైల్‌ టవర్ల నిర్మాణానికి చర్యలు తీసుకుంటున్నామని వివరించారు. మిషన్‌ భగీరథ పథకం ద్వారా శుద్ధజలం అందించేందుకు అధికారులు కృషి చేయాలన్నారు. అవసరమైన చోట రాయిసెంటర్ల నిర్మాణానికి చర్యలు తీసుకోవాలన్నారు. అటవీ, రెవెన్యూ శాఖల మధ్య భూవివాదాలు పరిష్కరించేందుకు జాయింట్‌ సర్వే నిర్వహించాలని ఆదేశించారు. పోడు భూముల్లో సాగుచేస్తున్న ఆర్హులైన గిరిజనులను గుర్తించి పట్టాలు అందించాలన్నారు. గిరి వికాస్‌ పథకం కింద బోర్లు, విద్యుత్‌ కనెక్షన్లు ఇవ్వాలని సూచించారు. పెంచిన డైట్‌, కాస్మెటిక్‌ చార్జీల ప్రకారం నూతన మెనూ అమలు చేస్తూ, విద్యార్థుల ఆరోగ్యంపై ప్రత్యేక శ్రద్ధ వహించాలన్నారు. ఆదివాసీ గ్రామాల్లో చారిత్రాత్మక ప్రాంతాల అభివృద్ధికి కృషి చేయాలని సూచించారు. సమావేశంలో జిల్లా గిరిజన అభివృద్ధి అధికారి రమాదేవి, డీఆర్‌డీవో దత్తారావు, డీపీవో భిక్షపతి, లీడ్‌బ్యాంకు మేనేజర్‌ రాజేశ్వర్‌ జోషి, పంచాయతీరాజ్‌ ఈఈ ప్రభాకర్‌, ఇంజినీరింగ్‌ శాఖల అధికారులు పాల్గొన్నారు.

● సంక్రాంతి తర్వాత రేషన్‌కార్డులు జారీకి అవకాశం ● స్మార్ట్‌ చిప్‌తో కార్డులు పంపిణీ చేయాలని ప్రభుత్వ నిర్ణయం ● అసెంబ్లీలో మంత్రి ప్రకటనతో దరఖాస్తుదారుల్లో ఆశలుబెజ్జూర్‌(సిర్పూర్‌): సంక్రాంతి పండుగ తర్వాత అర్హులైన పేదలకు కొత్త రేషన్‌ కార్డులు జారీ చేసేందుకు రాష్ట్ర ప్రభుత్వం సన్నద్ధమవుతోంది. అసెంబ్లీలో రాష్ట్ర పౌరసరఫరాలు, నీటి పారుదలశాఖ మంత్రి ఉత్తమ్‌కుమార్‌ రెడ్డి ప్రకటించడంతో దరఖాస్తుదారుల్లో ఆశలు చిగురిస్తున్నాయి. బియ్యం పంపిణీ మరింత పారదర్శకంగా కొనసాగేవిధంగా ప్రభుత్వం స్మార్ట్‌ చిప్‌తో కార్డులు జారీ చేసేందుకు కార్యాచరణ రూపొందిస్తోంది. ఏళ్ల నిరీక్షణకు త్వరలోనే తెర..జిల్లాలో ప్రస్తుతం 1,39,741 రేషన్‌ కార్డులు ఉన్నాయి. ఇందులో 13,166 అంత్యోదయ అన్నయోజన, 1,26,575 ఆహారభద్రత కార్డులు ఉండగా, వీటి ద్వారా ప్రతినెలా 2,953,060 మెట్రిక్‌ టన్నుల బియ్యం పంపిణీ చేస్తున్నారు. కుటుంబ సభ్యుల్లో ఒక్కొక్కరికి ఆరు కిలోల చొప్పున ఉచిత బియ్యం అందజేస్తున్నారు. జిల్లాలోని 15 మండలాల నుంచి కొత్త రేషన్‌ కార్డుల కోసం 13,166 మంది ఆన్‌లైన్‌ ద్వారా దరఖాస్తు చేసుకున్నారు. గత ప్రభుత్వం 2021 జూలైలో కొంత మందికి కార్డులు జారీ చేసింది. అప్పటి నుంచి కార్డులు పంపిణీ చేయలేదు. ఉమ్మడి కుటుంబాల నుంచి వేరుపడిన వారు, కొత్తగా వివాహాలు జరిగిన వారు ఎదురుచూస్తున్నారు. కార్డుల్లో కొత్త పేర్ల నమోదు కూడా ఆగిపోయింది. పాత కార్డులోని పేర్లు తొలగించుకున్న వారి వివరాలు సైతం ఇప్పటివరకు నమోదు చేయలేదు. రెండు, మూడేళ్లలో పుట్టిన పిల్లల పేర్లు కూడా కార్డుల్లోకి చేర్చలేదు. ఇలాంటి వారంతా ప్రభుత్వం అందించే ఉచిత బియ్యంతోపాటు ఆరోగ్యశ్రీ సేవలకు దూరమవుతున్నారు. పేదలు రేషన్‌ కార్డుల మంజూరు కోసం తహసీల్దార్‌ కార్యాలయాల చుట్టూ ప్రదక్షిణలు చేస్తున్నారు. రాష్ట్రంలో ఎక్కడైనా సరుకులు పొందేలా పోర్టబిలిటీ అవకాశం రావడంతో ఉపాధి కోసం వలస వెళ్లిన వారు సైతం కార్డుల కోసం ఎదురుచూస్తున్నారు. ‘ప్రజాపాలన’లో దరఖాస్తులునూతన ప్రభుత్వం అధికారంలోకి వచ్చిన తర్వాత ప్రజాపాలన కార్యక్రమం ద్వారా అభయహస్తం ఆరు గ్యారంటీలతో పాటు రేషన్‌కార్డుల కోసం దరఖాస్తులు స్వీకరించింది. జిల్లావ్యాప్తంగా ప్రజల నుంచి స్వీకరించిన దరఖాస్తులను ఆన్‌లైన్‌ చేయకు న్నా అధికారులు భద్రపర్చారు. ఇందులో అత్యధి కంగా రేషన్‌ కార్డుల కోసమే వచ్చినట్లుగా వారు చెబుతున్నారు. అయితే ప్రజాపాలన కార్యక్రమంలో అందిన దరఖాస్తుల ఆధారంగా కార్డులు జారీ చేస్తారా.. లేక మళ్లీ కొత్తగా దరఖాస్తులు స్వీకరిస్తారా అనే దానిపై స్పష్టత రావాల్సి ఉంది. ఇటీవల అ సెంబ్లీలో మంత్రి ఉత్తమ్‌కుమార్‌ రెడ్డి సంక్రాంతి త ర్వాత రేషన్‌కార్డులు జారీ చేస్తామని ప్రకటించడంతో ప్రజల నిరీక్షణకు ఎట్టకేలకు తెరపడే అవకాశం ఉంది. జిల్లాలో ఏళ్లుగా కార్డుల్లేక పథకాలకు దూరమైన పేద ప్రజల్లో ఆశలు చిగురిస్తున్నాయి. కొత్తకా ర్డులు డిజిటల్‌ విధానంలో క్యూఆర్‌ కోడ్‌, మైక్రో చి ప్‌, బార్‌ కోడ్‌తో అందజేయనున్నట్లు తెలుస్తోంది. ఈ విషయమై జిల్లా పౌర సరఫరాల శాఖ అధికారి వినోద్‌ కుమార్‌ను ‘సాక్షి’వివరణ కోరేందుకు ప్రయత్నించగా ఆయన అందుబాటులోకి రాలేదు.ఇబ్బంది పడుతున్నాం రేషన్‌కార్డు లేకపోవడంతో నెలనెలా బియ్యం అందడం లేదు. గతంలో కార్డుల జారీకి దరఖాస్తు తీసుకున్నా ఇప్పటివరకు మంజూరు చేయలేదు. ఇప్పటికై నా కొత్త కార్డులు అందించి ఆదుకోవాలి. – గౌతురి రమేశ్‌, సిద్దాపూర్‌ పథకాలకు దూరం రేషన్‌కార్డు లేకపోవడంతో సంక్షేమ పథకాలకు దూరమవుతున్నాం. చౌకధరల దుకాణాల నుంచి బియ్యం పొందలేకపోతున్నాం. ప్రభుత్వం కొత్తగా రేషన్‌ కార్డులు అందించి పేదలకు అండగా నిలవాలి. – చెండే బక్కన్న, సిద్దాపూర్‌

● అదనపు కలెక్టర్‌ దీపక్‌ తివారి సిర్పూర్‌(టి): వైద్యులు, సిబ్బంది విధుల్లో నిర్లక్ష్యం వహించొద్దని అదనపు కలెక్టర్‌ దీపక్‌ తివారి అన్నారు. మండల కేంద్రంలోని డౌనల్‌ ప్రాంతంలో గల ప్రభుత్వ సామాజిక ఆస్పత్రిని బుధవారం తనిఖీ చేశారు. ఆస్పత్రి ఆవరణతోపాటు పారిశుద్ధ్య పనులు, మందులు, రిజిస్టర్లు, రోగులకు అందిస్తున్న భోజన నాణ్యతను పరిశీలించారు. ఆయన మాట్లాడుతూ రోగులకు మెరుగైన వైద్యం అందించాలన్నారు. అనంతరం వేంపల్లి జిల్లా పరిషత్‌ ఉన్నత పాఠశాలను సందర్శించారు. నూతన మెనూ ప్రకారం పోషకాహారం అందించాలన్నారు. పదో తరగతి విద్యార్థులు వందశాతం ఉత్తీర్ణత సాధించాలన్నారు. ఆయన వెంట సీహెచ్‌సీ వైద్యాధికారి చెన్నకేశవరావు, వైద్యురాలు అనూష, ఎంపీడీవో సత్యనారాయణ తదితరులు పాల్గొన్నారు.

పెంచికల్‌పేట్‌(సిర్పూర్‌): మావోయిస్టులు వనం వీడి జనంలోకి రావాలని కాగజ్‌నగర్‌ డీఎస్పీ రామానుజన్‌ అన్నారు. పోరుకన్నా ఊరు మిన్న కార్యక్రమంలో భాగంగా బుధవారం మండలంలోని అగర్‌గూడ గ్రామానికి చెందిన మావోయిస్టు చౌదరి అంకుబాయి కుటుంబ సభ్యులను కలిసి నిత్యావసర సరుకులు అందించారు. ఆయన మాట్లాడుతూ మావోయిస్టులు తుపాకులతో అడవుల్లో ఉండి సాధించేది ఏమీ లేదని అన్నారు. ఉద్యమాన్ని వీడి వచ్చే మావోయిస్టులకు ప్రభుత్వం నుంచి పునరావాసం కల్పిస్తామని హామీ ఇచ్చారు. ఉద్యమం పేరుతో అమాయకులు అడవులు బాట పట్టి జీవితాలను నాశనం చేసుకుంటున్నారన్నారు. గ్రామంలోని యువత చెడు వ్యసనాలకు దూరంగా ఉంటూ సన్మార్గంలో నడవాలని సూచించారు. అపరిచిత వ్యక్తులు సంచరిస్తే వెంటనే సమాచారం అందించాలని కోరారు. కార్యక్రమంలో కాగజ్‌నగర్‌ రూరల్‌ సీఐ శ్రీనివాసరావు, ఎస్సై కొమురయ్య, సిబ్బంది పాల్గొన్నారు.

రేపు మినీ జాబ్‌మేళా ఆసిఫాబాద్‌అర్బన్‌: జన్కాపూర్‌లోని తెలంగా ణ అకాడమీ ఫర్‌ స్కిల్స్‌ అండ్‌ నాలెడ్జ్‌ కేంద్రంలో ఈ నెల 19న ఉదయం 11 గంటలకు మినీ జాబ్‌మేళా నిర్వహిస్తున్నట్లు జిల్లా ఉపాధి కల్పన అధికారి రవికృష్ణ తెలిపారు. మెడ్‌ప్లస్‌(కరీంనగర్‌) సంస్థలో హైదరాబాద్‌, కరీంనగర్‌, మంచిర్యాల, గోదావరిఖని ప్రాంతాల్లో పనిచేసేందుకు 40 ఫార్మసిస్ట్‌ పోస్టులకు బీ, డీ ఫార్మసీ అర్హత ఉండాలన్నారు. 50 కస్టమర్‌ సపోర్టు అసోసియేట్‌, 100 జూనియర్‌ అసిస్టెంట్‌, 30 అడిట్‌ అసిస్టెంట్‌ పోస్టులకు పదో తరగతి, ఇంటర్‌, ఏదైనా డిగ్రీ చదివి, వయస్సు 18 నుంచి 30 వరకు ఉండాలని పేర్కొన్నారు. వివరాలకు 94405 14962, 95027 86438, 91606 08476 నంబర్లలో సంప్రదించాలని సూచించారు. నేటి నుంచి జిల్లాస్థాయి సీఎం కప్‌ పోటీలు ఆసిఫాబాద్‌రూరల్‌: జిల్లాల్లో సీఎం కప్‌ పోటీలు తుదిదశకు చేరుకున్నాయి. ఈ నెల 7 నుంచి 12 వరకు గ్రామ, మండల స్థాయిల్లో పోటీలు నిర్వహించారు. ప్రతిభ చూపిన క్రీడాకారులను జిల్లాస్థాయి పోటీలకు ఎంపిక చేశారు. ఈ నెల 18 నుంచి 21 వరకు జిల్లాస్థాయి పోటీలు నిర్వహించనున్నట్లు డీఎస్‌వో మీనారెడ్డి తెలిపారు. కాగజ్‌నగర్‌, ఆసిఫాబాద్‌, రెబ్బెన మండలం గోలేటిలో ఈ పోటీలు కొనసాగనున్నాయి. జిల్లాస్థాయి పోటీలకు 15 మండల నుంచి 3,000 మంది ఎంపికయ్యారు. ప్రతిభ చూపిన వారిని రాష్ట్రస్థాయికి ఎంపిక చేయనున్నారు. పోటీలు ఇలా..ఈ నెల 18న జిల్లా కేంద్రంలో గిరిజన ఆదర్శ క్రీడా పాఠశాలలో అథ్లెటిక్స్‌ అండర్‌– 14, 18, 20లో రన్నింగ్‌, ఖోఖో, చెస్‌, వాలీబాల్‌, యోగా పోటీలు నిర్వహిస్తారు. ఫుట్‌బాల్‌ పోటీలు గిరిజన బాలికల పాఠశాలలో జరుగుతాయి. 19న జిల్లా కేంద్రంలోని గిరిజన ఆదర్శ క్రీడాపాఠశాలలో అత్యపత్య, హ్యాండ్‌బాల్‌, కబడ్డీ(పురుషులు), ఖోఖో అండర్‌ 17, 19 పోటీలు, తెలంగాణ మోడల్‌ స్కూల్‌లో అండర్‌– 18 నెట్‌బాల్‌ పోటీలు, కాగజ్‌నగర్‌లో బాక్సింగ్‌ జూనియర్‌ అండర్‌– 14, 16, 18, 20, సబ్‌ జూనియర్‌ అండర్‌– 14 పోటీలు నిర్వహిస్తారు. 20న గోలేటిలోని సింగరేణి స్కూల్‌లో బ్యాడ్మింటన్‌, స్విమ్మింగ్‌, సెపక్‌ తక్రా అండర్‌– 15, 19 పోటీలు, జిల్లా కేంద్రంలోని గిరిజన ఆదర్శ క్రీడా పాఠశాలలో కబడ్డీ, ఖోఖో (మహిళలు) పోటీలు, సిర్పూర్‌(టి)లో కిక్‌ బాక్సింగ్‌ సబ్‌ జూనియర్‌ పోటీలు, జిల్లా కేంద్రంలోని బాలికల ఆదర్శ క్రీడాపాఠశాలలో సైక్లింగ్‌, జూడో, లాడ్‌ టెన్నీస్‌, షాట్‌ఫుట్‌, సాఫ్ట్‌బాల్‌, షూటింగ్‌ బాల్‌, అర్చరీ, వెయిట్‌ లిఫ్టింగ్‌, రెజ్లింగ్‌ జూనియర్‌, సబ్‌ జూనియర్‌ పోటీలు నిర్వహించేందుకు ఏర్పాట్లు చేస్తున్నారు.

అక్కడే ఉపాధి.. నిద్ర ● జిల్లాలో రికార్డు స్థాయిలో కనిష్ట ఉష్ణోగ్రతలు నమోదు ● సాయంత్రం నుంచే శీతల గాలులు ● గజగజ వణుకుతున్న ఏజెన్సీ ప్రాంతాలు ● గూడులేక బస్టాండ్లలో తలదాచుకుంటున్న అభాగ్యులు ● రాత్రిపూట కార్మికులు, ఉద్యోగులు, చిరువ్యాపారులకు తప్పని అవస్థలుమంగళవారం నమోదైన కనిష్ట ఉష్ణోగ్రతలు(సెల్సియస్‌లో)ఆసిఫాబాద్‌అర్బన్‌: ఉత్తరప్రదేశ్‌కు చెందిన సోదరులు రాకేశ్‌, సంజయ్‌ ఆసిఫాబాద్‌ పట్టణ సమీపంలోని గుండి రహదారిపై స్వెటర్లు, దుప్పట్లు అమ్ముకునేందుకు ఓ డేరా వేసుకున్నారు. ఏటా వీరు సీజన్‌లో వ్యాపారం ముగిసిన తర్వాత స్వరాష్ట్రానికి వెళ్లిపోతారు. పొద్దంతా స్వెటర్లు అమ్ముకుంటూ గడిపే వారు రాత్రిపూట అదే డేరాలో నిద్రపోతున్నారు. చలికి ఇబ్బందులు ఎదురవుతున్నా వ్యాపారం కోసం తప్పదని చెబుతున్నారు. జిల్లాలోని ఏజెన్సీ ప్రాంతాలు శీతాకాలంలో కశ్మీర్‌ను తలపిస్తాయి. సాయంత్రం 5 గంటల నుంచే చలి.. ఉదయం 10 గంటలు దాటినా తగ్గని చలిగాలులు ఇక్కడ సర్వసాధారణం. మూడు రోజులుగా చలితీవ్రత పెరగడంతో ప్రజలు గజ గజ వణుకుతున్నారు. ఇల్లు దాటి బయటికి వెళ్లేందుకు జంకుతున్నారు. ఇలాంటి పరిస్థితుల్లోనూ కొందరు బతుకు బండిని లాగేందుకు ఎముకలు కొరికే చలిలో పనిచేస్తున్నారు. జీవనోపాధి కోసం ఇబ్బందులనూ లెక్కచేయడం లేదు. సోమవారం రాత్రి నుంచి మంగళవారం ఉదయం వరకు పలు ప్రాంతాలను ‘సాక్షి’ బృందం విజిట్‌ చేసింది. కెరమెరి 7.1 డిగ్రీలు తిర్యాణి 7.4 ధనోరా 8.3 గిన్నెధరి 9.2 బెజ్జూర్‌ 9.3 సిర్పూర్‌(యూ) 9.6 కాగజ్‌నగర్‌ 9.7 సిర్పూర్‌(టి) 9.7 వాంకిడి 9.8 డబ్బులు పోయాయి.. చలిలో ఉన్నాం మాది మంచిర్యాల జిల్లా నెన్నెల గ్రామం. షిర్డీకి వెళ్లేందుకు ఆసిఫాబాద్‌ బస్టాండ్‌కు వచ్చాం. డబ్బులు పోవడంతో రాత్రి ఇక్కడే బస్టాండ్‌లో నిద్రపోతున్నాం. దుప్పట్లు సరిపోకపోవడంతో చలికి ఇబ్బంది పడ్డాం. అత్యవసర పరిస్థితుల్లో బస్టాండ్‌లో ప్రయాణికుల కోసం సౌకర్యాలు కల్పించాలి. – స్వప్న, నెన్నెల, మంచిర్యాల జిల్లా రాత్రి షెల్టర్లు నిర్మించాలి మాది నిజామాబాద్‌ జిల్లా. అక్కడ సొంతవారు ఎవ్వరూ లేకపోవడంతో ఆసిఫాబాద్‌లో ఓ వ్యక్తి ఇంట్లో పని చేస్తున్నా. పగలంతా పనిచేసి అక్కడే భోజనం చేస్తా. రాత్రిపూట తిన్న తర్వాత పట్టణంలోని ఆర్టీసీ డిపో ఆవరణలో పడుకుంటున్నా. ప్రభుత్వం రాత్రిషెల్టర్లు నిర్మించి వసతి కల్పించాలి. – చింతగింజల లక్ష్మి, నిజామాబాద్‌ జిల్లాకార్మికుల గజ గజ● నైట్‌ షిఫ్ట్‌ల్లో తగ్గుతున్న హాజరు రెబ్బెన: ఎముకలు కొరికే చలిలో సింగరేణి కార్మికులు రాత్రి విధులకు హాజరవుతున్నారు. ఇతర ప్రాంతాలతో పోల్చితే బెల్లంపల్లి ఏరియాలో గనులు ఉన్న ప్రాంతం భిన్నంగా ఉంటుంది. చుట్టూ దట్టమైన అడవులు విస్తరించి ఉండటంతో ఉష్ణోగ్రతలు మరింత తక్కువగా నమోదవుతుంటాయి. నైట్‌ షిఫ్ట్‌లో పర్మినెంట్‌ ఉద్యోగులు, ఓబీ కార్మికులు, సెక్యూరిటీ సిబ్బంది మొత్తం 400 మంది వరకు పనిచేస్తుంటారు. యాజమాన్యం గోలేటి ఎక్స్‌రోడ్‌ నుంచి కై రిగూడ ఓసీపీ వరకు బస్సు సౌకర్యం కల్పించింది. కార్మికులు, ఎస్‌అండ్‌పీసీ, ప్రైవేటు సెక్యూరిటీ సిబ్బంది చలి కి గజగజ వణుకుతూ విధులకు హాజరవుతున్నా రు. బైక్‌లపై వచ్చేవారు స్వెట్టర్లు, చేతులకు గ్లౌ జులు, షూలు ధరిస్తున్నారు. ఫస్ట్‌ షిప్టులో కాస్త పర్వాలేదనిపించినా సెకండ్‌ షిప్టు, నైట్‌ షిప్టుల వారికి ఇబ్బందులు తప్పడం లేదు. కొంతమందికి మాత్రమే స్వెట్టర్లు పంపిణీ చేయడంతో మిగిలినవారు సొంతంగా కొనుక్కున్నారు. పని ప్రదేశాల్లో కనీసం టీ కూడా అందుబాటులో ఉండదు. చలిని తట్టుకోలేక నైట్‌షిప్టులో కార్మికుల హాజరు శాతం తక్కువగా నమోదవుతుందని అధికారులు చెబుతున్నారు.

● స్పష్టమైన హామీ ఇవ్వని సర్కారు ● కొనసాగుతున్న సమగ్ర శిక్షా ఉద్యోగుల నిరసనలు సమ్మె కొనసాగిస్తాం సమగ్ర శిక్షాలో పనిచేస్తున్న వారి ఉద్యోగాలు క్రమబద్ధీకరించే వరకు సమ్మె కొనసాగిస్తాం. అప్పటివరకు పేస్కేల్‌ అమలు చేయాలి. ముఖ్యమంత్రి ఇచ్చిన మాట నిలబెట్టుకోవాలి. – శృతిక, సమగ్ర శిక్షా ఉద్యోగుల సంఘం జిల్లా అధ్యక్షురాలు కెరమెరి/ఆసిఫాబాద్‌రూరల్‌: సమగ్ర శిక్షా ఉద్యోగులు ప్రభుత్వంతో జరిపిన చర్చలు విఫలం కావడంతో సమ్మె ఉధృతం చేసేందుకు సన్నద్ధమవుతున్నారు. రాష్ట్ర కమిటీ నాయకులు సోమవారం హైదరాబాద్‌లో ముఖ్యమంత్రి రేవంత్‌రెడ్డిని కలిసి సమస్యలు విన్నవించారు. అదేరోజు రాత్రి డిప్యూటీ సీఎం భట్టి విక్రమార్కను కూడా కలిశారు. అయితే సమస్యల పరిష్కారంపై స్పష్టమైన హామీ ఇవ్వకపోవడంపై ఆగ్రహం వ్యక్తం చేస్తున్నారు. ఉద్యమం తీవ్రతరం చేస్తామని హెచ్చరిస్తున్నారు. ఎనిమిదో రోజుకు సమ్మెజిల్లాలో మొత్తం 488 మంది సమగ్ర శిక్షాలో ఉద్యోగులు ఉంన్నారు. ఇందులో డీపీవో సిబ్బంది ఆరుగురు, కేజీబీవీల్లో 334, ఎమ్మార్సీ కార్యాలయాల్లో 68, కాంప్లెక్స్‌ పరిధిలో 80 కాంట్రాక్ట్‌ ఉద్యోగులు పనిచేస్తున్నారు. అసెంబ్లీ ఎన్నికల ముందు ఇచ్చిన హామీలు నెరవేర్చాలని వీరు చేపట్టిన సమ్మె మంగళవారం నాటికి ఎనిమిదో రోజుకు చేరింది. ఉద్యోగా లు క్రమబద్ధీకరించాలని, అప్పటివరకు మినిమం పేస్కేల్‌ ఇవ్వాలని డిమాండ్‌ చేస్తున్నారు. ప్రభుత్వం నుంచి స్పందన లేకపోవడంతో ఉద్యమానికి కొత్త రూపు ఇవ్వాలని భావిస్తున్నారు. ఇప్పటికే ఎమ్మార్సీ కార్యాలయాల్లో పనులకు ఆటంకం ఏర్పడుతోంది. కంప్యూటర్‌ పరిజ్ఞానం ఉన్న ఉపాధ్యాయులతో తాత్కాలికంగా పనులు చేపట్టాలని ఆదేశాలు ఉన్నా ఎక్కడా అమలు కావడం లేదు. 15 కస్తూరిబా విద్యాలయాల నుంచి 60శాతం మంది ఉద్యోగులు నిరసనల్లో పాల్గొంటున్నారు. ఇక నుంచి వందశాతం టీచింగ్‌, నాన్‌టీచింగ్‌ సిబ్బంది సైతం సమ్మెలో పాల్గొనేలా కార్యాచరణ సిద్ధం చేస్తున్నారు. దీని ప్రభావం విద్యార్థుల చదువులపై పడనుంది.

ఆసిఫాబాద్‌అర్బన్‌: జిల్లా కేంద్రంలోని కలెక్టరేట్‌ ఎదుట మధ్యాహ్న భోజన కార్మికులు మంగళవారం సీఐటీయూ ఆధ్వర్యంలో వంటావార్పు నిర్వహించారు. జిల్లా కార్యదర్శి ముంజం శ్రీనివాస్‌ మాట్లాడుతూ మధ్యాహ్న భోజన కార్మికుల వేతనాల విషయం అసెంబ్లీ సమావేశాల్లో చర్చించాలని డిమాండ్‌ చేశారు. కోడిగుడ్ల బిల్లులు నెలల తరబడి పెండింగ్‌లో ఉన్నాయని, వేతనాలు కూడా ఒకేసారి చెల్లించాలన్నారు. ఇతర సమస్యలు పరిష్కరించాల ని కోరారు. కార్యక్రమంలో సీఐటీయూ జిల్లా అధ్యక్షుడు రాజేందర్‌, కార్మిక యూనియన్‌ జిల్లా అధ్యక్షురాలు శారద, కార్యదర్శి మాయ, నాయకులు పాల్గొన్నారు.

ఆసిఫాబాద్‌: జిల్లాలో రోడ్డు ప్రమాదాల నివారణకు పటిష్ట చర్యలు తీసుకోవాలని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌లో మంగళవారం ఏర్పాటు చేసిన రహదారి భద్రత కమిటీ సమావేశంలో ఎస్పీ డీవీ శ్రీనివాసరావు, అదనపు కలెక్టర్‌ దీపక్‌ తివారి, ఆర్డీవో లోకేశ్వర్‌రావుతో కలిసి సమీక్ష నిర్వహించారు. కలెక్టర్‌ మాట్లాడుతూ రోడ్డు ప్రమాదాల నివారణకు ప్రతి ఒక్కరూ ట్రాఫిక్‌ నిబంధనలు పాటించాలన్నారు. ప్రమాదాలు జరిగే ప్రాంతాల్లో సూచికలు ఏర్పాటు చేయాలని ఆదేశించారు. రహదారులు, కల్వర్టులు, వంతెనల మధ్య ఏర్పడిన గుంతలు పూడ్చివేయాలన్నారు. డ్రంకెన్‌ డ్రైవ్‌ పరీక్షలు నిర్వహించాలన్నారు. రోడ్లపై పశువులు సంచరించకుండా ప్రజలకు అవగాహన కల్పించాలని సూచించారు. అనంతరం ఎస్పీ మాట్లాడుతూ జిల్లాలో గతేడాది 139 రోడ్డు ప్రమాదాలు, ఈ ఏడాది నవంబర్‌ వరకు 133 రో డ్డు ప్రమాదాలు జరిగాయని తెలిపారు. ప్రమాదాల నివారణకు విస్తృతంగా తనిఖీలు చేపడుతున్నామని వివరించారు. సమావేశంలో ఆర్‌అండ్‌బీ ఈఈ శైలేందర్‌, పంచాయతీరాజ్‌ శాఖ ఈఈ ప్రభాకర్‌, డీటీవో రాంచందర్‌ పాల్గొన్నారు. బ్యాంకు రుణాలు సద్వినియోగం చేసుకోవాలిమహిళలు బ్యాంకు రుణాలు సద్వినియోగం చేసుకోవాలని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌లో మంగళవారం అదనపు కలెక్టర్‌ దీపక్‌ తివారి, డీఆర్డీవో దత్తారావుతో కలిసి సమావేశం నిర్వహించారు. 105 స్వయం సహాయ క మహిళా సంఘాలకు మంజూరైన రూ.6.89 కోట్ల చెక్కు అందజేశారు. కలెక్టర్‌ మాట్లాడుతూ మహిళలు ఆర్థికంగా అభివృద్ధి చెందాలనే ఉద్దేశంతో ప్రభుత్వం స్వయం సహాయక సంఘాలకు రుణాలు అందిస్తుందని పేర్కొన్నారు. అనంతరం బాల్య వివా హాలు జరగకుండా పర్యవేక్షిస్తామని సభ్యులతో ప్రతిజ్ఞ చేయించారు. సమావేశంలో లీడ్‌బ్యాంక్‌ జిల్లా మేనేజర్‌ రాజేశ్వర్‌ జోషి, అదనపు డీఆర్‌డీవో రామకృష్ణ, బ్యాంకు, సెర్ప్‌ అధికారులు, మహిళా సమాఖ్య అధ్యక్షురాలు శారద పాల్గొన్నారు. ● కలెక్టర్‌ వెంకటేశ్‌ దోత్రే

ఆసిఫాబాద్‌రూరల్‌: జిల్లాలో గ్రూపు– 2 పరీక్షలు ప్రశాంతంగా ముగిశాయి. రెండోరోజు అభ్యర్థుల హాజరు భారీగా తగ్గింది. సోమవారం 55శాతం హాజరు నమోదైనట్లు అధికారులు వెల్లడించారు. నాలుగు పేపర్లుగా నిర్వహించిన గ్రూపు– 2 పరీక్షల కోసం జిల్లాలోని ఆసిఫాబాద్‌, కాగజ్‌నగర్‌ పట్టణాల్లో మొత్తం 18 కేంద్రాలు ఏర్పాటు చేశారు. నిమిషం నిబంధన కారణంగా తొలిరోజు ఆదివారం పలువురు అభ్యర్థులు పరీక్షకు దూరం కాగా, రెండోరోజు అభ్యర్థులు ముందుగానే కేంద్రాలకు చేరుకున్నారు. ఉదయం 8.30 గంటల నుంచే కేంద్రాల్లోకి అనుమతించారు. ఉదయం నిర్వహించిన పరీక్షకు 4,393 మంది అభ్యర్థులకు 2,395 మంది హాజరయ్యారు. 1,998 మంది గైర్హాజరయ్యారు. ఇక సాయంత్రం నిర్వహించిన పరీక్షకు 2,397 మంది హాజరు కాగా, 1996 గైర్హాజరయ్యారని అధికారులు తెలిపారు. కేంద్రాలు పరిశీలనజిల్లా కేంద్రంలోని సెయింట్‌ మేరీ స్కూల్‌, బాలుర ఉన్నత పాఠశాలల్లో ఏర్పాటు చేసిన పరీక్ష కేంద్రాలను కలెక్టర్‌ వెంకటేశ్‌ దోత్రే పరిశీలించారు. పరీక్ష తీరు, హాజరుశాతం గురించి అడిగి తెలుసుకున్నారు. స్ట్రాంగ్‌రూంకు ఓఎంఆర్‌ షీట్ల తరలింపుపై పోలీసు సిబ్బందికి సూచనలు చేశారు. ఆసిఫాబాద్‌లోని పరీక్ష కేంద్రాలను ఎస్పీ డీవీ శ్రీనివాసరావు పరిశీలించారు. పరీక్ష కేంద్రాల వద్ద సెక్షన్‌ 163 అమలు చేసినట్లు తెలిపారు. అలాగే జన్కాపూర్‌లోని ప్రభుత్వ జూనియర్‌ కళాశాలలో ఏర్పాటు చేసిన కేంద్రాన్ని అదనపు కలెక్టర్‌ దీపక్‌ తివారి పరిశీలించారు. ప్రశాంత వాతావరణంలో పరీక్షలు నిర్వహించేలా అధికారులు సమన్వయంతో పనిచేశారని కొనియాడారు. కాగా.. సాయంత్రం పరీక్ష ముగిసిన తర్వాత ఆయా కేంద్రాల నుంచి ఓఎంఆర్‌ షీట్లను కలెక్టరేట్‌లోని స్ట్రాంగ్‌రూంకు బందోబస్తు మధ్య తరలించారు. కలెక్టర్‌ వెంకటేశ్‌ దోత్రే, అదనపు కలెక్టర్‌ దీపక్‌ తివారి, పరీక్షల నోడల్‌ అధికారి లక్ష్మీనరసింహ స్ట్రాంగ్‌రూంను పరిశీలించారు.

ఆసిఫాబాద్‌: ‘ప్రజల ఆశీస్సులతో రెండోసారి ఎమ్మెల్యేగా అవకాశం లభించింది. రాష్ట్రంలో ప్రజలు కాంగ్రెస్‌కు పట్టం కట్టినప్పటికీ ఆసిఫాబాద్‌ నియోజకవర్గంలో నన్ను ఆశీర్వదించారు. ప్రజాబలంతో ఎమ్మెల్యేగా విజయం సాధించా..’ అని ఆసిఫాబాద్‌ ఎమ్మెల్యే కోవ లక్ష్మి స్పష్టం చేశారు. ఎమ్మెల్యేగా ఏడాది పదవీకాలం పూర్తయిన నేపథ్యంలో సోమవారం ‘సాక్షి’కిచ్చిన ఇంటర్వ్యూలో పలు విషయాలు వెల్లడించారు.రాష్ట్రంలో కాంగ్రెస్‌ ప్రభుత్వం ఉన్నా బీఆర్‌ఎస్‌ ఎమ్మెల్యేగా స్థానిక సమస్యల పరిష్కారం కోసం కృషి చేస్తానని స్పష్టం చేశారు. అలాగే తమ ప్రభుత్వ హయాంలో ప్రారంభించిన పనులు కూడా పూర్తిచేసేందుకు తమవంతు శ్రమిస్తానని అన్నారు. వివరాలు ఆమె మాటల్లోనే..సమస్యలపై నిత్య పోరాటంప్రజా సమస్యలపై నిత్యం పోరాడుతూ ఉంటా. నియోజకవర్గంలో అనేక సమస్యలు ఉన్నప్పటికీ ప్రధానంగా విద్య, వైద్యం మెరుగుపడాల్సిన అవసరం ఉంది. ఇందుకు నా వంతు కృషి చేస్తా. ప్రజలకు అందుబాటులో ఉంటూ అభివృద్ధిపై దృష్టి సారిస్తా. బీఆర్‌ఎస్‌ ప్రభుత్వ హయాంలో పోరాడి కుమురంభీం పేరిట కొత్త జిల్లా సాధించుకున్నాం. పాలనను ప్రజలకు చేరువ చేశాం. బీఆర్‌ఎస్‌ పాలనలో ఆసిఫాబాద్‌ అసెంబ్లీ పరిధిలోని పల్లెలు ఎంతో అభివృద్ధి చెందాయి. జిల్లా కేంద్రంలో సమీకృత కలెక్టరేట్‌, జిల్లా ఎస్పీ కార్యాలయంతో పాటు ప్రభుత్వ మెడికల్‌ కళాశాల అందుబాటులోకి వచ్చింది. ప్రస్తుతం వైద్య కళాశాల, ప్రభుత్వ ఆస్పత్రిలో వైద్యుల కొరత వేధిస్తోంది. రోగులకు అవసరమైన మందులు పూర్తిస్థాయిలో లేవు. కేవలం ప్రభుత్వ ఆస్పత్రి రెఫరల్‌ కేంద్రంగా మారింది. ఖాళీలు భర్తీ చేసి వైద్య సేవలు మెరుగుపర్చాలి.అభివృద్ధిలో వివక్షగతంలో మన ఊరు– మన బడి పథకం పేరుతో ప్రభుత్వ పాఠశాలల అభివృద్ధికి శ్రీకారం చుట్టాం. ప్రస్తుత ప్రభుత్వం అమ్మ ఆదర్శ పాఠశాల పేరుగా మార్చింది. గతంలో చేసిన పనులకే కాంట్రాక్టర్లకు బిల్లులు చెల్లించలేదు. ఆసిఫాబాద్‌ నియోజకవర్గంలో ప్రతిపక్ష పార్టీ అభ్యర్థిగా నేను విజయం సాధించా. అభివృద్ధి విషయంలో ప్రభుత్వానికి వివక్ష తగదు. అభివృద్ధి, సంక్షేమ పథకాల అమలులో రాష్ట్రంలోని అన్ని నియోజకవర్గాలకు సమాన ప్రాధాన్యత ఇవ్వాలి. బీఆర్‌ఎస్‌, విపక్ష ఎమ్మెల్యేలకు ఒక్కరూపాయి నిధులు ఇవ్వడం లేదు. పోలీసులను గుప్పిట్లో ఉంచుకొని ప్రతిపక్షాలను ప్రభుత్వం అణగదొక్కాలని చూస్తోంది. ఈ విషయాన్ని అసెంబ్లీలో లేవనెత్తుతా. రాజకీయాలకు అతీతంగా అభివృద్ధి పనులు చేపట్టాలి.పారిశ్రామికంగా అభివృద్ధి జరగాలిఅన్ని రంగాల్లో వెనుకబడిన జిల్లాలో పారిశ్రామికంగా అభివృద్ధి జరగాలి. అప్పుడే గిరిజన, గిరిజనేతర యువతకు ఉపాధి లభిస్తుంది. గతంలో వాంకిడి మండలం బెండార శివారులో ఫుడ్‌ ప్రాసెసింగ్‌ యూనిట్‌ కోసం 1000 ఎకరాల స్థలం గుర్తించాం. పరిశ్రమల స్థాపనపై పాలక వర్గం దృష్టి సారించడం లేదు. పరిశ్రమలు ప్రోత్సహిస్తూ యువతకు ఉపాధి చూపాలి. బీఆర్‌ఎస్‌ హయాంలో జిల్లా కేంద్రంలో డైట్‌ కళాశాల మంజూరు చేసినప్పటికీ రెండేళ్లుగా ప్రారంభించడం లేదు. ఆరు గ్యారంటీలతో అధికారంలోకి వచ్చిన కాంగ్రెస్‌ వాటిని అమలు చేయడంతో విఫలమైంది.నిలిచిన రహదారుల నిర్మాణంనియోజకవర్గానికి సరిపడా నిధులు ఇవ్వడం లేదు. తమ ప్రభుత్వ హయాంలోనే రహదారుల నిర్మాణానికి టెండర్‌ ప్రక్రియ పూర్తి చేశాం. తిర్యాణి మండలం గుండాల, మంగీ వంతెన నిర్మాణ పనులు ముందుకు సాగడం లేదు. ఆసిఫాబాద్‌ మండలం అప్పపల్లి వంతెన నిర్మాణానికి రూ.1.80 కోట్లు మంజూరయ్యాయి. ఉమ్మడి జిల్లా మంత్రి సీతక్క సైతం ఆ గ్రామాన్ని సందర్శించినప్పటికీ పనులు ముందుకు సాగడం లేదు. గుండి వంతెనను కూడా మంత్రి పలుమార్లు పరిశీలించినా పనులు ముందుకు సాగడం లేదు. బ్రిడ్జి ఎత్తు, వెడల్పు పెంచా ల్సిన అవసరం ఉంది. రాష్ట్రంలోని అన్ని జిల్లాలకు సోషల్‌ వెల్ఫేర్‌ ఇంటిగ్రేటెడ్‌ వసతి గృహాలు మంజూరు చేసింది. కానీ గిరిజనులు ఎక్కువగా ఉన్న జిల్లాకు మంజూరు చేయలేదు. అధికార పార్టీ ఉన్నచోట అన్ని జిల్లాలకు అభివృద్ధిలో ప్రాధాన్యత ఇస్తున్నారు. ఇక్కడ వివక్ష చూపిస్తున్నారు. ప్రతిపక్ష పార్టీ ఉన్నచోట ఒక్క రూపాయి ఇవ్వడం లేదు. నాలుగేళ్ల తర్వాత రాష్ట్రంలో బీఆర్‌ఎస్‌ తిరిగి అధికారంలోకి వస్తుందనే నమ్మకం ఉంది. ప్రజలు మా వైపే ఉన్నారు. త్వరలో జరిగే స్థానిక ఎన్నికల్లో సైతం సత్తా చాటుతాం.

తిర్యాణి: జిల్లాలో చలి తీవ్రత రోజురోజుకు పెరుగుతోంది. సోమవారం జిల్లాలోని దాదా పు 12 మండలాల్లో పది డిగ్రీల సెల్సియస్‌లోపే కనిష్ట ఉష్ణోగ్రతలు నమోదయ్యాయి. సిర్పూర్‌(యూ)లో అత్యల్పంగా 6.7 డిగ్రీల కనిష్ట ఉష్ణోగ్రత నమోదు కాగా, తిర్యాణిలో 7.2, కెరమెరిలో 7.3, వాంకిడిలో 7.5, ధనోరాలో 7.8, కాగజ్‌నగర్‌లో 8.4, రెబ్బెనలో 9.1, చింతలమానెపల్లి, సిర్పూర్‌(టి)లో 9.2, బెజ్జూర్‌, జైనూర్‌లో 9.4, దహెగాంలో 9.6, ఆసిఫాబాద్‌లో 9.8 డిగ్రీల కనిష్ట ఉష్ణోగ్రతలు నమోదయ్యాయి. ఏజెన్సీ ప్రాంతాల్లోని ప్రజలు ఈదురుగాలులకు వణుకుతున్నారు. రానున్న మూడు రోజులపాటు చలితీవ్రత మరింత ఎక్కువగా ఉంటుందని వాతావరణ శాఖ అధికారులు హెచ్చరిస్తున్నారు.నేడు పంచాయతీ కార్మికుల ధర్నాఆసిఫాబాద్‌అర్బన్‌: గ్రామ పంచాయతీ కార్మి కులకు రాష్ట్ర ప్రభుత్వం ఇచ్చిన హామీలు అమలు చేయాలని రాష్ట్ర జేఏసీ పిలుపు మేర కు మంగళవారం హైదరాబాద్‌లోని ఇందిరా పార్క్‌ వద్ద ధర్నా నిర్వహిస్తున్నట్లు జీపీ కా ర్మికుల యూనియన్‌ నాయకులు తెలిపారు. జిల్లా కేంద్రంలోని డీపీవో కార్యాలయంలో సోమవారం ధర్నా నోటీసు అందించారు. యూనియన్‌ జిల్లా ప్రధాన కార్యదర్శి పెర్క శ్రీకాంత్‌ మాట్లాడుతూ జీవో నంబర్‌ 51 సవరించాలని, మల్టీపర్పస్‌ కార్మిక విధానాన్ని రద్దు చేయాలని డిమాండ్‌ చేశారు. పంచాయ తీ సిబ్బందికి ఉద్యోగ భద్రత కల్పించాలని, రి టైర్మెంట్‌ బెన్ఫిట్‌ కింద రూ.5లక్షలు చెల్లించా లని, ఇన్సూరెన్స్‌, ఈఎస్‌ఐ, పీఎఫ్‌ సౌకర్యం కల్పించాలన్నారు. కార్యక్రమంలో నాయకులు మహేశ్‌, నగేశ్‌ తదితరులు ఉన్నారు.18న యూటీఎఫ్‌ మహాసభఆసిఫాబాద్‌రూరల్‌: కాగజ్‌నగర్‌ పట్టణంలో ఈ నెల 18న టీఎస్‌ యూటీఎఫ్‌ ఐదో మహా సభ నిర్వహిస్తున్నట్లు జిల్లా ప్రధాన కార్యదర్శి ఇందురావు తెలిపారు. జిల్లా కేంద్రంలో సోమవారం ఏర్పాటు చేసిన సమావేశంలో ఆయన మాట్లాడారు. మహాసభకు ముఖ్య అతిథులుగా రాష్ట్ర ప్రధాన కార్యదర్శి రవి, కార్యదర్శి శ్రీధర్‌ హాజరవుతారని తెలిపారు. జిల్లా, మండల కమిటీ సభ్యులు తరలిరావా లని పిలుపునిచ్చారు. సమావేశంలో నాయకులు హేమంత్‌, రమేశ్‌, గణేష్‌, సత్యనారాయణ, నగేశ్‌ తదితరులు పాల్గొన్నారు.నేడు జిల్లాస్థాయి అథ్లెటిక్స్‌ ఎంపిక పోటీలుఆసిఫాబాద్‌రూరల్‌: జిల్లా కేంద్రంలోని గిరిజ న ఆదర్శ క్రీడాపాఠశాలలో మంగళవారం జిల్లాస్థాయి అథ్లెటిక్స్‌ ఎంపిక పోటీలు నిర్వహిస్తున్నట్లు అథ్లెటిక్స్‌ అసోసియేషన్‌ జిల్లా కార్యదర్శి శంకర్‌ ఒక ప్రకటనలో తెలిపారు. అండర్‌ 16, 18, 20 విభాగాల్లో పోటీలు ఉంటాయని పేర్కొన్నారు. క్రీడాకారులు బోనఫైడ్‌, పదో తరగతి మార్కుల మెమో తీసుకురావాలన్నారు. వివరాలకు 80080 90626 నంబర్‌లో సంప్రదించాలని కోరారు.

● కుదేలైన స్థిరాస్తి వ్యాపారం ● ఉమ్మడి జిల్లాలో ప్లాట్ల విక్రయాలు డౌన్‌ ● తగ్గిన డాక్యుమెంట్లు.. సర్కారు ఆదాయంపై ప్రభావం ● ‘అనధికార’ రిజిస్ట్రేషన్ల నిలుపుదలతోనే.. ● మార్కెట్లో ఆర్థిక ఒడిదొడుకులూ కారణంసాక్షి,ఆదిలాబాద్‌: ఈ ఏడాది రియల్‌ ఎస్టేట్‌ రంగం పడిపోయింది. రిజిస్ట్రేషన్లలో మందగమనం చోటు చేసుకుంది. డాక్యుమెంట్ల సంఖ్య గణనీయంగా తగ్గిపోగా ఆ ప్రభావం ఆదాయంపై పడింది. ఉమ్మడి ఆదిలాబాద్‌ జిల్లాలోని అన్ని ముఖ్య పట్టణాల్లో నాన్‌ అగ్రికల్చర్‌ రిజిస్ట్రేషన్లు భారీగా పడిపోయాయి. ప్లాట్ల విక్రయాలు నిలిచిపోయాయి. దీనికి ప్రధాన కారణం.. అనధికార లేఅవుట్‌లో రిజిస్ట్రేషన్లు నిలిచిపోవడమే. సుప్రీంకోర్టు ఆదేశాలు, ప్రభుత్వ చర్యల కారణంగా ఈ పరిస్థితులు చోటు చేసుకున్నాయని స్థిరాస్తి వ్యాపారులు అభిప్రాయ పడుతున్నారు. మార్కెట్లో ఆర్థిక ఒడిదొడుకులు కూడా కారణం అన్న అభిప్రాయం వ్యక్తమవుతుంది. మొత్తంగా ప్రభుత్వానికి అత్యధిక ఆదాయాన్నిచ్చే వనరుల్లో ఒకటైన రిజిస్ట్రేషన్ల శాఖ నుంచి ఈ ఏడాది ఆదాయం తగ్గుముఖం పట్టింది. వ్యవసాయ భూములకు సంబంధించిన రిజిస్ట్రేషన్లను రెవెన్యూశాఖ తహసీల్దార్లు చేపడుతుండగా, నాన్‌ అగ్రికల్చర్‌ భూములను రిజిస్ట్రేషన్ల శాఖ ద్వారా చేపడుతున్నారు. ఉమ్మడి జిల్లా పరిధిలో ఆదిలాబా ద్‌, బోథ్‌, నిర్మల్‌, భైంసా, ఖానాపూర్‌, లక్సెట్టిపేట, మంచిర్యాల, ఆసిఫాబాద్‌లో సబ్‌రిజిస్ట్రార్‌ కార్యాలయాలు ఉన్నాయి. ఈ కార్యాలయాల్లో ప్లాట్ల క్రయ, విక్రయాలకు సంబంధించి రిజిస్ట్రేషన్లు కొనసాగుతున్నాయి. తగ్గిన డాక్యుమెంట్ల సంఖ్య..● ఆదిలాబాద్‌ జిల్లాలో 2021లో 16,112 డాక్యుమెంట్ల రిజిస్ట్రేషన్లు కాగా, 2022లో 12,280, 2023 లో 13,327, 2024లో 10,070కి పడిపోయింది. ● నిర్మల్‌లో 2020–21లో 17,788 డాక్యుమెంట్లు కాగా, 2022లో 16,009, 2023లో 18,695 కాగా, 2024లో 13,660కి తగ్గింది. ● మంచిర్యాలలో 2021లో 18,260 డాక్యుమెంట్లు రిజిస్ట్రేషన్లు కాగా, 2022లో 23,326 డాక్యుమెంట్లు, 2023లో 26,956 నమోదు కాగా, ఈ ఏడాది మాత్రం 17,883కు తగ్గిపోయింది. ● కుమురంభీం ఆసిఫాబాద్‌లో 2021లో 2,413, 2022లో 2,810, 2023లో 2,385, 2024లో మా త్రం 1,884కు తగ్గింది. ఈ ప్రభావం ఆదాయంపై పడింది. గణనీయంగా రాబడి తగ్గింది. కారణాలు ఇవి..ముఖ్యంగా పట్టణాల్లో అనధికారిక లేఅవుట్లు విచ్చలవిడిగా ఏర్పాటయ్యాయి. ఏళ్లుగా ఈ లేఅవుట్లలో ప్లాట్ల క్రయ విక్రయాలు కొనసాగుతూ వచ్చాయి. దీంతో ప్రభుత్వానికి ఆదాయం భారీగా లభించింది. అయితే 2019లో బీఆర్‌ఎస్‌ ప్రభుత్వం జీవో 257ను తీసుకువచ్చింది. ఆ ప్రకారం డీటీసీపీ, ఎల్‌ఆర్‌ఎస్‌ లేనటువంటి ప్లాట్ల రిజిస్ట్రేషన్ల విషయంలో నిబంధనలను అమలు చేసింది. ఆ జీవో తర్వాత పలువురు ప్లాట్ల విక్రయదారులు హైకోర్టును ఆశ్రయించి స్టే తీసుకురావడంతో ఆ తర్వాత కూడా రిజిస్ట్రేషన్లు జరుగుతూనే వచ్చాయి. 2021 వరకు ఉమ్మడి ఆదిలాబాద్‌ జిల్లాలో ఇటు డాక్యుమెంట్ల రిజిస్ట్రేషన్లు, ఆదాయం గణనీయంగా లభించింది. అయితే ఆ తర్వాత సంవత్సరాల్లో మాత్రం డాక్యుమెంట్ల సంఖ్యతో పాటు ఆదాయం క్రమంగా తగ్గుతూ వచ్చింది. ఈఏడాది గణనీయంగా తగ్గింది. సుప్రీంకోర్టు ఆదేశాలు, కాంగ్రెస్‌ ప్రభుత్వం జీవో 257 అమలును కఠినతరం చేయడంతో ఈ ఏడాది మార్కెట్లో ప్లాట్ల క్రయ విక్రయాల్లో మందగమనం స్పష్టంగా కనిపిస్తుంది. ఆదిలాబాద్‌లో రాజీవ్‌ స్వగృహ ప్లాట్ల విక్రయాలు పెద్ద ఎత్తున జరగడం, ఆ ఆదాయం నేరుగా ప్రభుత్వానికే చేరడంతో మార్కెట్లో ఆర్థిక లావాదేవీలు నిలిచిపోయాయి. ఇది కూడా ఆదిలాబాద్‌లో ఆదాయం తగ్గడానికి ఒక కారణంగా నిలుస్తుంది. మార్కెట్లో ఆర్థిక ఒడిదొడుకులు కూడా ప్లాట్ల విక్రయాలు గణనీయంగా తగ్గడానికి ఒక కారణంగా రియల్‌ ఎస్టేట్‌ నిపుణులు అభిప్రాయ పడుతున్నారు.ఉమ్మడి జిల్లాలో గడిచిన నాలుగేళ్లలో రిజిస్ట్రేషన్‌ శాఖకు సమకూరిన ఆదాయం వివరాలు (రూ.కోట్లలో)ఆదిలాబాద్‌లోని ఓ వెంచర్‌జిల్లా 2021 2022 2023 2024 ఆదిలాబాద్‌ 87.86 79.80 62.35 35.35 నిర్మల్‌ 49.04 48.92 64.22 29.74 మంచిర్యాల 44.28 76.93 72.51 59.98 కుమురంభీం 55.91 79.37 59.59 04.9హెచ్చు తగ్గులు సహజమే.. రియల్‌ ఎస్టేట్‌ వ్యాపారంలో హెచ్చుతగ్గులు సహజమే. ఈ ఏడాది డాక్యుమెంట్ల సంఖ్య తగ్గింది. ప్రభుత్వ ఆదాయంపై ప్రభావం చూపింది. మార్కెట్లో ఒడిదొడుకులు తగ్గితే డాక్యుమెంట్ల సంఖ్యతో పాటు ఆదాయం పెరుగుతుంది. – ఎం.రవీందర్‌రావు, డీఆర్‌, జిల్లా రిజిస్ట్రార్‌, ఆదిలాబాద్‌అనధికార లేఅవుట్లలో రిజిస్ట్రేషన్లు నో.. అనధికార లేఅవుట్లలో రిజిస్ట్రేషన్లు కొంత కాలంగా జరగడం లేదు. మార్కెట్లో ప్లాట్ల విక్రయాలు పూర్తిగా నిలిచిపోయాయి. పాత లేఅవుట్లకు డీటీసీపీ అప్రూవల్‌ లేవు. జీవో 257 అమలు కంటే ముందు ఏర్పడిన ఈ లేఅవుట్లలో గతంలో ఒకరి నుంచి మరొకరికి ప్లాట్ల విక్రయాలు జరిగేవి. ప్రస్తుతం డీటీసీపీ అప్రూవల్‌ ఉన్న లేఅవుట్‌ ప్లాట్ల రిజిస్ట్రేషన్లు మాత్రమే చేస్తున్నారు. – శ్రీధర్‌, డాక్యుమెంట్‌ రైటర్‌, ఆదిలాబాద్‌

● లక్ష్యానికి దూరంగా ధాన్యం కొనుగోళ్లు ● ప్రభుత్వం బోనస్‌ ప్రకటించినా ప్రైవేట్‌కే మొగ్గు ● తుదిదశకు చేరుకున్న వరికోతలుదహెగాం(సిర్పూర్‌): సన్నరకం వరిధాన్యం క్వింటాల్‌కు రూ.500 బోనస్‌ ఇస్తామని రాష్ట్ర ప్రభుత్వం ప్రకటించినా జిల్లా రైతులు మాత్రం ప్రభుత్వ కొనుగోలు కేంద్రాల్లో ధాన్యం విక్రయించేందుకు మొగ్గు చూపడం లేదు. గతంలో ఎన్నడూ లేని విధంగా లక్ష్యానికి దూరంగా కొనుగోళ్లు సాగుతున్నాయి. అన్నదాతలు ఎక్కువగా ప్రైవేటు వ్యాపారులకే విక్రయించారు. జిల్లాలో అక్టోబర్‌లోనే వరిధాన్యం కొనుగోలు కేంద్రాలను ప్రారంభించారు. అయితే మిగిలిన జిల్లాలతో పోలిస్తే ఇక్కడ వరికోతలు ఆలస్యంగా మొదలయ్యాయి. ప్రస్తుతం తుదిదశకు చేరుకున్నా కేంద్రాలకు ధాన్యం ఆశించిన మేర రాకపోవడం గమనార్హం. 55 వేల ఎకరాల్లో సాగుజిల్లా రైతులు పత్తి పంట తర్వాత వానాకాలం సీజన్‌లో అత్యధికంగా 55 వేల ఎకరాల్లో వరి సాగు చేశారు. సాగునీటి సౌకర్యం అంతంతే ఉన్నా చెరువులు, కుంటలు, బోరుబావులు, వర్షాధారంగా పంట పండించారు. ప్రభుత్వం ఏ గ్రేడ్‌ ధాన్యం క్వింటాల్‌కు రూ.2,320, బీ గ్రేడ్‌ రకానికి రూ.2,300 మద్దతు ధర ప్రకటించింది. అలాగే రాష్ట్రప్రభుత్వం సన్నరకం ధాన్యం సాగు ను ప్రోత్సహించేందుకు క్వింటాల్‌కు రూ.500 బోనస్‌ అందజేస్తామని ప్రకటించింది. అయితే నిబంధనలు రైతులకు ఇబ్బందిగా మారాయి. తేమశాతం 17కు మించకుండా ఉండడంతో పాటు తప్ప, తాలు లేకుండా తూర్పారా పట్టా ల్సి ఉంటుంది. వ్యాపారులు మాత్రం తేమశా తం పట్టించుకోకుండా హమాలీ చార్జీలు లేకుండానే క్వింటాలుకు రూ.2,600 నుంచి రూ. 2,700 చెల్లిస్తున్నారు. అధికారులు నిర్దేశించుకున్న లక్ష్యం ప్రకారం ఈ సీజన్‌లో జిల్లావ్యాప్తంగా 57 వేల మెట్రిక్‌ టన్నుల ధాన్యం సేకరించా లి. రైతులకు ఇబ్బందులు లేకుండా అక్టోబర్‌లో నే రాష్ట్రవ్యాప్తంగా ప్రభుత్వం ధాన్యం కొనుగో లు కేంద్రాలను ప్రారంభించింది. ఆయా కేంద్రాల ద్వారా ఇప్పటివరకు 2,434 మెట్రిక్‌ ట న్నుల ధాన్యం కొనుగోలు చేశారు. చాలా మంది రైతులు ప్రైవేటుకే విక్రయించారు. మొత్తం 2,434 క్వింటాళ్లు కొనుగోలు చేస్తే ఇందులో సన్నరకం ధాన్యం 2,210 మెట్రిక్‌ టన్నులు ఉండగా, దొడ్డురకం కేవలం 224 మెట్రిక్‌ టన్నులు మాత్రమే. డిమాండ్‌ దృష్ట్యా ప్రైవేటు వ్యాపారులు, మిల్లర్లు రైతుల వద్ద నుంచి నేరుగా ధాన్యం కొనుగోలు చేస్తున్నారు. బియ్యంగా మార్చి కొన్ని రోజులు నిల్వ చేసుకున్న తర్వాత మార్కెట్‌లో విక్రయించనున్నారు. సన్నరకం బియ్యానికి క్వింటాల్‌కు రూ.7 వేల పైనే ధర పలికే అవకాశం ఉందని వ్యాపారులు చెబుతున్నారు. బోనస్‌ వచ్చింది వారం రోజుల క్రితం స్థానిక కొనుగోలు కేంద్రంలో 84 క్వింటాళ్ల వరిధాన్యం అమ్ముకు న్నా. క్వింటాల్‌కు రూ. 500 చొప్పున బోనస్‌ ఖాతాల్లో జమ అయ్యింది. ఇంకా 35 క్వింటాళ్ల వరకు ధాన్యం ఉంది. అది కూడా ప్రభుత్వం ఏర్పాటు చేసిన కొనుగో లు కేంద్రంలోనే సోమవారం విక్రయించినం. – సుంకరి బుచ్చమ్మ, మహిళా రైతు, దహెగాం వ్యాపారులకే అమ్మిన ఈ వానాకాలంలో నాకు సుమారు 68 క్వింటాళ్ల వడ్లు అయినయ్‌. సర్కారు వాళ్లకు అమ్ముదామంటే తేమ శాతం, తప్పతాలు తూర్పారా పట్టి అమ్మాలే. అదేమీ లేకుండా వడ్లను ఆరు రోజులు ఆరబెట్టి ప్రైవేటు వ్యాపారులకు రూ.2200 ధరతో అమ్మిన. ప్రభుత్వం ఏర్పాటు చేసిన కొనుగోలు కేంద్రాలకు అమ్మలేదు. – వడ్గూరి విజయ్‌, నక్కలగూడ, మం.రెబ్బెన జిల్లాలో ధాన్యం కొనుగోళ్ల వివరాలుసహకార సంఘం కొనుగోలు కేంద్రాలు 21ఐకేపీ కొనుగోలు కేంద్రాలు 13కొనుగోళ్ల లక్ష్యం 57వేల మెట్రిక్‌ టన్నులు కొనుగోలు చేసిన ధాన్యం 2,434 మెట్రిక్‌ టన్నులు సన్నాలు 2,210 మెట్రిక్‌ టన్నులు దొడ్డురకం 224 మెట్రిక్‌ టన్నులు బోనస్‌ పొందిన రైతులు ఐదుగురు 44 మందితో జాబితా.. ఐదుగురికి బోనస్‌హామీ మేరకు కాంగ్రెస్‌ ప్రభుత్వం సన్నరకం ధాన్యానికి క్వింటాల్‌కు రూ.500 బోనస్‌ చెల్లిస్తోంది. ఇప్పటివరకు జిల్లావ్యాప్తంగా 44 మంది రైతుల వివరాలతో జాబితాను ప్రభుత్వానికి పంపించారు. ఇందులో కేవలం ఐదుగురికి మాత్రమే బోనస్‌ వచ్చినట్లు అధికారులు తెలిపారు. శని, ఆదివారాలు సెలవులు రావడంతో బోనస్‌ రైతుల ఖాతాల్లో జమ కాలేదు. రెండు రోజుల్లో మిగిలిన వారి ఖాతాల్లో బోనస్‌ జమయ్యే అవకాశం ఉందని వారు చెబుతున్నారు. ధాన్యం డబ్బులు రైతుల ఖాతాల్లో జమ అయిన నాలుగైదు రోజుల్లోనే బోనస్‌ డబ్బులు డబ్బులు కూడా పడతాయని వివరించారు. దహెగాం మండలంలో ఇద్దరు, చింతలమానెపల్లి మండలంలో ముగ్గురు రైతులు బోనస్‌ పొందారు. అయితే ప్రభుత్వానికి విక్రయిస్తే క్వింటాలుకు బోనస్‌తో కలిపి రూ.2,800 వస్తుండగా, అదే వ్యాపారులకు విక్రయిస్తే క్వింటాలుకు రూ.2600 నుంచి రూ.2700 పొందుతున్నారు. క్వింటాలుకు రూ.100 నుంచి రూ.200 వరకు నష్టపోతున్నా ప్రైవేటులో నిబంధనలు లేకపోవడంతో వారికే విక్రయిస్తున్నామని రైతులు చెబుతున్నారు. అయితే గత వారం కురిసిన అకాల వర్షాలకు ధాన్యం తడిసి కేంద్రాలకు తీసుకురావడం లేదు.

● సింగరేణి సీఎండీ ఎన్‌.బలరాం ● శ్రీరాంపూర్‌, మందమర్రి ఏరియాల్లో పర్యటన శ్రీరాంపూర్‌/మందమర్రిరూరల్‌: నిర్దేశిత వార్షిక ఉత్పత్తి లక్ష్యాలు తప్పనిసరిగా సాధించాలని సింగరేని సీఎండీ ఎన్‌.బలరామ్‌ నాయక్‌ సూచించారు. శ్రీరాంపూర్‌ ఓసీపీని, మందమర్రి ఏరియాలోని కేకే–ఓసీపీని ఆదివారం సందర్శించారు. ఏరియాల జీఎంలు సూర్యనారాయణ, దేవేందర్‌, ఓపెన్‌కాస్ట్‌ ప్రాజెక్టు అధికారులు టి.శ్రీనివాస్‌, మల్లయ్య సీఎండీకి స్వాగతం పలికారు. వ్యూపాయింట్‌ నుంచి పని ప్రదేశాలను చూపెట్టారు. ఉత్పత్తి వివరాలను వెల్ల డించారు. ఈ సందర్భంగా సీఎండీ మాట్లాడుతూ బొగ్గు ఉత్పత్తితోపాటు ఓబీ లక్ష్యాలను కూడా సాఽ దించాలన్నారు. ఈ సంవత్సరం శ్రీరాంపూర్‌ ఓసీపీ 32 లక్షల టన్నుల బొగ్గు ఉత్పత్తిని సాధించాల్సి ఉందన్నారు. 330 లక్షల క్యూబిక్‌ మీటర్ల మట్టి కూడా వెలికితీయాలని తెలిపారు. రక్షణతో కూడిన ఉత్పత్తి, ఉత్పాదకత సాధించినప్పుడే సింగరేణి అభివృద్ధి చెందుతుందన్నారు. రక్షణకు తీసుకుంటున్న చర్యలపై ఆరా తీశారు. ఉత్పత్తి అయిన బొగ్గును సకాలంలో రవాణా చేయడం కూడా ఎంతో ముఖ్యమన్నారు. దీనికోసం తగిన చర్యలు తీసుకోవాలన్నారు. వినియోగదారులకు నాణ్యమైన బొగ్గును అందించాల్సిన బాధ్యత కంపెనీపై ఉందని తెలిపారు. అనంతరం గని ఆవరణలో మొక్కలు నాటారు. కార్యక్రమంలో ఓసీపీ మేనేజర్‌ బ్రహ్మాజీ, రక్షణ అధికారి శ్రీనివాస్‌, సర్వే అధికారి సంపత్‌, సెక్యూరిటీ అధికారి జక్కారెడ్డి తదితరులు పాల్గొన్నారు. ఏరియా ఆస్పత్రి సందర్శన..రామకృష్ణాపూర్‌: మందమర్రి ఏరియా పరిధి లోని రామకృష్ణాపూర్‌ సింగరేణి ఏరియా ఆస్పత్రిని సీఎండీ బలరాంనాయక్‌ ఆదివా రం సందర్శించారు. పలు వార్డులను సందర్శించి రోగులకు అందుతున్న వైద్య సేవల గురించి అడిగి తెలుసుకున్నారు. రోగులకు మెరుగైన వైద్యం అందించాలని వైద్యులకు సూచించారు. కార్యక్రమంలో మందమర్రి జీఎం దేవేందర్‌, శ్రీరాంపూర్‌ జీఎం సూర్యనారాయణ, ఏరియా ఎస్‌వోటూ జీఎం విజయ్‌ప్రసాద్‌, వైద్యాధికారులు, యూనియన్‌ నాయకులు, తదితరులు పాల్గొన్నారు.

● మొదటిరోజు 55 శాతం హాజరైన అభ్యర్థులు ● సెంటర్లను పర్యవేక్షించిన ఎస్పీ, కలెక్టర్‌ ● నిమిషం నిబంధనతో ముగ్గురు వెనక్కిఆసిఫాబాద్‌రూరల్‌: జిల్లాలో గ్రూప్‌–2 పరీక్ష మొదటిరోజు ఆదివారం ప్రశాంతంగా ముగిసింది. జిల్లా వ్యాప్తంగా ఆసిఫాబాద్‌లో 9, కాగజ్‌నగర్‌లో 9 సెంటర్లు ఏర్పాటు చేశారు. అభ్యర్థులు గంట ముందే పరీక్ష కేంద్రాలకు చేరుకున్నారు. ఉదయం 8:30 నుంచి అభ్యర్థులను కేంద్రాల్లోకి అనుమతించారు. ఉదయం 10 నుంచి మధ్యాహ్నం 12:30 గంటల వరకు జరిగిన మొదటి పేపర్‌కు 4,393 మంది అభ్యర్థులకుగానూ 2,455 మంది హాజరుకాగా 1,938 మంది గైర్హాజరయ్యారు. మధ్యాహ్నం 3 గంటల నుంచి సాయంత్రం 5:30 గంటల వరకు జరిగిన పరీక్షకు 4,393 అభ్యర్థులకుగానూ 2,440 మంది హాజరుకాగా 1,953 మంది గైర్హాజరయ్యారు. నిమిషం నిబంధనతో జిల్లా కేంద్రంలోని సెయింట్‌ మేరీ పాఠశాలలో ఒకరు, మోడల్‌ స్కూల్‌లో ఒకరు, గిరిజన బాలికల గురుకుల పాఠశాలలో ఒకరు పరీక్ష రాయకుండా వెనుదిరిగి వెళ్లిపోయారు. సెంటర్‌ల విజిట్‌ ....జిల్లా కేంద్రంలోని గిరిజన బాలికల, మోడల్‌ స్కూల్‌, మాతృ శ్రీ ప్రభుత్వ జూనియర్‌ కళాశాల, మోడల్‌ స్కూల్‌తో పాటు పలు సెంటర్‌లను కలెక్టర్‌ వెంకటేశ్‌ దోత్రే, అదనపు కలెక్టర్‌ దీపక్‌ తివారి, ఎస్పీ శ్రీనివాసరావు పర్యవేక్షించారు. గదుల్లో సరిపడా వెలుతురు ఉండేలా అధికారులు చర్యలు తీసుకోవాలని సూచించారు. పరీక్ష అనంతరం ఓఎంఆర్‌ షీట్స్‌ను స్ట్రాంగ్‌రూంకు తరలింపులో పోలీసు సిబ్బందికి ఎస్పీ తగు సూచనలు ఇచ్చారు. నేడు నిర్వహించనున్న పరీక్షకు అన్ని సౌకర్యాలు ఉండేలా తగు చర్యలు తీసుకోవాలని సంబంధిత అధికారులకు సూచించారు. పేపర్లు పటిష్ట బందోబస్తు..పరీక్ష పేపర్లను పోలీస్‌ బందోబస్తు మధ్య పరీక్షల నోడల్‌ అధికారి లక్ష్మీనరసింహ, అదనపు కలెక్టర్‌ దీపక్‌ తివారితో కలిసి కలెక్టర్‌ వెంకటేశ్‌ దోత్రే కలెక్టరేట్‌లో ఉన్న స్ట్రాంగ్‌ రూంలో భద్రపరిచారు. ప్రశ్నాపత్రాలు, ఓఎంఆర్‌ షీట్లను కేటాయించిన పరీక్ష కేంద్రాలకు పటిష్టమైన బందోబస్తు మధ్య నిర్ణీత సమయంలో తరలించాలని కలెక్టర్‌ అధికారులను ఆదేశించారు. పరీక్ష పూర్తికాగానే ఓఎంఆర్‌ షీట్లను స్ట్రాంగ్‌ రూంలో భద్రపరిచి పకడ్బందీగా బందోబస్తు నిర్వహించాలన్నారు. ఈ కార్యక్రమంలో పరీక్షల ప్రాంతీయ సమన్వయకర్త, రూట్‌ అధికారులు, పర్యవేక్షకులు, డీఎస్పీ, సీఐ, ఎస్సైలు పాల్గొన్నారు.

కేతిని ఆశ్రమ పాఠశాలలో వండిన పప్పుచింతలమానెపల్లి: ప్రభుత్వం ప్రతిష్ఠాత్మకంగా వసతి గృహాలలో కామన్‌ డైట్‌ కార్యక్రమాన్ని శనివారం ప్రారంభించింది. కానీ రెండవ రోజే ఆదివారం మండలంలోని కేతిని ఆశ్రమ పాఠశాల నిర్వాహకులు మెనూ ప్రదర్శించడంలో నిర్లక్ష్యం ప్రదర్శించారు. మధ్యాహ్న భోజనంలో విద్యార్థులకు నీళ్ల చారు, ఆకుగోబి కూర అందించారు. ఈ విషయంపై సిబ్బందిని ప్రశ్నించగా శనివారం పాఠశాలలో విద్యార్థుల తల్లిదండ్రులకు, అధికారులకు సమావేశం ఉండడంతో భోజనంలో చికెన్‌ అందించామని, దీంతో ఆదివారం కూరగాయ, పప్పు భోజనంలో అందించామన్నారు. శనివారం కోడిగుడ్ల కూర పెట్టాల్సి ఉండగా ఆదివారం సైతం అందించలేదు. సరైన భోజనం అందించడంలో క్షేత్రస్థాయిలో ప్రదర్శిస్తున్న నిర్లక్ష్యం ప్రభుత్వ లక్ష్యాలను నీరుగారుస్తోందనే అభిప్రాయాలు వ్యక్తమవుతున్నాయి.

ఆసిఫాబాద్‌రూరల్‌: రాష్ట్ర ప్రభుత్వం తమ న్యాయమైన డిమాండ్లు నేరవేర్చే వరకు సమ్మె ఆపేదిలేదని సమగ్ర శిక్షా ఉద్యోగుల సంఘం జిల్లా అధ్యక్షురాలు శృతిక అన్నారు. కలెక్టరేట్‌ ఎదుట చేపట్టిన సమ్మె ఆదివారం ఆరో రోజుకు చేరుకుంది. ఈ సందర్భంగా కాగజ్‌నగర్‌ ఎమ్మెల్యే హరీశ్‌బాబు సంఘీభావం తెలిపారు. ఈ సందర్భంగా ఆమె మాట్లాడుతూ 20 ఏళ్లుగా తక్కువ వేతనంతో పనిచేస్తున్నామన్నారు. సమగ్ర శిక్షా ఉద్యోగులందరిని విద్యాశాఖలో విలీనం చేసి రెగ్యులర్‌ చేయాలని, సమాన పనికి సమాన వేతనం, రూ.10 లక్షల జీవిత బీమా, ఆరోగ్యబీమా సౌ కర్యం, పదవీ విరమణ బెనిఫిట్స్‌, 12 నెలల వేతన స్కేల్‌ అమలు చేయాలన్నారు. ఈ కార్యక్రమంలో కేజీబీవీ, యూఆర్‌ఎస్‌ సమగ్ర శిక్షా సిబ్బంది తుకారాం, మోహన్‌, గాగేష్‌, సంతోష్‌, రాజేశ్‌, ప్రశాంత్‌, మల్లేశ్‌, రమాదేవి, ధర్మయ్య, తదితరులు పాల్గొన్నారు.

ఆసిఫాబాద్‌: ఉక్కుమనిషి, తొలి హోంశాఖ మంత్రి సర్దార్‌ వల్లభాయ్‌ పటేల్‌ సేవలు మరువలేనివని సిర్పూర్‌ ఎమ్మెల్యే పాల్వాయి హరీశ్‌బాబు, బీజేపీ జిల్లా అధ్యక్షుడు డాక్టర్‌ కొత్తపల్లి శ్రీనివాస్‌ అన్నారు. సర్దార్‌ వల్ల భాయ్‌ పటేల్‌ వర్ధంతిని పురస్కరించుకుని ఆదివారం జిల్లా కేంద్రంలోని పార్టీ కార్యాలయంలో ఆయన చిత్రపటానికి పూలమాలలు వేసి నివాళులర్పించారు. ఈ సందర్భంగా వారు వల్లబాయ్‌ పటేల్‌ దేశానికి చేసిన సేవలు కొనియాడారు. కార్యక్రమంలో జిల్లా ఎన్నికల రిటర్నింగ్‌ అధికారి అరుణ్‌కుమార్‌, మాజీ జెడ్పీటీసీ అరిగెల నాగేశ్వర్‌రావు, నాయకులు అరిగెల నాగేశ్వర్‌రావు, బోనగిరి సతీశ్‌బాబు, కొట్నాక విజయ్‌కుమార్‌, సొల్లు లక్ష్మి, అరిగెల మల్లికార్జున్‌, ఖాండ్రే విశాల్‌, జయరాజ్‌, తదితరులు పాల్గొన్నారు.