కై లాస్‌నగర్‌: పంచాయతీ ఎన్నికల నిర్వహణకు ప్రభుత్వం చకచకా ఏర్పాట్లు చేస్తోంది. ఎప్పుడు నోటిఫికేషన్‌ విడుదల చేసినా విజయవంతంగా నిర్వహించేందుకు వీలుగా కసరత్తు ముమ్మరం చేసింది. ఇప్పటికే ఓటర్ల జాబితా, పోలింగ్‌ కేంద్రాల గుర్తింపు చేపట్టిన అధికార యంత్రాంగం తాజాగా అభ్యర్థులకు కేటాయించనున్న గుర్తులను ఖరారు చేసింది. సర్పంచ్‌ అభ్యర్థులకు 30, వార్డు అభ్యర్థులకు 20 గుర్తులు కేటాయిస్తూ ఎన్నికల సంఘం ఆదేశాలు జారీ చేసింది. వాటికి అనుగుణంగా జిల్లా స్థాయిలో బ్యాలెట్‌ పేపర్ల ముద్రణకు అధికారులు చర్యలు చేపట్టారు. సర్పంచ్‌ అభ్యర్థుల గుర్తులుసర్పంచ్‌, వార్డుసభ్యుల ఎన్నికలు పార్టీ రహితంగా నిర్వహిస్తారు. ఈ నేపథ్యంలో గ్రామీణ ప్రాంతాల ప్రజలకు తెలిసిన గుర్తులు కేటాయించారు. సర్పంచ్‌ బ్యాలెట్‌ పత్రం గులాబీరంగులో ఉంటుంది. సర్పంచ్‌ అభ్యర్థులకు బ్యాట్‌, బ్యాట్స్‌మెన్‌, స్టంప్స్‌, ఉంగరం, కత్తెర, ఫుట్‌బాల్‌, లేడీ పర్స్‌, టీవీ రిమో ట్‌, టూత్‌పేస్ట్‌, పాన, చెత్తడబ్బా, బ్లాక్‌బోర్డ్‌, బెండకాయ, కొబ్బరితోట, డైమండ్‌, బకెట్‌, డోర్‌ హ్యాండిల్‌, టీజల్లెడ, చేతికర్ర, మంచం, పలక, టేబుల్‌, బ్యాటరీలైట్‌, బ్రష్‌, పడవ, బిస్కెట్‌, వేణువు, చైన్‌, చెప్పులు, గాలిబుడగ లాంటి గుర్తులు ఉంటాయి. వార్డు అభ్యర్థుల గుర్తులువార్డు అభ్యర్థుల బ్యాలెట్‌ తెలుపు రంగులో ఉంటుంది. గౌను, గ్యాస్‌స్టౌ, స్టూల్‌, సిలిండర్‌, బీరువా, ఈల, కుండ, డిష్‌ యాంటినా, గరాట, మూ కుడు, ఐస్‌క్రీమ్‌, గాజుగ్లాస్‌, పోస్టుడబ్బా, కవర్‌, హాకీ కర్రబంతి, నెట్‌, కటింగ్‌ ప్లేయర్‌, బాక్స్‌, విద్యుత్‌ స్తంభం, కేతిరి తదితర గుర్తులుంటాయి. బ్యాలెట్ల ముద్రణకు సర్వం సిద్ధంపంచాయతీ ఎన్నికల్లో వినియోగించే బ్యాలెట్‌ పేప ర్ల ముద్రణను జిల్లా స్థాయిలోనే చేపట్టాలని ఎన్ని కల సంఘం ఆదేశించింది. ఆయా జిల్లాల అధికారులు ఇందుకు కసరత్తు ప్రారంభించారు. బ్యాలెట్‌ల ముద్రణకుఏ ఇప్పటికే ఆయా జిల్లాల ప్రింటింగ్‌ ప్రెస్‌ల యజమానులు దరఖాస్తు చేసుకోగా, వారికి అధికారులు బాధ్యతలు అప్పగించనున్నారు. నోటా కూడా..ఎన్నికల్లో పోటీ చేసే అభ్యర్థులు ఎవరు నచ్చకుంటే వారిని తిరస్కరించే అవకాశాన్ని ఓటర్లకు ఈసీ కల్పి ంచింది. బరిలో నిలిచిన అభ్యర్థులతో పాటు నోటా గుర్తును బ్యాలెట్‌ పేపర్‌పై ముద్రించనున్నారు. పోటీలో ఎందరు అభ్యర్థులున్నా వారి గుర్తులతో పాటు అదనంగా నోటాను ముద్రించనున్నారు. సర్పంచులకు 30.. వార్డు సభ్యులకు 20 ‘బ్యాలెట్‌’ పేపర్ల ముద్రణకు కసరత్తు షురూ మొదలైన బాక్సుల మరమ్మతులు

కాగజ్‌నగర్‌రూరల్‌: ప్రభుత్వ సంక్షేమ ఫలాలు అర్హులందరికీ అందేలా చూడాలని కలెక్టర్‌ వెంకటేశ్‌ దోత్రె అన్నారు. ఆదివారం కాగజ్‌నగర్‌ పట్టణంలో ని సబ్‌కలెక్టర్‌ కార్యాలయంలో రైతు భరోసా, రేషన్‌కార్డుల జారీపై సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ సాగుకు యోగ్యం కాని రాళ్లు, గుట్టలు, నివాస గృహాలు, వెంచర్లు, లేఅవుట్లు, అభివృద్ధిలో భాగంగా ప్రభుత్వం సేకరించిన భూములు, ఇరిగేషన్‌ భూములు, చెరువులు, కాలువలు, రహదారులు, రైల్వేలైన్‌ల కోసం కేటాయించిన భూములను రైతు భరోసా నుంచి తొలగించేందుకు చర్యలు తీసుకోవాలన్నారు. సర్వే సిబ్బంది క్షేత్రస్థాయిలో పరిశీలించి జాబితాను రూపొందించాలన్నారు. అర్హత గల ప్రతీ కుటుంబానికి రేషన్‌కార్డు అందేలా చూడాలన్నారు. సంక్షేమ పథకాలను సమర్ధవంతంగా అమలు చేసేందుకు పథకాల వారీగా అధికారులను నియమించి తగు చర్యలు తీసుకుంటామన్నారు. అనంతరం మండలంలోని ఎన్జీవోస్‌ కాలనీలో రేషన్‌కార్డుల సర్వే ప్రక్రియను పరిశీలించారు. ఈకార్యక్రమంలో సబ్‌కలెక్టర్‌ శ్రద్ధా శుక్లా, తహసీల్దార్‌ కిరణ్‌, డివిజన్‌లోని తహసీల్దార్లు, వ్యవసాయశాఖ అధికారులు, తదితరులు పాల్గొన్నారు. ● కలెక్టర్‌ వెంకటేశ్‌ దోత్రే

ఆసిఫాబాద్‌అర్బన్‌: గ్రామీణ ఆర్థిక వ్యవస్థలో ప్రధానమైన వ్యవసాయ రంగానికి వెన్నుదన్నుగా నిలిచే సహకార సంఘాలను మరింత బలోపేతం చేసే దిశగా రాష్ట్ర ప్రభుత్వం అడుగులు వేస్తోంది. ఇందులో భాగంగా సహకార సంఘాల సేవలను మరింత విస్తరించాలని ప్రభుత్వం నిర్ణయించింది. ఈ మేరకు జిల్లా వ్యాప్తంగా నూతన ప్రాథమిక వ్యవసాయ సహకార సంఘాల ఏర్పాటుకు ప్రతిపాదనలు పంపించారు. ముందుగా ఆయా పీఏసీఎస్‌లు, ఎమ్మెల్యేల నుండి ప్రతిపాదనలను జిల్లా సహకార శాఖ స్వీకరించింది. జిల్లాలో నూతనంగా 3 సంఘాలు ఏర్పాటు చేసేందుకు ప్రతిపాదించారు. గ్రామాల్లో సేవల విస్తరణకు..జిల్లా వ్యాప్తంగా ప్రస్తుతం 12 ప్రాథమిక వ్యవసాయ సహకార సంఘాలు ఉన్నాయి. అందులో 23,788 మంది సభ్యులు ఉన్నారు. విత్తనాలు, ఎరువులు, పురుగు మందుల విక్రయాలు, ప్రభుత్వ ఆధ్వర్యంలో ధాన్యం కొనుగోలు, పంట రుణాల పంపిణీ, గిడ్డంగులు, పెట్రోల్‌ బంకులు, ఇలా పలు సేవలను రైతులకు అందిస్తున్నాయి. కొత్తగా మండలాలు ఏర్పడినప్పుటికీ మండల కేంద్రాల్లో పీఏసీఎస్‌లు లేవు. ఈ క్రమంలో అన్ని మండల కేంద్రాల్లో, అవసరం ఉన్న గ్రామాల్లో సహకార సంఘాలను ఏర్పాటు చేసేందుకు ప్రభుత్వం దృష్టి సారిస్తోంది. 15కు చేరనున్న సంఘాలుగతంలో నష్టాల్లో ఉన్న సంఘాలను మరో సంఘంలో విలీనం చేశారే తప్పా కొన్నేళ్లుగా నూతన సంఘాలు ఏర్పాటు చేయలేదు. పలు పాత, కొత్త మండల కేంద్రాల్లో సైతం సంఘాలు ఏర్పాటు చేయలేదు. గత ప్రభుత్వం మండలానికి రెండు చొప్పున సంఘాలు ఏర్పాటు చేసేందుకు ప్రతిపాదనలు స్వీకరించింది. కానీ ఆచరణకు నోచుకోలేదు. కొత్తగా 3 సంఘాలు ఏర్పాటు చేస్తే జిల్లాలో సహకార సంఘాల సంఖ్య 15కు చేరనుంది. దీంతో రైతులకు అందుబాటులో సేవలు మరింత చేరువయ్యే అవకాశం ఉంది. ప్రతిపాదనలు పంపించాం ప్రభుత్వ ఆదేశాల మేరకు జిల్లా వ్యాప్తంగా ప్రతిపాదనలు స్వీకరించాం. అందరి అభిప్రాయాలు తీసుకుని నివేదించాం. జిల్లాలో కొత్తగా పెంచికల్‌పేట్‌, చింతలమానెపల్లి, లింగాపూర్‌లో సంఘాలను ఏర్పాటు కోసం ప్రతిపాదనలు పంపించాం. నూతనంగా ఏర్పడే సంఘాలతో రైతులకు మరింత మేలు జరిగే అవకాశం ఉంది. – రాథోడ్‌ బిక్కు, జిల్లా సహకార అధికారి

● బీఆర్‌ఎస్‌ నేత ఆర్‌ఎస్‌ ప్రవీణ్‌కుమార్‌కాగజ్‌నగర్‌రూరల్‌: టైగర్‌ రిజర్వు ప్రాంతంగా పరిగణిస్తూ మానిక్‌పటార్‌ గ్రామాన్ని తొలగిస్తే ఊరుకునేదిలేదని బీఆర్‌ఎస్‌ నేత డాక్టర్‌ ఆర్‌ఎస్‌ ప్రవీణ్‌కుమార్‌ అన్నారు. ఆదివారం కాగజ్‌నగర్‌ మండలంలోని మానిక్‌పటార్‌ గ్రామాన్ని సందర్శించారు. ఈసందర్భంగా గ్రామస్తులు ఆయనకు ఘనస్వాగతం పలికారు. అనంతరం ఆయన మాట్లాడుతూ 70 ఏళ్లుగా నివాసం ఉంటున్న గ్రామస్తులకు ఎలాంటి సౌకర్యాలు కల్పించడంలేదని, కనీసం పక్కా ఇళ్లు, రోడ్డు సౌకర్యంలేదన్నారు. కనీస మౌళిక సదుపాయాలు కల్పించలేదన్నారు. గోండు వీరుడు కుమురంభీం ఉద్యమకాలం నుంచి ఈ గ్రామం ఉందని, ఇప్పుడు తీసివేస్తే ఇక్కడి ప్రజలు ఎక్కడికి వెళ్లాలని ప్రశ్నించారు. కుమురంభీం స్పూర్తితో ప్రజ ల కోసం పోరాడుతామన్నారు. తెలంగాణ తొలి ముఖ్యమంత్రి కేసీఆర్‌ భూములకు పట్టాలిచ్చి రైతుబంధు, రైతుబీమా పథకాలు ప్రవేశపెట్టి ఆదుకుంటే ప్రస్తుత ముఖ్యమంత్రి రేవంత్‌రెడ్డి కనీసం పట్టా భూములకు రుణం కూడా ఇచ్చే పరిస్థితిలేదన్నారు. ఈ కార్యక్రమంలో బీఆర్‌ఎస్‌ నియోజకవర్గ కన్వీ నర్‌ లెండుగురె శ్యాంరావు, కో కన్వీనర్‌ రాంప్రసా ద్‌, యూత్‌ కన్వీనర్‌ రాజు, కాగజ్‌నగర్‌ మండల క న్వీనర్‌ ఆవుల రాజ్‌కుమార్‌, నాయకులు నవీన్‌, షే క్‌చాంద్‌, అస్లాం, వాసు, తదితరులు పాల్గొన్నారు.

బెజ్జూర్‌: సిర్పూర్‌ నియోజకవర్గ ప్రజలకు సేవ చేయాలనే ఉద్దేశంతోనే కాంగ్రెస్‌ పార్టీలో చేరామని టీపీసీసీ సభ్యుడు అర్షద్‌ హుస్సేన్‌, జెడ్పీ మాజీ చైర్మన్‌ సిడాం గణపతి అన్నారు. ఆదివారం మండల కేంద్రంలో ఏర్పాటు చేసిన విలేకరుల సమావేశంలో వారు మాట్లాడుతూ కాంగ్రెస్‌ నియోజకవర్గ ఇన్‌చార్జి రావి శ్రీనివాస్‌ ఇంటిముందు కార్యకర్తలను పోగు చేసి ఎమ్మెల్సీ దండే విఠల్‌తో పాటు కాంగ్రెస్‌ కార్యకర్తలపై శనివారం అనుచిత వ్యాఖ్య లు చేయడాన్ని ఖండిస్తున్నామన్నారు. ముఖ్యమంత్రి రేవంత్‌రెడ్డి నేతృత్వంలో సిర్పూర్‌ నియోజకవర్గ అభివృద్ధి సంకల్పంతోనే కాంగ్రెస్‌లో చేరామని, మీలా అధికారం అడ్డుపెట్టుకుని దోచుకోవడానికి కాదన్నారు. పార్టీలో ఏవైనా చిన్న చిన్న సమస్యలు ఉంటే అధిష్టానం దృష్టికి తీసుకువెళ్లి పరిష్కరించుకోవాలే గానీ ఇలా రోడ్ల మీదికి వచ్చి ఆరోపణలు చేయడం సరికాదన్నారు. మాజీ జెడ్పీటీసీ పద్రం పుష్పలత, మాజీ ఎంపీపీ సత్యనారాయణ, బ్లాక్‌ కాంగ్రెస్‌ అధ్యక్షుడు శ్రీ వర్ధన్‌, మాజీ సర్పంచ్‌ ఉమ్మేరి లింగయ్య, తదితరులు పాల్గొన్నారు.

క్రీడలతో పాటు చదువులోనూ రాణించాలి పెంచికల్‌పేట్‌: విద్యార్థులు క్రీడలతో పాటు చదువులోనూ రాణించాలని ఉమ్మడి ఆదిలా బాద్‌ జిల్లా ఎమ్మెల్సీ దండె విఠల్‌ అన్నారు. మండలంలోని కమ్మర్‌గాంలో ఐదురోజులుగా నిర్వహిస్తున్న వాలీబాల్‌ పోటీల విజేతలకు ఆదివారం బహుమతులు ప్రదానం చేశా రు. కార్యక్రమానికి ముఖ్యఅతిథిగా విచ్చేసిన ఆయన మాట్లాడుతూ యువత చెడు వ్యసనా లకు దూరంగా ఉండాలని సూచించారు. గ్రా మానికి చెందిన యువకులు గ్రామంలో నెలకొన్న పలు సమస్యలను ఎమ్మెల్సీకి వివరించగా త్వరలోనే పరిష్కరిస్తానని హామీ ఇచ్చారు. అనంతరం క్రీడల్లో గెలుపొందిన మొర్లిగూడ జట్టుకు ప్రథమ బహుమతి రూ.15వేలతో పాటు ట్రోఫీ, ద్వితీయ బహుమతి కమ్మర్‌గా ం జట్టుకు రూ.10వేలు, షీల్డు అందజేశారు. ఈ కార్యక్రమంలో జెడ్పీ మాజీ చైర్మన్‌ సిడాం గణపతి, మాజీ జెడ్పీటీసీ సభ్యులు సముద్రాల సరిత రాజన్న, టీపీసీసీ సభ్యులు అర్షద్‌ హుస్సేన్‌, రాచకొండ కృష్ణ, పాల్గొన్నారు. నేడు ప్రజావాణి రద్దు ఆసిఫాబాద్‌అర్బన్‌: జిల్లా కేంద్రంలోని కలెక్టరేట్‌లో నేడు ప్రజావాణి కార్యక్రమాన్ని రద్దు చేసినట్లు కలెక్టర్‌ వెంకటేశ్‌ దోత్రె ఆదివారం ఒక ప్రకటనలో తెలిపారు. జిల్లాలో రైతు భరోసా, రేషన్‌ కార్డులు, ఇందిరమ్మ ఇళ్లు, ఇందిరమ్మ ఆత్మీయ భరోసా సర్వే కార్యక్రమం కొనసాగుతున్న దృష్ట్యా అధికారులు సర్వే ప్రక్రియలో నిమగ్నమై ఉన్నారని, ఈ కారణంగా సోమవారంనాటి కార్యక్రమాన్ని రద్దు చేస్తున్నట్లు ఆయన పేర్కొన్నారు. జిల్లా ప్రజలు గమనించాలని సూచించారు.పశువులు తరలిస్తున్న వాహనం పట్టివేతవాంకిడి: పశువులను అక్రమంగా తరలిస్తున్న వాహనాన్ని పట్టుకున్నట్లు ఏఎస్సై పోశెట్టి తెలిపారు. ఆదివారం ఉదయం జాతీయ రహ దారిపై గల సరాండి టోల్‌ప్లాజా వద్ద తని ఖీలు నిర్వహిస్తుండగా ఐచర్‌ వాహనంలో ఎలాంటి ఆధారాలు లేకుండా 17 ఆవులు, 4 ఎద్దులు, 5 గేదెలు తరలిస్తూ పట్టుబడినట్లు తెలిపారు. మహారాష్ట్రకు చెందిన శైలాని, భైంసాకు చెందిన సులేమాన్‌, ఫసి, గోయెగాంకు చెందిన షేక్‌ అబ్దుల్‌, ఆసిఫాబాద్‌కు చెందిన షేక్‌ మోసిన్‌, కెరమెరికి చెందిన అజ్జును అదుపులోకి తీసుకుని విచారించగా మహారాష్ట్రలోని గోండ్‌ పిప్పిరి నుంచి నిజమాబాద్‌లోని సటాపుర్‌ మార్కెట్‌లో విక్రయించేందుకు తీసుకెళ్తున్నట్లు ఒప్పుకున్నారు. నిందితులపై కేసు నమోదు చేసి పశువులను కాగజ్‌నగర్‌ గోశాలకు తరలించినట్లు ఏఎస్సై తెలిపారు.

వారంతా తమ ఇలవేల్పు జంగుబాయి పుణ్యక్షేత్రంలో మొక్కు తీర్చుకుందామని సంతోషంగా బయల్దేరారు. ఐచర్‌లో ప్రయాణిస్తూ ముచ్చట్లలో నిమగ్నమయ్యారు. మరికాసేపట్లో ఆలయానికి చేరుకునే వారే. ఈ క్రమంలో ఒక్కసారిగా పెద్ద శబ్దం. తేరుకునే లోపే వాహనం బోల్తా పడింది. ఏం జరిగిందో తెలియని పరిస్థితి. అందులో ఉన్నవారు ఒకరిపై ఒకరు పడ్డారు. మరికొంత మంది కింద పడిపోయారు. తీవ్ర గాయాల పాలవడంతో ఆర్థనాదాలు, హాహాకారాలతో ఆ ప్రాంతం దద్దరిల్లింది. చాలా మంది కదిలే పరిస్థితి కూడా లేక పోవడంతో ఉన్నచోటే రోధించారు. స్థానికులు గమనించి పోలీసులు, అంబులెన్స్‌లకు సమాచారం అందించారు. క్షతగాత్రులను ఆస్పత్రికి తరలించారు. ఇందులో చికిత్స పొందుతూ ఒకరు మృతి చెందగా.. మరొకరి పరిస్థితి విషమంగా మారింది. మొక్కు తీర్చకుండానే తిరుగు పయనమవ్వాల్సిన పరిస్థితి. – ఆదిలాబాద్‌టౌన్‌/నార్నూర్‌/ గుడిహత్నూర్‌/ఉట్నూర్‌రూరల్‌ గుడిహత్నూర్‌ మండలంలోని సూర్యగూడ, ఇంద్రవెల్లి మండలంలోని సాలెవాడకు చెందిన ఆదివా సీలు జంగుబాయిని దర్శించుకోవడానికి ఉదయం 11:30 గంటల ప్రాంతంలో ఐచర్‌లో 70 మంది బయలు దేరారు. సూర్యగూడకు చెందిన మాజీ సర్పంచ్‌ కుమ్ర లింగు దీక్షలో ఉండగా వీరిని కాప్లే జంగుబాయి వద్ద పుణ్యస్నానాలు, దర్శనం కోసం తీసుకెళ్లారు. ఈ క్రమంలో సాయంత్రం 4గంటల సమయంలో నార్నూర్‌ మండలంలోని మాలేపూర్‌ రెండోమూలమలుపు ఘాట్‌ వద్ద వాహనం అదుపు తప్పింది. డ్రైవర్‌ వాహనాన్ని న్యూట్రల్‌ చేయడంతోనే ప్రమాదం సంభవించిందని అందులో ప్రయాణిస్తున్న పలువురు పేర్కొన్నారు. మద్యం మత్తులో వాహనాన్ని అజాగ్రత్తగా నడిపి ఉండవచ్చని మరికొందరు తెలిపారు. ప్రమాదంలో 47 మందికి గాయలవగా ఇందులో ఐదుగురు తీవ్రంగా గాయపడ్డారు. క్షతగాత్రులను చికిత్స నిమిత్తం జిల్లా కేంద్రంలోని రిమ్స్‌తో పాటు ఉట్నూర్‌, నార్నూర్‌ ఆస్పత్రులకు తరలించారు. వీరిలో రిమ్స్‌లో చికిత్స పొందుతున్న గుడిహత్నూర్‌ మండలం సూర్యగూడకు చెందిన కుమ్ర మల్కు (60) మృతిచెందాడు. మరో మహిళ పరిస్థితి విషమంగా ఉంది. లోయలో పడ్డ వాహనం.. డ్రైవర్‌ అజాగ్రత్తతో పాటు డీజిల్‌ ఆదా చేయాలనే కక్కుర్తితోనే ఈ ప్రమాదం జరిగినట్లు తెలుస్తోంది. మొదటి ఘాట్‌ వద్ద న్యూట్రల్‌ చేయగా, రెండో ఘాట్‌ వద్ద వాహనం వేగంతో ముందుకెళ్లింది. ఆ సమయంలో బ్రేక్‌ వేసినప్పటికీ పడకపోవడంతో డ్రైవర్‌ తన ప్రాణాలు కాపాడుకునేందుకు అందులో నుంచి బయటకు దూకాడు. వాహనం మొదట రోడ్డు పక్కనున్న స్తంభాలను, ఆ తర్వాత చెట్లను ఢీకొట్టింది. మొదటి చెట్టు విరిగిపోగా రెండో చెట్టు వద్ద బోల్తా పడింది. అందులో ఉన్నవారు చెల్లాచెదురుగా పడిపోయారు. ఈ సంఘటనను చూసి డ్రైవర్‌ అక్కడినుంచి పరారయ్యాడు. విషయం తెలుసుకున్న కొత్తపల్లి, భీంపూర్‌కు చెందిన గ్రామస్తులు క్షతగాత్రులను ఆస్పత్రులకు తరలించేందుకు ప్రయత్నించారు. పోలీసులు, 108కు సమాచారం అందించారు. స్వల్ప గాయాలైన వారిని నార్నూర్‌ ఆస్పత్రికి, తీవ్ర గాయాలైన వారిని ఉట్నూర్‌, రిమ్స్‌ ఆస్పత్రులకు తరలించారు. చిన్న పిల్లలకు సైతం స్వల్ప గాయాలయ్యాయి. క్షతగాత్రులు వీరే.. ప్రమాదంలో ఐదుగురు తీవ్ర గాయాల పాలు కాగా, ఇందులో చికిత్స పొందుతూ ఒకరు మృతి చెందారు. మరొకరి పరిస్థితి విషమంగా ఉంది. వృద్ధులకే ఎక్కువ గాయాలయ్యాయి. ఎక్కువ మందికి కాళ్లు, తల, నడుము భాగాల్లో దెబ్బలు తగిలాయి. రిమ్స్‌లో చికిత్స పొందుతున్న వారిలో సూర్యగూడకు చెందిన కుమ్ర రాంబాయి, కుమ్ర భీంరావు, వైజాపూర్‌కు చెందిన మెస్రం నాని, సోయగూడకు చెందిన సోయం జంగుబాయి ఉన్నారు. ఉట్నూర్‌ ఆస్పత్రిలో పూర్ణబాయి, కుమ్ర సీతాబాయి, కుమ్ర పాండు, కుమ్ర ప్రవీణ్‌, జుగాదిరావు, శివకుమార్‌, యాదవ్‌రావు ఉన్నారు. మిగతా వారు నార్నూర్‌ ఆస్పత్రిలో చికిత్స పొందుతున్నారు. విషయం తెలియడంతో రిమ్స్‌ డైరెక్టర్‌ జైసింగ్‌ రాథోడ్‌ పది మంది వైద్యులు, సిబ్బందితో పాటు స్ట్రెచ్చర్లను అందుబాటులో ఉంచారు. వారికి వైద్య సేవలు అందించారు. సూపరింటెండెంట్‌ అశోక్‌ పర్యవేక్షించారు. ఇదిలా ఉండగా క్షతగాత్రులను తరలించేందుకు సిరికొండ, ఇంద్రవెల్లి, ముత్నూర్‌, ఉట్నూర్‌, హస్నాపూర్‌, లోకారి(కె), గాదిగూడ, జైనూర్‌ల నుంచి మొత్తం తొమ్మిది 108 అంబులెన్సులు సేవలు అందించాయి. కాగా, ఘటనపై కేసు నమోదు చేసి, ప్రమాదానికి గల కారణాలపై పూర్తి స్థాయిలో విచారణ జరుపుతున్నామని సీఐ రహీం పాషా తెలిపారు. డ్రైవర్‌ పరారీలో ఉన్నట్లు పేర్కొన్నారు. సంఘటనపై ఆరా తీసిన ఖానాపూర్‌ ఎమ్మెల్యే.. ఐచర్‌ వాహనం బోల్తా పడ్డ విషయం తెలుసుకున్న ఖానాపూర్‌ ఎమ్మెల్యే వెడ్మ బొజ్జు ఫోన్‌ ద్వారా ఉట్నూర్‌ ఆస్పత్రి వైద్యులతో వివరాలు అడిగి తెలుసుకున్నారు. క్షతగాత్రులకు మెరుగైన వైద్య సేవలు అందించాలని సూచించారు. పరిస్థితి విషమంగా ఉన్నవారిని రిమ్స్‌, హైదరాబాద్‌ ఆస్పత్రులకు తరలించాలని ఆదేశించారు.మాలేపూర్‌ ఘాట్‌ రెండో మలుపు వద్ద బోల్తా పడిన ఐచర్‌ వాహనం

ఆసిఫాబాద్‌రూరల్‌: సంస్కృతి, సంప్రదాయాలు కాపాడుకోవాల్సిన బాధ్యత అందరిపై ఉందని ఎమ్మెల్యే కోవ లక్ష్మి అన్నారు. ఆదివా రం సల్పాలగూడలోని చీకటి భీమయ్యక్‌ ఆలయంలో ప్రత్యేక పూజలు నిర్వహించారు. ఈ సందర్భంగా ఆమె మాట్లాడుతూ ప్రభుత్వం గిరిజనుల అభివృద్ధికి అనేక సంక్షేమ పథకా లు ప్రవేశపెడుతోందని, వాటిని సద్వినియో గం చేసుకోవాలన్నారు. అనంతరం అలయ కమిటీ సభ్యులు ఎమ్మెల్యేను శాలువాతో సత్కరించారు. ఈ కార్యక్రమంలో సింగిల్‌ విండో చైర్మన్‌ అలీబిన్‌, నాయకులు భీమేశ్‌, శ్రీకాంత్‌, లక్ష్మణ్‌, మహేష్‌, తదితరులు పాల్గొన్నారు.

బెజ్జూర్‌: మహారాష్ట్రలోని చప్రాడా ఆధ్యాత్మిక కేంద్రంలో కార్తీక స్వామి పల్లకిసేవ ఆదివా రం అంగరంగ వైభవంగా నిర్వహించారు. ఈ సందర్భంగా కార్తీక స్వామి సమాధిని సిర్పూ ర్‌ ఎమ్మెల్యే పాల్వాయి హరీష్‌ బాబు, బీజేపీ జిల్లా అధ్యక్షుడు కొత్తపెల్లి శ్రీనివా్‌స్‌, సిర్పూర్‌ నియోజకవర్గ బ్లాక్‌ కాంగ్రెస్‌ అధ్యక్షుడు రాచకొండ శ్రీవర్ధన్‌ దర్శించుకున్నారు. అనంతరం దత్త అవతార్‌ కార్తీక్‌ స్వామి బాబా చిత్రపటంతో పల్లకిసేవ నిర్వహించారు. ఈ సందర్భంగా అన్నదాన కార్యక్రమాలు చేపట్టారు. ఈ కార్యక్రమంలో ఆర్యవైశ్య సంఘం యూత్‌ జిల్లా అధ్యక్షుడు పుల్లూరి సతీష్‌, బీజేపీ నాయకులు భాస్కర్‌, రాజు, సామల తిరుపతి, మధుకర్‌, ఉమ్మెర బాలకృష్ణ, ఆలయ కమిటీ సభ్యులు, బెజ్జూర్‌, కౌటాల, కాగజ్‌నగర్‌కు చెందిన భక్తులు పాల్గొన్నారు.

బెజ్జూర్‌: మండలంలోని ఎల్కపల్లి(బీ) అభయాంజనేయస్వామి ఆలయం నుంచి మహా రాష్ట్రలోని చప్రాడాలోగల దత్తవార్‌ కార్తీకస్వామి మహరాజ్‌ ఆలయం వరకు 20వ మహా పాదయాత్ర కార్యక్రమాన్ని బీజేపీ జిల్లా అధ్యక్షుడు డాక్టర్‌ కొత్తపల్లి శ్రీనివాస్‌, ఎస్సై ప్రవీణ్‌కుమార్‌ శనివారం జెండా ఊపి ప్రారంభించారు. బెజ్జూర్‌, కుకుడ, బారెగూడ, రుద్రపూర్‌, చింతలమానెపల్లి, అనుకోడ, రవీంద్రనగర్‌, తుమ్డిహేటి గ్రామాల మీదుగా సాగిన పాదయాత్రలో అధికసంఖ్యలో భక్తులు పాల్గొన్నా రు. భక్తులకు కేశెట్టి శ్రీనివాస్‌, సామల వెంకటేశం, మాజీ ఎంపీటీసీ సుల్తానా జావీద్‌ అల్పాహారం అందజేశారు. చప్రాడా ఆలయంలో భక్తులకు సిర్పూర్‌ ఎమ్మెల్యే పాల్వాయి హరీశ్‌బా బు ఆధ్వర్యంలో అన్నదాన కార్యక్రమం ఏర్పా టు చేశారు. కార్యక్రమంలో జెడ్పీటీసీ మాజీ స భ్యుడు సుధాకర్‌రావు, ఎల్కపల్లి ఆలయ కమి టీ అధ్యక్షుడు రామకృష్ణ, కంకాలమ్మ ఆలయ కమిటీ చైర్మన్‌ కనకయ్య, రంగనాయక ఆలయ కమిటీ చైర్మన్‌ తంగిడెపల్లి మహేశ్‌, బ్లాక్‌ కాంగ్రెస్‌ అధ్యక్షుడు శ్రీవర్ధన్‌, నిర్వాహకులు భాస్కర్‌రాజు, పుల్లూరి సతీశ్‌, సామల తిరుపతి, దిగంబర్‌, రాకేశ్‌ తదితరులు పాల్గొన్నారు.

పెంచికల్‌పేట్‌: అటవీశాఖ ఆధ్వర్యంలో జిల్లాలో పక్షుల అధ్యయనానికి బర్డ్‌ వాక్‌ కార్యక్రమాన్ని ఎ ల్లూర్‌ బొక్కివాగు ప్రాజెక్ట్‌ వద్ద కాగజ్‌నగర్‌ సబ్‌కలెక్టర్‌ శ్రద్ధాశుక్లా ఎఫ్‌డీవో సుశాంత్‌ సుఖ్‌దీర్‌తో కలిసి శనివారం ప్రారంభించారు. రాష్ట్రంలోని వివిధ ప్రాంతాలకు చెందిన 14 మంది ఔత్సాహికులు క్షేత్రపర్యటనకు వచ్చారు. రేంజ్‌ పరిధిలోని చెరువులు, కుంటలు, పెద్దవాగు, ప్రాణహిత పరిసర ప్రాంతా ల్లోని ప్రకృతి, పక్షులను బంధిస్తూ ముందుకు సాగా రు. పాలరాపు గుట్ట వద్ద గల రాబంధుల స్థావరా న్ని సందర్శించి వివరాలు నమోదు చేసుకున్నారు. అనంతరం అటవీశాఖ ఆధ్వర్యంలో ఏర్పాటు చేసి న సఫారీల్లో అటవీ ప్రాంతాల్లో పర్యటిస్తూ పక్షులను కెమెరాల్లో బంధించారు. పెంచికల్‌పేట్‌ ఎఫ్‌ ఆర్వో అనిల్‌కుమార్‌, ఎఫ్‌ఎస్వో జగన్‌, జమీల్‌, ఆస్మా, ఎఫ్‌బీవోలు, సిబ్బంది పాల్గొన్నారు. సిర్పూర్‌(టి): అటవీశాఖ ఆధ్వర్యంలో శనివారం సిర్పూర్‌(టి) అటవీశాఖ రేంజ్‌ పరిధిలో మొదటిరోజు బర్డ్‌వాక్‌ నిర్వహించారు. మూడో బర్డ్‌వాక్‌ ఫెస్టివల్‌లో భాగంగా అటవీశాఖ అధికారులు, జంతు ప్రేమికులు, పర్యాటకులు దేశీ, విదేశీ పక్షులను తమ కెమెరాల్లో బంధించారు. సిర్పూర్‌(టి) రేంజ్‌ పరిధిలోని చింతకుంట సెక్షన్‌ పరిధిలోని నీటి కుంటలు, హీరాపూర్‌ వాగు, జీడి వాగు ప్రాంతాల్లో పర్యటించి పక్షుల ఫొటోలు తీశారు. ఎఫ్‌డీవో సుశాంత్‌ బొబడే, ఎఫ్‌ఆర్వో ఇక్బాల్‌ హుస్సేన్‌, సెక్షన్‌ అధికారులు మోహన్‌రావ్‌, ప్రసాద్‌రావ్‌, బీట్‌ అధికారి మల్లికార్జున్‌, సిబ్బంది పాల్గొన్నారు.

ఆసిఫాబాద్‌అర్బన్‌: ఈనెల 25వ నుంచి 28వ తేదీ వరకు సంగారెడ్డిలో నిర్వహించనున్న సీపీఎం రాష్ట్ర నాలుగో మహాసభలను విజయవంతం చేయాలని పార్టీ రాష్ట్ర నాయకుడు బండారు రవికుమార్‌ కోరా రు. శనివారం జిల్లా కేంద్రంలో పార్టీ నాయకులతో కలిసి మహాసభల పోస్టర్‌ ఆవిష్కరించారు. ఈ సందర్భంగా ఆయన మాట్లాడుతూ.. జిల్లాలో ప్రజాసమస్యల పరిష్కారానికి పార్టీ ప్రభుత్వంతో పోరాడుతోందని తెలిపారు. జిల్లాలో పోడు రైతుల పక్షాన పోరాడి పట్టాలు ఇప్పించినట్లు పేర్కొన్నారు. పులి పేరిట తునికాకు సేకరణ చేయొద్దని జిల్లా అటవీ శాఖ అధికారులు సంబంధిత రాష్ట్ర అధికారులకు తెలియజేసిన వెంటనే సమస్య పరిష్కారంలో ముందు నిలిచిందని తెలిపారు. జిల్లాలో ఎక్కడ సమస్య ఉన్నా తక్షణమే పరిష్కారం కోసం అనేక ఉద్యమాలు చేసిన ఘనత సీపీఎంకే దక్కుతుందని పేర్కొన్నారు. పార్టీ మహాసభలకు పోలిట్‌ భ్యూరో సభ్యులు బృందాకారత్‌, బీవీ రాఘవులు, కార్యదర్శి తమ్మినేని వీరభద్రం హాజరవుతున్నారని తెలిపా రు. మహాసభలను విజయవంతం చేయాలని కో రారు. జిల్లా కార్యదర్శి కూశన రాజన్న, కార్యవర్గ సభ్యులు దుర్గం దినకర్‌, కోట శ్రీనివాస్‌, జిల్లా కమి టీ సభ్యులు ఆనంద్‌, రాజేందర్‌, టీకానంద్‌, మా లశ్రీ తదితరులు పాల్గొన్నారు.

ఆసిఫాబాద్‌: అర్హులకే సంక్షేమ పథకాలు అందేలా చర్యలు తీసుకోవాలని కలెక్టర్‌ వెంకటేశ్‌ దోత్రే సూచించారు. జిల్లా కేంద్రంలోని జూబ్లీ మార్కెట్‌ సమీపంలో రైతు భరోసా పథకంపై నిర్వహిస్తున్న వ్యవసాయ భూముల సర్వేను శనివారం పరిశీలించారు. ఈ సందర్భంగా కలెక్టర్‌ మాట్లాడుతూ.. వ్యవసాయానికి యోగ్యమయ్యే భూములకు మాత్రమే రైతు భరోసా వర్తింపజేయాలని సూచించారు. పట్టణంలో పలుచోట్ల కూరగాయలు విక్రయిస్తుండటంతో జూబ్లీ మార్కెట్‌లో వ్యాపారాలు సాగడం లేదని పలువురు వ్యాపారులు కలెక్టర్‌కు తెలిపారు. దీంతో సంబంధిత అధికారులతో చర్చించి, సమస్య పరిష్కరిస్తామని కలెక్టర్‌ హామీ ఇచ్చారు. అనంతరం జన్కాపూర్‌లో నిర్వహిస్తున్న ఇందిరమ్మ ఇండ్లు, రేషన్‌ కార్డుల సర్వే ప్రక్రియను పరిశీలించారు. తహసీల్దార్‌ రోహిత్‌ దేశ్‌పాండే, వ్యవసాయాధికారి మిలింద్‌కుమార్‌, మున్సిపల్‌ కమిషనర్‌ భుజంగరావు, సిబ్బంది పాల్గొన్నారు. అర్హులకే అందాలికెరమెరి(ఆసిఫాబాద్‌): అర్హులందరికీ సంక్షేమ పథకాలు అందాలని అడిషనల్‌ కలెక్టర్‌ దీపక్‌ తివారి పేర్కొన్నారు. మండల కేంద్రంలో ఇందిరమ్మ ఇళ్ల సూపర్‌ చెక్‌, ఎస్‌బీఎం కాంప్లెక్స్‌ మరుగుదొడ్ల మార్కింగ్‌, సాకడ గ్రామంలో రైతు భరోసా, రేషన్‌ కార్డుల క్షేత్రస్థాయి పరిశీలన కార్యక్రమాలను ఆయన పరిశీలించారు. అనంతరం మాట్లాడుతూ.. ఎస్‌బీఎం కాంప్లెక్స్‌ టాయిలెట్‌ పనులు త్వరగా పూర్తయ్యేలా చూడాలని చెప్పారు. అనంతరం గోయగాం ఉన్నత పాఠశాలను సందర్శించారు. ఎండీఎం, వంటగదులు, భోజన నాణ్యత, రికార్డులు, రిజిష్టర్లు పరిశీలించారు. పదో తరగతి విద్యార్థులకు ఆంగ్ల పాఠాలు బోధించి ప్రశ్నలు అడిగి సమాధానాలు రాబట్టారు. తహసీల్దార్‌ దత్తుప్రసాద్‌, ఎంపీడీవో అమ్జద్‌పాషా తదితరులున్నారు.

ఆసిఫాబాద్‌రూరల్‌: జిల్లాలో నిర్వహించిన జవహర్‌ నవోదయ కేంద్రీయ విద్యాలయాల్లో ఆరోతరగతిలో ప్రవేశం కోసం నిర్వహించిన పరీక్ష శనివారం ప్రశాంతంగా ముగిసింది. పరీక్ష ఉదయం 11.30 గంటలకు ఉండగా విద్యార్థులు గంట ముందుగానే కేంద్రాలకు చేరుకున్నారు. 10.30 గంటలకు విద్యార్థులను కేంద్రాల్లోకి అనుమతించారు. జిల్లాలో ఆరు సెంటర్లు ఏర్పాటు చేశారు. ఆసిఫాబాద్‌లో రెండు, కాగజ్‌ నగర్‌లో రెండు, సిర్పూర్‌ (టీ) సెంటర్‌లో 1,159 మంది విద్యార్థులకు 805 మంది హజరు కాగా, 354 మంది గైర్హాజరైనట్లు నవోదయ ప్రిన్సిపాల్‌ పార్వతి తెలిపారు. పరీక్షా కేంద్రాలను జిల్లా పరీక్షల నిర్వహణ అధికారి ఉదయ్‌బాబు, ప్రిన్సిపాల్‌ పార్వతి పర్యవేక్షించారు. ఉమ్మడి జిల్లా వ్యాప్తంగా మొత్తం 24 సెంటర్లలో 5,191 మందికి గాను 4,167 మంది హాజరు కాగా 1,024 మంది గైర్హాజరయ్యారు. కాగజ్‌నగర్‌ రూరల్‌: కాగజ్‌నగర్‌ పట్టణంలోని నవోదయ విద్యాలయం, సెయింట్‌ క్లారిటీ పాఠశాలలో ఏర్పాటు చేసిన పరీక్షాకేంద్రాలను కాగజ్‌నగర్‌ నవోదయ పాఠశాల ప్రిన్సిపాల్‌ పార్వతి పరిశీలించారు. అవాంఛనీయ ఘటనలు చోటు చేసుకోకుండా పోలీసులు భారీ బందోబస్తు ఏర్పాటు చేశారు. సిర్పూర్‌(టి): మండలకేంద్రంలోని స్థానిక సాంఘిక సంక్షేమ బాలుర గురుకుల పాఠశాల, కళాశాలలో నిర్వహించిన నవోదయ ప్రవేశ పరీక్షకు 156 మందికి 105 మంది విద్యార్థులు హాజరయ్యారు. సాంఘిక సంక్షేమ బాలికల గురుకుల పాఠశాల, కళాశాలలో 162 మందికి 141 మంది విద్యార్థులు హాజరైనట్లు ఎంఈవో వేణుగోపాల్‌ తెలిపారు.

కెరమెరి(ఆసిఫాబాద్‌): పిల్లలు పనిలో కాదు.. బడిలో ఉండాలన్నా సదుద్దేశంతో ఈ నెల 10నుంచి ప్రారంభించిన బడిబయటి పిల్లల సర్వే జిల్లాలో వి జయవంతంగా కొనసాగుతోంది. క్షేత్రస్థాయిలో సీ ఆర్పీలు సర్వే నిర్వహిస్తున్నారు. గతేడాది 648 మందిని గుర్తించి ప్రబంద్‌ పోర్టల్‌లో నమోదు చేశారు. ఈసారి గతం కంటే ఎక్కువ సంఖ్యలో బడిబయటి పిల్లలున్నట్లు అధికారులు అంచనా వేస్తున్నారు. ఏటా పెరుగుతున్న సంఖ్య తల్లిదండ్రుల నిర్లక్ష్యమో.. లేదా టీచర్ల పట్టింపు లేని తనమో తెలియదు గాని ఏటేటా బడిబయటి పిల్లల సంఖ్య పెరుగుతూనే ఉంది. జిల్లాలో 335 గ్రామపంచాయతీల్లో 52మంది సీఆర్పీలు ఈ నెల 10 నుంచి సర్వే ప్రారంభించారు. సంక్రాంతి సెలవుల కారణంగా సర్వేలో కొంత జాప్యం జరిగింది. పాఠశాలలు మళ్లీ 18వ తేదీ నుంచి ప్రారంభం కావడంతో సర్వే ను సీఆర్పీలు వేగవంతం చేశారు. తొమ్మిది రోజులు గా జిల్లాలోని ఆవాస ప్రాంతాల్లో సర్వే నిర్వహిస్తున్నారు. శనివారం వరకు జిల్లాలో 284 హ్యాబిటేషన్లలో 108 మంది బడిబయటి, బడి మానేసిన పిల్లలను గుర్తించారు. వీరిని ఇంకా ప్రబంద్‌ పోర్టల్‌లో నమోదు చేయలేదు. ఈ సర్వే ఈ నెల 25వ తేదీ వరకు కొనసాగనుంది. ప్రత్యేక అవగాహన బడిబయటి పిల్లల సర్వేను పకడ్బందీగా నిర్వహించాలనే ఉద్దేశంతో డీఈవో, సెక్టోరల్‌ అధికారులు గ త నెల 16న జూమ్‌ మీటింగ్‌ ద్వారా ఎంఈవోలు, కాంప్లెక్స్‌ హెచ్‌ఎంలు, ఎంఐఎస్‌ కోఆర్డినేటర్‌, సీసీ వో, సీఆర్పీలకు ప్రత్యేక అవగాహన కల్పించారు. రాష్ట్ర స్థాయి అధికారులు సర్వేలో ఎదురవుతున్న సమస్యలను అడిగి తెలుసుకున్నారు. ఎట్టి పరిస్థితుల్లో బడిబయటి పిల్లలు ఒక్కరూ మిగలకుండా, నిక్కచ్చిగా సర్వే నిర్వహించాలని సూచించారు. సీఆర్పీలే కీలకం బడిబయటి పిల్లలను గుర్తించడమే కాదు.. వారిని బడిలో చేర్పించాల్సిన బాధ్యత కూడా సీఆర్పీలపై ఉందని విద్యాశాఖ అధికారులు చెబుతున్నారు. ఇప్పటికే సర్వేల్లో గుర్తించిన బడిబయటి పిల్లల్లో సు మారు 15 మందిని బడిలో చేర్పించినట్లు తెలుస్తోంది. వరుసగా 30 రోజులు హాజరు కాని విద్యార్థుల ను గుర్తించి తిరిగి బడికి హాజరయ్యేలా చేస్తున్నారు. గుర్తించిన పిల్లల్లో పాఠశాల వయస్సు వారిని తగిన తరగతిలో సమీప పాఠశాలలో లేదా యూఆర్‌ఎస్‌ లో నమోదు చేసే అవకాశాన్ని కల్పించారు. గతేడా ది జిల్లాలో 6–14 ఏళ్ల పిల్లలను బడిలో చేర్పించగా సెకండరీ ఎడ్యుకేషన్‌ విద్యార్థుల్లో కొందరికి ఓపెన్‌ స్కూల్‌, ఇంటర్‌లో ప్రవేశం కల్పించారు. ప్రత్యేక పాఠశాలల ఏర్పాటు పొరుగునే ఉన్న మహారాష్ట్ర, కర్ణాటక, మధ్యప్రదేశ్‌ తదితర ప్రాంతాల నుంచి వచ్చిన కుటుంబాల్లోని పిల్లలకూ చదువు నేర్పించేందుకు ప్రభుత్వం చర్యలు తీసుకుంటోంది. ఈ సర్వేలో ఇటుక బట్టీలు, భవన నిర్మాణం, కులవృత్తలు తదితర రంగాల్లో తల్లిదండ్రులతో కలిసి పని చేసేవారినీ గుర్తించనున్నారు. 6–14 ఏళ్లవారు ఒకేచోట 10 మంది పిల్ల లుంటే తాత్కాలికంగా సమీపంలో నాన్‌ రెసిడెన్సియల్‌ (ఎన్‌ఆర్‌ఎస్‌టీసీ) స్కూల్‌ ఏర్పాటు చేయనున్నారు. ప్రత్యేక విద్యావలంటీర్లను నియమించి మూడు నుంచి ఆరు నెలల పాటు ఆయా రాష్ట్రాల భాషతోపాటు తెలుగు నేర్పించేలా విద్యాశాఖ కసరత్తు చేస్తోంది. ఆ తర్వాత పిల్లలను కేజీబీవీ, ప్రాథమిక, ప్రాథమికోన్నత పాఠశాలల్లో చేర్పిస్తారు. 15 నుంచి 19 ఏళ్లు గలవారిని ఓపెన్‌ టెన్త్‌, ఇంటర్మీడియట్‌లో చేర్పించడంతో పాటు పీజురీయింబర్స్‌మెంట్‌ సదుపాయం కల్పిస్తారు. పోర్టల్‌లో అప్‌లోడ్‌ చేయాలిజిల్లాలోని అన్ని ఆవాస ప్రాంతాల్లో బడిబయటి పిల్లల ను గుర్తించేందుకు సర్వే కొనసాగుతోంది. గుర్తించిన పిల్ల లను ప్రబంద్‌ పోర్టల్‌లో అప్‌లో డ్‌ చేయాలి. బడిబయటి పిల్లలను బడిలో చేర్పించాలి. కాంప్లెక్స్‌ హెచ్‌ఎంలు, ఎంఈవోలు పర్యవేక్షిస్తున్నారు. గతేడాది కంటే ఎక్కువమంది పిల్లలను గుర్తించాలి. – శ్రీనివాస్‌, జిల్లా క్వాలిటీ కోఆర్డినేటర్‌ రవాణా భత్యం చెల్లించాలిజిల్లాలో ఆయా కాంప్లెక్స్‌ల పరిధిలో వి ధులు నిర్వహిస్తున్న ఆర్పీలు సర్వేలో నిమగ్నమయ్యారు. ప్రభుత్వం రవాణా భత్యం ఇవ్వాలి. ప్రతీరోజు పాఠశాలల పర్యవేక్షణ కోసం వెళ్లాల్సి ఉంటుంది. పెరుగుతున్న ని త్యావసరాల ధరల నేపథ్యంలో ప్రభుత్వం అందిస్తున్న వేతనం సరిపోక ఇబ్బంది పడుతున్నాం. – పవన్‌కుమార్‌, సీఆర్పీల సంఘం జిల్లా అధ్యక్షుడు

రెబ్బెన(ఆసిఫాబాద్‌): ఈ నెల 17నుంచి 21వరకు మహారాష్ట్రలోని నాగ్‌పూర్‌ జిల్లా నారఖేర్‌లో నిర్వహించనున్న 69వ జూనియర్‌ నేషనల్‌ బాల్‌ బ్యాడ్మింటన్‌ ఫెడరేషన్‌ రిఫరీ బోర్డు చైర్మన్‌గా మండలంలోని గోలేటికి చెందిన ఆర్‌.నారాయణ రెడ్డి వ్యవహరించనున్నట్లు ఫెడరేషన్‌ ప్రధాన కార్యదర్శి రాజారావు తెలిపారు. ఈ సందర్భంగా బాల్‌ బ్యాడ్మింటన్‌ ఉమ్మడి జిల్లా అధ్యక్షుడు నర్సింగం, రాష్ట్ర సంయుక్త కార్యదర్శి ఎస్‌.తిరుపతి, షార్ప్‌ స్టార్‌ బాల్‌ బ్యాడ్మింటన్‌ అసోషియేషన్‌ అధ్యక్షుడు మహేందర్‌, ప్రధాన కార్యదర్శి వెంకటేశ్వర్లు, కోశాధికారి శంకర్‌, సెపక్‌ తక్రా రాష్ట్ర ప్రధాన కార్యదర్శి శ్రీనివాస్‌రెడ్డి, కార్యవర్గ సభ్యులు భాస్కర్‌, రామకృష్ణ తదితరులు అభినందించారు.

పేరు లేకుంటే ఆందోళన వద్దు ఆసిఫాబాద్‌: రేషన్‌ కార్డుల అర్హుల జాబితాలో పేర్లు లేనివారు ఆందోళన చెందాల్సిన అవసరం లేదని, ఈ నెల 21 నుంచి నిర్వహించనున్న గ్రామసభల్లో దరఖాస్తు చేసుకోవాలని రాష్ట్ర మంత్రులు మంత్రి ఉత్తమ్‌కుమార్‌రెడ్డి, పొంగులేటి శ్రీనివాసరెడ్డి, తుమ్మల నాగేశ్వర్‌రావు సూచించారు. కుల సామాజిక, ఆర్థిక సర్వే, పాత రేషన్‌ కార్డుల ఆధారంగా పేర్లు న మోదు చేసినట్లు తెలిపారు. శనివారం హైదరాబాద్‌ నుంచి కొత్త రేషన్‌కార్డులు, ఇందిర మ్మ ఇళ్లు, రైతు భరోసా, ఇందిరమ్మ ఆత్మీయ భరోసా పథకాలపై ప్రభుత్వ ప్రధాన కార్యదర్శి శాంతికుమారితో కలిసి కలెక్టర్లతో వీడి యో కాన్ఫరెన్స్‌ నిర్వహించారు. ఈ సందర్భంగా మంత్రులు మాట్లాడుతూ.. అర్హులందరికీ సంక్షేమ పథకాలు అందే వరకూ ప్రక్రియ కొనసాగుతుందని చెప్పారు. అర్హులైన ప్రతి ఒక్కరికీ రేషన్‌ కార్డులు అందజేయాలనేదే ప్రభుత్వ లక్ష్యమని పేర్కొన్నారు. కలెక్టర్‌ వెంకటేశ్‌ దోత్రే, అదనపు కలెక్టర్లు దీపక్‌ తివారి, డేవిడ్‌ పాల్గొన్నారు.ఆసిఫాబాద్‌: ప్రభుత్వం రాష్ట్రంలో కొత్త రేషన్‌కార్డుల జారీ ప్రక్రియ ప్రారంభించింది. సమగ్ర కులగణన సర్వే ప్రాతిపదికన ఈ నెల 16నుంచి అర్హుల గుర్తింపు ప్రక్రియ ప్రారంభమైంది. సంబంధిత అధికారులు గడపగడపకూ వెళ్లి వివరాలు సేకరిస్తున్నారు. తాజాగా రాష్ట్ర పౌరసరఫరాల శాఖ మంత్రి ఉత్తమ్‌కుమార్‌రెడ్డి అర్హులందరికీ కొత్త రేషన్‌ కార్డులు జారీ చేస్తామని ప్రకటించారు. దీంతో పాటు గ్రామసభల్లో కొత్తవారు దరఖాస్తు చేసుకోవచ్చని సూచించారు. పాత కార్డుల తొలగింపు ఉండదని, కొత్తవారు గ్రామసభల్లో దరఖాస్తు చేసుకోవచ్చని తెలిపారు. జిల్లాలో చాలామంది అర్హులు రేషన్‌కార్డుల కోసం నిరీక్షిస్తున్నారు. సర్వే అనంతరం ఈప్రక్రియ ఆన్‌లైన్‌లో నమోదు చేస్తున్నారు. ఇప్పటికే కార్డులున్నవారి కుటుంబాల్లో కొంత మంది పేర్లు లేవు. దీంతో వారు తమ పేర్లు నమోదు చేయాలని కోరుతున్నారు. వీరితో పాటు కుటుంబంలో చిన్నపిల్లలు, పెళ్లయిన కొత్త కోడళ్ల పేర్లు నమోదుకు దరఖాస్తు చేసుకుని నిరీక్షిస్తున్నారు. ఇప్పటికే 1,39,734 కార్డులు జిల్లాలో 1,39,734 రేషన్‌ కార్డులున్నాయి. జిల్లాలో ని 335 గ్రామపంచాయతీలు, ఆసిఫాబాద్‌, కాగజ్‌నగర్‌ మున్సిపాలిటీల్లో 314 రేషన్‌ దుకాణాలు న్నాయి. వీటిలో 13,192 అంత్యోదయ, 1,26,542 ఫుడ్‌ సెక్యూరిటీ కార్డులున్నాయి. ప్రతీనెల 2,949.746 మెట్రిక్‌ టన్నుల బియ్యం లబ్ధిదారులకు ఉచితంగా పంపిణీ చేస్తున్నారు. మార్చి నుంచి సన్నబియ్యం పంపిణీకి సన్నాహాలు చేస్తున్నారు. 17,044 దరఖాస్తులు కాంగ్రెస్‌ ప్రభుత్వం ఆరు గ్యారంటీల కోసం నిర్వహించిన ప్రజాపాలన కార్యక్రమంలో జిల్లాలో 1,63,647 దరఖాస్తులు వచ్చాయి. వీటిలో కొత్త రే షన్‌ కార్డుల కోసం 17,044 మంది దరఖాస్తు చేసుకున్నారు. ఈ క్రమంలో దరఖాస్తుదారులు ఏడాది గా కార్డుల కోసం నిరీక్షిస్తున్నారు. ఈ నెల 16 నుంచి ప్రారంభమైన సర్వే 19 వరకు కొనసాగనుంది. ఈ నెల 20 నుంచి 24వరకు గ్రామసభల్లో అర్హుల జాబితా చదివి వినిపించి అభ్యంతరాలు స్వీకరి స్తారు. అనంతరం ఈ నెల 26న తుది జాబితా సిద్ధం చేస్తారు. తుది జాబితా ఆధారంగా కొత్త కార్డులు జారీ చేస్తారు. ఇవే నిబంధనలు.. కొత్త రేషన్‌కార్డుల జారీకి ప్రభుత్వం మార్గదర్శకా లు జారీ చేసింది. గ్రామీణ ప్రాంతంలో వార్షికాదా యం రూ.1.5 లక్షలు, పట్టణ ప్రాంతాల్లో రూ.2లక్షల మించి ఉండకూడదు. 3.5 ఎకరాల మాగాణి, 7.5 ఎకరాల మెట్ట మించకుండా ఉండాలి. ప్రభు త్వ, ప్రైవేట్‌, అవుట్‌సోర్సింగ్‌ ఉద్యోగులు, వైద్యులు, కాంట్రాక్టర్లు, నాలుగుచక్రాల వాహనదారులను అనర్హులుగా పరిగణిస్తారు. కుటుంబ సభ్యుల ఆధార్‌కార్డు నంబర్లతో మీ సేవా కేంద్రాల్లో దరఖాస్తు చేసుకోవచ్చు. జిల్లాలో కొనసాగుతున్న సర్వే లబ్ధిదారుల ఎంపికకు కసరత్తు 26 నుంచి కార్డుల జారీ షురూసర్వే ప్రక్రియ కొనసాగుతోందిజిల్లాలో కొత్త రేషన్‌కార్డుల కోసం వచ్చిన దరఖాస్తులపై సర్వే కొనసాగుతోంది. ప్రక్రియ పూర్తయిన తర్వాత ఈ నెల 26 నుంచి కొత్త కార్డుల జారీ ప్రక్రియ ప్రారంభమవుతుంది. అర్హులందరికీ ప్రభుత్వం కొత్త రేషన్‌కార్డులు మంజూరు చేస్తుంది. – వినోద్‌కుమార్‌, జిల్లా పౌరసరఫరాలశాఖ అధికారి

కౌటాల: రానున్న స్థానిక సంస్థల ఎన్నికల్లో కాంగ్రెస్‌ అభ్యర్థుల గెలుపే లక్ష్యంగా కార్యకర్తలు పని చేయాలని ఉమ్మడి ఆదిలాబాద్‌ జిల్లా ఎమ్మెల్సీ దండె విఠల్‌ అన్నారు. శనివారం కౌ టాల మండల కేంద్రంలో పార్టీ కార్యకర్తలతో సమావేశం నిర్వహించారు. ఆయన మాట్లాడు తూ.. స్థానిక సంస్థల ఎన్నికల్లో సిర్పూర్‌ నియోజకవర్గంలో కాంగ్రెస్‌ సత్తా చాటాలన్నారు. కాంగ్రెస్‌ ప్రజా ప్రభుత్వంలో ప్రజల సంక్షేమం కోసం రాష్ట్ర ప్రభుత్వం అమలు చేస్తున్న సంక్షేమ పథకాలపై ప్రజలకు అవగాహన కల్పించాలని సూచించారు. అనంతరం కౌటాల వార సంతలో ప్రజల సౌకర్యార్థం రూ. 3.5 లక్షల నిధులతో మూత్రశాలల నిర్మాణానికి భూమి పూజ చేశారు. కార్యక్రమంలో మాజీ ఎంపీపీలు బసర్కార్‌ విశ్వనాథ్‌, డుబ్బుల నానయ్య, టీపీసీసీ సభ్యులు అర్షద్‌ హుస్సేన్‌, నాయకులు ఉమా మహేశ్‌, తిరుపతి, రవీందర్‌గౌడ్‌, డబ్బా బాపు, ఖాళీం పాషా, గట్టయ్య, బండు, గోపాల్‌ తదితరులు పాల్గొన్నారు.

రెబ్బెన(ఆసిఫాబాద్‌): మహారాష్ట్రలోని నాగ్‌పూర్‌లో ఈ నెల 17 నుంచి జరిగే 69వ జూనియర్‌ నేషనల్‌ బాల్‌బ్యాడ్మింటన్‌ పోటీలకు జిల్లా క్రీడాకారులు ఎంపికై నట్లు బాల్‌ బ్యాడ్మింటన్‌ అసోసియేషన్‌ ఉమ్మడి జిల్లా ప్రధాన కార్యదర్శి ఆర్‌.నారాయణరెడ్డి తెలిపా రు. రెబ్బెన మండలం గోలేటికి చెందిన షార్ప్‌ స్టార్‌ బాల్‌బ్యాడ్మింటన్‌కు చెందిన క్రీడాకారులు బాలుర విభాగంలో పిరిసింగుల సాయి చరణ్‌, దామెర ప్రేమ్‌కుమార్‌, బాలికల విభాగంలో తుపాకుల ప్రజ్వల శ్రీ ఎంపికైనట్లు పేర్కొన్నారు. జాతీయ స్థాయికి ఎంపికై న క్రీడాకారులను బాల్‌బ్యాడ్మింటన్‌ అసోసియేషన్‌ జిల్లా అధ్యక్షుడు నర్సింగం, రాష్ట్ర సంయుక్త కార్యదర్శి ఎస్‌.తిరుపతి, షార్ప్‌ స్టార్‌ బాల్‌బ్యాడ్మింటన్‌ అధ్యక్షుడు మహేందర్‌, ప్రధాన కార్యదర్శి వెంకటేశ్వర్లు అభినందించారు.

ఆసిఫాబాద్‌అర్బన్‌: మానవ సేవే మాధవ సేవ అని ఎమ్మెల్యే కోవ లక్ష్మి అన్నారు. జిల్లా కేంద్రంలోని ప్రేమల గార్డెన్‌ ఆవరణలో శుక్రవారం నిర్వహించిన జగద్గురు నరేంద్ర చార్యాజీ మహరాజ్‌ పాదుక దర్శన కార్యక్రమానికి హాజరయ్యారు. ఎమ్మెల్యే మాట్లాడుతూ ప్రతిఒక్కరూ ఆధ్యాత్మికత అలవర్చుకుని, దైవమార్గంలో నడవాలని సూచించారు. మహనీయులను ఆదర్శంగా తీసుకోవాలన్నారు. అనంతరం సంస్థ ఆధ్వర్యంలో పేదలకు కుట్టు మిషన్లు పంపిణీ చేశారు. అంతకు ముందు సాయిబాబా ఆలయం నుంచి ప్రధాన కూడళ్ల మీదుగా ప్రేమల గార్డెన్‌ వరకు శోభాయాత్ర నిర్వహించారు. జిల్లా అధ్యక్షుడు చందనకడ్‌ బాలాజీ, జిల్లా నిరక్త్‌ దిలీప్‌ గైక్వాడ్‌, పండరి చాప్లే పాల్గొన్నారు.

తిర్యాణి(ఆసిఫాబాద్‌): ఎస్సీ వర్గీకరణ సాధించడం ద్వారానే మాదిగల సమగ్ర అభివృద్ధి సాధ్యమవుతుందని ఎమ్మార్పీఎస్‌ రాష్ట్ర అధి కార ప్రతినిధి బి.సతీశ్‌, జాతీయ నాయకుడు రేగుంట కేశవ్‌రావు అన్నారు. హైదరాబాద్‌లో నిర్వహించే వేల గొంతులు.. లక్ష డప్పులు కార్యక్రమాన్ని విజయవంతం చేయాలని శుక్రవారం మండల కేంద్రంలో ర్యాలీ నిర్వహించారు. కుమురంభీం విగ్రహానికి పూలమాలలు వేసి నివాళులర్పించారు. అనంత రం వారు మాట్లాడుతూ సుప్రీం కోర్టు తీర్పు ద్వారా వర్గీకరణ పోరాటం ఫలించినా.. కొంతమంది ఆపేందుకు కుట్ర పన్నుతున్నారని ఆరోపించారు. హైదరాబాద్‌లో నిర్వహించే కార్యక్రమానికి ప్రతీ ఇంటి నుంచి ఒక్కో డప్పు తీసుకుని రావాలని పిలుపునిచ్చారు. కార్యక్రమంలో జిల్లా అధ్యక్షుడు కొండ్ర బ్రహ్మయ్య, నాయకులు ప్రభాకర్‌, ఇప్ప నాగరాజు, అశోక్‌, వెంకటేశ్‌, రాజేశ్‌, అరవింద్‌, రవి, మల్లేశ్‌ తదితరులు పాల్గొన్నారు.

ఆసిఫాబాద్‌అర్బన్‌: రాష్ట్ర ప్రభుత్వం ఇచ్చిన హామీ మేరకు అర్హులందరికీ రుణమాఫీ అమలు చేయాలని టీఏజీఎస్‌(తెలంగాణ ఆదివాసీ గిరిజన సంఘం) రాష్ట్ర ఉపాధ్యక్షుడు బండారు రవికుమార్‌ డిమాండ్‌ చేశారు. జిల్లా కేంద్రంలోని కలెక్టరేట్‌ ఎదుట శుక్రవారం ధర్నా నిర్వహించారు. అనంతరం ఆయన మాట్లాడుతూ రాష్ట్ర ప్రభుత్వం ప్రతిష్టాత్మకంగా తీసుకున్న రైతు రుణమాఫీ జిల్లాలో అమలు కాలేదన్నారు. నిర్లక్ష్యంగా వ్యవహరించిన వ్యవసాయశాఖ అధికారులపై చర్యలు తీసుకోవాలని డిమాండ్‌ చేశారు. వట్టివాగు గ్రామానికి చెందిన ఆదివాసీ మహిళా రైతు పేరును వ్యవసాయ అధికారులు రికార్డుల్లో తప్పుగా నమోదు చేయడంతో రుణమాఫీ కాలేదని తెలిపారు. అలాగే కౌటగూడ గ్రామానికి చెందిన ఆత్రం బాపూరావుకు రూ.3,20,000 రుణం ఉండగా, రూ.1,20,00 చెల్లించినా మిగితా రూ.రెండు లక్షలు మాఫీ కాకపోవడం బాధాకరమన్నారు. జిల్లా ఇన్‌చార్జి మంత్రిగా ఉన్న సీతక్క రైతులను ఆదుకోవాలని కోరారు. జనవరి 31లోగా అర్హులైన రైతులందరికీ రుణమాఫీ చేయని పక్షంలో ఉద్యమం ఉధృతం చేస్తామని హెచ్చరించారు. అనంతరం కలెక్టరేట్‌లో డీఆర్‌డీవో దత్తారాంకు వినతిపత్రం అందజేశారు. కార్యక్రమంలో నాయకులు మాలశ్రీ, శ్రీనివాస్‌, గణపతి, దినకర్‌, సాయికృష్ణ, శ్రావణి, పురుషోత్తం, హన్మంతు, ఆనంద్‌కుమార్‌, అనిత, పలు గ్రామాల రైతులు పాల్గొన్నారు.

ఆసిఫాబాద్‌రూరల్‌: ఉపాధ్యాయులకు సమ గ్ర కుటుంబ సర్వే రెమ్యూనరేషన్‌ వెంటనే చెల్లించాలని యూటీఎఫ్‌ జిల్లా అధ్యక్షురాలు శాంతికుమారి అన్నారు. జిల్లా కేంద్రంలోని కలెక్టరేట్‌లో శుక్రవారం ఏవో మధుకర్‌కు వినతిపత్రం అందించారు. ఆమె మాట్లాడుతూ జిల్లాలో వందలాది మంది ఉపాధ్యాయులు కుటుంబ సర్వేలో పాల్గొని, నవంబర్‌లో అధికారులకు సర్వే రిపోర్టు అందించారని తెలిపారు. అధికారులు స్పందించి రెమ్యూనరేషన్‌ చెల్లించాలని కోరారు. కార్యక్రమంలో జిల్లా ఉపాధ్యక్షుడు ఇందురావు, కోశాధికారి రమేశ్‌, నాయకులు హేమంత్‌, సుభాష్‌, నవీన్‌ తదితరలు పాల్గొన్నారు.

వాంకిడి(ఆసిఫాబాద్‌): మండలంలోని ఇందాని ఎక్స్‌రోడ్‌ వద్ద రోడ్డు భద్రతా మాసోత్సవాల్లో భాగంగా శుక్రవారం వాహనదారులకు అవగాహన కల్పించారు. మోటర్‌ వెహికల్‌ ఇన్‌స్పెక్టర్‌ జి.మోహన్‌ రోడ్డు భద్రత నిబంధనలను వివరించారు. ఆయన మాట్లాడుతూ మద్యం తాగి వాహనం నడపడం, హెల్మెట్‌ లేని ప్రయాణం, అతివేగం ప్రమాదాలకు కా రణమవుతుందని తెలిపారు. ప్రయాణ సమయంలో అప్రమత్తంగా ఉండాలని సూచించా రు. కార్యక్రమంలో అసిస్టెంట్‌ మోటర్‌ వెహికల్‌ ఇన్‌స్పెక్టర్లు రాజమల్లు, చంద్రశేఖర్‌, కానిస్టేబుళ్లు రవి, వాహిద్‌ పాల్గొన్నారు.

ఆసిఫాబాద్‌: జనవరి 1 నుంచి మార్చి 31 వరకు మూడు నెలల పాటు గర్భిణుల రక్తనమూనాలు సేకరించి.. హెచ్‌ఐవీ, హెపటైటిస్‌ బీ, సీ నిర్ధారణ పరీక్షలు చేయనున్నట్లు డీఎంహెచ్‌వో సీతారాం తెలి పారు. ఇందుకోసం జిల్లాకు రెండు హెచ్‌ఐవీ సెంటినెల్‌ సర్వైలెన్స్‌ ప్లస్‌ కేంద్రాలు మంజూరైనట్లు వెల్లడించారు. తెలంగాణ స్టేట్‌ ఎయిడ్స్‌ కంట్రోల్‌ సొసైటీ సహకారంలో 2025 సంవత్సరానికి జిల్లా కేంద్రం, కాగజ్‌నగర్‌ సీహెచ్‌సీల్లో ఈ కేంద్రాలు మంజూరయ్యాయన్నారు. ఆసిఫాబాద్‌ పరిధిలో వంద శాంపిళ్ల లక్ష్యానికి ఇప్పటివరకు 11 శాంపిళ్లు సేకరించినట్లు తెలిపారు. అలాగే కాగజ్‌నగర్‌లో 300 శాంపిళ్లకు 13 శాంపిళ్లు సేకరించినట్లు పేర్కొన్నారు. ఆసిఫాబాద్‌ నోడల్‌ అధికారిగా డాక్టర్‌ అజ్మత్‌, కాగజ్‌నగర్‌ నోడల్‌ అధికారిగా డాక్టర్‌ శ్రీధర్‌ను నియమించినట్లు వెల్లడించారు.