మానసిక దివ్యాంగుల హక్కులు కాపాడాలి

మానసిక దివ్యాంగుల హక్కులు కాపాడాలి

ఆసిఫాబాద్‌అర్బన్‌: మానసిక దివ్యాంగుల హక్కులు కాపాడాలని జిల్లా న్యాయసేవా సంస్థ అధికారి, సీనియర్‌ సివిల్‌ జడ్జి యువరాజ్‌ అన్నారు. జిల్లా కేంద్రంలోని కోర్టు ఆవరణలో లీగల్‌ సర్వీస్‌ యూనిట్‌ సభ్యులకు ఆదివారం నిర్వహించిన శిక్షణ కార్యక్రమానికి హాజరయ్యారు. ఈ సందర్భంగా ఆయన మానసిక అనారోగ్యం, మేథో వైకల్యం ఉన్న వ్యక్తుల హక్కులు, చట్టాలు, వారికి న్యాయ సేవలు అందించడంలో లీగల్‌ సర్వీస్‌ సభ్యు ల పాత్ర గురించి వివరించారు. కార్యక్రమంలో జూనియర్‌ సివిల్‌ జడ్జి అనంతలక్ష్మి, కోర్టు సిబ్బంది తదితరులు పాల్గొన్నారు.