చిన్నారులకు ఎంతో మేలు

చిన్నారులకు ఎంతో మేలు

బాలల సత్వర చికిత్స కేంద్రా ల్లో పుట్టుకతో వచ్చే జబ్బులకు మెరుగైన వైద్యం అందిస్తున్నాం. అవసరమైన వారికి కర్నూలు ప్రభుత్వ సర్వజన వైద్యశాలలోని నిపుణులైన వైద్యుల వద్దకు పంపి చికిత్స, ఆపరేషన్లు నిర్వహించేలా చేస్తున్నాం. ఈ కేంద్రాలకు వచ్చే చిన్నారులకు చికిత్స, మందులతో పాటు అవసరమైన వారికి శస్త్రచికిత్సలు, కృత్రిమ అవయవాల పంపిణీ చేస్తున్నాం. కర్నూలులోని కేంద్రం ఫోన్‌ నెంబర్‌ 08518–251043. – షేక్‌ మహ్మద్‌ ఇర్ఫాన్‌,

బాలల సత్వర చికిత్స కేంద్రం, మేనేజర్‌

తలసేమియా ముందే గుర్తించాం

నేను ఓ ప్రైవేటు కంపెనీలో సర్వీస్‌ అడ్వయిజర్‌గా పనిచేస్తు న్నా. మా బాబు బబీష్‌ వర్మకు సంవత్సరం ఏడు నెలల వయస్సు. బాబు 8 నెలలోనే జన్మించాడు. దీంతో పాటు పుట్టినప్పుడు బరువు 1.5 కిలోలు మాత్రమే. అందుకే రెగ్యులర్‌గా ప్రభుత్వాసుపత్రిలోని చిన్నపిల్లల విభాగంలో చికిత్స చేయిస్తున్నాం. ఈ క్రమంలో ఆరో నెలలో బాబుకు రక్తం తక్కువగా ఉందని తెలుసుకొని పరీక్షలు చేయించగా తలసేమియా నిర్ధారణ అయ్యింది. ప్రాథమిక దశలో ఉండటంతో రెగ్యులర్‌గా మందులు వాడుతున్నాం. – పృథ్వీరాజ్‌, కర్నూలు

బాబు మాట్లాడుతున్నాడు

నా భార్యకు రెండవ కాన్పులో మగపిల్లవాడు జన్మించాడు. ఇప్పుడు నాలుగున్నరేళ్లు. మొదట్లో మాటలు సరిగ్గా వచ్చేవి కావు. బాలల సత్వర చికిత్స కేంద్రానికి వచ్చాక మార్పు కనిపించింది. బాబు ప్రవర్తనలో మార్పు కనిపించడంతో పాటు మాట్లాడుతున్నాడు.

– కె.సుధాకర్‌, కలమందలపాడు, కర్నూలు

1/2

చిన్నారులకు ఎంతో మేలు

2/2

చిన్నారులకు ఎంతో మేలు