ప్రభాస్‌కు ఇన్‌స్టాగ్రామ్‌లో మెసేజ్‌లు పంపించా: దివి

సొట్ట బుగ్గ‌ల‌తో బిగ్‌బాస్ ప్రేమికుల‌ను ఆక‌ర్షించిన కంటెస్టెంటు దివి వైద్య‌. ముక్కుసూటిగా మాట్లాడే నైజం, అందంతో బిగ్‌బాస్‌ సీజన్‌-4లోతనకంటు ప్రత్యేక గుర్తింపు ఏర్పరుచుకుంది ఈ భామ. అంతకుముందు పలు సినిమాల్లో రాని గుర్తింపు బిగ్‌బాస్‌తో కైవసం చేసుకుంది. ఇక సోషల్‌ మీడియాలోనూ యాక్టివ్‌గా ఉంటూ యూత్‌లో మాంచి క్రేజ్‌ సంపాదించుకున్న దివి ప్రస్తుతం హీరోయిన్‌గానూ అవకాశాలు కొల్లగొడుతుంది. తాజాగా ఓ మూవీ ప్రమోషన్‌లో భాగంగా ఓ ఇంటర్వ్యూలో పాల్గొన్న దివి పలు ఆసక్తికరమైన విషయాలను పంచుకుంది. 

తనకు హీరో ప్రభాస్‌ అంటే ఎంతో ఇష్టమని, ఒక రకంగా చెప్పాలంటే ఆయనంటే క్రష్‌ అని చెప్పుకొచ్చింది. మిర్చి సినిమాతో ప్రభాస్‌కు ఫ్యాన్‌ అయిపోయానని, అప్పటి నుంచి ఆయనకు ఐ లవ్‌ యూ అంటూ ఇన్‌స్టాగ్రామ్‌లో మెసేజ్‌లు చేస్తుండేదాన్ని అని పేర్కొంది. అంతేకాకుండా ఒకవేళ అవకాశం వస్తే ప్రభాస్‌తో డేటింగ్‌కు వెళ్తానని,మిర్చి లాంటి అబ్బాయితో కప్పు కాఫీ తాగినా చాలని ఫ్యాన్‌ మూమెంట్స్‌ను షేర్‌ చేసుకుంది.