‘అధర్వ’ టైటిల్‌ లోగో, మోషన్‌ పోస్టర్‌ విడుదల చేసిన రవితేజ

కార్తీక్‌ రాజు హీరోగా, సిమ్రాన్‌ చౌదరి, ఐరా హీరోయిన్లుగా మహేష్‌ రెడ్డి దర్శకత్వంలో తెరకెక్కుతున్న చిత్రం ‘అధర్వ’. నూతలపాటి నరసింహం, అనసూయమ్మ సమర్పణలో సుభాష్‌ నూతలపాటి నిర్మిస్తున్నారు. తెలుగు, తమిళ, కన్నడ, మలయాళ భాషల్లో ఏకకాలంలో రూపొందుతోన్న ఈ సినిమా తెలుగు టైటిల్‌ లోగో, మోషన్‌ పోస్టర్‌ని హీరో రవితేజ విడుదల చేశారు.

‘‘క్రైమ్‌ థ్రిల్లర్‌గా రూపొందుతోన్న చిత్రమిది. ఇప్పటివరకు వచ్చిన ఈ జానర్‌ సినిమాలతో పోల్చితే మా సినిమా ప్రేక్షకులకు వైవిధ్యమైన అనుభూతిని పంచుతుంది. శ్రీ చరణ్‌ పాకాల అద్భుతమైన బాణీలు అందించారు’’ అని చిత్ర యూనిట్‌ పేర్కొంది. ఈ చిత్రానికి కెమెరా: చరణ్‌ మాధవనేని, ఎగ్జిక్యూటివ్‌ ప్రొడ్యూసర్స్‌: విజయ, ఝాన్సీ.