ఓటీటీలో ఆకట్టుకుంటున్న‘నేను-కీర్తన’

చిమటా ప్రొడక్షన్స్ బ్యానర్‌పై చిమటా రమేష్ బాబు (సి.హెచ్.ఆర్) హీరోగా నటిస్తూ దర్శకత్వం వహించిన చిత్రం ‘నేను-కీర్తన’. చిమటా జ్యోతిర్మయి (యు.ఎస్.ఏ) సమర్పణలో, చిమటా లక్ష్మీ కుమారి నిర్మించిన ఈ సినిమా గత ఏడాది ఆగస్టు 30న థియేటర్లలో విడుదలై మంచి ఆదరణ పొందింది. ఇప్పుడు ఈ చిత్రం ఓటీటీలోకి అందుబాటులోకి వచ్చింది. ఏప్రిల్ 16 నుంచి అమెజాన్ ప్రైమ్‌ వీడియోలో ఈ సినిమా స్ట్రీమింగ్ అవుతోంది. 99 రూపాయల రెంట్‌తో అందుబాటులో ఉన్న ఈ సినిమా ఓటీటీలోనూ అద్భుతమైన స్పందనను రాబడుతూ, తక్కువ సమయంలోనే ఎక్కువ వ్యూస్ సాధించింది.

‘నేను-కీర్తన’ మల్టీ జానర్ చిత్రంగా రూపొందింది. లవ్, సెంటిమెంట్, యాక్షన్, రొమాన్స్, కామెడీ, హర్రర్ వంటి అన్ని అంశాలను కలగలిపి దర్శకుడు చిమటా రమేష్ బాబు ఈ చిత్రాన్ని తెరకెక్కించారు. గ్రామీణ నేపథ్యంలో సాగే కథ ప్రేక్షకులను ఆకట్టుకుంటోంది. జానీ అనే పాత్రలో రమేష్ బాబు నటన అందరి ప్రశంసలు అందుకుంది. అన్యాయాలను ఎదిరించే, అపాయంలో ఉన్నవారికి సాయం చేసే యువకుడిగా ఆయన కనిపించారు. కథలో జానీ శత్రువులతో పోరాడుతూనే, తన జీవితంలోకి వచ్చిన కీర్తనతో స్నేహం, ప imza బంధాన్ని నడిపిస్తాడు. కీర్తన ప్రమాదంలో ఉన్న విషయం తెలిసిన జానీ ఆమెను ఎలా కాపాడాడనేది ఆసక్తికర మలుపులతో, హర్రర్ ఎలిమెంట్స్‌తో ఈ చిత్రాన్ని తెరకెక్కించారు.ఈ చిత్రం ఐఎమ్‌డీబీలో 8.9, బుక్‌మైషోలో 9.3 రేటింగ్‌ సాధించి విమర్శకుల ప్రశంసలు అందుకుంది. థియేటర్లలో విజయం సాధించిన ఈ చిత్రం ఓటీటీలోనూ ప్రేక్షకులను అలరిస్తోంది