తప్పు చేస్తే తప్పించుకోలేరు..

ఆదర్శ్, హరీష్, ట్వింకిల్‌ అగర్వాల్, సాయి శ్వేత, ఆకెళ్ల, ఫహీం ముఖ్య పాత్రల్లో నటించిన చిత్రం ‘తప్పించుకోలేరు’. రుద్రాపట్ల వేణుగోపాల్‌ (ఆర్‌.వి.జి) దర్శకత్వం వహించారు. రుద్రాపట్ల వేణుగోపాల్‌ (ఆర్‌.వి.జి)–తలారి వినోద్‌ కుమార్‌ ముదిరాజ్‌– శ్రీనివాస్‌ మామిడాల–లలిత్‌ కుమార్‌ నిర్మించిన ఈ సినిమా పోస్ట్‌ ప్రొడక్షన్‌ పనులు జరుపుకుంటోంది.

విలేకరుల సమావేశంలో తలారి వినోద్‌ కుమార్‌ ముదిరాజ్‌ మాట్లాడుతూ– ‘‘తప్పు చేస్తే తప్పించుకోలేరు అనేది చిత్రం ప్రధానాంశం. ఈ చిత్రం విడుదల తర్వాత దర్శకుడు ఆర్‌.వి.జికి మంచి పేరు వస్తుంది. వి.ఎస్‌.పి. తెన్నేటి మాటలు–పాటలు, రాజేష్‌ రాజ్‌ సంగీతం ఈ చిత్రానికి ప్రధాన ఆకర్షణలుగా నిలుస్తాయి. ఆర్‌.వి.జి దర్శకత్వంలోనే  మరో సినిమాకు శ్రీకారం చుట్టాం’’ అన్నారు.

చదవండి: ‘రంగస్థలం’ తమిళ ట్రైలర్‌: చిట్టిబాబు చింపేశాడుగా