రజనీకాంత్‌ 'వేట్టైయాన్' సాంగ్‌ ప్రోమో.. అనిరుధ్‌ మ్యూజిక్‌ మార్క్‌

దసరా పండక్కి థియేటర్స్‌లోకి రానున్నాడు ‘వేట్టైయాన్ ’. రజనీకాంత్‌ హీరోగా టీజే జ్ఞానవేల్‌ దర్శకత్వంలో లైకాప్రోడక్షన్స్‌పై ఈ మూవీని సుభాస్కరన్‌ నిర్మించారు. ఈ మూవీ నుంచి ఫ‌స్ట్ సింగిల్ ‘మనసిలాయో’ అనే సాంగ్‌ ప్రోమోను మేకర్స్‌ విడుదల చేశారు. సెప్టెంబ‌ర్ 9న పూర్తి పాటను రిలీజ్‌ చేస్తున్నట్లు ప్రకటించారు. ఈ సినిమాలో అమితాబ్‌ బచ్చన్ , మంజు వారియర్, ఫహాద్‌ ఫాజిల్, రానా దగ్గుబాటి, రోహిణి, అభిరామి, రితికా సింగ్, దుషారా విజయన్  ఇతర పాత్రల్లో నటించారు.

జైలర్‌ సినిమా తర్వాత రజనీకాంత్‌- అనిరుధ్ రవిచందర్ మ్యూజిక్‌ కాంబినేషన్‌ మరోసారి ఫ్యాన్స్‌ను ఫిదా చేయనుంది. సాంగ్‌ ప్రోమోలోనే అనిరుధ్‌ మ్యూజిక్‌ మార్క్‌ కనిపిస్తుంది. దసర సందర్భంగా అక్టోబర్‌ 10న వేట్టైయాన్‌ విడుదల కానుంది.రిలీజ్‌ డేట్‌ని బట్టి చూస్తే దసరా సెలవులను ఈ సినిమా టార్గెట్‌ చేసినట్లు తెలుస్తోంది. ఈ సినిమాలో ఎన్ కౌంటర్‌ స్పెషలిస్ట్‌ పోలీస్‌ ఆఫీసర్‌ పాత్రలో రజనీకాంత్, లాయర్‌ పాత్రలో అమితాబ్‌ బచ్చన్  కనిపిస్తారనే ప్రచారం సాగుతోంది. తెలుగు, తమిళం, కన్నడం, హిందీ భాషల్లో ‘వేట్టైయాన్ ’ సందడి చేయనున్నాడు.