సాక్షి, చెన్నై: సూపర్‌స్టార్‌ రజనీకాంత్‌ నటించిన ‘వేట్టయన్‌’ చిత్రంలో తమ ప్రాంత పాఠశాలను, విద్యార్థులను తప్పుగా చిత్రీకరించారని ఆగ్రహం వ్యక్తం చేస్తూ తమిళనాడులోని కోవిల్‌పట్టి గాంధీనగర్‌ వాసులు శుక్రవారం ఆందోళనకు దిగారు. సౌత్‌స్టార్‌ రజనీకాంత్, బాలీవుడ్‌ స్టార్‌ అమితాబ్‌ బ‌చ్చ‌న్‌ వంటి నటీనటులతో తెరకెక్కిన వేట్టయన్‌ చిత్రం గురువారం విడుదలైంది. ఈ చిత్రంలో తమ ప్రాంతంలోని ఉత్తమ పాఠశాల, అందులో విద్యార్థులను తప్పుగా చూపించారంటూ తెన్‌కాశి జిల్లా, కోవిల్‌పట్టి గాంధీనగర్‌కు చెందిన ప్రజలు ఆగ్రహం వ్యక్తం చేశారు.డ్రగ్స్‌ విషయంలో తమ పాఠశాలకు వ్యతిరేకంగా దృశ్యాలున్నాయని, వాటిని తొలగించకుంటే ప్రదర్శనను అడ్డుకుంటామని స్థానికంగా ఉన్న లక్ష్మీ థియేటర్‌ను ముట్టడించడంతో ఉద్రిక్తత పరిస్థితి చోటుచేసుకుంది. చివరకు పోలీసులు రంగంలోకి దిగి వారిని బుజ్జగించారు. లిఖిత పూర్వకంగా ఫిర్యాదు ఇస్తే సంబంధిత సినీ వర్గాలపై చర్యలు తీసుకుంటామని హామీ ఇచ్చారు. దీంతో వారు ఫిర్యాదు చేయగా, పోలీసులు విచారణ చేపట్టారు.కాగా, అక్టోబర్‌ 10న ప్రపంచవ్యాప్తంగా విడుదలైన వేట్టయన్‌ సినిమా బాక్సాఫీస్‌ వద్ద సందడి చేస్తోంది. దర్శకుడు టీజే జ్ఞానవేల్‌ తెరకెక్కించిన ఈ సినిమాలో రజనీకాంత్‌ ఎన్‌కౌంటర్‌ స్పెషలిస్టుగా నటించారు. మంజు వారియర్‌, ఫహద్‌ ఫాజిల్‌, రానా దగ్గుబాటి, కిశోర్‌, అభిరామి, రితికా సింగ్‌, దుషారా విజయ్‌, రోహిణి ముఖ్యపాత్రల్లో కనిపించారు. అనిరుధ్‌ రవిచందర్‌ అందించిన సంగీతం ఈ సినిమాకు ప్లస్‌గా మారింది. చ‌ద‌వండి: రజనీకాంత్‌ వేట్టయన్‌ సినిమా ఎలా ఉంది.. మూవీ రివ్యూ

సూపర్‌స్టార్ రజినీకాంత్ నటిస్తోన్న భారీ యాక్షన్ చిత్రం వెట్టైయాన్. టీజీ జ్ఞానవేల్‌ దర్శకత్వంలో ప్రముఖ నిర్మాణ సంస్థ లైకా ప్రొడక్షన్స్‌ బ్యానర్‌పై ఈ సినిమాను తెరకెక్కించారు. ఈ పాన్ ఇండియా సినిమా దసరా సందర్భంగా థియేటర్లలో సందడి చేసేందుకు సిద్ధమైంది. జైలర్ తర్వాత తలైవా నటించిన చిత్రం కావడంతో అభిమానుల్లో భారీ అంచనాలు నెలకొన్నాయి. ఈ నెల 10న ప్రపంచవ్యాప్తంగా థియేటర్లలో రిలీజ్ కానుంది.ఈ నేపథ్యంలో ఇప్పటికే అడ్వాన్స్ బుకింగ్ ఓపెన్ అయ్యాయి. ఇప్పటివరకు తమిళ వర్షన్‌ కేవలం రూ.10.2 కోట్ల మేర టికెట్స్ బుకింగ్స్ మాత్రమే పూర్తయ్యాయి. తెలుగులో అయితే ఈ సంఖ్య మరింత తక్కువగా ఉంది. అడ్వాన్స్ బుకింగ్స్ ద్వారా కేవలం రూ.74 లక్షలు మాత్రమే వసూళ్లు రానున్నాయి. హిందీలో మరింత దారుణంగా రూ.93 వేల అడ్వాన్స్ బుకింగ్‌ బిజినెస్ జరిగింది. ఓవరాల్‌గా చూస్తే ఇండియా వ్యాప్తంగా రూ.11 కోట్ల వరకు ముందస్తు టికెట్ బుకింగ్స్‌ అయినట్లు తెలుస్తోంది.అడ్వాన్స్ బుకింగ్స్‌లో వెట్టైయాన్‌కు క్రేజ్ తగ్గడంపై ఫ్యాన్స్ షాకవుతున్నారు. ట్విటర్‌లో ఏకంగా వెట్టైయాన్ డిజాస్టర్ అంటూ హ్యాష్‌ ట్యాగ్ ట్రెండింగ్ చేస్తున్నారు. ఈ విషయంపై నెట్టింట తెగ చర్చ మొదలైంది. అసలే ఈ మూవీ కోసం సూర్య నటించిన కంగువా చిత్రాన్ని మేకర్స్ వాయిదా వేసుకున్నారు. ఈ సినిమాపై భారీ అంచనాలున్నప్పటికీ అడ్వాన్స్ బుకింగ్స్‌ పెద్దగా జరగకపోవడంపై ఫ్యాన్స్ నిరాశకు గురవుతున్నారు. దీన్ని బట్టి చూస్తే మొదటి రోజు వంద కోట్ల రాబట్టడం కష్టంగానే కనిపిస్తోంది. ఈ చిత్రంలో రజనీకాంత్, అమితాబ్ బచ్చన్, ఫహద్ ఫాసిల్, రానా దగ్గుబాటి, మంజు వారియర్, రితికా సింగ్, దుషార విజయన్ కీలక పాత్రలు పోషిస్తున్నారు.

ప్రతిభ కలిగిన వారికి సినీ రంగంలో గ్యాప్‌ వస్తుందేమో గానీ, మళ్లీ రాణించడం మాత్రం పక్కా. ఇందుకు ఉదాహరణ నటి త్రిష. ఇండియన్‌ కథానాయకిగా పేరు గాంచిన ఈమె ఆ మధ్య వరుస పరాజయాలతో సతమతమయ్యారు. త్రిష పని అయిపోయిందీ అనే మాట కూడా చిత్ర వర్గాల్లో వినిపించింది. అలాంటిది పొన్నియిన్‌ సెల్వన్‌ చిత్రంతో ఒక్కసారిగా ఉవ్వెత్తున ఎగిశారు. అంతే ఇప్పటికీ విజయ్‌, అజిత్‌, కమలహాసన్‌ వంటి సీనియర్‌ స్టార్స్‌కు జంటగా నటిస్తూ బిజీగా ఉన్నారు. అదేవిధంగా తెలుగు, మలయాళం భాషల్లోనూ నటిస్తున్నారు.మలయాళ భామ మంజువారియర్‌ది దాదాపు ఇదే పరిస్థితి. ఈమె కూడా మలయాళంలో టాప్‌ హీరోయిన్‌గా వెలుగొందుతున్న సమయంలోనే నటుడు దిలీప్‌ను 1998లో ప్రేమ వివాహం చేసుకున్నారు. ఆ తరువాత నటనకు గ్యాప్‌ ఇచ్చారు. వీరికి ఒక కూతురు కూడా ఉంది. అయితే ఆ తరువాత మనస్పర్థల కారణంగా భర్త నుంచి విడిపోయారు. అలా 15 ఏళ్ల తరువాత మంజువారియర్‌ నటిగా రీఎంట్రీ ఇచ్చారు. ఈ 46 ఏళ్ల బ్యూటీ ఇప్పుడు సీనియర్‌ నటులకు ఆప్షన్‌ కథానాయకిగా మారారు. తమిళంలో బిజీగా నటిస్తున్నారు.ఇదీ చదవండి: అమెరికా ఎన్నికల్లో వైరల్‌ అవుతున్న ఎన్టీఆర్‌ సాంగ్‌ఇంతకుముందు అజిత్‌కు జంటగా తుణివు. ధనుష్‌ సరసన అసురన్‌ చిత్రాలలో నటించారు. తాజాగా వెట్రిమారన్‌ దర్శకత్వంలో విడుదలై 2 చిత్రంలోనూ, రజనీకాంత్‌ సరసన వేట్టైయాన్‌ చిత్రంలోనూ నటించారు. వీటిలో వేట్టైయాన్‌ చిత్రం అక్టోబర్‌ 10న తెరపైకి రానుంది. ఈ చిత్రంలో రజనీకాంత్‌తో మంజువారియర్‌ స్టెప్స్‌ వేసిన పాట ఇటీవల విడుదలై సామాజిక మాధ్యమాల్లో వైరల్‌ అవుతోంది. అంతేకాకుండా ఈ పాటలో మంజువారియర్‌ చాలా గ్లామర్‌గా కనిపిస్తున్నారంటూ నెటిజన్లు కామెంట్స్‌ చేస్తున్నారు.

కోలీవుడ్ సూపర్‌స్టార్‌, తలైవా రజినీకాంత్‌ ప్రస్తుతం వెట్టైయాన్‌ చిత్రంలో నటిస్తున్నారు. ఈ చిత్రానికి టీజే జ్ఞానవేల్ దర్శకత్వం వహిస్తున్నారు. ఈ సినిమాను లైక్షా ప్రొడక్షన్స్‌ భారీ బడ్జెట్‌తో నిర్మిస్తున్నారు. ఇప్పటికే షూటింగ్ పూర్తి చేసుకున్న ఈ చిత్రం దసరా బరిలో నిలిచింది. వచ్చేనెల 10 వ తేదీన ప్రపంచవ్యాప్తంగా రిలీజ్ కానుంది. ఇంకా నెల రోజులు మాత్రమే సమయం ఉండండతో మేకర్స్ దూకుడు పెంచారు. తాజాగా ఈ మూవీ నుంచి లిరికల్ వీడియో సాంగ్‌ రిలీజ్ చేశారు. మనసిలాయో అంటూ సాగే పాటను విడుదల చేశారు. ఈ సినిమాకు అనిరుధ్ రవిచందర్ సంగీతమందిస్తున్నారు. తాజాగా రిలీజైన లిరికల్ సాంగ్ తలైవా ఫ్యాన్స్‌ను ఓ ఊపు ఊపేస్తోంది.తలైవా కోసం తప్పుకున్న కంగువా..తమిళ స్టార్ హీరో సూర్య నటిస్తోన్న భారీ యాక్షన్‌ చిత్రం కంగువా. శివ దర్శకత్వంలో ఈ సినిమాను యూవీ క్రియేషన్స్, స్టూడియో గ్రీన్‌ సంస్థలు భారీ బడ్జెట్‌తో నిర్మిస్తున్నాయి. ఇప్పటికే ఈ మూవీ రిలీజ్‌ డేట్‌ను కూడా మేకర్స్ అనౌన్స్‌ చేశారు. దసరా సందర్భంగా అక్టోబర్ 10న రిలీజ్ చేయనున్నట్లు అధికారికంగా ప్రకటించారు. కానీ ఈ దసరాకు ఊహించని విధంగా సూపర్ స్టార్‌ రజినీకాంత్‌ రేసులోకి రావడంతో కంగువా మేకర్స్ కీలక నిర్ణయం తీసుకున్నారు. కంగువా విడుదలను వాయిదా వేస్తున్నట్లు ఓ ఈవెంట్‌లో సూర్య అధికారికంగా ప్రకటించారు.

దసరా పండక్కి థియేటర్స్‌లోకి రానున్నాడు ‘వేట్టైయాన్ ’. రజనీకాంత్‌ హీరోగా టీజే జ్ఞానవేల్‌ దర్శకత్వంలో లైకాప్రోడక్షన్స్‌పై ఈ మూవీని సుభాస్కరన్‌ నిర్మించారు. ఈ మూవీ నుంచి ఫ‌స్ట్ సింగిల్ ‘మనసిలాయో’ అనే సాంగ్‌ ప్రోమోను మేకర్స్‌ విడుదల చేశారు. సెప్టెంబ‌ర్ 9న పూర్తి పాటను రిలీజ్‌ చేస్తున్నట్లు ప్రకటించారు. ఈ సినిమాలో అమితాబ్‌ బచ్చన్ , మంజు వారియర్, ఫహాద్‌ ఫాజిల్, రానా దగ్గుబాటి, రోహిణి, అభిరామి, రితికా సింగ్, దుషారా విజయన్ ఇతర పాత్రల్లో నటించారు.జైలర్‌ సినిమా తర్వాత రజనీకాంత్‌- అనిరుధ్ రవిచందర్ మ్యూజిక్‌ కాంబినేషన్‌ మరోసారి ఫ్యాన్స్‌ను ఫిదా చేయనుంది. సాంగ్‌ ప్రోమోలోనే అనిరుధ్‌ మ్యూజిక్‌ మార్క్‌ కనిపిస్తుంది. దసర సందర్భంగా అక్టోబర్‌ 10న వేట్టైయాన్‌ విడుదల కానుంది.రిలీజ్‌ డేట్‌ని బట్టి చూస్తే దసరా సెలవులను ఈ సినిమా టార్గెట్‌ చేసినట్లు తెలుస్తోంది. ఈ సినిమాలో ఎన్ కౌంటర్‌ స్పెషలిస్ట్‌ పోలీస్‌ ఆఫీసర్‌ పాత్రలో రజనీకాంత్, లాయర్‌ పాత్రలో అమితాబ్‌ బచ్చన్ కనిపిస్తారనే ప్రచారం సాగుతోంది. తెలుగు, తమిళం, కన్నడం, హిందీ భాషల్లో ‘వేట్టైయాన్ ’ సందడి చేయనున్నాడు.

ఏదైనా శుభకార్యం మొదలుపెడితే విఘ్నాలను తొలగిపోవాలని అందరూ వినాయకుడిని పూజిస్తారు. చిత్ర పరిశ్రమలో ఒక సినిమా షూటింగ్‌ ప్రారంభం అవుతుందంటే.. విఘ్నేశ్వరుడి పూజతోనే మొదలపెడుతారు. ఈ క్రమంలో వినాయకచవితి సందర్భంగా తాజాగా చిత్ర పరిశ్రమలో సందడి నెలకొంది. కొత్త సినిమా ప్రాజెక్ట్‌లకు సంబంధించిన పోస్టర్‌లను అభిమానులతో పంచుకున్నారు. దేవర,కుబేరా,వేట్టయాన్‌ వంటి సినిమాల నుంచి అప్‌డేట్స్‌ ఇచ్చారు. సోషల్‌మీడియాలో వైరల్‌ అవుతున్న మీ అభిమాన హీరోల పోస్టర్‌లను చూసేయండి.

కోలీవుడ్ స్టార్ హీరో సూర్య నటిస్తోన్న భారీ యాక్షన్ చిత్రం కంగువా. శివ దర్శకత్వంలో తెరకెక్కుతోన్న ఈ సినిమాపై అభిమానుల్లో పెద్దఎత్తున అంచనాలు నెలకొన్నాయి. యూవీ క్రియేషన్స్, స్టూడియో గ్రీన్‌ సంస్థలు భారీ బడ్జెట్‌తో నిర్మిస్తున్నాయి. ఇప్పటికే ఈ మూవీ అక్టోబర్ 10న రిలీజ్ చేయనున్నట్లు మేకర్స్ అధికారికంగా ప్రకటించారు. అయితే అనుకున్నట్లుగానే జరుగుతుందన్న తరుణంలో కంగువా వాయిదా పడుతుందన్న టాక్ వినిపిస్తోంది. ఈ విషయం తెలుసుకున్న సూర్య ఫ్యాన్స్‌ సోషల్ మీడియా వేదికగా మండిపడుతున్నారు.అయితే అదే రోజు రజినీకాంత్ మూవీ వెట్టైయాన్‌ విడుదలకు సిద్ధమైంది. ఇప్పటికే లైకా ప్రొడక్షన్స్‌ ఈ విషయాన్ని అధికారికంగా ప్రకటించింది. టీజీ జ్ఞానవేల్ డైరెక్షన్‌లో వస్తోన్న ఈ చిత్రంపై అభిమానుల్లో భారీ అంచనాలు నెలకొన్నాయి. ఈ నేపథ్యంలోనే కంగువా మూవీ వాయిదా పడుతోందన్న వార్తలు ఊపందుకున్నాయి. ఇది కాస్తా సూర్య, తలైవా ఫ్యాన్స్ మధ్య వార్‌గా మారింది. ఈ విషయంపై సోషల్ మీడియా వేదికగా తమ ‍ఆగ్రహాన్ని వ్యక్తం చేస్తున్నారు.కంగువా వాయిదా.. ట్విటర్‌లో ట్రెండింగ్‌?సూర్య నటిస్తోన్న కంగువా భారీ బడ్జెట్ చిత్రం కావడంతో నిర్మాతలు ఆచితూచి వ్యవహరిస్తున్నారు. అక్టోబర్‌ 10 రజినీకాంత్‌తో పోటీపై సమాలోచనలు చేస్తున్నారు. ఈ నేపథ్యంలోనే అక్టోబర్‌ 31కి వాయిదా వేయాలనే ఆలోచనలో ఉన్నట్లు సమాచారం. కంగువా రిలీజ్ డేట్‌ ముందుగానే ప్రకటించినప్పటికీ పోటీలో రజినీకాంత్ రావడంతో వాయిదా పడినట్టేనని టాక్ వినిపిస్తోంది. ఈ వార్త విన్న సూర్య ఫ్యాన్స్‌ ట్విటర్‌ వేదికగా తమ ఆగ్రహాన్ని వ్యక్తం చేస్తున్నారు. 'షేమ్ ఆన్‌ యూ స్టూడియోగ్రీన్‌' అనే హ్యాష్‌ట్యాగ్‌ను ట్విటర్‌లో ట్రెండ్‌ చేస్తున్నారు. కంగువా మేకర్స్‌ క్లారిటీ ఇస్తేనే ఫ్యాన్స్ మధ్య వార్‌కు చెక్‌ పడుతుంది.

కోలివుడ్‌ సూపర్‌స్టార్‌ రజనీకాంత్‌ వరుస సినిమాలతో బిజీగా ఉన్నారు. జైలర్‌ హిట్‌ తర్వాత ఆ రేంజ్‌లో తన తర్వాతి సినిమా ఉండాలని ఆయన ప్లాన్‌ చేస్తున్నారు. ఈ దసరా పండక్కి 'వేట్టైయాన్‌' సినిమాతో ఆయన ప్రేక్షకుల ముందుకు రానున్నాడు. టీజే జ్ఞానవేల్‌ దర్శకత్వంలో లైకాప్రోడక్షన్స్‌పై సుభాస్కరన్ ఈ మూవీ నిర్మిస్తున్నారు. ఈ ప్రాజెక్ట్‌తో పాటు కూలీ సినిమా కూడా తెరకెక్కిస్తున్నారు. ఈ ప్రాజెక్ట్‌లతో పాటు జైలర్‌ సీక్వెల్‌ కూడా ఉంది. అయితే, ఇప్పుడు రజనీకాంత్‌ మరో సినిమాకు గ్రీన్‌ సిగ్నల్‌ ఇచ్చేశారని తెలుస్తోంది.కోలీవుడ్‌ టాప్‌, టాలెంట్‌ డైరెక్టర్స్‌తో సినిమాలు తీసేందుకు రజనీకాంత్‌ ఆసక్తి చూపుతున్నారు. ఈ క్రమంలో వేట్టైయాన్‌ సినిమాతో టీజే జ్ఞానవేల్‌, కూలీ ప్రాజెక్ట్‌తో లోకేశ్ కనగరాజ్ , జైలర్‌తో నెల్సన్‌ దిలీప్‌కుమార్‌ ఇలా వరుస బిగ్‌ ప్రాజెక్ట్‌లతో బిజీగా ఉన్న రజనీకాంత్‌.. తాజాగా డైరెక్టర్‌ మారి సెల్వరాజ్‌తో ఒక సినిమా చేయనున్నట్లు నెట్టింట ఒక వార్త వైరల్‌ అవుతుంది. కర్ణన్‌, మామన్నన్‌ చిత్రాలతో సౌత్‌ ఇండియా ప్రేక్షకులను మెప్పించిన మారి సెల్వరాజ్‌కు రజనీ ఛాన్స్‌ ఇచ్చారని తెలిసిన అభిమానులు సంబరపడుతున్నారు.తాజాగా ఓ ఇంటర్వయూలో పాల్గొన్న మారి సెల్వరాజ్‌ ఈ విషయం గురించి ఇలా క్లారిటీ ఇచ్చారు. 'రజనీకాంత్‌ గారికి నేను అంటే చాలా ఇష్టం. నేను డైరెక్ట్‌ చేసిన కర్ణన్‌, మామన్నన్‌ చిత్రాలను ఆయన చూసి అభినందించారు. ఆ సమయంలోనే ఒక సినిమా చేయాలని ఇద్దరం నిర్ణయించుకున్నాం. ఇప్పటికైతే కథ రెడీ అయింది. అందుకు సంబంధించిన చర్చలు జరుగుతున్నాయి.' అని మారి సెల్వరాజ్‌ తెలిపారు. ప్రస్తుతం రజనీకాంత్‌ సినిమాలు అన్నీ కూడా పాన్‌ ఇండియా రేంజ్‌లో తెరకెక్కుతున్నాయి.

దసరా పండక్కి థియేటర్స్‌లోకి రానున్నాడు ‘వేట్టైయాన్ ’. రజనీకాంత్‌ హీరోగా టీజే జ్ఞానవేల్‌ దర్శకత్వంలో లైకాప్రోడక్షన్ ్సపై ఈ మూవీ నిర్మించారు సుభాస్కరన్ . ఈ సినిమాలో అమితాబ్‌ బచ్చన్ , మంజు వారియర్, ఫహాద్‌ ఫాజిల్, రానా దగ్గుబాటి, రోహిణి, అభిరామి, రితికా సింగ్, దుషారా విజయన్ ఇతర పాత్రల్లో నటించారు.ఈ సినిమాను అక్టోబరు 10న రిలీజ్‌ చేస్తున్నట్లు ప్రకటించి, రజనీకాంత్‌ కొత్త పోస్టర్‌ను రిలీజ్‌ చేశారు మేకర్స్‌. రిలీజ్‌ డేట్‌ని బట్టి చూస్తే దసరా సెలవులను ఈ సినిమా టార్గెట్‌ చేసినట్లు తెలుస్తోంది. ఈ సినిమాలో ఎన్ కౌంటర్‌ స్పెషలిస్ట్‌ పోలీస్‌ ఆఫీసర్‌ పాత్రలో రజనీకాంత్, లాయర్‌ పాత్రలో అమితాబ్‌ బచ్చన్ కనిపిస్తారనే ప్రచారం సాగు తోంది. తెలుగు, తమిళం, కన్నడం, హిందీ భాషల్లో రిలీజ్‌ కానున్న ఈ సినిమాకు అనిరుథ్‌ రవిచందర్‌ సంగీతం అందించారు.

స్టార్ హీరోల సినిమాలు ఒకే రోజు రిలీజ్ కావడం ఎప్పటినుంచి ఉన్నదే. సంక్రాంతి టైంలో అయితే ముగ్గురు, నలుగురు హీరోలు కూడా తమ తమ మూవీస్‍‌ని బరిలో దింపుతుంటారు. కానీ ఇప్పుడు మాత్రం తమిళ ఇండస్ట్రీలో అలాంటి ఓ పోటీకే సూర్య, రజినీకాంత్ సిద్ధమయ్యారు కానీ ఇది సదరు చిత్ర పరిశ్రమకి ప్లస్ కావడం కంటే మైనస్ అయ్యే ఛాన్సులే ఎక్కువగా ఉన్నాయి.రీజనల్ సినిమాల మధ్య పోటీ ఉన్న పెద్ద పోయేదేం లేదు. కానీ పాన్ ఇండియా స్థాయిలో రిలీజ్ చేద్దామని అనుకున్నప్పుడు సోలో రిలీజ్ డేట్స్ చూసుకోవడం ఉత్తమం. ఇప్పుడు సూర్య 'కంగువ', రజినీకాంత్ 'వేట్టాయాన్' సినిమాల రిలీజ్ డేట్స్ చూస్తుంటే అయోమయంగా ఉంది. ఎందుకంటే తమిళ ఇండస్ట్రీ నుంచి వస్తున్న భారీ బడ్జెట్ పీరియాడికల్ మూవీ 'కంగువ'. రూ.1000 కోట్ల వసూళ్లు దాటేస్తాం అని నిర్మాత ధీమాగా ఉన్నారు. ఈ క్రమంలోనే దసరా కానుకగా అక్టోబరు 10న థియేటర్లలోకి వస్తున్నట్లు చెప్పారు.(ఇదీ చదవండి: ఈ వారం ఓటీటీల్లోకి ఏకంగా 18 సినిమాలు.. ఆ మూడు స్పెషల్)అదే తేదీకి రజినీకాంత్ 'వేట్టాయాన్' కూడా రిలీజ్ అవుతుందని తాజాగా పోస్టర్ రిలీజ్ చేసి మరీ ప్రకటించారు. సూర్య నుంచి మొదటి పాన్ ఇండియా మూవీ ఇది. కాబట్టి అంచనాలు గట్టిగానే ఉంటాయి. మరోవైపు రజినీకాంత్‌ మూవీ అంటే నేషనల్ వైడ్ మంచి ఫాలోయింగ్ ఉంటుంది. ఇందులో అమితాబ్ బచ్చన్ కూడా నటిస్తున్నారు కాబట్టి హిందీ రిలీజ్ కూడా పక్కా. కాబట్టి ఒకేరోజున ఇద్దరికీ వసూళ్ల పరంగా దెబ్బపడే అవకాశముంది.తెలుగులో పాన్ ఇండియా మూవీస్ రిలీజ్ అవుతున్నాయి కానీ దాదాపుగా సోలో గానే రిలీజ్ ప్లాన్ చేస్తున్నారు. ఆ టైంలో వేరే సినిమాలు ఏమైనా ఉన్నా సరే పోటీ నుంచి తప్పుకొంటున్నారు. ఇదే పద్ధతి తమిళ దర్శకనిర్మాతలు కాస్త ఆలోచిస్తే మంచిది. లేదంటే ఇండస్ట్రీకి మైనస్ అయ్యే ఛాన్సులే ఎక్కువ!(ఇదీ చదవండి: ప్రభాస్ లేకుండా 'బాహుబలి'ని ఊహించలేం: సీఎం రేవంత్ రెడ్డి)

రజనీకాంత్‌ హీరోగా ‘జై భీమ్‌’ ఫేమ్‌ టీజే జ్ఞానవేల్‌ దర్శకత్వంలో రూపొందుతున్న సినిమా ‘వేట్టయాన్‌’ (వేటగాడు). అమితాబ్‌ బచ్చన్, ఫాహద్‌ ఫాజిల్, రానా ఇతర లీడ్‌ రోల్స్‌లో దుషారా విజయన్, మంజు వారియర్, రితికా సింగ్‌ కీలక పాత్రల్లో నటిస్తున్న చిత్రం ఇది. ఈ సినిమా చిత్రీకరణ వేగంగా జరుగుతుంది. అయితే, ఈ సినిమాలో ఒక పాట కోసం భారీగా ఖర్చు చేసి నట్లు తెలుస్తోంది.జైలర్‌ సినిమా తర్వాత వేట్టైయాన్‌ వస్తుండటంతో ఫ్యాన్స్‌లో భారీ అంచనాలు ఉన్నాయి. ఈ చిత్రాన్ని లైకా ప్రొడక్షన్స్‌ సంస్థ ఎక్కువ బడ్జెట్‌తో నిర్మిస్తుంది. ఈ చిత్రంలో రజనీకాంత్‌ మాజీ పోలీస్‌ ఎన్‌కౌంటర్‌ స్పెషలిస్ట్‌గా కనిపించనున్నారు. ఈ చిత్రం తిరువనంతపురం, కన్యాకుమారి, ముంబయి, కేరళ ప్రాంతాల్లో చిత్రీకరణను జరుపుకుంటోంది. అనిరుధ్‌ సంగీతం అందిస్తున్న ఈ చిత్రం కోసం ఇటీవల రజనీకాంత్‌తో పాటు 500 మంది నృత్య కళాకారులతో ఒక పాటను చిత్రీకరించినట్లు తెలిసింది. ఈ ఒక్క సాంగ్‌ కోసం సుమారు రూ. 5 కోట్లు ఖర్చు చేసినట్లు వార్తలు వస్తున్నాయి. ఈ మధ్య కాలంలో ఏ సినిమాలోనూ ఇంతమంది డాన్సర్స్‌తో పాటను చిత్రీకరించిన దాఖలాలు లేవు. దీంతో వేట్టైయాన్‌ చిత్రంపై ఆసక్తితో పాటు అంచనాలు పెరుగుతున్నాయి. ఈ చిత్రాన్ని దీపావళి సందర్భంగా అక్టోబర్‌ నెలలో విడుదల చేయనున్నట్లు ప్రచారం జరిగినా, ప్రస్తుతం దానికి సంబంధించిన ప్రకటన ఇంకా వెలువడలేదు.

కోలీవుడ్‌ స్టార్‌ రజనీకాంత్‌కు తాను నటించిన చిత్రం పూర్తి కాగానే విశ్రాంతి కోసం ఆధ్యాత్మికత పర్యటనలకు వెళ్లడం పరిపాటి. అలా హిమాలయాలు, హరిద్వార్, ద్వారకేష్‌ వంటి ప్రదేశాలకు వెళ్లి ఒకటి రెండు వారాలు ధ్యానం, యోగా వంటి మానసికంగా నూతనోత్సాహాన్ని పొంది వస్తుంటారు. ప్రస్తుతం ఈయన కథానాయకుడిగా నటిస్తున్న వేట్టైయాన్‌ చిత్రాన్ని జై భీమ్‌ చిత్రం ఫేమ్‌ జ్ఞానవేల్‌ దర్శతక్వంలో లైకా ప్రొడక్షన్స్‌ సంస్థ నిర్మిస్తోంది. నటుడు అమితాబ్‌ కీలక పాత్రను పోషించిన ఇందులో నటి దుషారా విజయన్, రిత్వికాసింగ్‌ తదితరులు ముఖ్య పాత్రలు పోషించారు. కాగా రజనీకాంత్‌ ఈ చిత్రం షూటింగ్‌ను ఇటీవలే పూర్తి చేశారు. తదిపరి లోకేశ్‌ కనకరాజ్‌ దర్శకత్వంలో నటించడానికి సిద్ధం అవుతున్నారు. దీనికి కూలీ అనే టైటిల్‌ను ఖరారు చేసిన విషయం తెలిసిందే. సన్‌ పిక్చర్స్‌ సంస్థ నిర్మిస్తున్న ఈ చిత్రం షూటింగ్‌ జూన్‌ నెలల్లో ప్రారంభం కానుంది. దీనికి అనిరుధ్‌ సంగీతాన్ని, గిరీష్‌ గంగాధరన్‌ ఛాయాగ్రహణం అందిస్తున్నారు. ఇప్పటికే చిత్ర దర్శకుడు లోకేశ్‌ కనకరాజ్‌ ఫస్ట్‌ ఆఫ్‌ కథను సిద్ధం చేసి.. సెకండ్‌ ఆఫ్‌ పూర్తిచేసే పనిలో ఉన్నట్లు తెలిసింది. దీంతో రజనీకాంత్‌ రిలాక్స్‌ కోసం తాజాగా అబ్రాడ్‌కు వెళ్లారు. ఆయన చెన్నై విమానాశ్రయం నుంచి అబుదాబి వెళుతున్న వీడియో ఇప్పుడు సామాజిక మాధ్యమాల్లో వైరల్‌ అవుతోంది. కాగా మరో కొన్ని వారాలు అక్కడ గడిపిన తరువాత రజనీకాంత్‌ చెన్నైకి తిరిగి వస్తారని సమాచారం. சென்னை விமான நிலையத்திலிருந்து எதிஹாட் ஏர்வேஸ் விமானம் மூலம் அபுதாபி புறப்பட்டு சென்றார் நடிகர் ரஜினிகாந்த்...#Chennai | #Airport | #Actor | #Rajinikanth | #SuperStar | #AbuDhabi | #PolimerNews pic.twitter.com/j9JJvxcLlt— Polimer News (@polimernews) May 16, 2024

ముంబైలో అమితాబ్‌ బచ్చన్‌ను కలిశారు వేట్టయాన్‌. రజనీకాంత్‌ హీరోగా ‘జై భీమ్‌’ ఫేమ్‌ టీజే జ్ఞానవేల్‌ దర్శకత్వంలో రూపొందుతున్న సినిమా ‘వేట్టయాన్‌’ (వేటగాడు). అమితాబ్‌ బచ్చన్, ఫాహద్‌ ఫాజిల్, రానా ఇతర లీడ్‌ రోల్స్‌లో దుషారా విజయన్, మంజు వారియర్, రితికా సింగ్‌ కీలక పాత్రల్లో నటిస్తున్న చిత్రం ఇది. తాజాగా ‘వేట్టయాన్‌’ చిత్రీకరణ ముంబైలో ప్రారంభమైంది.రజనీకాంత్, అమితాబ్‌ బచ్చన్‌ పాల్గొంటుండగా కీలక సన్నివేశాలను చిత్రీకరిస్తున్నారు. గతంలో హైదరాబాద్‌లో జరిగిన ‘వేట్టయాన్‌’ షూటింగ్‌ షెడ్యూల్‌లో రజనీ, అమితాబ్‌ కాంబినేషన్‌ సీన్స్‌ తీశారు. ఇప్పుడు ముంబైలో వీరిద్దరి కాంబినేషన్‌ సీన్స్‌ను తీస్తున్నారు. బూటకపు ఎన్‌కౌంటర్స్‌ నేపథ్యంలో ఈ సినిమా ఉంటుందని టాక్‌.

కోలీవుడ్ స్టార్ హీరో రజనీకాంత్‌ నటిస్తున్న తాజా చిత్రం వేట్టైయాన్‌. ఈ చిత్రాన్ని జైభీమ్‌ చిత్రం పేమ్‌ జ్ఞానవేల్‌ దర్శకత్వంలో లైకా ప్రొడక్షన్స్‌ సంస్థ నిర్మిస్తోంది. ఈ చిత్రంలో రజినీకాంత్‌ మాజీ పోలీస్‌ అధికారిగా నటిస్తున్నట్లు సమాచారం. ఈ సినిమా తలైవా నటిస్తోన్న 170వ చిత్రం. ఈ మూవీ తర్వాత రజినీకాంత్‌ 171వ చిత్రంలో నటించనున్నారు. లోకేశ్‌ కనకరాజ్‌ దర్శకత్వం వహించనున్న ఈ చిత్రాన్ని సన్‌ పిక్చర్స్‌ సంస్థ నిర్మించనుంది.అయితే ఇంకా షూటింగ్‌ ప్రారంభం కానీ ఈ సినిమాపై అసత్య ప్రచారం ఎక్కువైందనే చెప్పాలి. ఈ చిత్ర ఫస్ట్‌లుక్‌ పోస్టర్, టైటిల్‌ ప్రకటన, టీజర్‌ను వరుసగా విడుదల చేయడంతో ఈ చిత్రానికి సంబంధించి ప్రచారం హోరెత్తుతోంది. దీంతో అంతకు ముందే ప్రారంభం అయిన రజనీకాంత్‌ నటిస్తున్న 170వ చిత్రం వేట్టైయాన్‌ చిత్రం మరుగున పడిందనే చెప్పాలి.కాగా.. తాజాగా వేట్టైయాన్‌ చిత్రానికి సంబంధించిన అప్‌డేట్‌ వెలువడింది. ఈ చిత్రం షూటింగ్‌ 100 రోజులు పూర్తి చేసుకున్నట్లు తెలుస్తోంది‌. గతేడాది అక్టోబర్‌ నెలలో ప్రారంభమైన ఈ చిత్ర షూటింగ్‌ చివరి దశకు చేరుకుందని.. ఈ ఏడాది అక్టోబర్‌లో చిత్రాన్ని తెరపైకి తీసుకురావడానికి సన్నాహాలు జరుగుతున్నట్లు లైకా సంస్థ నిర్వాహకులు ఎక్స్‌(ట్విటర్‌) ద్వారా వెల్లడించారు. దీంతో ఇకపై వేట్టైయాన్‌ చిత్ర ఆడియో, ట్రైలర్‌ విడుదల వంటి ప్రమోషన్‌ కార్యక్రమాలకు చిత్ర వర్గాలు రెడీ అవుతున్నట్లు సమాచారం.ఈ చిత్రంలో దుషారా విజయన్, అమితాబ్‌బచ్చన్, ఫాహత్‌ ఫాజిల్, రానా, మంజువారియర్, రితికాసింగ్‌ ముఖ్య పాత్రలు పోషిస్తున్నారు. 100 days of #Vettaiyan shooting 🔥🔥🔥🔥🔥🔥🔥🔥🔥#Jailer | #Rajinikanth | #superstar @rajinikanth | #Coolie | #VettaiyanFromOctober | #ThalaivarNirandharam | #SuperstarRajinikanth | #Hukum | #CoolieDisco | #Jailer2 | #ThalaivarNirandharam | #CoolieTitleTeaser pic.twitter.com/psri6cXUtQ— Suresh balaji (@surbalutwt) April 27, 2024

బాలీవుడ్‌ హిట్‌ ఫిల్మ్‌ ‘పింక్‌’లో అమితాబ్‌ బచ్చన్‌ లాయర్‌గా తన నటనతో ఆడియన్స్‌ను కట్టిపడేశారు. మరోసారి కోర్టులో అమితాబ్‌ బచ్చన్‌ మాట్లాడే పవర్‌ఫుల్‌ డైలాగ్స్‌ వినే అవకాశం ఉందని కోలీవుడ్‌ టాక్‌. రజనీకాంత్‌ హీరోగా రూపొందుతున్న ‘వేట్టయాన్‌’ చిత్రంలో లాయర్‌ పాత్రలో అమితాబ్‌ కనిపించనున్నారట. ‘జై భీమ్‌’ ఫేమ్‌ టీజే జ్ఞానవేల్‌ దర్శకత్వం వహిస్తున్న ఈ చిత్రంలో అమితాబ్‌ కీలక పాత్ర చేస్తున్న విషయం తెలిసిందే. అది లాయర్‌ పాత్ర అనే ప్రచారం జరుగుతోంది. రజనీ ఎన్‌కౌంటర్‌ స్పెషలిస్ట్‌ పాత్రలో కనిపిస్తారని, అమితాబ్‌ లాయర్‌గా కనిపిస్తారనీ భోగట్టా. ఈ సినిమా చిత్రీకరణ ప్రస్తుతం చెన్నైలోని ఓ స్టూడియోలో జరుగుతోందట. రజనీ ఇంట్రో సాంగ్‌ చిత్రీకరణ జరుగుతోందని సమాచారం.

దళపతి చిత్రం కాంబో రిపీట్ కానుందా? ఈ ప్రశ్నకు కోలీవుడ్ వర్గాల నుంచి అవుననే సమాధానమే వస్తోంది. మణిరత్నం దర్శకత్వంలో రజనీకాంత్, మమ్ము ట్టి, అరవిందస్వామి కలిసి నటించిన చిత్రం దళపతి. ఇందులో శోభన కథానాయకిగా నటించారు. 1988లో విడుదలైన ఈ చిత్రం ఘన విజయాన్ని సాధించింది. ఆ విషయం పక్కన పెడితే నటుడు రజనీకాంత్ ప్రస్తుతం వేటైయాన్ చిత్రాన్ని పూర్తి చేసే పనిలో ఉన్నారు. జై భీమ్ చిత్రం ఫేమ్ జ్ఞానవేల్ దర్శకత్వం వహిస్తున్న ఈ చిత్రాన్ని లైకా ప్రొడక్షన్ సంస్థ భారీ ఎత్తున నిర్మిస్తోంది. బాలీవుడ్ బిగ్ బీ అమితా బచ్చన్, యువ నటి దుషార విజయన్ తదితరులు ముఖ్యపాత్రలు పోషిస్తున్నారు. అనిరుద్ సంగీతాన్ని అందిస్తున్న ఈ చిత్రం షూటింగ్ చివరి దశకు చేరుకుంది. కాగా ఇటీవల విడుదల చేసిన చిత్ర ఫస్ట్ లుక్ పోస్టర్‌కు ప్రేక్షకుల నుంచి విశేష స్పందన వచ్చింది. కాగా చిత్రాన్ని అక్టోబర్‌లో విడుదల చేయనున్నట్లు యూనిట్ వర్గాలు అధికారికంగా ప్రకటించాయి. కాగా రజనీకాంత్ తన తదుపరి చిత్రానికి సిద్ధమవుతున్న విషయం తెలిసింది. దీనికి లోకేష్ కనకరాజ్ దర్శకత్వం వహించనున్నారు. సన్ పిక్చర్స్ సంస్థ నిర్మిస్తున్న ఈ చిత్రం ఫ్రీ ప్రొడక్షన్ కార్యక్రమాలు ఇప్పటికే జరుగుతున్నాయి. కాగా దీనికి 'కళుగు' అనే టైటిల్ నిర్ణయించినట్లు ప్రచారం జోరుగా సాగుతోంది. ఈ చిత్రం టైటిల్, టీజర్‌ను ఈ నెల 22వ తేదీన విడుదల చేయనున్నట్లు దర్శకుడు లోకేష్ ఇంతకుముందు చెప్పారు. కాగా ప్రస్తుతం ఈ చిత్రానికి సంబంధించిన టీజర్ షూటింగ్ నిర్వహిస్తున్నట్లు సమాచారం. ఇకపోతే ఇందులో రజనీకాంత్ సరసన సీనియర్ నటి, నృత్య కళాకారిణి శోభన నటించనున్నట్లు తాజాగా జరుగుతున్న ప్రచారం. వీరిద్దరు కలిసి నటించిన దళపతి చిత్రం 1988లో విడుదలైన విషయం గమనార్హం. ఆ చిత్రం సంచలన విజయం సాధించింది. కాగా 32 ఏళ్ల తర్వాత మళ్లీ ఈ జంట కలిసి నటించడానికి సిద్ధమవుతున్నట్లు టాక్ సామాజిక మాధ్యమాల్లో వైరల్ అవుతోంది. అయితే ఇందులో నిజమెంతా అన్నది తెలియాల్సి ఉంది.

అక్టోబర్‌లో థియేటర్స్‌కు వస్తున్నాడు ‘వేట్టయాన్ ’. రజనీకాంత్‌ హీరోగా ‘జై భీమ్‌’ ఫేమ్‌ టీజే జ్ఞానవేల్‌ దర్శకత్వంలో తెరకెక్కుతున్న మూవీ ‘వేట్టయాన్‌’. లైకా ప్రోడక్షన్స్ పై సుభాస్కరన్ , జీకేఎమ్‌ తమిళ కుమరన్‌ ఈ సినిమాను నిర్మిస్తున్నారు. తాజాగా ఈ చిత్రాన్ని ఈ ఏడాది అక్టోబరులో రిలీజ్‌ చేయనున్నట్లు ప్రకటించి, పోస్టర్‌ను విడుదల చేశారు మేకర్స్‌. బూటకపు ఎన్‌కౌంటర్స్‌ నేపథ్యంలో సాగే ఈ సినిమాలో రజనీకాంత్‌  ఓ పోలీసాఫీసర్‌ పాత్రలో నటిస్తున్నారు. అమితాబ్‌ బచ్చన్, ఫాహద్‌ ఫాజిల్, రానా దగ్గుబాటి, మంజు వారియర్, కిషోర్, రితికా సింగ్, దుషార విజయన్‌ ఇతర పాత్రల్లో నటిస్తున్న ‘వేట్టయాన్ ’ సినిమాకు అనిరుధ్‌ రవిచందర్‌ సంగీత దర్శకుడు.

హైదరాబాద్‌లో పని ముగించుకుని చెన్నైకు వెళ్లాడు వేటగాడు. హీరో రజనీకాంత్‌ టైటిల్‌ రోల్‌లో టీజే జ్ఞానవేల్‌ దర్శకత్వంలో రూపొందుతున్న సినిమా ‘వేట్టయాన్‌’ (వేటగాడు). ఈ చిత్రంలో అమితాబ్‌ బచ్చన్, రానా, ఫాహద్‌ ఫాజిల్, రితికా సింగ్, దుషారా విజయన్, మంజు వారియర్‌ కీలకపాత్రధారులు. ఇటీవల హైదరాబాద్‌లోప్రారంభమైన ‘వేట్టయాన్‌’ సినిమా షెడ్యూల్‌ ముగిసింది. రజనీకాంత్, అమితాబ్‌ బచ్చన్, రానా, రితికా సింగ్‌ ఈ షెడ్యూల్‌లో పాల్గొనగా కీలక సన్నివేశాల చిత్రీకరణ జరిగిందని తెలిసింది. ఓ యాక్షన్‌ సీక్వెన్స్, ఓపాటను కూడా చిత్రీకరించారని సమాచారం. బూటకపు ఎన్‌కౌంటర్స్‌ నేపథ్యంలో తెరకెక్కుతున్న ఈ చిత్రంలో రజనీకాంత్‌ పోలీసాఫీసర్‌ పాత్రలో కనిపిస్తారు. ఈ చిత్రం ఈ ఏడాదే విడుదలవుతుంది.

నటి దుషారా ఇప్పుడిప్పుడే కోలీవుడ్‌లో సత్తా చాటుతోంది. ఈమె చేసింది తక్కువ చిత్రాలే అయినా సినీ పరిశ్రమలో మంచి గుర్తింపు తెచ్చుకున్నారు. తమిళనాడు రాజకీయ కుటుంబం నుంచి సినీ రంగప్రవేశం చేసిన నటి దుషారా. పా.రంజిత్‌ దర్శకత్వంలో రూపొందిన సార్పట్టా పరంపరై చిత్రంలో మెప్పించిన విషయం తెలిసిందే. ఈ చిత్రంలో పల్లెటూరి యువతిగా చక్కని నటనను ప్రదర్శించి ప్రశంసలు పొందారు. ఆ తరువాత మళ్లీ పా.రంజిత్‌ దర్శకత్వంలో నక్షత్రం నగరగిదు చిత్రంలో నటించి మంచి మార్కులు కొట్టేశారు. ఆ తరువాత కరువేక్తి ముహుర్తం, వసంత పాళెం దర్శకత్వంలో చిత్రాలు చేశారు. తాజాగా ధనుష్‌ స్వీయ దర్శకత్వంలో కథానాయకుడిగా నటిస్తున్న ఆయన 50వ చిత్రంలో దుషారా నటిస్తున్నారు. అదే సమయంలో నటుడు రజనీకాంత్‌ కథానాయకుడిగా నటిస్తున్న వేట్టయ్యన్ చిత్రంలోని ప్రత్యేక పాటలో నటిస్తున్నట్లు తాజా సమాచారం. కాగా ఇప్పటి వరకు పక్కింటి అమ్మాయిగా కనిపించిన దుషారా ఇప్పుడు గ్లామర్‌కు గేట్లు ఎత్తివేయటం విశేషం. ఇటీవల ఈమె ప్రత్యేకంగా ఫొటో షూట్‌ నిర్వహించుకుని తీయించుకున్న గ్లామరస్‌ ఫొటోలను తాజాగా సామాజిక మాధ్యమాల్లో విడుదల చేశారు. అవి ఇప్పుడు నెట్టింట్లో వైరల్‌ అవుతున్నాయి. కాగా రజనీకాంత్‌ కథానాయకుడిగా నటిస్తున్న వేట్టయాన్‌ చిత్రంలో ఈ అమ్మడు ఐటెం సాంగ్‌లో నటిస్తున్నట్లు తెలిసింది. ఇంతకు ముందు పుష్ప చిత్రంలో సమంత నటించిన ఊ అంటావా మామా పాట జైలర్‌ చిత్రంలో తమన్నా నటించిన నువ్వు కావాలయ్యా పాట ఎంత పాపులర్‌ అయ్యాయో అంతకంటే ఎక్కువగా వేట్టైయాన్‌ చిత్రంలో దుషారా ఐటమ్‌ సాంగ్‌ పాపులర్‌ అవుతుందనే ప్రచారం ప్రస్తుతం కోలీవుడ్‌లో జోరందుకుంది. View this post on Instagram A post shared by Dushara Vijayan🧿 (@dushara_vijayan)


  తన తాజా చిత్రానికి వేట్టైయన్ అనే టైటిల్‌ను ఖాయం చేయలేదంటున్నారు నటుడు, నిర్మాత విశాల్. పాండియనాడు ఫేమ్ సుశీంద్రన్ దర్శకత్వంలో మరోసారి నటించనున్నారు. ఈ చిత్రాన్ని తన విశాల్ ఫిలిం ఫ్యాక్టరీ సంస్థ నిర్మిస్తుండగా సత్యం, వెడి చిత్రాల తరువాత మరోసారి పోలీసు అధికారిగా నటించడానికి విశాల్ రెడీ అవుతున్నారు. షూటింగ్ ఏప్రిల్‌లో ప్రారంభించి ఏకబిగువన పూర్తి చేయడానికి చిత్ర యూనిట్ ప్రణాళికను సిద్ధం చేస్తున్నట్లు సమాచారం. ఈ చిత్రానికి ఇంతకుముందు కావల్‌కోట్టం అనే టైటిల్‌ను నిర్ణయించినట్లు, తాజాగా వేట్టైయన్ పేరును పెట్టినట్లు ప్రచారం మొదలైంది. అయితే  చిత్రానికి ఇంతవరకు పేరే ఖరారు చేయలేదని నటుడు విశాల్ స్పష్టం చేశారు. అయితే వేట్టైయన్ టైటిల్‌ను చంద్రముఖి దర్శకుడు వి.వాసునే రిజిష్టర్ చేసినట్లు సమాచారం.