లోక్‌సభలో వాడీవేడిగా రాజ్యాంగంపై చర్చ.. అప్‌డేట్స్‌

న్యూఢిల్లీ, సాక్షి: లోక్‌సభలో రాజ్యాంగంపై చర్చ.. నేతల ప్రసంగాల నడుమ వాడీవేడిగా నడుస్తోంది. కేంద్ర రక్షణ శాఖ మంత్రి రాజ్‌నాథ్‌ సింగ్‌ చర్చను ప్రారంభించగా.. ఆ తర్వాత వివిధ పార్టీల సభ్యులు దానిని కొనసాగిస్తున్నారు. భారత రాజ్యాంగాన్ని ఆమోదించి 75 ఏళ్లు పూర్తవుతున్న సందర్భంగా ఈ ప్రత్యేక చర్చ నిర్వహిస్తున్నారు.

వేలమంది దేశాన్ని విడిచి వెళ్లిపోయారు: అఖిలేష్‌ యాదవ్‌

• ఎన్డీఏ పాలనలో వేలమంది దేశాన్ని విడిచి వెళ్లిపోయారు
• లోక్‌సభలో రాజ్యాంగంపై చర్చ సందర్భంగా మాట్లాడిన సమాజ్‌వాదీ పార్టీ అధినేత
• యూపీ అసెంబ్లీ ఎన్నికల్లో ప్రజలు ఓటు వేయకుండా పోలీసులు అడ్డుకున్నారని ఆరోపణ

• లోక్‌సభలో ప్రియాంక తొలి ప్రసంగం.. 
• విపక్షాల తరఫున చర్చను ఆరంభించిన ప్రియాంక
• లోక్‌సభలో ఎంపీగా తొలిసారి రాజ్యాంగ చర్చతోనే ప్రసంగం

‘‘ఎన్డీయే ఇంకా గతం తవ్వుతూనే ఉంది. కానీ, వర్తమానం గురించి ఎందుకు మాట్లాడడం లేదు. నెహ్రూ పేరును, ఆయన ప్రసంగాలను పుస్తకాల నుంచి తొలగించగలరేమో!. కానీ, స్వతంత్ర సమరంలో ఆయన కృషిని, జాతి నిర్మాణంలో ఆయన పాత్రను మాత్రం చెరిపేయలేరు. విమర్శలకు, చర్చలకు బీజేపీ భయపడుతోంది. దేశంలో కులగణన అవసరం. ఏదైనా అద్భుతం జరగాలిని రైతులు కోరుకుంటున్నారు. మహిళా కోటాను ఎన్డీయే ప్రభుత్వం ఎందుకు అమలు చేయలేకపోతోంది. ప్రజాప్రతినిధులను సంతలో పశువుల్లా బీజేపీ ప్రభుత్వం కొంటోంది. ఆ పార్టీలోకి వెళ్లిన వాళ్ల మీద ఉన్న అవినీతి మరకలను తొలగించే వాషింగ్‌ మెషిన్‌లా బీజేపీ మారిపోయింది. దర్యాప్తు సంస్థలను బూచిగా చూపించి ప్రజలను భయపెడుతోంది. విద్యావేత్తల నుంచి రాజకీయ నేతల దాకా.. తప్పుడు కేసులో అందరి నోళ్లు కట్టడి చేస్తోంది.  

• సామాజిక న్యాయం, సాధికారతకు రాజ్యాంగం రోడ్ మ్యాప్ లాంటిది
• సమాఖ్య వ్యవస్థను రాజ్యాంగం పటిష్టం చేసింది

:::రాజ్ నాథ్ సింగ్, కేంద్ర రక్షణ శాఖ మంత్రి

ఇవాళ, రేపు ఈ ప్రత్యేక చర్చ నడవనుంది.  ప్రతిపక్ష నేత రాహుల్‌ గాంధీ, మిగతా పార్టీల నేతలు ఈ చర్చలో భాగం కానున్నారు. రేపు ఆఖరిగా ప్రధాని మోదీ ప్రసంగంతో ఈ చర్చ ముగుస్తుంది.