5-8 తరగతుల విషయంలో కేంద్రం కీలక నిర్ణయం

ఢిల్లీ : కేంద్ర ప్రభుత్వ స్కూల్స్‌ విద్యా విధానంలో కేంద్రం కీలక మార్పులు చేసింది. సెంట్రల్ స్కూల్స్‌లో 5 నుంచి 8 తరగతులలో నో డిటెన్షన్‌ పాలసీని రద్దు చేస్తున్నట్లు అధికారంగా ప్రకటించింది.  

దీనర్ధం 5 -8 తరగతి విద్యార్థులు విద్యా సంవత్సరం చివరన నిర్వహించే యాన్యువల్ ఎగ్జామ్స్‌లో విద్యార్థులు తప్పని సరిగా ఉత్తీర్ణత సాధించాల్సి ఉంటుంది. ఫెయిలైన విద్యార్థులు మళ్లీ అదే తరగతిలో చేరాల్సి ఉంటుంది. ఇంతకు ముందు ఇలా లేదు. 5-8 విద్యార్థులు ఫైనల్‌ పరీక్షల్లో ఫెయిలైనా తర్వాత తరగతిలో చేరే అవకాశం ఉంది. 

𝐔𝐧𝐢𝐨𝐧 𝐄𝐝𝐮𝐜𝐚𝐭𝐢𝐨𝐧 𝐌𝐢𝐧𝐢𝐬𝐭𝐫𝐲 𝐚𝐛𝐨𝐥𝐢𝐬𝐡𝐞𝐬 𝐭𝐡𝐞 '𝐍𝐨 𝐃𝐞𝐭𝐞𝐧𝐭𝐢𝐨𝐧 𝐏𝐨𝐥𝐢𝐜𝐲':

Students in classes 5 and 8 who fail the annual exam can retake it within two months. If they fail again, they won't be promoted, but the school will not expel a… pic.twitter.com/AW4KRz8ch3

— All India Radio News (@airnewsalerts) December 23, 2024

సెంట్రల్స్‌ స్కూల్స్‌లో నో డిటెన్షన్‌ పాలసీలో మార్పులు చేసినట్లు కేంద్ర విద్యాశాఖకు చెందిన ఎడ్యుకేషన్‌ డిపార్ట్మెంట్ ఆఫ్ స్కూల్ ఎడ్యుకేషన్ అండ్ లిటరసీ సెక్రటరీ సంజయ్‌ కుమార్‌ ఎక్స్‌ వేదికగా అధికారికంగా వెల్లడించారు. 

‘ఒకసారి రాసిన యాన్యువల్‌ ఎగ్జామ్స్‌లో ఫెయిలైతే.. రెండు నెలల తర్వాత మరోసారి నిర్వహిస్తాం. ఆ పరీక్షలో పాస్‌ అవ్వాలి. లేదంటే తదుపరి తరగతికి ప్రమోట్‌ చేయడం సాధ్యపడదు.  విద్యార్థుల్లో నేర్చుకునే తత్వాన్ని మెరుగు పరచాలనే ఉద్దేశ్యంతో కేంద్ర ప్రభుత్వం ఈ నిర్ణయం తీసుకుంది’ అని తెలిపారు. కాగా, ఈ కొత్త నిబంధన కేంద్రీయ విద్యాలయాలు, నవోదయ విద్యాలయాలు, సైనిక్ పాఠశాలలతో సహా 3,000 పైగా కేంద్ర ప్రభుత్వ పాఠశాలలకు వర్తిస్తుంది.  

విద్యార్థులకు అదనపు తరగతులు 
నో-డిటెన్షన్ విధానాన్ని రద్దు చేయడంపై వెనుకబడిన విద్యార్థులపై ప్రత్యేక దృష్టి సారిస్తామన్నారు. వారికోసం అదనపు తరగతులు లేదా, ప్రత్యేక శిక్షణ వంటి కార్యక్రమాలను నిర్వహిస్తామని సంజయ్‌ కుమార్‌ తెలిపారు.  తల్లిదండ్రుల్లో ఆందోళన నెలకొంది.