మెట్రోస్టేషన్‌ను ప్రారంభించిన మోదీ.. నాలుగు రోజుల్లోనే వరదలమయం!

బెంగళూరు: బీజేపీ పాలిత కర్ణాటకలో ప్రధాని నరేంద్ర మోదీ గత వారం ప్రారంభించిన మెట్రో స్టేషన్‌ను వరదలు ముంచెత్తాయి. కనీసం జాగ్రత్తలు కూడా తీసుకోకుండా ప్రాజెక్ట్‌ పనులు ఎలా పూర్తి చేశారంటూ మెట్రో ప్రయాణికులు ప్రభుత్వ తీరుపై మండిపతున్నారు. బెంగళూరులో రెండో దశలో భాగంగా వైట్‌ఫీల్డ్ (కడుగోడి) నుంచి కృష్ణరాజపురం వరకు పూర్తైన కొత్త మెట్రో లైన్‌ను శనివారం ప్రధాని ప్రారంభించారు. 13.71 కిలోమీటర్ల మేర ఉన్న ఈ మెట్రో రైలు ప్రాజెక్ట్‌ను రూ.4,249 కోట్ల వ్యయంతో నిర్మించారు.

బెంగళూరులో కురిసిన వర్షం కారణంగా నల్లూర్‌హళ్లి మెట్రో స్టేషన్‌లో నీరు నిలిచిపోయింది. ప్లాట్‌ఫాం, టికెట్‌ కౌంటర్ దగ్గర భారీగా వర్షం నీరు చేరింది. ఈ నేపథ్యంలో ప్రయాణికులు ఇబ్బంది పడ్డారు. ప్రస్తుతం దీనికి సంబంధించిన ఫోటోలు నెట్టింట వైరల్‌గా మారాయి. దీనిపై నెటిజన్లు స్పందిస్తూ.. చిన్న వర్షానికే ఆ మెట్రో స్టేషన్‌లో వర్షం నీరు నిలిచిపోతే ఇక వర్షాకాలంలో పరిస్థితి ఇంకేంత దారుణంగా ఉంటుందని అని ప్రశ్నించారు. 

మంగళవారం సాయంత్రం కురిసిన వర్షంతో బెంగళూరులో విమాన సర్వీసులు, ట్రాఫిక్‌ స్తంభించిపోయాయి. కెంపేగౌడ అంతర్జాతీయ విమానాశ్రయం ఉన్న నగర శివార్లలో భారీ నీటి ఎద్దడి కారణంగా 14 విమానాలు దారి మళ్లించడంతో పాటు అనేక ఇతర విమానాలు ఆలస్యమయ్యాయి.

Inside the brand new Nallurhalli Metro station.

Water on the platform as well near the ticketing counter.

One light rain, and water has seeped inside fully. What will happen in rainy season?

Was incomplete metro innaugrated only for PM to get 2 mins of headlines? pic.twitter.com/T10qxWKnFN

— Kamran (@CitizenKamran) April 5, 2023