వీడియో: ప్రాంక్‌ వీడియోలు తీస్తున్నారా? తస్మాత్‌ జాగ్రత్త.. ఇలా కూడా జరగొచ్చు!

సరదా చేష్టలు చేసి.. వాటిని ప్రాంక్‌ వీడియోలుగా ప్రమోట్‌ చేసుకుని ఫాలోవర్స్‌ను పెంచుకుంటారు కొందరు. అయితే అలాంటి వీడియోలు చేసేప్పుడు జాగ్రత్తగా ఉండాలని ఇక్కడో ఘటన చెబుతోంది. కలిసి పని చేసే మహిళపై ప్రాంక్‌ వీడియో చేద్దామని ప్రయత్నించిన ఓ వ్యక్తి.. ఏకంగా ఆమె ప్రాణం పోయేందుకు కారణం అయ్యాడు. 

ముంబైకి 30 కిలోమీటర్ల దూరంలోని డోంబివాలిలోని గ్లోబ్ స్టేట్ భవనంలో ఓ మహిళ అనూహ్య రీతిలో ప్రాణాలు పొగొట్టుకుంది. కొలీగ్స్‌ ఆమెపై ప్రాంక్‌ వీడియో తీద్దామని ప్రయత్నిస్తుండగా.. మూడో అంతస్తు నుంచి పడి మృతి చెందింది. స్థానికుల సమాచారంతో ఘటనా స్థలానికి చేరుకున్న పోలీసులు మృతురాలు నాగినా దేవి మంజీరామ్‌గా గుర్తించారు.  

Woman falls off third floor of a complex in Maharashtra's Dombivli. 

This happened while the woman was with her friends. Another of her friends was saved by bystanders.

The woman was identified as Gudiya Devi, who worked as a cleaner in the building. She is survived by a son… pic.twitter.com/tfKpjHFn4U

— Vani Mehrotra (@vani_mehrotra) July 17, 2024

ప్రమాదం ఎలా జరిగిందో తెలుసుకునేందుకు  పోలీసులు బిల్డింగ్‌లోని సీసీటీవీ పుటేజీని పరిశీలించారు. అందులో రికార్డయిన వీడియోల ఆధారంగా ప్రాంక్‌ చేస్తుండగా జరిగిన ప్రమాదమని పోలీసులు ఒక అంచానికి వచ్చారు. కేసు నమోదు చేసుకున్న పోలీసులు దర్యాప్తు  ప్రారంభించారు.  

ప్రాథమిక విచారణ ప్రకారం, భవనంలోని మూడవ అంతస్తులో బాధితురాలు తన స్నేహితులతో కలిసి ఉన్న సమయంలో ఈ ప్రమాదం జరిగింది. దేవితో పాటు మరొకరు సైతం బిల్డింగ్‌పై నుంచి కిందపడబోతుండగా.. పక్కనే ఉన్న వారు పట్టుకొని పైకి లాగడంతో ప్రమాదం నుంచి బయట పడ్డారు.  కాగా, ఆ భవనంలో నాగినా దేవి సెక్యూరిటీగా పనిచేస్తున్నట్లు తెలిపింది.  మరణంతో ఆమె కుమార్తె, కుమారుడు కన్నీరుమున్నీరుగా విలపిస్తున్నారు.