ఇంగ్లండ్‌ను గెలిపించిన జూడ్‌ బెలింగమ్‌

‘యూరో’ కప్‌ ఫుట్‌బాల్‌ టోర్నీలో ఇంగ్లండ్‌ జట్టు శుభారంభం చేసింది. జర్మనీలోని గెల్‌సెన్‌కిర్చెన్‌ పట్టణంలో సోమవారం జరిగిన గ్రూప్‌ ‘సి’ మ్యాచ్‌లో ఇంగ్లండ్‌ 1–0 గోల్‌ తేడాతో సెర్బియాపై నెగ్గింది. ఆట 13వ నిమిషంలో జూడ్‌ బెలింగమ్‌ ఇంగ్లండ్‌కు గోల్‌ అందించాడు. మరోవైపు రొమేనియా జట్టు 24 ఏళ్ల తర్వాత ‘యూరో’ టోరీ్నలో తొలి విజయం అందుకుంది. మ్యూనిక్‌లో జరిగిన గ్రూప్‌ ‘ఇ’ మ్యాచ్‌లో రొమేనియా 3–0తో ఉక్రెయిన్‌పై గెలిచింది. ఫ్రాంక్‌ఫర్ట్‌లో జరిగిన గ్రూప్‌ ‘ఇ’ మరో మ్యాచ్‌లో స్లొవేకియా 1–0తో ప్రపంచ మూడో ర్యాంకర్‌ బెల్జియంను బోల్తా కొట్టించింది.