NZ vs SA: ప్రొటిస్‌ పేసర్ల దెబ్బ.. న్యూజిలాండ్‌ తడబాటు 

క్రైస్ట్‌చర్చ్‌: దక్షిణాఫ్రికా పేస్‌ బౌలర్లు కగిసో రబడ (3/37), మార్కో జాన్సెన్‌ (2/48) ధాటికి రెండో టెస్టులో న్యూజిలాండ్‌ తడబడింది. రెండో రోజు ఆట ముగిసే సమయానికి న్యూజిలాండ్‌ తొలి ఇన్నింగ్స్‌లో 5 వికెట్లు కోల్పోయి 157 పరుగులు చేసింది. దక్షిణాఫ్రికా స్కోరుకు కివీస్‌ 207 పరుగులు వెనుకబడి ఉంది. ప్రస్తుతం గ్రాండ్‌హోమ్‌ (54 బ్యాటింగ్‌; 7 ఫోర్లు, 2 సిక్స్‌లు), మిచెల్‌ (29 బ్యాటింగ్‌; 4 ఫోర్లు) క్రీజులో ఉన్నారు. అంతకుముందు ఓవర్‌నైట్‌ స్కోరు 238/3తో తొలి ఇన్నింగ్స్‌ కొనసాగించిన దక్షిణాఫ్రికా133 ఓవర్లలో 364 పరుగులకు ఆలౌటైంది. కివీస్‌ బౌలర్లలో నీల్‌ వాగ్నర్‌ నాలుగు, హెన్రీ మూడు వికెట్లు తీశారు.