ఫైనల్లో యూకీ బాంబ్రీ జోడీ

చెంగ్డూ (చైనా): భారత డబుల్స్‌ స్టార్‌ ప్లేయర్‌ యూకీ బాంబ్రీ ఈ ఏడాది మూడో టైటిల్‌ సాధించేందుకు విజయం దూరంలో నిలిచాడు. చెంగ్డూ ఓపెన్‌ ఏటీపీ–250 టెన్నిస్‌ టోర్నీలో యూకీ బాంబ్రీ (భారత్‌)–అల్బానో ఒలివెట్టి (ఫ్రాన్స్‌) జోడీ ఫైనల్లోకి దూసుకెళ్లింది. 

సోమవారం జరిగిన పురుషుల డబుల్స్‌ సెమీఫైనల్లో యూకీ–ఒలివెట్టి ద్వయం 6–3, 7–6 (11/9)తో రెండో సీడ్‌ ఇవాన్‌ డోడిగ్‌ (క్రొయేషియా)–రాఫెల్‌ మాటోస్‌ (బ్రెజిల్‌) జంటను ఓడించింది. నేడు జరిగే ఫైనల్లో సాడియో డుంబియా–ఫాబియన్‌ రెబూల్‌ (ఫ్రాన్స్‌)లతో యూకీ–ఒలివెట్టి తలపడతారు. ఈ ఏడాది యూకీ తన భాగస్వామి ఒలివెట్టితో కలిసి జిస్టాడ్‌ ఓపెన్, మ్యూనిక్‌ ఓపెన్‌ టోరీ్నల్లో టైటిల్స్‌ సాధించాడు.