TV
సాక్షి, హైదరాబాద్‌: తెలంగాణ రాష్ట్ర గ‌వ‌ర్న‌ర్‌గా సీపీ రాధాకృష్ణన్ నియామ‌క‌మైన సంగ‌తి తెలిసిందే. ప్రస్తుతం జార్ఖండ్ గ‌వ‌ర్న‌ర్‌గా ఉన్న రాధాకృష్ణన్.. తెలంగాణతో పాటు పుదుచ్చేరి లెఫ్టినెంట్‌ గవర్నర్‌గానూ అదనపు బాధ్యతలు చేపట్టనున్నారు. ఈ క్ర‌మంలో మంగళవారం రాత్రికి రాధాకృష్ణన్ హైద‌రాబాద్‌కు చేరుకోనున్నారు. తెలంగాణ గ‌వ‌ర్న‌ర్‌గా సీపీ రాధాకృష్ణన్ బుధ‌వారం ఉద‌యం 11:15 గంట‌ల‌కు రాజ్‌భవన్‌లో ప్ర‌మాణ‌స్వీకారం చేయ‌నున్నారు. హైకోర్టు ప్ర‌ధాన న్యాయ‌మూర్తి రాధాకృష్ణన్‌తో ప్ర‌మాణ స్వీకారం చేయించ‌నున్నారు.
కాగా త‌మిళిసై గ‌వ‌ర్న‌ర్ ప‌ద‌వికి రాజీనామా చేయ‌డంతో ఆ బాధ్య‌త‌ల‌ను రాధాకృష్ణ‌న్‌కు అప్ప‌గించిన‌ట్లు రాష్ట్ర‌ప‌తి భ‌వ‌న్ మంగళవారం ఓ ప్ర‌క‌ట‌న‌లో తెలిపింది. తెలంగాణ గ‌వ‌ర్న‌ర్ త‌మిళిసై రాజీనామాను రాష్ట్ర‌ప‌తి ద్రౌప‌ది ముర్ము ఆమోదించారు. పూర్తి స్థాయి గ‌వ‌ర్న‌ర్ల‌ను నియ‌మించే వర‌కు తెలంగాణ, పుదుచ్చేరి బాధ్య‌త‌ల‌ను నిర్వ‌ర్తించాల‌ని రాధాకృష్ణ‌న్‌ను కోరుతూ రాష్ట్ర‌ప‌తి భ‌వ‌న్ ఓ లేఖ విడుదల చేసింది.
Comments
Please login to add a commentAdd a comment