లైవ్‌లో హారికా నారాయణ్‌ స్వరాలు..

ప్రముఖ ప్లేబ్యాక్‌ సింగర్‌ హారికా నారాయణ్‌ తన స్వరాలతో సంగీత ప్రియులను హోరెత్తించనున్నారు. నగరంలోని ఓడియం ప్రిజమ్‌ వేదికగా ఈ నెల 6న నిర్వహించనున్న లైవ్‌ మ్యూజిక్‌ కన్సర్ట్‌లో హారికా విభిన్న పాటలతో అలరించనుంది. హారిక ఆర్‌ఆర్‌ఆర్‌ సినిమాతో 
సింగర్‌గా మరింత క్రేజ్‌ సంపాదించుకున్న విషయం విధితమే. నగరంలో మొదటిసారి లైవ్‌ ఈవెంట్‌లో పాడనుండడంతో సంతోషాన్ని వ్యక్తం చేశారు. ఈ లైవ్‌ కన్సర్ట్‌లో సంగీత ప్రియులకు ఆÔ్చర్యాన్ని కలిగించే అంశాలు ఉన్నట్లు తెలిపారు.శనివారం రాత్రి 8 గంటల నుంచి ఈ కార్యక్రమం కొనసాగనుంది. ఈ ఈవెంట్‌కు సంబంధించిన టిక్కెట్లు బుక్‌ మై షోలో అందుబాటులో ఉంటాయని నిర్వాహకులు పేర్కొన్నారు.