ఆడపిల్లలు ఉన్నతంగా రాణించాలి

ఆడపిల్లలు ఉన్నతంగా రాణించాలి

తాండూరు రూరల్‌: ఆడపిల్లలు సైతం అన్నిరంగాల్లో రాణించాలని కేజీబీవీ ప్రత్యేకాధికారి ఆశాలత అన్నారు. మంగళవారం మండల పరిధిలోని జినుగుర్తి గేట్‌ వద్ద ఉన్న కేజీబీవీ హాస్టల్లో ‘బేటీ బచావో– బేటీ పడావో’దశాబ్ది ఉత్సవాల సందర్భంగా విద్యార్థినులకు ఆటల పోటీలు నిర్వహించారు. ఈ సందర్భంగా ఆశాలత మాట్లాడుతూ.. ప్రస్తుతం మహిళలు అన్నిరంగాల్లో రాణిస్తున్నారని.. పైలెట్లుగా, నౌకాదళాల్లోనూ ఉద్యోగాలు సాధిస్తున్నారని చెప్పారు. తల్లిదండ్రులు ఆడపిల్లలను ఉన్నతంగా చదివించాలని సూచించారు. అనంతరం పెద్దేముల్‌, తాండూరు, యాలాల, బషీరాబాద్‌ కేజీబీవీ జట్లు కబడ్డీ, ఖోఖో పోటీల్లో తలపడ్డాయి. ఈ పోటీల్లో యాలాల ప్రథమ స్థానం సాధించగా, పెద్దేముల్‌ జట్టు ద్వితీయ స్థానంలో నిలిచింది. ఈ కార్యక్రమంలో మహిళ సాధికారిత కేంద్ర అధికారులు వరలక్ష్మి, రాందాస్‌, ప్రత్యేకాధికారులు రాజేశ్వరి, మంగమ్మ, పీడీలు అనంత య్య, బుగ్గప్ప, రాము, పీఈటీ వసుంధర, గోపిక, రజిత, శ్రీలత, బాలమణి, నందు పాల్గొన్నారు.

కేజీబీవీ ప్రత్యేకాధికారి ఆశాలత