క్రికెట్‌లో విన్నింగ్‌ షాట్‌ అంటేనే అభిమానులకు ప్రత్యేకం. ఇక ఆ షాట్‌ ధోనిదైతే మరింత ఆనందం. 2011 ప్రపంచకప్‌ విన్నింగ్‌ షాట్‌ అయితే ప్రతి క్రికెట్‌ అభిమాని మదిలో నిలిచిపోయింది.ఇప్పటికే ఎన్నో మ్యాచ్‌ల్లో విన్నింగ్‌ షాట్‌లతో భారత్‌ను గెలిపించిన ధోని తాజా భారత్‌-శ్రీలంక మధ్య జరిగిన చివరి టీ20 మ్యాచ్‌లో మరోసారి విన్నింగ్‌ షాట్‌తో మెరిసాడు. ఈ విన్నింగ్‌ షాట్‌ వీడియోను బీసీసీఐ ట్వీట్‌ చేయగా తెగ వైరల్‌ అయింది. పోస్ట్‌ చేసిన కొద్ది గంటల్లోనే 31 వేలకు పైగా వ్యూస్‌, ఏడువేల లైక్‌లు వచ్చాయి.