ఫీట్‌గా మారిన బాటిల్‌ క్యాప్‌ చాలెంజ్‌

టెన్‌ ఇయర్స్‌ చాలెంజ్‌.. మరువక ముందే మరో చాలెంజ్‌ సోషల్‌ మీడియాలో హలచల్‌ చేస్తోంది. ఈ చాలెంజ్‌ అందరికి ఓ ఫీట్‌లా మారింది. అదే ‘బాటిల్‌ క్యాప్‌ చాలెంజ్‌’.. ఈ చాలెంజ్‌ను సెలబ్రిటీలు ప్రయత్నించి సఫలం అయ్యారు. కాగా చాలా మంది ఈ చాలెంజ్‌కు ప్రయత్నం​ చేస్తూ.. బాటిల్‌ క్యాప్‌ కిందపడకుండ .. వాళ్లు కిందిపడి భంగ పడుతున్నారు. ఈ వీడియోలు కూడా సోషల్‌ మీడియాల వైరల్‌గా మరుతున్నాయి.

ఈ చాలెంజ్‌ ఏమిటంటే.. ఒక బాటిల్‌పై దాని క్యాప్‌ వదులుగా బిగించి ఓ చోట కదలకుండా నిల్చోబెట్టాలి. తర్వాత దానికి కొంచం దూరం నుంచి కాలుతో కిక్(తన్నడం) చేస్తే ఆ క్యాప్‌ గిరగిరా తిరిగి కింద పడాలి. బాటిల్‌ కింద పడటం గాని , కాలు కదిలే దిశ మారటం గాని జరగకూడదు. ఈ చాలెంజ్‌ను బాలీవుడ్‌ నటుడు అక్షయ్ కుమార్, హాలీవుడ్ నట దిగ్గజం జాసన్ స్టాథమ్,అమెరికా గాయకుడు జాన్ మేయర్‌లు విజయవంతంగా బాటిల్‌ క్యాప్‌ను ఒకే కిక్‌తో​ తీశారు.