సర్వం సిద్ధం

 ఏలూరు సిటీ, న్యూస్‌లైన్ : ఇంటర్మీడియెట్ పరీక్షలు బుధవారం నుంచి ప్రారంభం కానున్నాయి. జిల్లాలోని 103 కేంద్రాల్లో ప్రథమ, ద్వితీయ సంవత్సరాలకు చెందిన 68,716 మంది జనరల్, ఒకేషనల్ విద్యార్థులు పరీక్షలకు హాజరుకానున్నారని ఇంటర్మీడియెట్ విద్యామండలి ప్రాంతీయ పర్యవేక్షణాధికారి బి.వెంకటేశ్వరరావు చెప్పారు. గతేడాది కంటే ఈసారి పది పరీక్షా కేంద్రాలను తగ్గించామన్నారు. ఈ ఏడాది తొలిసారిగా ఒక్కనిమిషం ఆలస్యమైనా నో ఎంట్రీ విధానాన్ని అమలుచేయనున్నట్టు చెప్పారు. ఉదయం 9 గంటల నుంచి 12 గంటల వరకు పరీక్షలు జరుగుతాయని, 9 గంటల తర్వాత ఒక్కనిమిషం ఆలసమైనా కేంద్రాల్లోకి అనుమతించమని తెలిపారు.