TV
అభివృద్ధిని అడ్డుకుంటున్నారు... అసెంబ్లీలో నిలదీస్తా
విజయనగరం: తన నియోజకవర్గంలో అభివృద్ధిని జిల్లాకు చెందిన నేతలు అడ్డుకుంటున్నారని సాలూరు ఎమ్మెల్యే, వైఎస్ఆర్ కాంగ్రెస్ పార్టీ ఎమ్మెల్యే రాజన్నదొర ఆరోపించారు. శుక్రవారం విజయనగరంలో రాజన్నదొర విలేకర్లతో మాట్లాడుతూ... ఓ వైపు అభివృద్ది జరగాలని ప్రకటన సాక్షాత్తూ సీఎం చంద్రబాబు ప్రకటనల ద్వారా చెబుతుంటే... మరో వైపు జిల్లాకు చెందిన మంత్రి, జిల్లా పరిషత్ ఛైర్మన్, స్థానిక నేతలు అడ్డుకోవడం శోచనీయమని ఆయన ఆవేదన వ్యక్తం చేశారు. ఈ అంశంపై సీఎం, స్పీకర్కు లేఖ రాస్తానని రాజన్న దొర స్పష్టం చేశారు. అలాగే ఇదే అంశంపై అసెంబ్లీలో అధికార పక్షాన్ని నిలదీస్తానని రాజన్న దొర చెప్పారు.
