అల్కాటెల్‌ 3వీ స్మార్ట్‌ఫోన్‌, బడ్జెట్‌ ధర, ఫీచర్లు అదుర్స్‌ 

సాక్షి, న్యూఢిల్లీ: స్మార్ట్‌ఫోన్‌ మార్కెట్‌లో చైనా కంపెనీల హవా కొనసాగుతోంది. ఇప్పటికే షావోమి, వివో, లెనోవా లాంటి కంపెనీలు ఆకట్టుకునే స్మార్ట్‌ఫోన్‌లతో కస్టమర్లను కట్టిపడేస్తున్నాయి. తాజాగా  ప్రస్తుత ట్రెండ్‌కు అనుగుణంగా అల్కాటెల్‌ అద్భుత ఫీచర్లతో కొత్త స్మార్ట్‌ఫోన్‌ అందుబాటులోకి తెచ్చింది. 'అల్కాటెల్ 3వి'  పేరుతో  తాజా డివైస్‌ను మంగళవారం  విడుద‌ల చేసింది. ముఖ్యంగా  రూ.9,999 ధ‌ర‌లో  ఈ నెల 31వ తేదీ నుంచి వినియోగ‌దారుల‌కు ఫ్లిప్‌కార్ట్ సైట్ నుంచి ప్ర‌త్యేకంగా ల‌భ్యం కానుంది. ఫేస్ అన్‌లాక్‌ ఫీచర్‌కూడా ఈ స్మార్ట్‌ఫోన్‌లో పొందుపర్చింది.  అంతేకాదు ఫోన్‌ను కొనుగోలుపై  క్యాష్‌ బ్యాక్‌ ఆఫ‌ర్‌,  ఇతర ఆఫర్లను అందిస్తోంది.  జియో క‌స్ట‌మ‌ర్ల‌కు ఈ ఫోన్‌పై రూ.2200, రూ.3700 ల క్యాష్‌బ్యాక్‌ సదుపాయాన్ని కల్పిస్తోంది.  దీంతోపాటు  వెయ్యి రూపాయలు, రూ.500 విలువ చేసే మింత్రా, క్లియ‌ర్ ట్రిప్  గిఫ్ట్ ఓచ‌ర్ల‌ను అందిస్తారు. దీంతోపాటు నో కాస్ట్ ఈఎంఐ, ఎక్స్‌ఛేంజ్ స‌దుపాయం కూడా లభ్యం.

ప్రీమియం బ్రాండ్‌లో  కసమర్లు ఆశించే ఫేస్ అన్‌లాక్‌ సహా అన్ని ఫీచర్లతో తాజా స్మార్ట్‌ఫోన్‌ను లాంచ్‌ చేశామని భారత్‌లో అల్కాటెల్ పరికరాలను విక్రయిస్తున్న చైనాకు చెందిన టిసిఎల్ కమ్యూనికేషన్ రీజనల్‌ డైరెక్టర్‌  ప్రవీణ్ వలేచా   తెలిపారు. 

అల్కాటెల్ 3వి ఫీచ‌ర్లు
6 ఇంచ్ ఫుల్ హెచ్‌డీ ప్ల‌స్ ఫుల్‌ వ్యూ డిస్‌ప్లే
2160x1080 పిక్స‌ల్స్ స్క్రీన్ రిజ‌ల్యూష‌న్
ఆండ్రాయిడ్ 8.0 ఓరియో
1.45 గిగాహెడ్జ్ క్వాడ్‌కోర్ ప్రాసెస‌ర్‌
3 జీబీ ర్యామ్‌, 32 జీబీ స్టోరేజ్‌
128 జీబీ ఎక్స్‌పాండ‌బుల్ స్టోరేజ్‌
16+5 ఎంపీ  డ్యుయ‌ల్  రియర్‌ కెమెరాలు
8 ఎంపీ సెల్ఫీ కెమెరా విత్‌ ఎల్‌ఈడీ ఫ్లాష్‌ 
3000 ఎంఏహెచ్ బ్యాట‌రీ