TV
పెట్టుబడుల హవా కొనసాగిస్తున్న నందన్ నీలేకని
బెంగళూరు: ఇన్ఫోసిస్ సహ వ్యవస్థాపకుడు, బిలియనీర్ నందన్ నీలేకని తన పెట్టుబడుల హవాను కొనసాగిస్తున్నారు. వివిధ స్టార్టప్ కంపెనీలు సహా, రైల్ నీల్ లో ఇటీవల కోట్ల రూపాయల పెట్టుబడులను ప్రకటించిన ఆయన తాజాగా బెంగళూరుకు చెందిన ప్రముఖ ఐ కేర్‌ సంస్థ' దృష్టి' లో పెట్టుబడులు పెడుతున్నట్టు వెల్లడించారు. దీని ద్వారా దృష్టి సంస్థ అభివృద్ధితోపాటు, ప్రజలకు మెరుగైన కంటి చికిత్సను ప్రజలకు అందుబాటులోకి తేవడం ప్రధాన ఉద్దేశమన్నారు. అయితే పెట్టిన పెట్టుబడి మొత్తం ఎంత అనేది మాత్రం వెల్లడించలేదు.
ఈ పెట్టుబడులుద్వారా తమ సర్వీసులను మరింత మెరుగుపర్చనున్నట్టు 'దృష్టి' సీఈవో కిరణ ఆనందంపిళ్లై తెలిపారు. ఈ ఫండ్స్ తో కర్ణాటకలోని వివిధ జిల్లాల్లో దృష్టి సేవలను విస్తరించనున్నట్టు చెప్పారు. తన పెట్టుబడుల విషయంలో చాలా సెలెక్టివ్ గా ఉంటానని, ముఖ్యంగా సామాజిక సమస్యలు పరిష్కరించడానికి ఆసక్తి చూపిస్తున్న సంస్థలనే ఎంచుకుంటానని నీలేకని తెలిపారు.
కాగా ఈ సంవత్సరం ప్రారంభంలోముంబై ఆధారిత కంపెనీ సెడేమ్యాక్ మెకట్రానిక్స్ 50 కోట్లు పెట్టుబడి పెట్టారు. అనంతరం రైల్వే ప్రయాణ సమాచార అప్లికేషన్ (యాప్), వెబ్‌-సైట్ రైల్ యాత్రి.ఇన్‌-లో కూడా పెట్టుబడులు పెట్టిన సంగతితెలిసిందే. మరోవైపు ఈ మధ్యకాలంలో నీలేకని పెట్టుబడుల్లో ఇదే అత్యంత పెద్ద మొత్తమని తెలుస్తోంది.
