అమెజాన్‌కి కౌంటర్‌: ఫ్లిప్‌కార్ట్‌ బొనాంజా సేల్‌

సాక్షి, ముంబై:  ఆన్‌లైన్‌ రీటైల్‌ దిగ్గజాలు వరుస ఆఫర్లతో  స్మార్ట్‌ఫోన్‌ ప్రేమికులకు ఆకట్టుకుంటున్నాయి. అమెజాన్‌ ఫ్యాబ్‌ ఫోన్‌ ఫెస్ట్‌ సేల్‌ను ప్రకటించిన సంగతి తెలిసిందే. తాజాగా మరో దిగ్గజం ఫ్లిప్‌కార్ట్‌ మొబైల్‌ బొనాంజా సేల్‌ -2019ను  సోమవారం  ప్రకటించింది.  మార్చి 28వరకు వరుసగా నాలుగురోజులపాటు ఈ సేల్‌ ఉంటుంది.   నో కాస్ట్‌  ఈఎంఐ, క్యాష్‌బ్యాక్స్‌ లను వినియోగదారులకు ఆఫర్‌ చేస్తోంది.  దీంతోపాటు  యాక్సిస్‌ బ్యాంకు డెబిట్‌, క్రెడిట్‌ కార్డులపై  5 శాతం  అదనపు డిస్కౌంట్‌ను  కూడా ఇవ్వనుంది.

ముఖ్యంగా షావోమి రెడ్‌మి నో 6 ప్రొ, రెడ్‌మి 6 , పోకో ఎఫ్‌ 1 లను తక్కువ ధరకే అందిస్తోంది.  అలాగే రియల్‌మి స్మార్ట్‌ఫోన్లపై కూడా భారీ డిస్కౌంట్లను అందిస్తోంది. ఇంకా శాంసంగ్‌  గెలాక్సీ ఎ30, గెలాక్సీ ఏ 50, గెలాక్సీ ఏ 10, తోపాటు హానర్‌ 9 లైట్‌, హానర్‌ 9ఎన్‌, హానర్‌ 10   లైట్‌   స్మార్ట్‌ఫోన్లు  ఫ్లిప్‌కార్ట్‌ తాజా మొబైల్‌ మొనాంజా సేల్‌ 2019లో లిస్ట్‌ అయి వుండటం విశేషం.