భారీగా పడిపోయిన మార్కెట్లు

ముంబై : స్టాక్‌ మార్కెట్లు ప్రారంభమైన కొద్ది సేపట్లోనే భారీగా పడిపోయాయి. నిఫ్టీ తన అత్యంత కీలకమైన మార్కు 10వేల కిందకి దిగజారింది. గత కొన్ని రోజులుగా 10వేల మార్కుకు పైన ట్రేడవుతూ వస్తున్న నిఫ్టీ, ఆ స్థానాన్ని కోల్పోయింది. ప్రస్తుతం 88.85 పాయింట్ల నష్టంలో 9,968 వద్ద ట్రేడవుతోంది. సెన్సెక్స్‌ కూడా 283 పాయింట్ల మేర పతనమైంది. అన్ని రియాల్టీ స్టాక్స్‌ మార్కెట్‌లో నష్టాల్లోనే ట్రేడవుతున్నాయి. ఫైనాన్సియల్‌ స్టాక్స్‌ కూడా భారీగా పతనమవుతున్నాయి. నిఫ్టీ బ్యాంకు, మిడ్‌ క్యాప్‌ ఇండెక్స్‌లు 1 శాతం మేర పడిపోయాయి. ఐటీసీ, ఎస్‌బీఐ, రిలయన్స్‌ షేర్లు నిఫ్టీ ట్రేడింగ్‌లో భారీగా నష్టాలు పాలవుతున్నాయి.